Գյուղատնտեսը դիմել է գլխավոր դատախազին. պահանջում է բացահայտել ապօրինությունը

Արմավիրի մարզի Ակնաշեն գյուղական համայնքի բնակիչ Սպարտակ Ավագյանը մի քանի տարի է ինչ փաստի առաջ է կանգնել: Նրա խոսքով՝ Ակնաշենի գյուղապետ Միսակ Միսակյանն իր ընտանիքին պատկանող տնամերձ հողակտորներից մեկի հարակից տարածքը, որը համայնքային նշանակության հողակտոր է եղել, վաճառել է հարեւան գյուղերից մեկի բնակիչ՝ Նվեր Հարությունյանին, որն էլ իր հերթին տվյալ տարածքի վրա խանութ եւ հանդիսությունների սրահ է կառուցել:

Շինաշխատանքի ընթացքում վերջինս փակել է մի քանի հեկտար վարելահողի ջրատարը եւ էլեկտրասյուներ տեղադրել տեղում, որպեսզի իր շինությունն առանձին հոսանք ստանա: Սպարտակ Ավագյանը տարիներ առաջ մի քանի անգամ ստիպված է եղել դատական կարգով իրեն պատկանող տարբեր հողատարածքներից տարբեր անձանց վտարել, քանի որ այդ հողակտորները գյուղի ավագանու անհիմն որոշումներով վաճառվել էին այլ անձանց:

Ակնաշենի համայնքապետ Միսակ Միսակյանի պնդմամբ տվյալ հողակտորը Նվեր Հարությունյանին վաճառվել է դասական աճուրդով եւ ավագանու որոշմամբ: Armtimes.com-ի հետ զրույցում Միսակ Միսակյանն անդրադառնալով ոռոգման համակարգը հողով ծածկելու խնդրին ասաց. «Իրեն ոչ մեկ թույլ չի տվել, որ հող լցնի: Դա հին դաշտամիջյան առու է, որը բացվել է տրակտորով, այդ առուն ոչ մեկի կողմից չի շահագործվում: Հիմա, եթե ես այդ առուն գնամ հանեմ, ջուր չի գնալու»,- ասաց Միսակ Միսակյանը եւ նշեց, որ ջրատարը ո՛չ Սպարտակ Ավագյանինն է, ո՛չ էլ Նվեր Հարությունյանը, բայց պետք է այն մաքրել: «Նվերին ժամանակ ենք տվել, որ մինչեւ ամսի վերջ այդ ջրատարը պետք է վերականգնի: Ջուրը կգնա, չի գնա, եղեգներ կաճեն, թե՝ չէ, դա իրենց գործը չի»,- հայտարարեց Ակնաշենի գյուղապետը:

Հարցին՝ միջդաշտային ճանապարհը գործու՞մ է, գյուղապետը վստահեցրեց, որ այդ ճանապարհը գործում է, քանի որ Նվեր Հարությունյանը փակել է ջրատարը եւ դրա հաշվին լայնացրել է ճանապարհը: Ջրատարի տարածքում տեղադրված էլեկտասյուների մասին խոսելիս էլ Միսակ Միսակյանն ասաց, որ դրանք տեղադրվել են էլեկտարկան ցանցերի կողմից եւ սահմանված նորմերին համապատասխան լինել չլինելու հարցը գյուղապետարանին չի վերաբերվում:

Սպարտակ Ավագյանն էլ մեզ տեղեկացրեց, որ իր քրոջը՝ Արմինե Ավագյանին, պատկանող հողակտորը (տես լուսանկարում եւ քարտեզում) միտումնավոր ջրազրկելու, այդ հողակտորի մի մասը ապօրինաբար զավթելու, ջրագիծը փակելու եւ նշված հողակտորը Նվեր Հարությունյանին վաճառելու հարցով արդեն դիմել է ՀՀ գլխավոր դատախազին եւ վարչապետ Կարեն Կարապետյանին: «Գլխավոր դատախազին ներկայացված դիմումս ուղարկվել է դատախազության կոռուպցիոն եւ տնտեսական գործունեության դեմ ուղղված հանցագործությունների գործերով վարչությանը, որն էլ այն հասցեագրել է Արմավիրի մարզի դատախազին»,- ասաց Սպարտակ Ավագյանը՝ հույս հայտնելով, որ ե՛ւ մարզային դատախազի, ե՛ւ գլխավոր դատախազի փոփոխությունն իրեն հնարավորություն կտա վերականգնել իր խախտված իրավունքները:

Տպել
14231 դիտում

ԵՊՀ ՈՒԽ կանոնադրությունն արդեն ԿԳՆ-ում է, սպասում են հաստատմանը

ԱԺ աշխատակազմում թափ են առել հակաօրինական գործողությունները, որոնք քողարկվում են. ԱԺ աշխատակից

Տորոնտոյի հայկական եկեղեցին կարող է օտարվել, շինությունը վտանգի տակ է. դրամահավաք է մեկնարկել

Լիխտենշտեյնի միակ հայկական ընտանիքը՝ Հայաստանի հավաքականի մարզմանը

«Թումո»-ի եւ ֆրանսիական INCO-ի միջեւ ստորագրվել է համաձայնության հուշագիր (լուսանկարներ)

Հարեւանները Սամվել Բալասանյանին թարս ու շիտակ են նայել

2 տղամարդ «Հաղթանակ» կամրջի եզրագիծն անցել են և սպառնում են ինքնասպան լինել, պահանջում են Ն. Փաշինյանին

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ