Կապանցիները բոյկոտում են թանկացած ուղեվարձով երթուղայինը՝ օգտվելով անվճար մեքենաներից

Արդեն մի քանի օր է՝ Կապանում շարունակվում է տրանսպորտի թանկացման դեմ բողոքի ակցիան: «Քաղաքացիական պայմանագիր» կուսակցության ներկայացուցիչներն իրենց մեքենաներով քաղաքի կենտրոնից Շինարարների փողոց են տեղափոխում 8 համարի երթուղու ուղեւորներին`թույլ չտալով գծատերերին նրանցից գանձել 40 տոկոսով ավելի թանկ ուղեվարձ:

Ինչպես տեղեկացրել ենք՝ 8 համարի երթուղայինի ուղեվարձը 50 դրամից դարձել է 70 դրամ: Այսօր ՔՊ ներկայացուցիչներն ու տրանսպորտի թանկացման դեմ բողոքող Շինարարների թաղամասի բնակիչներից մեկը հանդիպել են Կապանի քաղաքապետ Աշոտ Հայրապետյանին:

«Քաղաքացիական պայմանագրի» Կապանի տարածքային կազմակերպության խորհրդի անդամ Տիրայր Ղահրամանյանը մեզ հետ զրույցում հայտնեց, որ քաղաքապետը տրանսպորտի թանկացումը բացատրում է գրեթե բոլոր ապրանքատեսակների եւ ծառայությունների գնի բարձրացմամբ: Դիտարկմանը, որ ամբողջ աշխարհում դիզվառելիքի գինը նվազել է, քաղաքապետը պատասխանել է, թե այլ ապրանքներն ու ծառայություններն են թանկացել:

Տիրայր Ղահրամանյանի խոսքով՝ վաղը պատրաստվում են հանդիպել Սյունիքի մարզպետի հետ՝ ներկայացնելով 8 համարի երթուղայինից օգտվող ուղեվորների դժգոհությունները:

«Մենք բոլորին կոչ ենք արել չվճարել 70` փոխարենը վճարելով 50 դրամ: Կան մարդիկ, որ ընդհանրապես չեն վճարում, կռիվ են տալիս երթուղայինների վարորդների հետ, մի մասն էլ 50 դրամ է տալիս, իջնում: Այսօր իմացանք, որ գիծը սպասարկող «Լավ ընկեր» ընկերության տնօրենը վարորդներին հրահանգել է՝ ով չի վճարում 70 դրամ, իջեցնել մեքենայից»,- մեզ հետ զրույցում ասաց Ղահրամանյանը՝ վստահեցնելով, որ իրենք շարունակելու են պայքարը:

Նշենք, որ սեփական մեքենաներով կապանցիներին տեղափոխելուն զուգահեռ ՔՊ ներկայացուցիչները նախաձեռնել են նաեւ ստորագրահավաք` տրանսպորտի ուղեվարձի թանկացման հարցը Կապանի ավագանի մտցնելու համար:

ՔՊ Կապանի տարածքային կառույցի անդամ Նարեկ Բաբայանը ֆեյսբուքյան իր էջում այս կապակցությամբ գրել է. «Մեր գործերը ոնց որ վատ չեն գնում, արդեն ունենք ավելի քան երեք հարյուր ստորագրություն։ Չորս հարյուրն անցնելու դեպքում հարցը կարող ենք մտցնել Կապանի ավագանու օրակարգ։ Այսօր էլ ավտոբուսները գրեթե դատարկ են երթեւեկել, քանի որ կարողացել ենք մարդկանց մեր մեքենաներով տեղափոխել կանգառներից»:

Նա կապանցիներին եւ Հայաստանի մյուս բնակավայրերի բնակիչներին կոչ է անում միանալ իրենց՝ նամակներով եւ զանգերով «գրոհելով» վարչապետին, նրա օգնականներին, համապատասխան գերատեսչությունների ղեկավարներին, Կապանի քաղաքապետին ու Սյունիքի մարզպետին:

Հիշեցնենք, որ Կապանի թիվ 8 երթուղին սպասարկող «Լավ ընկեր» ՍՊԸ-ն նոյեմբերի 1-ից բարձրացրել է թիվ 8 երթուղու ուղեվարձը՝ 50 դրամից դարձնելով 70 դրամ: Մեզ հետ զրույցում Կապանի քաղաքապետարանի կոմունալ բաժնի փողոցային լուսավորության եւ ճանապարհատրանսպորտային ծառայության բաժնի պետ Աշոտ Ոսկանյանը 8 համարի երթուղայինի ուղեվարձի թանկացումը բացատրել էր նրանով, որ ընկերությունը նոր մեքենաներ է ձեռքբերել, որոնք դիզելային վառելիքով են աշխատում:

Տպել
3813 դիտում

Մարտունիում ՔՊ ակտիվիստները փակել են Երևան-Վարդենիս-Մարտակերտ ճանապարհը՝ ռեյտինգային ցուցակի դեմ բողոքի համար

WikiLeaks-ի հիմնադիր Ջուլիան Ասանժի դեմ դատական հայց է ներկայացվում՝ լրտեսության մեղադրանքով

Գրոսմայստեր Լիլիթ Գալոյանը դատի է տվել Հայաստանի շախմատային ֆեդերացիային

Լարսի անցակետը փակ է բոլոր ավտոմեքենաների համար, Հայաստանում կան դժվարանցանելի ճանապարհներ

Աննա Հակոբյանն այցելել է բուժում ստացող երեխաների նկարների ցուցահանդես (լուսանկարներ)

Լոռիում ձյուն է տեղում, Բերդ քաղաքում և Դիլիջանի ոլորաններում մառախուղ է, Լարսի անցակետը՝ փակ

Ազգային առաջընթաց կուսակցությունը ներկայացրել է համամասնական ցուցակի առաջին տասնյակը

Հորը սպանած Խաչատրյան քույրերից մեկը դպրոց է վերադարձել. քույրերին թույլ չեն տալիս օգտվել կապի միջոցներից

Իրանում այսօր կախաղան է հանվել «ոսկիների սուլթանը»

Արմեն Աշոտյանն այլեւս ընդգրկված չէ Բժշկական համալսարանի հոգաբարձուների խորհրդի կազմում

Ալեքսիս Օհանյանը նոր կադրեր է հրապարակել հայաստանյան այցից եւ «Շախմատ» կոնյակի պատրաստման ընթացքից

Մի խումբ անձինք ապօրինի ավտոկայանատեղի են կազմակերպել, հատուկ համազգեստով գումարներ գանձել

Դավիթ Տոնոյանն ու ԵՊԲՀ ռեկտոր Արմեն Մուրադյանը հուշագիր են ստորագրել

«Իմ քայլը» դաշինքի ռեյտինգային թեկնածուներն՝ ըստ ընտրատարածքների

Հանդիպել են ՄԱԿ-ի Խաղաղ հավաքների և միություններ կազմելու հարցերով հատուկ զեկուցողն ու Ա. Միրզոյանը

Նորմալ երկիր ա դարձել, մեր վարչապետը օրինականություն ա մտցրել, էդ քիչ ա՞. քրեական հեղինակություն Նորատուսցի Արա

Քոչարյանի պաշտպանը Վճռաբեկ է ներկայացրել ապացույց, թե ինչպես են ըստ Քոչարյանի ցուցարարները Մարտի 1-ին կրակում

Ն. Փաշինյանն այցելել է «Մեգերյան կարպետ» ընկերություն, աշխատանքային ընթրիք ունեցել Հարվարդի շրջանավարտների հետ

Արցախի ՄԻՊ-ն ու Աննա Հակոբյանը քննարկել են մարդու իրավունքներին եւ մարդասիրական խնդիրներին առնչվող ծրագրերը

Հոգով ու սրտով կապված եմ եղել մարզիս հետ. Վահրամ Բաղդասարյանը դիմում է լոռեցիներին