NDI-ն արձագանքում է ՀՎԿ-ի ապատեղեկատվությանը. Սա պետք է դաս լինի իրենց համար

22/10/2016 schedule11:10

«Հայկական վերածնունդ» կուսակցությունը, նույն ինքը՝ ՕԵԿ-ը, օրերս ազդարարելով քաղաքական դպրոց հիմնելու եւ կուսակցական կադրերի վերապատրաստման գործընթացի մասին, ահագին անհարմար իրավիճակի մեջ է հայտնվել:

Նախ՝ կուսակցությունը հաղորդագրություն էր տարածել, որ քաղաքական դպրոց է հիմնում, ապա նույն տեքստի հաջորդ պարբերության մեջ, շարունակելով թեման, նշել, որ ՀՎԿ-ն վերապատրաստման ծրագրեր է սկսել «Քաղաքացիական համաձայնություն» հասարակական կազմակերպության կողմից իրականացվող ԱՄՆ Ժողովրդավարության աջակցման ազգային հիմնադրամի (NED) ու ԱՄՆ Ազգային ժողովրդավարության ինստիտուտի (NDI) կողմից կազմակերպվող ծրագրի շրջանակներում, ինչը եւ առաջացրել է վերապատրաստողների, մեղմ ասած, տարակուսանքը:

«Քաղաքացիական համաձայնություն» հասարակական կազմակերպությունում NDI-ի ծրագրերի խորհրդատու Գեղամ Սարգսյանը մեզ հետ զրույցում ապատեղեկատվություն համարեց ՀՎԿ տարածած հաղորդագրությունը:

«Այդ մամուլի հաղորդագրությունից ես նույնքան զարմացած եմ, որքան մեր բոլոր գործընկերները: Իմ կարծիքով, դա լրիվ ապատեղեկատվություն է: Մենք, իհարկե, ունենք դպրոց, որը գործում է սեպտեմբեր ամսից եւ հովանավորվում է NED-ի եւ NDI-ի կողմից: Մենք տարիներ շարունակ աշխատել ենք միայն բազմակուսակցական ֆորմատով, մեզ համար ֆավորիտներ չկան դաշտում: Ծիծաղելի կլիներ կարծել, որ NED-ը եւ NDI-ը ֆավորիտներ ունենան քաղաքական դաշտում: Սա բազմակուսակցական դպրոց է, որտեղ մասնակցում են բոլոր կուսակցությունները, որոնք խմբակցություններ ունեն Ազգային ժողովում, եւ մի քանի արտախորհրդարանական կուսակցություններ: Այն տեւելու է մինչեւ հաջորդ տարվա ապրիլ ամիս՝ մինչեւ խորհրդարանական ընտրություններ: Մենք սովորեցնում ենք՝ ինչպես կազմակերպել քարոզարշավ, կազմել քարոզարշավի ռազմավարություն, իրականացնել պլանավորում եւ այլն»,- նշեց Սարգսյանը՝ հավելելով, որ ՀՎԿ-ի տարածած մամուլի հաղորդագրության տեքստում պարզություն չկա:

«Տեքստում պարզ չէ... տպավորություն է ստեղծվում, որ NED-ը եւ NDI-ը հովանավորում են իրենց, ինչն իրականությանը չի համապատասխանում: Մենք համագործակցում ենք իրենց հետ այնքան, որքան մյուս կուսակցությունների հետ: Այդպիսի բան չի եղել 1995 -ից սկսած, որ մենք առանձին մեկ կուսակցության հետ աշխատենք»,- նշեց Սարգսյանը:

NDI-ի ծրագրերի խորհրդատուն փորձում է սեփական բացատրությունը տալ կատարվածին՝ ներկայացնելով որոշակի ենթադրություններ՝ հիմնված իր կասկածների վրա: «Իմ մոտ երկու կասկած կա: Կամ (մամուլի հաղորդագրության.- խմբ.) տեքստի հեղինակը հայերենին լավ չի տիրապետում եւ չի կարողանում իր մտքերը շարադրել, կամ ուղղակի սա արված է PR նպատակներով»,- նշեց նա՝ տեղեկացնելով, որ արդեն իսկ կապվել եւ խոսել է «Հայկական վերածնունդ» կուսակցության մամուլի քարտուղարի հետ:

«Նա նշում է, որ իրենք չեն գրել այդ դպրոցի մասին, այլ գրել են միայն իրենց դպրոցի մասին: Ես նշել եմ, որ հայերեն տեքստում լրիվ ուրիշ բան է հասկացվում»,- ասաց Գեղամ Սարգսյանը: Մեր զրուցակիցը խնդրել է, որպեսզի ՀՎԿ-ը հերքում հրապարակի: Նա տարակուսանք է հայտնում կատարվածի վերաբերյալ եւ նշում, որ նման քայլերը կարող են հանգեցնել վստահության կորստի «մեր գործընկերների հետ հարաբերություններում»:

«Կրկնում եմ՝ նրանք մասնակցում են մեր ծրագրերին, բայց՝ բոլորի հետ միասին: 50 հոգանոց խումբ է, որտեղ ՀՎԿ-ն ունի 4-5 ներկայացուցիչ: Նրանք (ՀՎԿ-ից) ինձ ասացին, որ իրենց պայմանավորվածություն ունեն «Կոնրադ Ադենաուեր» հիմնադրամի հետ, որ պետք է իրենց աջակցի եւ մի քանի միջազգային կառույցների հետ: Դրա համար պետք է նշել կոնկրետ այդ կառույցները, ոչ թե մեր անունը շոշափել: Եթե ինչ-որ անկախ կառույցներ կան, որ ուզում են օգնել Արթուր Բաղդասարյանի կուսակցությանը, իրենց գործն է, բայց բացառվում է, որ մենք նման մոտեցում ցուցաբերենք»,- կրկնեց նա:

Թեպետ Գեղամ Սարգսյանը տարակուսած է ՀՎԿ-ի տարածած հաղորդագրությունից, սակայն սա դեռ հիմք չի համարում կուսակցության հետ համագործակցության խզման համար: «Մենք շարունակելու ենք համագործակցել բոլորի հետ՝ բազմակուսակցական լսարանի ֆորմատով: Ինչ-որ մի մամուլի քարտուղարի գրած մի բան հիմք չէ, որպեսզի հարաբերություններ վերանայենք կուսակցության հետ, սակայն սա իրենց համար պետք է լավ դաս լինի, քանի որ մենք շատ վրդովված ենք նման վերաբերմունքից: Սա հարցին ոչ պրոֆեսիոնալ մոտեցում է», - եզրափակեց Գեղամ Սարգսյանը:

Տպել
2579 դիտում

Այսօր Երևանի ավագանու արտահերթ ընտրություններն են, 979 թեկնածու կպայքարի ավագանու 65 տեղի համար

ՀՀ ֆուտբոլի հավաքականի խաղերի ամենաէժան տոմսերը կլինեն 1000 դրամ

Վանեցյանը անձնական միջոցներ չունի, որ ներդնի ֆուտբոլում, բայց կարծում է՝ կարիքը չի էլ լինի

Հայրապետյանը չէր եկել ժողովին, որում Վանեցյանը ընտրվեց ՀՖՖ նախագահ

Նիկողոսյանը եւ Մելիքբեկյանը՝ ՀՖՖ փոխնախագահներ

Ընտրվեց ՀՖՖ գործկոմի նոր կազմը

Արթուր Վանեցյանը ընտրվեց ՀՖՖ նախագահ

Արարատ Միրզոյանը Գյումրու թիվ 40 դպրոցի տնօրեն է նշանակել Մարմաշենի դպրոցի ուսուցչին

12-րդ դասարանում կենտրոնացված ավարտական քննություն կլինի միայն հայոց լեզու առարկայից

Վարդան Մինասյանը հեռացել է ՀՀ ֆուտբոլի հավաքականից

Անկախության տոնին պարգեւատրումներ, ցուցահանդեսներ, «Սուտլիկ որսկան» ու տոնական համերգ Գյումրիում

Սեւ մածուն. մոնստր է, մոնստր

ՀՀՇ-ով մեզ թող չվախեցնեն. ասում է Հովհաննես Հովհաննիսյանը

Ընտրություններին մասնակցող ամենահարուստ ուժը ՀՅԴ-ն է. ունեցվածքը սփռված է ողջ երկրով

Անկախության տոնի առթիվ վարչապետ Նիկոլ Փաշինյանին շնորհավորական ուղերձ է հղել ՌԴ նախագահ Վլադիմիր Պուտինը

Հայաստանի անկախության տոնի առթիվ Թբիլիսիի հեռուստաաշտարակը լուսավորվել է հայոց եռագույնով

GOOGLE որոնողական համակարգը եռագույնով է ներկվել՝ ի պատիվ Հայաստանի անկախության տոնի

Ամենից շատ վճարովի եթերաժամանակ ԲՀԿ-ն է գնել ու գրանցել ռեկորդ. նման ցուցանիշ դեռ չի եղել

Մեգան Մարքլը ներկայացրել է իր խոհարարական գիրքը

Պաշտպանը Գլխավոր դատախազին է ուղարկել Նաիրա Զոհրաբյանի տրամադրած նյութերը