Քանի՞ հիվանդություն ունի մեր տնտեսությունը. ո՞ւր է Հովիկ Աբրահամյանի դիագնոստիկան

Կառավարության ծրագրի քննարկման նախորդ երկու օրերի ընթացքում վարչապետ Կարեն Կարապետյանը տարբեր հարցերի պատասխանելիս հայտարարում էր, թե կառավարությունը դեռ չի ախտորոշել ՀՀ տնտեսության հիվանդությունը, որ սկսի դրա բուժումը կամ խնդիրների լուծումը:

Ինչպես նշել էինք, վարչապետի պաշտոնում Կ. Կարապետյանի նշանակման 40 օրն արդեն լրացել է: Եվ նա դեռ չի ասել, թե իրեն որքան ժամանակ է անհրաժեշտ մեր տնտեսության հիվանդությունը կամ միգուցե հիվանդություններն ախտորոշելու համար: Ավելին, կառավարության ու Կ. Կարապետյանի հենարանը հանդիսացող ՀՀԿ-ի խորհրդարանական խմբակցության ղեկավար Վահրամ Բաղդասարյանը անուղղակիորեն պատասխանելով այդ հարցին՝ մի սարսափելի թիվ էլ նշեց, թե առաջիկա վեց ամիսներին՝ այսինքն մինչեւ 2017թ. խորհրդարանական ընտրություններն ու դեռ մի բան էլ այն կողմ, իշխանությունները պետք է դիագնոստիկայի ենթարկեն մեր երկրի տնտեսությունը:

Այնինչ, մեր տնտեսության խնդիրների մասին նոր չէ, որ խոսվում է: Եվ Կ. Կարապետյանն առաջին վարչապետը չէ, որ այդ մասին բարձրաձայնում է ու լուծումներ փնտրում: Նախորդ վարչապետներն ու նրանց կառավարությունները նույնպես այդ մասին խոսել են, իրենց ասելով՝ տարբեր ուսումնասիրություններ արել, թե որոնք են խնդիրները եւ դրանց լուծման ուղիները: Շատ առաջ չգնալով՝ հիշեցնենք ընդամենը, որ նախկին վարչապետ Հովիկ Աբրահամյանը 2014թ. ապրիլին վարչապետ նշանակվելուց անմիջապես հետո գործարարներին ու օլիգարխներին հավաքեց եւ հայտարարեց, թե պետք է հավասար խաղի կանոններ ստեղծեն, քանի որ դա է մեր տնտեսության ամենամեծ խնդիրը:

Նա նախ 3 շաբաթ, այնուհետեւ մի քանի ամիս ժամկետ դրեց նույն ախտորոշման ու լուծման խնդիրները գտնելու համար: Իսկ նոր վարչապետն ու կառավարությունն իրենց նոր դիագնոստիկան սկսելու վրա ամիսներ սպառելու փոխարեն ինչո՞ւ չեն օգտվում նախորդների արածից: Թե՞ Հ. Աբրահամյանը պարզապես դատարկ հայտարարություններ է արել եւ այդ ուղղությամբ ոչինչ չի ձեռնարկել: Քանի որ Կ. Կարապետյանը լրագրողների հետ հանդիպման առաջին փորձից հետո այլեւս խուսափում է նրանցից, փորձեցինք այս հարցերի պատասխանները ստանալ փոխվարչապետ Վաչե Գաբրիելյանից, որը թե՛ Տիգրան Սարգսյանի, թե՛ Հ. Աբրահամյանի, թե Կ. Կարապետյանի օրոք կառավարությունում տնտեսական ոլորտի բարձր պաշտոններ է զբաղեցրել:

- Պարոն Գաբրիելյան, երեք վարչապետների օրոք կառավարության տնտեսական բլոկում բարձր պաշտոններ եք զբաղեցրել եւ այդպիսով լավ ծանոթ եք մեր տնտեսության հիվանդություններին: Չե՞ք կարող Կ. Կարապետյանին հուշել այդ խնդիրները, որ դրանց ախտորոշման վրա 6 ամիս չծախսվի: 6 ամիս հետո ՀՀ տնտեսությունը կարող է արդեն անդառնալի վատ վիճակի մեջ ընկնել:

- Դուք մի՞ հիվանդություն ունեք, թե բազմաթիվ: Տարբեր մարդիկ տարբեր բժիշկների են դիմում, տարբեր որակի ախտորոշումներ տալիս: Համալիր, համապարփակ ախտորոշումը հնարավոր է տալ միայն շատ ավելի հետեւողական վերլուծությունների շնորհիվ:

- Այդ վերլուծությունները նախորդ կառավարությունների ժամանակ էլ էին արվում: Չե՞ք կարող Կ. Կարապետյանին էլ ծանոթացնել դրանց ու արագացնել նախնական ծանոթացման գործընթացը:

- Եթե ձեր ինչ-որ տեղը ցավում է, դուք գնում եք բժշկի, նա, եթե անգամ ձեր բուժող բժիշկն է եղել, նա ձեր աչքերի մեջ նայելո՞վ է տալիս վերջնական ախտորոշումը:

- Պարոն Գաբրիելյան, հիվանդն իր բուժող կամ այլ բժշկի մոտ գնալիս՝ տանում է նախորդ բոլոր ախտորոշումներն ու անալիզների պատասխանները: Տվյալ դեպքում նախկինում էլ մենք ունեցել ենք վարչապետներ, փոխվարչապետ, նախարարներ, որոնք ինչ-որ ուսումնասիրություններ ու վերլուծություններ են ունեցել: Դրանք արդեն իսկ պետք է դրված լինեին Կ. Կարապետյանի սեղանին:

- Ես արդեն ասացի, որ հարկ կա համալիր դիտարկելու:

Այս կարճ պատասխանից հետո Վ. Գաբրիելյանը ԱԺ բակում նստեց իրեն մոտեցող ծառայողական մեքենան ու հեռացավ: Ի դեպ, նշենք, որ կառավարության անդամներն ԱԺ ծակուծուկերը, հայտնի ու գաղտնի բոլոր ուղիները անգիր են սովորել, որ կարողանան հնարավորինս արագ մուտք գործել, հետո՝ ծլկել այդ շենքից: Եվ այդ ամենը նրանք անում են լրագրողների ահուսարսափի պատճառով: Վերջին շրջանում նրանց հատկապես սարսափեցնում է Կ. Կարապետյանի հայտարարությունների ու ծրագրային դրույթների վերաբերյալ հարցերը: Գաբրիելյանից հետո մեզ հաջողվեց ընդամենը երկու հարց էլ ուղղել բնապահպանության դաշնակցական նախարար Արծվիկ Մինասյանին, որը հատկապես Տ. Սարգսյանի օրոք քննադատությունների տարափ էր տեղում կառավարության վրա, տնտեսության բազմաթիվ ախտանշաններ ներկայացնում ու դրանց լուծման ուղիներ առաջարկում:

- Պարոն Մինասյան, դուք երկար տարիներ եղել եք պատգամավոր, հետո՝ էկոնոմիկայի նախարար: Չե՞ք կարող վարչապետին ներկայացնել խնդիրները, որ նա դրանք ախտորոշելու վրա 6 ամիս սպառելու փոխարեն սկսի բուժման կուրսը:

-  Բայց ախտորոշումը կա, վարչապետը դրա մասին չի ասում: Իմ կարծիքով, նա նկատի ունի շատ ավելի խորքային խնդիրներ, հետո վիճակագրական ճշգրտումների կարիք կա: Օրինակ, երբ խոսում ենք այն մասին, թե նվազել են օտարերկրյա ներդրումները, վիճակագրությունը այսօրվա մեր մեթոդաբանությամբ ներդրում հասկացությունը տնտեսագիտական իմաստով չի ներկայացնում, ներկայացնում է մեթոդաբանության այն հատվածը, որն ավելի համահունչ է ֆինանսական հոսքերին: Բայց ֆինանսական ոչ բոլոր հոսքերն են ներդրում համարվում: Սրանք մեթոդաբանական հարցեր են, որոնք այսօր մեր վիճակագրական մակարդակով հստակեցված չեն: Սրանք բերում են ախտորոշման թերացումների, հաճախ նաեւ՝ ոչ ճշգրիտ գնահատականների:

- Իսկ հիմա կարո՞ղ եք ասել, թե որոնք են մեր տնտեսության հիվանդությունները:

- Դրանց մասին ես խոսել եմ, եւ դրանք մնում են նույնը՝ կոռուպցիան, մենաշնորհային կամ գերիշխող դիրքի, կենտրոնացվածության բարձր աստիճանը, ռեսուրսների սահմանափակվածությունը: Ավելին՝ որպես բնապահպանության նախարար, հիմա կարող եմ նաեւ ասել՝ շրջակա միջավայրը բացառապես որպես ռեսուրս դիտարկելը: Մինչդեռ մեր շրջակա միջավայրն ինքնին արդեն կապիտալ է, որը պետք է լինի մեր տնտեսության զարգացման կարեւորագույն ուղղությունը:

Տպել
3295 դիտում

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից