Մաքսային միության խերը չենք տեսել, հույս ունենք՝ կտեսնենք. Ն. Զոհրաբյանը՝ փոխնախարարին

03/11/2016 schedule16:01

Եվրոպական ինտեգրման հարցերի մշտական հանձնաժողովի նախագահ, ԱԺ ԲՀԿ խմբակցության պատգամավոր Նաիրա Զոհրաբյանը 2017 թվականի բյուջեի նախագծի քննարկմանն ասաց, որ ուզում է իմանալ ԵՄ-ի հետ շրջանակային համաձայնագրի տնտեսական բաղադրիչի ծավալը.

«Տնտեսական բաղադրինչն ի՞նչ ծավալով է լինելու, որովհետեւ, այո, մենք Մաքսային միության խերը չենք տեսել, հույս ունենք՝ կտեսնենք: Մյուս հարցը վերաբերում է վիզաների կենտրոն կոչված չարաբաստիկ կանտոռային, որտեղ վիզա ստանալու համար ՀՀ քաղաքացիներին ենթարկում են նվաստացման մի խայտառակ ռիտուալի՝ երեխաներին գրկած գնում են, օրերով կանգնում են, իսկ նրանցից ինչ-որ անհեթեթ գումարներ են գանձում սկրեպ խփելու համար, քանի որ ինչ-որ աղջիկներ նստած սկրեպ են խփում ու 17 000 դրամ գանձում»,- ասաց Զոհրաբյանը՝ դիմելով ԱԳ փոխնախարար Կարեն Նազարյանին:

Անդրադառնալով Շրջանակային համաձայնագրի վերաբերյալ հարցին փոխնախարարն ասաց, որ վերջինիս ստորագրումից հետո էլ երկար ժամանակ կպահանջվի, որպեսզի ԵՄ անդամ 28 պետության կողմից փաստաթուղթը վավերացվի:

«Սակայն մենք այս գործընթացը պետք է օգտագործենք ընդլայնելու ու մեր հարաբերությունները խորացնելու համար: Ամենակարեւորն այն է, որ սկսվել են կյանքի կոչվել պայմանագրում նշած հարցերը, եւ ԵՄ-ի հետ կապված կարեւորագույն ծրագրերը»,- ասաց Նազարյանը:

Խոսելով տնտեսական բաղադրիչի մասին Նազարյանը հստակեցրեց, որ այդ փաստաթղթի շուրջ բանակցությունն են ընթանում 3 ուղղությամբ՝ «քաղաքական երկխոսության, տնտեսական եւ առեւտրի շուրջ»:

Փոխնախարարը համաձայնեց, որ վիզաների կենտրոնի հետ կապված քննադատություններ կան.

«Երբեւէ մենք այդ բողոքներն աննկատ չենք թողնում: Ավելին՝ մշտապես այցելություններ ենք անում եւ իրավիճակին տեղում ծանոթանում: Տարօրինակ եմ համարում այդ հավելյալ գումարների գանձումները, որովհետեւ փաստաթղթի ստորագրումից հետո գումարը չպետք է լինի ավելի, քան 30 եվրոն, մենք կփորձենք ստուգել: Իրականում, վիզաների կենտրոնը կոչված է ավելի արդյունավետ դարձնելու գործընթացը»,- ասաց նա:

Նաիրա Զոհրաբյան էլ արձագանքելով օրինակ բերեց իր ընտանիքը՝ ասելով, որ իր հարազատներից Հունաստան գնալու վիզա ստանալու համար 30 հազար դրամ են գանձել:

Տպել
21737 դիտում

Քաղաքական իրավիճակն ազդում է քրեական գործի քննության վրա. Փաշինյանը՝ Ալեքսանդր Սարգսյանի 30 մլն-ի մասին

«Մարդ կա, մտել է Կառավարություն ու սկսել է իր ընկերների հարցերը լուծել, իմ հրահանգով ազատվել է աշխատանքից

Դեպք է եղել, որ պաշտոնյա են ձերբակալել, քաղաքական մեծ աղմուկ է առաջացրել եւ ես տեղյակ չեմ եղել. Փաշինյան

Կառավարությունում կայացել է մարդկային կապիտալի զարգացման վերաբերյալ քննարկում

Հասանովը կհանդիպի Թուրքիայի եւ Վրաստանի ԶՈՒ ԳՇ պետերի հետ

Շոկ էր, երբ ստացանք հեռախոսազանգ, որ ինձ համար էս ուղարկեք, էն ուղարկեք. վարչապետը՝ որդու բանակային ծառայության մասին

Ես ու Ադրբեջանի նախագահը չաթ չենք անում. Նիկոլ Փաշինյան

Կալանք դրված է Մայրապետյանի հաշիվների վրա, Հ2-ի հաշիվների վրա կալանք չկա. Փաշինյան

Եղանակը Հայաստանում. տեղումներ չեն սպասվում

Փաստատթուղթը եկել է. մանրամասներ՝ առաջիկայում կալանավորվելիք պատգամավորի գործով

Անհարմար եմ զգում. Նիկոլ Փաշինյանը՝ Գյումրի չգնալու, աղքատության եւ անօթեւանների մասին

15 անձ է մեղադրվում. Էրեբունիում զանգվածային անկարգությունների գործով մեղադրանք է առաջադրվել եւս մեկ անձի

Նիկոլ Փաշինյանը մամուլի ասուլիսի ընթացքում բարկացավ. պատճառը «խոպանչի» բառն էր

Գառնիկ Բադալյանը նշանակվել է Թուրքմենստանում ՀՀ դեսպան. նախագահի հրամանագրերը

Ստավկաները մեր ժողովրդի մի զգալի հատվածին տոկոսի տակ են դրել. Նիկոլ Փաշինյան

Արսեն Թորոսյանը ոտնձգություն է արել նախորդ կառավարության սրբության սրբոցին՝ Միքայել Մինասյանին. Փաշինյան

Թուրքիայում կա շուրջ 2 մլն իսլամացած հայ ազգաբնակչությո՞ւն. Ավետիս Հաջյանը վստահ չէ

Ինչպե՞ս են աշխատելու «Զվարթնոց» եւ «Շիրակ» օդանավակայանները. քննարկում նախարարությունում

Ներդրումները՝ ձեռքբերում, հանքարդյունաբերությունը՝ ձախողում. Փաշինյանը՝ իր կառավարության մասին

Իմ զրուցակիցն անձամբ Բելառուսի նախագահն է, որից այս պահի դրությամբ արձագանք չեմ ստացել. ՀՀ վարչապետ