Եթե «Ալյանսը» պատվիրատու չունի, պետք է ներողություն խնդրի. Ստյոպա Սաֆարյան

Քաղաքագետ Ստյոպա Սաֆարյանը Քննչական կոմիտեի քննիչի որոշման դեմ բողոք է ուղարկել ՀՀ գլխավոր դատախազին: Ինչպես տեղեկացրել ենք՝ կոմիտեն մերժել էր Ստյոպա Սաֆարյանի դիմումի հիման վրա ՀՀ Ոստիկանության նախապատրաստած նյութերի հիման վրա Տիգրան Ուրիխանյանի գլխավորած «Ալյանս» կուսակցության անդամների դեմ քրգործ հարուցել:

«Ալյանս» կուսակցության մի շարք անդամներ համացանցում Սաֆարյանի անունով կեղծ էջ էին բացել եւ նրա մասին վիրավորական ու սպառնալից արտահայտություններ տեղադրել ոչ միան այդ էջում, այլ նաեւ որոշ ԶԼՄ-ներում: Սաֆարյանն էլ դիմել էր Ոստիկանության Կազմակերպված հանցավորության դեմ պայքարի գլխավոր վարչություն:

«Ես դիմումում գրել էի, որ իմ անվան շահարկումով, իմ նկարների օգտագործումով պարզապես հանրության մոտ փորձ է արվում տպավորություն ստեղծել, թե գործում է իմ մասին էջ, որտեղ անձնական վիրավորական գրառումներ, զրպարտություններ են կատարվում, ինձ հետ կապ չունեցող, բայց ինձ վերագրվող «մեկնաբանություններ» ու «լուրեր» տեղադրվում: Այդ էջում ու ԶԼՄ-ներով իմ հասցեին արվել են նաեւ ֆիզիկական հաշվեհարդարի կոչեր: Մենք առանձնացրել էինք այն գրառումների հեղինակներին, որոնք մեր կարծիքով իրական օգտատերեր են (այդպիսի գրառումներ կատարածների մեծագույն մասը եղել են կեղծ օգտատերեր): Ոստիկանությունում ու Քննչական կոմիտեում այդ մարդկանցից երկուսը խուսափել էին իրենց հայտարարությունների համար պատասխանատվություն ստանձնելուց, բացատրություններ էին տվել եւ հայտարարել, որ իրենք սպառնալիք չեն տվել, որ իրենց խոսքերը փոխաբերական իմաստ են ունեցել, ուղղված են եղել այլ երկրում ապրող նույնատիպ անունով այլ մարդու եւ այսպես շարունակ: Այս ամենից զատ քննիչն իր պաշտոնական գրության մեջ նաև «տեղեկացրել» է, որ նրանցից երրորդն էլ կեղծ է եւ հայտնաբերել հնարավոր չէ: Զավեշտալին այն է, որ Քննչական կոմիտեի քննիչն իր որոշման մեջ նույնպես այն կարծիքն է հայտնել, որ կարելի է նման սպառնալիքներ օգտագործել եւ հետո ասել, որ դրանք փոխաբերական իմաստով են օգտագործվել եւ անմեղ բաներ են, կամ համաձայնել, որ դրանք ինձ չեն վերաբերում, այլ երրորդ երկրում ապրող մեկին: Իրականում եզրակացությունս մեկն է, որ քննիչը քաղաքական որոշում ունի, որ չքրեականացնի համացանցում ու ԶԼՄ-ներով իմ հանդեպ կատարված ապօրինությունը: Նման քաղաքական որոշումը կարող է թելադրվել շատ հայտնի վայրերից… Առավել զավեշտալի է, թե ինչպես են հասուն տղամարդիկ սոցցանցերում ու հրապարակավ հոխորտում ու սուր ճոճում, իսկ քննչական մարմիններում մեղա գալիս, բանասեր դառնում ու մեղմասացությունների դիմում, սակայն ոչ միայն նրանք, այլ նաեւ իրենց կուսակցության ղեկավարը քաջություն չունեցան հրապարակավ ներողություն խնդրել բանական մարդուն անհարիր պահվածքի համար»,- մեզ հետ զրույցում ասաց Սաֆարյանը:

Կազմակերպված հանցավորության դեմ պայքարի գլխավոր վարչությունը մերժել է Ուրիխանյանին

Քաղաքագետի հետ զրուցեցինք նաեւ «Ալյանս» կուսակցության վարչության անդամ Նարեկ Ալոյանի կողմից ոստիկանության կազմակերպված հանցավորության դեմ պայքարի գլխավոր վարչությանն ուղղված դիմումի մասին, որով առաջարկվել էր ուսումնասիրել «Միջազգային եւ անվտանգության հարցերի հայկական ինստիտուտ» հիմնադրամի գործունեության հաշվետվությունը՝ հայտարարելով, թե այն հանցակազմ է պարունակում: Ալոյանը նշել էր, որ քանի որ Արդարադատության նախարարությանը ներկայացված հաշվետվության մեջ 4 միլիոն 814 հազար դրամ գումարը չի հիշատակվել որպես հիմնադրամի կանոնադրական նպատակների վրա ծախսված գումար, ինքը եկել է այն եզրահանգման, որ հնարավոր է այն յուրացված, վատնված լինի հիմնադրի կողմից:

Ստյոպա Սաֆարյանը մեզ հետ զրույցում տեղեկացրեց, որ ոստիկանության կազմակերպված հանցավորության դեմ պայքարի գլխավոր վարչության ավագ օպերլիազորից գրություն են ստացել, որով տեղեկացվում են, որ կատարված ուսումնասիրությունների արդյունքում պարզվել է, որ «Միջազգային և անվտանգության հարցերի հայկական ինստիտուտ» հիմնադրամի ղեկավարության կողմից իրավախախտումներ թույլ չեն տրվել ու բացակայում են գումարների յուրացման կամ վատնման դեպքերը:

Սաֆարյանից հետաքրքրվեցինք, թե իրականում, նրա կարծիքով ո՞րն է Ուրիխանյանի նպատակը, ինչո՞ւ է նա սեւեռվել իր եւ «Միջազգային անվտանգության հայկական ինստիտուտի» գործունեության վրա:

««Այլանս» կուսակցության վարչության անդամի կողմից բուն ինստիտուտի գործունեության օրինականությունը կասկածի տակ դնելը ցույց է տալիս, որ թիրախն ամենեւին Ստյոպա Սաֆարյան ֆիզիկական անձը չէ, այլ նրա եւ իր հիմնադրած ինստիտուտի գործունեությունը: Թերեւս եկեք չմոռանանք, որ նախկինում ՌԴ դեսպանը, որը Տիգրան Ուրիխանյանի հարսանիքի պատվավոր մասնակիցն էր, եւ ըստ որոշ տեղեկությունների՝ նույնիսկ քավորը, խոսել էր 100-ից ավելի ՀԿ-ների մասին, որոնք սեպ են խրում հայ-ռուսական բարեկամության մեջ: Հետեւաբար եկեք ընդունենք, որ թիրախի ընտրությունը պատահական չի եղել, կեղտոտ կամպանիան, այդ թվում եւ սպառնալիքները, այդ թվում ֆեյսբուքյան կեղծ օգտատերերի կողմից իմ անձի ու գործունեության թիրախավորումն ունեցել են հստակ քաղաքական նպատակ. այն է՝ կազմակերպությունը եւ ես չհամագործակցենք Ռուսաստանի համար անցանկալի միջազգային կազմակերպությունների հետ, որոնք նրա կարծիքով գունավոր հեղափոխություններ են անում, հակառուսական տրամադրություններ խթանում: Եվ քանի որ հենց մեր ինստիտուտի փորձագետներն են հատկապես ապրիլյան պատերազմից հետո հետազոտություններ գրել, հրապարակավ մեկնաբանություններ ու հարցազրույցներ տվել Ղարաբաղի հարցով Ռուսաստանի որդեգրած հակահայկական, հակաարցախյան քաղաքականության, Ադրբեջանին սպառազինելու ու այլնի մասին, ԵՏՄ-ի մեր երկրի անդամակցության դեմ ու դրանից դուրս գալու անհրաժեշտության մասին, բնականաբար պատահական չէ մեր ընտրությունը: Ըստ իս՝ դրանով «Ալյանսը» հստակ դարձրեց, թե ով է իր գործողությունների պատվիրատուն: Նպատակն էր ցույց տալ, որ ինստիտուտը փողեր է լվանում: Դա մեսիջ կլիներ մեր գործընկերոջը՝ NED-ին (ԱՄՆ Ժողովրդավարության աջակցության ազգային հիմնադրամ) հրաժարվել մեզ հետ գործունեություն ծավալելուց կամ այն շարունակելուց: Այսինքն ակնհայտորեն փորձ էր արվում NED-ին հասկացնել, որ ձեր փողերը վատնվում են այստեղ. մեզ էլ ցանկանում էին դնել մի վիճակում, որ վախենանք ու խուսափենք նման կազմակերպությունների հետ համագործակցելուց: Պարզապես սխալ հաշվարկ էին արել ու սխալ պատկերացումներ ունեին մեր մաքրության, ինքնուրույնության ու վճռականության մասին: Արժե հիշել, որ մեր հարևան Ադրբեջանում էլ միջազգային կառույցների հետ համագործակցող տեղական ինստիտուտները և կազմակերպությունները փակվեցին ֆինանսական «չարաշահումների» հիմնավորումով, նույնատիպ զրպարտագրերի հիման վրա ու թիրախում կրկին նույն NED-ն ու այլ դոնոր կազմակերպություններն էին: Ձեռագիրը նույնն է, բայց բարեբախտաբար Հայաստանի իրավապահ մարմինները, տվյալ դեպքում՝ Ոստիկանությունը, ի պատիվ իրեն, բարձունքի վրա գտնվեց ու մեր բոլոր ֆինանսական փաստաթղթերի, հաշվետվությունների բազմակողմանի և մանրակրկիտ ուսումնասիրությունների արդյունքում արձանագրեց մեր օրինավորությունը թե ֆինանսները տնօրինելու, թե նաև գործունեության ու ֆինանսական հաշվետվությունները օրենքի պահանջներին համապատասխան ներկայացնելու առումներով: Մեր գործունեության մեջ մենք եղել ենք ու լինելու ենք հաշվետու և օրինապահ, նաև հպարտանալու ենք NED-ի նման հեղինակավոր ու այլ միջազգային կազմակերպությունների հետ թափանցիկ համագործակցությամբ և չենք պատրաստվում բավարարել որևէ մեկի քմահաճույքները, կամ տեղի տալ նրանց սպառնալիքների առջև»,- ասաց Սաֆարյանը:

Անդրադառնալով ոստիկանության կազմակերպված հանցավորության դեմ պայքարի գլխավոր վարչություն ներկայացված դիմումին՝ քաղաքագետն ասաց, որ ժամանակին օմբուդսմեն դառնալու հայտ ներկայացրած Նարեկ Ալոյանը նույնիսկ իր դիմումի երկու թիվ չի կարողացել գումարել իրար ու դրանցից հանել մյուսը և արդյունքում 20 միավորի սխալ է կատարել:

«Եվ երբ մարդն իր՝ նման աղաղակող սխալներով դիմումն ուղիղ եւ անգովազդ չի ներկայացնում ոստիկանությանը, այլ հրապարակում է մամուլի միջոցներով, դրանով իսկ ցույց տալով, որ նպատակը Ինստիտուտի ու նրա հիմնադիր անձի «խարդախ» գործունեության մասին կասկածներ սերմանելն է, ակնհայտ է դառնում, որ նպատակը քաղաքական է: Ուստի ես պնդում եմ, որ դիմողը պետք է հայտարարի, որ հանիրավի է մեղադրել Ստյոպա Սաֆարյանին եւ ինստիտուտին, ինչպես փորձել է կասկածներ սերմանել, այդպես հրապարակավ էլ պարտավոր է փարատել դրանք իր հայտարարությամբ: Ես սա կհամարեմ արժանապատիվ պահվածք՝ եթե չունեն այլ քաղաքական նպատակ եւ այլ պատվիրատու: Ես այն մարդը չեմ, որ ցանկանամ որեւէ մեկի ազատազրկումը, բայց ներողություն չխնդրել սեփական պահվածքի համար միգուցե ոստիկանության ու քննչական կոմիտեի համար կարեւոր չէ, մինչդեռ ինձ համար կարեւոր է»,- եզրափակեց Ստյոպա Սաֆարյանը:

Տպել
4925 դիտում

Նորատուսի գերեզմանատանը պայթյուն-փլուզում է տեղի ունեցել․ հայտնաբերվել է տղամարդու դի

Առաջին անգամ Հայաստանի և Ադրբեջանի կյանքում սպիտակի վրա գրվել է 2-ի անուններն՝ առանց մի կաթիլ արյուն թափվելու․ Խաչատրյան

Տեղի է ունեցել «Քաղաքացիական պայմանագիր» կուսակցության վարչության նիստ․ ինչ հարցեր են քննարկվել

Ճանապարհները որ փակում եք, դուք Հայաստանը գցում եք շրջափակման մե՞ջ, հակառակորդի դերը վերցրել եք ձեր վրա՞․ Քոչարյան

ՌԴ պաշտպանության փոխնախարարը ձերբակալվել է կաշառք ստանալու կասկածանքով

Ադրբեջանի ԶՈՒ-ն Հայաստանի ինքնիշխան տարածքում է, ամենայն հավանականությամբ այդտեղ կսկսենք բանակցային գործընթաց․ Քոչարյան

ՄԻՊ արագ արձագանքման խումբը մեկնել է Ոստիկանության Նոյեմբերյանի բաժին

ՄԻՊ-ը տեսակցել է Դավիթ Տոնոյանին․ վերջինս մտահոգություններ է ներկայացրել

Ինչպես է Մալաթիայի շուկայում կանխվել հրդեհի տարածումը․ մանրամասներ

Զովունիում մեքենաներ են բախվել

Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին

Բերման է ենթարկվել Սուրեն Պետրոսյանը

ԱԽ քարտուղարը Ռուսաստանի Դաշնություն չի մեկնի

Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ ռեժիմ հայտարարել. Խալաթյան

Ուկրաինայի պաշտպանության փոխնախարարը պաշտոնանկ է արվել

Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան

Բռնցքամարտի ԵԱ․ Անուշ Գրիգորյանը կիսաեզրափակչում է

ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը

Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)

Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել

Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը

Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից

Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն

Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)

Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը

ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը

ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը

Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)

Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է

Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան

Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ

Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան

Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է

Եթե ՀԱԵ-ն ծփում է պետականամետ հոգևորականներով, ինչո՞ւ հազար տարի ղեկավարելով ժողովրդին՝ պետություն չստեղծեցին․ Միսկարյան

Հայաստան-Ադրբեջան շփման գծի մի փոքր կտոր դարձավ բոլորի կողմից ճանաչված սահման․ Իոաննիսյան

Ադրբեջանը չի նախատեսում անդամակցել ԵԱՏՄ-ին, սակայն սերտ գործընկերություն ունի անդամ բոլոր երկրների հետ, բացի ՀՀ-ից․ Ալիև

Հայտնի է՝ երբ տեղի կունենա Պուտինի երդմնակալությունը

Հենրիխ Մխիթարյանը Իտալիայի չեմպիոն դառնալուց հետո գրառում է արել

Դոլարն ու եվրոն էժանացել են․ ինչ փոփոխություններ է արձանագրել տարադրամի շուկան ապրիլի 23-ին

Հայաստան-Ադրբեջան պետական սահմանի Տավուշ-Ղազախ հատվածում տեղադրվեց առաջին սահմանային սյունը․ վարչապետ (լուսանկար)