«Խորոված-մորոված, գխտալ-մխտալ, վերջում էլ ստանում են էն թիվը, որն ուզում են». Հ. Բագրատյան

01/11/2016 schedule15:39

ԱԺ ՀԱԿ խմբակցության պատգամավոր, նախկին վարչապետ Հրանտ Բագրատյանը պետական բյուջեի նախագծի քննարկումներին է  գալիս «ոչ թե որեւէ գյուղի ասֆալտի խնդիր» բարձրացնելու համար, այլ ավելի խորքային խնդիրների համար:

Այս մասին Ազգային ժողովի տարածքային կառավարման եւ տեղական ինքնակառավարման հարցերի ու ֆինանսավարկային եւ բյուջետային հարցերի մշտական հանձնաժողովների համատեղ նիստում ասաց նա:

Բագրատյանը նաեւ որոշ պարզաբանումներ ներկայացրեց երեկվա իր եւ ԱՎԾ-ի պետի միջեւ ծագած վիճաբանության վերաբերյալ՝ ներկայացնելով որոշ թվային ցուցանիշներ, ըստ որի, Ֆինանսների նախարարն ու ԱՎԾ-ն ոչ ճիշտ տվյալներ են ներկայացրել:

«Ֆինանսների նախարար Արամյանի բացատրություններն անընդունելի էին: Երեկ ֆինանսների նախարարը խոսեց նրա մասին, որ տնտեսական աճը 3,2 տոկոս է սահմանված, բայց դա տնտեսության ավտոմատ կապիտալիզացում է, թիվ չի, կառավարությունն իր առաջ խնդիր չի դնում: Նախարարն էլ ասեց, թե Վրաստանում էլ է այդպես: Կներեք, ՀՀ տնտեսությունը գումարային աճել է 8,5 տոկոս, Վրաստանինը՝ 29 տոկոս: Սա անընդունելի հայտարարություն է»,- ասաց նա:

Հրանտ Բագրատյանն իր հետ բերել էր որոշ փաստաթղթեր, որոնք վկայում էին կառավարության կողմից հնչեցրած թվերի սխալների մասին:

«Վիճվարչության պետն ասում էր, թե ինձ ինչ տալիս են, էն էլ գրում եմ: Դուք սխալ եք ասում, ես ձեզ բերել եմ համապատասխան էջեր, որ տեսնեք՝ ինչքան է: Թե չէ ամեն անգամ միջազգային կառույցներից մարդկանց բերում տանում եք՝ խորոված-մորոված, գխկալ-մխկալ, վերջում էլ ստանում էն թիվը, որը ուզում են»,- ասաց նա:

Պատգամավորը խոսեց նաեւ տեղական ինքնակառավարման մարմինների բյուջեի մասին՝ առաջարկելով, որ եկամտահարկից ու շահութահարկից նույնպես պետք է հատկացումներ լինեն օրենքով սահմանված կարգով.

«Որպեսզի էստեղ նստած ամեն մարզպետ շահագրգռված լինի շատ աշխատի, ոչ թե ասի՝ սիրելի կառավարություն, մեզ փող տուր: Մենք էլ հնարավորություն ունենանք իրենց համեմատել՝ լավ են աշխատում, թե՝ չէ, թե չէ մեկին կառավարությունը շատ է  տալիս, մյուսին՝ քիչ, չի երեւում ով լավ աշխատեց, ով՝ վատ»,- ասաց Բագրատյանը:

Ֆինանսների փոխնախարար Ատոմ Ջանջուղազյանը «չցանկանալով նախարարի փաստաբանի դերը ստանձնել» միեւնույն է, հակադարձեց.

«Չեմ ուզում վիճարկել ձեր բերված թվերը, բայց այն մասին, ինչի մասին երեկ խոսվել է, իրականությանը համապատասխանող ցուցանիշներ են»,- ասաց Ջանջուղազյանը:

Ինչ վերաբերում է եկամտահարկի ու շահութահարկի որոշակի մասի համայնքների բյուջեներում ամրագրելուն, փոխնախարարն ասաց.

«Եթե հիշողությունս չի դավաճանում, ժամանակին նման փորձ եղել է, որոշակի հարաբերակցությամբ եկամտահարկ-գույքահարկ վերաբաշխումն էր, դա ոչ նպատակահարմար գտնվեց: Հիմա դուք շարունակաբար առաջարկում եք քննարկել այդ տարբերակը, կարել է քննարկել»,- ասաց Ջանջուղազյանը:

Վերջում Բագրատյանը շնորհակալություն հայտնեց իր հարցերին «չպատասխանելու» համար, բաժանեց իր հետ բերած թղթերն ու հեռացավ:

Տպել
20459 դիտում

Ընտրությունները կարեւոր են. Հայաստանի ժողովուրդը վերաձեւում է իր ապագան. ՄԱԿ-ի հատուկ զեկուցող

Կարեն Սարուխանյանը գյումրեցի դպրոցականներին արձակուրդ է տվել. թիվ 18 դպրոցում դասեր չեն լինի

Փաստաբանը միջնորդություն է ներկայացրել դատախազին՝ Մայրապետյանին անձնական երաշխավորություններով ազատ արձակելու մասին

Դավիթ Խաժակյանը կղեկավարի «Լուսավոր Հայաստան»-ի շտաբը

Վարդենյանց եւ Ճամբարակի լեռնանցքներում խիտ մառախուղ է

ՀՀԿ-ն պնդում է՝ Փաշինյանը մարտի 1-ին անկարգություններ է հրահրել, այնինչ, այդ մասին խոսք չկա անգամ մեղադրանքում

Հրաչյա Հարությունյանը (Կրակեմ Հրաչ) 26 մլն դրամ եւ 50 հազար դոլար ունի

Ազատ առեւտուր եւ ինտեգրացիա. Մհեր Գրիգորյանն ընդունել է ԵԱՏՀ նախարար Վերոնիկա Նիկիշինային

Շինարարության թույլտվություն՝ առավելագույնը 15 օրում. ինչպե՞ս կառուցել Երեւանում

Գրոհային մարտավարական խմբեր. Փաշինյանը հետևել մարտավարական զորավարժությանը

Ucom-ի և IE բիզնես դպրոցի նախաձեռնությամբ կայացավ Big Data-ին վերաբերող միջոցառումը

Փարիզյան ֆորումը եւ Հայաստանի դիվանագիտության հերթական քայլը

Վեհափառը դա Աստծուց է. Շարմազանովը՝ Գարեգին Բ-ի մասին

Ինչու Արգամ Աբրահամյանը չի առաջադրվել. պարզաբանում են ԲՀԿ-ից

Գրոհող խմբերը կիրառում էին նոր մարտավարություն. Փաշինյանը եւ Տոնոյանը հետեւել են զորավարժություններին (լուսանկարներ)

Ռաֆիկ Գրիգորյանի համար անակնկա՞լ է եղել ՀՀԿ-ի ցուցակում իր անունը տեսնելը. մեկնաբանում է նա

Իտալիայի կառուցապատող ընկերությունների ասոցիացիան հետաքրքրված է ՀՀ-ում գործունեությամբ. հանդիպում նախագահի հետ

Ընտրախախտում է կատարել. ՕԵԿ ավագանու թեկնածուին մեղադրանք է առաջադրվել. ՀՔԾ

Առաջին անգամ ՎՏԲ-Հայաստան Բանկը Սիլ Ինշուրանսի հետ գործարկում է հիփոթեքային վարկավորման կանխավճարի ապահովագրություն

Արզնիում հայտնաբերել է 63-ամյա տղամարդու դի` որոշ հյուսվածքների բացակայությամբ