Երևան
21 °C
Դժվար է հիշել, թե Ազգային ժողովում կառավարության հետ հարցուպատասխանի ժամանակ երբ է որեւէ նախարար ուշացումով մտել նիստերի դահլիճ:
Երեկ միանգամից երկու՝ գյուղատնտեսության նախարար Իգնատի Առաքելյանը եւ առողջապահության նախարար Լեւոն Ալթունյանը նիստը սկսվելուց բավականին ուշ ներս մտան: Կարելի է ասել, որ գոնե վերջին տասնամյակում նման նախադեպ չի եղել: Ավելի դժվար է հիշել, թե երբ է որեւէ պաշտոնյա՝ լինի տեղական, թե արտասահմանյան, ՀՀ խորհրդարան մտել վերարկուով: Իսկ առողջապահության նախարարը քիչ է, որ ուշացումով ներս մտավ, նա նաեւ վերարկուով ներս մտավ եւ դանդաղ քայլերով անցնելով վարչապետ Կարեն Կարապետյանի կողքով՝ աչքով արեց նրան:
Լրագրողների օթյակից տեսանելի չէր, թե վարչապետն ինչպես պատասխանեց նրան, բայց հարցուպատասխանը վարող ԱԺ նախագահ Գալուստ Սահակյանը գոնե որեւէ դիտողություն չարեց երկու նախարարներին նման պահվածքի համար: Իսկ եթե հանկարծ այդ ընթացքում պատգամավորների կողմից Ալթունյանին ու Առաքելյանին ուղղված հարցեր հնչեին, թե առողջապահության նախարարությունն ինչ քայլեր է ձեռնարկում, օրինակ, պետպատվերով բուժման համակարգում կոռուպցիոն երեւույթները նվազեցնելու համար, կամ որքան խոշոր եղջերավոր անասուններ են հաշվառված Հայաստանում, կառավարությունն ընկնելու էր անհարմար վիճակի մեջ, քանի որ նախարարներն անփույթ աշակերտների նման ուշացել էին:
ԱԺ-ի հնաբնակ լրագրողները հիշեցին, որ դահլիճում վերարկուով հայտնվել է թերեւս միայն ոճրագործ Նաիրի Հունանյանը: Նկատենք, որ որեւէ իրադարձություն, որեւէ պատճառ նախարարին իրավունք չի տալիս ուշանալ հարցուպատասխանից, բացի գործուղումից կամ արձակուրդից: Երեկ տեղի ունեցածը նշանակում է, որ նորանշանակ նախարարները կամ քամահրանքով են վերաբերվում հայրենի խորհրդարանին, կամ էլ չեն գիտակցում, թե ուր են գալիս: Հավանաբար նրանք չեն կարեւորում հանգամանքը, որ պետական կառավարման համակարգում ԱԺ-ն երկրորդ ինստիտուտն է, կառավարությունն ընդամենը նրանից հետո երրորդն է: Եվ որ ԱԺ մեծամասնությունն է նշանակում վարչապետին ու կառավարության անդամներին: Իսկ կառավարությունն ու նրա ցանկացած անդամ իրենց գործունեությամբ հաշվետու են խոհրդարանին:
Իհարկե, հասկանալի է, որ տարիներ շարունակ ԱԺ-ն համարվել է կառավարության ծրագրերի ու նախագծերի մեխանիկորեն դակողը, բայց նախկինում գոնե ձեւական վերաբերմունքը պահպանվել է: Ավելին, պատգամավորները տարիներ շարունակ դժգոհել են, որ նախագծերի ներկայացման, բյուջետային քննարկումների ժամանակ ԱԺ են գալիս ոչ թե նախարարները կամ այլ գերատեսչությունների առաջին դեմքերը, այլ իրենց փոխարեն տեղակալներին են ուղարկում: Իսկ հատկապես այս նստաշրջանում նախագծերի քննարկման ժամանակ կառավարությունը ներկայանում է հիմնականում փոխնախարարների մակարդակով:
Սա կառավարության՝ ԱԺ-ի նկատմամբ վերաբերմունքի մեկ այլ դրսեւորում է: Հաջորդ շաբաթ կսկսվեն բյուջետային քննարկումները, եւ պատգամավորները կրկին կդժգոհեն, թե իրենք էլ իրենց փոխարեն քննարկման կուղարկեն իրենց օգնականներին: Հանուն արդարության կարելի է նաեւ նշել, որ նման իրավիճակի պատասխանատուն նույն կառավարության հետ միասին ԱԺ մեծամասնությունն է: Եթե խորհրդարանի հիմնական ուժը չի պահանջում, որ իր կառավարությունը հարգալից վերաբերմունք դրսեւորի իր նկատմամբ, պարզ է, որ նրանք կարող են ուշանալ, կարող են վերարկուով եւ ձեռքերը գրպաններում մտնել դահլիճ, կարող է նաեւ հարկ չհամարեն ԱԺ գալ:
Նաեւ նկատենք, որ երեկ նման վարքագիծ դրսեւորեցին միայն նորանշանակ նախարարները, այն էլ այն նախարարները, որոնց քաղաքական գիտակցության ձեւավորումը դեռ տեղի չի ունեցել, որոնք ԱԺ-կառավարություն, մեծամասնություն-կառավարություն հարաբերություններից գրեթե ոչինչ չեն հասկանում: Թերեւս առաջիկայում դա նրանց կբացատրվի, քանի որ արդեն իսկ խոսակցություններ են շրջանառվում, որ նոյեմբերի 26-ին ՀՀԿ համագումարի ժամանակ վարչապետն իր անկուսակցական նախարարներով կանդամակցի իշխող կուսակցությանը: Եթե անգամ չանդամակցեն էլ, ապա ՀՀԿ-ի կուսակցական դպրոցում նորաթուխ անկուսակցական նախարարներին նրբորեն կբացատրեն, թե որը ինչից հետո է: Ի դեպ, երեկ մենք փորձեցինք նորանշանակ նախարարներից պարզել, թե արդյոք նրանց առաջարկվե՞լ է անդամակցել ՀՀԿ-ին, կամ իրենք չունե՞ն նման ցանկություն: Նկատենք, որ որեւէ նախարարի չէր ոգեւորում այդ հեռանկարը: Նրանք կամ խուսափում էին այդ հարցին պատասխանել, կամ առանց սեթեւեթանքների ասում, որ ցանկություն չունեն:
Առողջապահության նախարար.
- Պարոն Ալթունյան, ձեզ առաջարկվե՞լ է անդամակցել ՀՀԿ-ին:
- Ոչ:
- Իսկ դուք չունե՞ք նման ցանկություն:
- Ոչ:
Իգնատի Առաքելյան.
- Ձեզ առաջարկվե՞լ է մտնել ՀՀԿ կամ ինքներդ նման ցանկություն հայտնե՞լ եք:
- Ես չեմ մտածել այդ մասին, առաջինը գործի մասին եմ մտածում: Կուսակցությունը դա ուրիշ գաղափարախոսություն է եւ ուրիշ մտածելակերպ: Մտածելու բան է: Առաջարկ չի եղել, ես էլ չեմ մտածել:
Էներգետիկայի նախարար Աշոտ Մանուկյան.
- Երբեք չեմ եղել որեւէ կուսակցության անդամ: Կուսակցությանն անդամակցելու հիմնական սկզբունքը կուսակցության գաղափարախոսությունն է:
- Ծանո՞թ եք ՀՀԿ-ի գաղափարախոսությանը:
- Իհարկե:
- Այն ձեզ հարազա՞տ է, թե խորթ:
- Ես չեմ կարծում, որ ՀՀԿ-ի գաղափարախոսությունը հայ որեւէ մեկին խորթ կլինի:
- Այսինքն հավանականությունը մեծ է, որ կանդամակցեք ՀՀԿ-ին:
- Ես նման բան չասացի:
Տրանսպորտի եւ կապի նախարար Վահան Մարտիրոսյան.
- Պարոն Մարտիրոսյան, ձեզ եղե՞լ է ՀՀԿ-ին անդամակցելու առաջարկություն:
- Ոչ, չի եղել:
- Իսկ կանդամակցե՞ք այդ կուսակցությանը:
- Կյանքում ամեն ինչ հնարավոր է, ես ոչ հաստատում եմ, ոչ էլ բացառում:
Մշակույթի նախարար Արմեն Ամիրյան,
- Պարոն Ամիրյան, ՀՀԿ-ին անդամակցելու մտադրություն չունե՞ք:
- Կարծում եմ, մշակույթը պիտի լինի անկուսակցական:
- Իսկ ՀՀԿ-ի կողմից ձեզ անդամակցության առաջարկություն չի՞ արվել:
- Ոչ, ինքս էլ ցանկություն չունեմ:
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
«Դինամո»-ում «Թաեքվոնդոյի» մարզիչը հայհոյել է ֆեդերացիայի նախագահին, ապա՝ ծեծի ենթարկել
Հայաստանն ու Չինաստանը համագործակցում են միջազգային հարթակներում. Հակոբ Արշակյան
Վենետիկի արվեստի միջազգային 60-րդ բիենալեին Հայաստանը կներկայանա պաշտոնական տաղավարով
16-ամյա տղան դանակահարել է 43-ամյա ոչ սթափ տղամարդուն. ձերբակալելիս պատանու մոտ թմրամիջոց է հայտնաբերվել
Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու
ԼՂ-ում տեղակայված ռուս-թուրքական համատեղ մշտադիտարկման կենտրոնն ավարտում է իր գործունեությունը
ՔԿ զինվորական քննչական գլխավոր վարչության չորրորդ կայազորային բաժինը նոր ղեկավար ունի
Հայ ժողովուրդը կրկին ոտքի կկանգնի, ինչպես դա արեց Ցեղասպանությունից հետո․ ԱՄՆ կոնգրեսական
© 2024 Հայկական ժամանակ