«Եթե այդ թիվը չեք դրել ձեր ծրագրերի մեջ, ո՞րն է ձեր կառավարության իմաստը»

ԱԺ ՀԱԿ խմբակցության ղեկավար Լեւոն Զուրաբյանը, 2017 թվականի պետական բյուջեի նախագծի քննարկմանը, հետաքրքրվեց դեֆոլտ հայտարարելու հնարավորության մասին:

«Ուզում եմ խոսել այն մասին, ինչից խոսեց վարչապետը. մենք գտնվում ենք մի չարաբաստիկ ցիկլի մեջ: Տնտեսությունը տարիներ շարունակ չի զարգանում: ՀՆԱ-ի աճը 2015 թվականին եղել 3 տոկոս, հարկեր-ՀՆԱ-ն՝ 21,2 տոկոս՝ 2015-ին, 2016-ին՝ 20,7 տոկոս: Սա նշանակում է, որ բյուջեի եկամուտները չեն աճելու մոտակա տարիներին: Ուրեմն կա՛մ պետք է ծախսերը պակասեցվի, կա՛մ պետք է նոր պարտքեր վերցնենք, կա՛մ վերջին հնարավորությունը դեֆոլտ հայտարարելն է, քանի որ 2020-ին մեր բյուջեի ծախսերի 28 տոկոսը կգնա պարտքերի սպասարկմանը»,- ասաց նա, դիմելով Ֆինանսների նախարար Վարդան Արամյանին:

Զուրաբյանը նաեւ հստակեցրեց, որ դեֆոլտը ոչ թե անվճարունակությունն է, այլ որոշում՝ չվճարելու մասին.

«Ոնց որ թե իրավիճակը պարտադրում է դեֆոլտի որոշման գնալու. քանի՞ տոկոս աճ պետք է մեր ՀՆԱ-ն ունենա, որ կարողանանք այս ցիկլից դուրս գալ: Պարոն Բագրատյանի հետ խորհրդակցեցի այս թեմայի շուրջ: Ինքն ասում է, որ 7,8 տոկոս աճ է պետք շարունակաբար, որ կարողանանք այս ցիկլից դուրս գալ: Եթե այդ թիվը չեք դրել ձեր ծրագրերի մեջ, ո՞րն է ձեր կառավարության իմաստը»,- հարցրեց նա:

Վարդան Արամյանը հակադարձեց՝ 1,6 տոկոսը տնտեսական ակտիվության ցուցանիշն է, ոչ թե ՀՆԱ-ի.

«ՀՆԱ-ն ինչ-որ կանխատեսվել է, մենք փաստացի ունենք: Նախ՝ մի քանի ցուցանիշներ ներկայացնեմ պարտքի, դեֆոլտի մասին: Ամբողջ աշխարհում ընդունված է, երբ պարտքն ու դեֆոլտը վճարունակության խնդիր չէ, օրինակ՝ Կիպրոսում այն անվճարունակ չէր, ուղղակի հիբրիդային չէր: Մենք, որպեսզի հասկանանք, արդյո՞ք կա այդպիսի վտանգ, մի քանի ցուցիչներին ենք նայել, այդ թվում, կանխիկ հոսքերին եռամսյակային կտրվածքով»,- ասաց Արամյանը:

Նախարարի խոսքով՝ ցուցիչներից առաջինն արտաքին պետական պարտքն է, նվազ պարտք ունեցող երկրների համար այն պետք է փոքր լինի 48 տոկոսից, 2015 թվականին եղել է 34 տոկոս, հաջորդն արտաքին պետական պարտքի արտահանումն է.

«Աշխարհում ընդունված կանոն է, որ դեֆոլտը լինում է արտաքին պարտքից, ներքին պարտքով դեֆոլտ չի լինում, ուստի մենք արտահանման մասով արտաքին պարտքը նայում ենք, որպեսզի հասկանանք արդյո՞ք արտահանման միջոցով բավարար արտարժույթային ռեսուրսներ ունենում ենք՝ արտաքին պարտքը սպասարկելու համար»,- ասաց նախարարը:

Հարցին՝ որքան պետք է լինի տնտեսական աճը դեֆոլտ չհայտարարելու համար, Վարդան Արամյանն այդպես էլ չհստակեցրեց՝ ասելով, որ ցուցանիշները պատրաստ է տրամադրել պատգամավորին՝ «մանրակրկիտ քննարկելու»:

Տպել
17043 դիտում

Գործել է բժիշկ-զինկոմ կոռուպցիոն սխեմա. 14000 դոլարով ազատել են ծառայությունից(տեսանյութ)

ՀԺ-ի հրապարակումն ուղարկվել է ոստիկանության ԿՀԴՊՎ՝ քրգործի հիմքերը պարզելու նպատակով

Քաղաքն աղբի մեջ է. Սանիթեքից հայտնում են, որ Նուբարաշենի աղբավայրի ճանապարհի պատճառով է

Ողբերգական ավտովթար Արագածոտնի մարզում. կան զոհեր ու վիրավորներ (լուսանկարներ)

Հարուցվել է քրգործ՝ «Պրոբացիայի պետական ծառայության» մասնաշենքի տանիքի փլուզման դեպքով

Պաշտպանության նախարարն այցելել է Հայրենիքի պաշտպանի վերականգնողական կենտրոն (լուսանկարներ)

Փլատակների տակ մնացած Կարապետյանը ԱՆ փորձաքննությունների բաժնի պետ էր, երկու դուստր ունի

Զբաղեցրած պաշտոնից ազատվել է ՇՄ առողջապահության վարչության պետ Մեսրոպ Բզնունին

Սաշիկ Սարգսյանի որդին տան նկուղում ծեծել, գազայրիչով այրել, սպառնացել է սպանել տղամարդուն

4,5 մլն դրամ յուրացրած, չարաշահումներ կատարած Վարդաբլուրի գյուղապետը փախել է (տեսանյութ)

Չարաշահումներ Ստեփան Շահումյանի անվան դպրոցում. տնօրենը մշտապես յուրացումներ է կատարել

Երեւանի ավագանու ընտրությունները կարող են եւ չանցկացվել օգոստոսին. օրենքը հստակ չէ

Լոռու փոխմարզպետը՝ մարզում տնօրեններին ու գյուղապետերին կուսակցականացնելու մասին

Արցախի նախագահը նոր նշանակումներ է կատարել

Աշոտ Արսենյանը Մալիշկայի համայնքապետին որպես ընտրակաշառք 13 մլն դրամ է փոխանցել

Մենք շատ հարցեր ունենք. Պուտինը 50 րոպե ուշացումով է ժամանել Թրամփի հետ հանդիպմանը

Հայաստանի տարածքում սպասվում է անձրեւ եւ ամպրոպ. ջերմաստիճանը կնվազի

Մենք ամաչում ենք, որ ունենք բռնապետական հոգեւոր իշխանություն. Կարեն Պետրոսյան

Պետք է վերականգնենք Հրազդան քաղաքի երբեմնի հռչակը․ նախարար Սուրեն Պապիկյան

Հանքային ջրեր արդյունահանողները 230 մլն դրամի չափով բնօգտագործման վճարներ չեն վճարել