Կապանում տրանսպորտի ուղեվարձը թանկացել է. բնակիչները պատրաստվում են բողոքի ակցիա անել

Սյունիքի մարզի Կապան քաղաքում 8 համարի երթուղայինի տոմսի արժեքը նոյեմբերի 1-ից թանկացել է 40 տոկոսով՝ 50 դրամից դառնալով 70: Վերջին շրջանում դիզվառելիքի էժանացման ֆոնին այս թանկացումը կապանցիներն անհիմն են համարում եւ պատրաստվում են բողոքի ակցիա կազմակերպել:

Այս մասին մեզ հետ զրույցում հայտնեց Կապանի ավագանու անդամ, «Քաղաքացիական պայմանագիր» կուսակցության Կապանի տարածքային կազմակերպության անդամ Նարեկ Բաբայանը:

Վերջինս տեղեկացրեց, որ հաջորդ խնդիրը, որ մտահոգում է կապանցիներին՝ Բարաբաթում թաղամասը սպասարկող երթուղայինի չաշխատելն է: Արդեն 4 օր է՝ այնտեղ տրանսպորտ չկա: Մի քանի հարյուր բնակիչ կանգնել են դեպի քաղաքի կենտրոնական հատվածներ հասնելու խնդրի առջեւ, որովհետեւ դպրոցներում դասերի ավարտից հետո «Լավ ընկեր» կազմակերպությունը հայտարարել է, թե շահավետ չէ այդ երթուղում ուղեւորափոխադրում իրականացնելը: Այսպիսի խնդիր առաջացել էր նաեւ ամառային արձակուրդների ժամանակ, եւ խնդիրը լուծվեց դիզվառելիքի սուբսիդավորմամբ:

Կապանի քաղաքապետարանի կոմունալ բաժնի փողոցային լուսավորության եւ ճանապարհատրանսպորտային ծառայության բաժնի պետ Աշոտ Ոսկանյանը մեզ հետ զրույցում հաստատեց, որ Բարաբաթում թաղամասը սպասարկող երթուղայինը 4 օր է՝ կրկին չի աշխատում՝ պայմանավորված դպրոցական արձակուրդներով:

«Բարաբաթում թաղամասում միշտ էլ եղել է տրանսպորտ, պայմանավորված դպրոցական արձակուրդներով հիմա չկա: Քաղաքապետը կանչել է կազմակերպության ղեկավարին, պայմանավորվել է, ասել է՝ ինչ պետք է մենք կտանք, թող աշխատի, էլ նման բան չանի: Վաղվանից կաշխատի Բարաբաթումի տրանսպորտը»,- մեզ հետ զրույցում ասաց Ոսկանյանը:

Խոսելով 8 համարի երթուղայինի թանկացման մասին՝ տրանսպորտի վարչության պետն ասաց, որ այդ հարցում ոչինչ փոխել չեն կարող. «Երկու ամիս առաջ մրցույթ տեղի ունեցավ, միայն «Լավ ընկեր» ընկերությունն էր մասնակցում եւ հայտի մեջ նշել էր 70 դրամը: Այդ ընկերությունը շահեց եւ հիմա 70 դրամով ուղեւորափոխադրում է իրականացնում: Թանկացումը պատճառաբանում է, որ թարմ մեքենաներ է գնել, գազի փոխարեն դիզվառելիքով է եւ այլն: Դա 70 դրամ կմնա: 6 համարն էլ է 70 դրամ»: 

Աշոտ Ոսկանյանն ընդգծեց, որ փոխարենը վաղվանից կրկին 100 դրամով կաշխատի 2Ա համարի երթուղայինը, որը քաղաքապետարանի մոտից ուղեւորներ է տեղափոխում դեպի Վաչագան թաղամաս: Արդեն բավական երկար ժամանակ է՝ այդ երթուղայինը աշխատում էր 150 դրամով:

Տպել
4018 դիտում

Հայ-թուրքական սահմանին, սահմանապահների «քթի տակից» գյուղացու տրակտորն ու հակի սարքը գողացել են

Գերմանիան դադարեցնում է զենքի մատակարարումները Սաուդյան Արաբիա

12-րդ դասարանի ավարտական քննությունները կենտրոնացված չեն լինի. այդպես կլինի միայն 9-րդում

«Վորլդ Վիժն» Հայաստանն ու Իմ Քայլը հիմնադրամը համագործակցության տարբերակներն են քննարկում

Ավարտին է հասցվել «Թուրքական հոսք» գազատարի ծովային հատվածը

Ստեփանծմինդա-Լարս ավտոճանապարհը ծանրաքարշ բեռնատարների համար շարունակում է փակ մնալ

Երեւանի քաղաքապետարանը հրավիրում է քննարկելու 2019-ի բյուջեն ու զարգացման ծրագիրը

Լատվիայի դեսպանը հավատարմագրերի պատճենն է հանձնել ԱԳ նախարարի տեղակալին

Ակցիաների հետեւում մարդիկ են, որոնք մեծ բիզնեսներ ձեռնարկելու շահ ունեն. Ռ. Խաչատրյանը հրաժարականի մասին

Սերժ Սարգսյանը դիմել է կենսաթոշակ ստանալու համար

Շախմատի ֆեդերացիան հետին ամսաթվո՞վ փաստաթուղթ է տեղադրել կայքում. պատմում է Լիլիթ Գալոյանը

Սասնա Ծռեր Համահայկական կուսակցության նախընտրական ամբողջական ցուցակը՝ 174 հոգուց բաղկացած

Վալերի Օսիպյանը հանդիպել է Ինտերպոլի գլխավոր քարտուղարի հետ

Մենք լուռումունջ համակերպվողի դերում չենք. Նիկոլ Փաշինյանը՝ Բելառուսի ԱԳՆ-ի վերջին հայտարարության մասին

Արտագնա աշխատանքի մեկնածների եկամուտը հարկելու որեւէ նախագիծ կամ գաղափար չկա. ՊԵԿ նախագահի հավելյալ պարզաբանումը

Կենդանաբանական այգու 213 կենդանատեսակից մնացել է 143-ը. գործառույթները պատկանում են Երեւանի ավագանուն

Փաշինյանն ընդունել է Իլ դը Ֆրանսի շրջանային խորհրդի նախագահ Վալերի Պեկրեսին

Գյումրիում 325 մլն դրամանոց ստրատեգիական նշանակության փողոց է շահագործվել

Խորվաթիայի նորանշանակ դեսպանը հավատարմագրերի պատճենն է հանձնել ԱԳ նախարարի տեղակալին

Հանդիպել են Աննա Հակոբյանը և Գարո Արմենը, քննարկել են համագործակցության հնարավոր ուղիները