Գոռ Սուջյանը տոն է պարգևել Վանաձորի երիտասարդներին

12/11/2016 schedule22:30

Նոյեմբերի 12-ին երիտասարդական տոներին նվիրված միջոցառումների շարքը շարունակվել է Վանաձորում։ Վանաձորի «Հայաստան» մարզահամալիրում կայացել է Գոռ Սուջյանի համերգը։ Ներկա էին ավելի քան 2000 երիտասարդներ։

Հայաստանի երիտասարդական հիմնադրամի հասարակայնության հետ կապերի ծառայությունից տեղեկանում ենք, որ երիտասարդներին տոների կապակցությամբ շնորհավորել են ԱԺ ՀՀԿ խմբակցության ղեկավար Վահրամ Բաղդասարյանը, Վանաձորի քաղաքապետ Մամիկոն Ասլանյանը, Հայաստանի երիտասարդական հիմնադրամի հոգաբարձուների խորհրդի համակարգող, ԱԺ պատգամավոր Կարեն Ավագյանը։

Վահրամ Բաղդասարյանը ի թիվս այլ բարեմաղթանքների ներկա երիտասարդներին ապագայի լիարժեք տերը դառնալու համար մաղթել է կազմել ամուր ընտանիք, քանի որ երկրի հզորության առաջին գրավականներից մեկն ամուր ընտանիքն է։ Նա նաև շնորհակալություն է հայտնել միջոցառման կազմակերպիչներին՝ Վանաձորի երիտասարդներին նման տոն պարգևելու համար։

Վանաձորի քաղաքապետ Մամիկոն Ասլանյանն իր ողջույնի խոսքում ընդգծել է, որ քաղաքային իշխանությունն ամեն ինչ անելու է, որպեսզի առաջիկայում Վանաձորը ճանաչվի Հայաստանի երիտասարդական մայրաքաղաք, ինչը կօգնի, որպեսզի երիտասարդների համար ավելի շատ ծրագրեր իրականացվեն։

Հայաստանի երիտասարդական հիմնադրամի հոգաբարձուների խորհրդի համակարգող Կարեն Ավագյանն իր ողջույնի խոսքը սկսել է՝ մերօրյա հերոսներին՝ սահմանին կանգնած և մեր անդորրն ապահովող զինծառայողների տոնը շնորհավորելով։ Ներկաները հիշել են բոլոր այն հայորդիներին, որոնք իրենց կյանքի գնով ապահովել են մեր խաղաղությունը։ Կարեն Ավագյանն առանձնահատուկ շնորհակալություն է հայտնել մեր ամենակայացած ինստիտուտներից մեկին՝ հայոց բանակին, որը հանրապետության ամենամեծ երիտասարդական կառույցն է։

«Իրականում մենք առաջին հերթին պետք է շնորհավորենք այն երիտասարդներին, որոնք այսօր իրենց զինվորական ծառայությունն են անցնում»,- ասել է պարոն Ավագյանը։ Նա ընդգծել է, որ երկրի իշխանություններն ամեն ինչ անում են, որպեսզի երիտասարդներն ապահովվեն աշխատանքով, ունենան որակյալ կրթություն, միջազգային չափանիշներին համապատասխան հնարավորություններ։

Նշենք, համերգային երեկոն կազմակերպել են Հայաստանի երիտասարդական հիմնադրամը և ՀՀԿ երիտասարդական կազմակերպությունը։ Մեկշաբաթյա միջոցառումները նվիրված են այս օրերին նշվող Երիտասարդության համաշխարհային և Ուսանողության միջազգային տոներին։

Տպել
2130 դիտում

Մեր բանակի համար առավել օգտակար կլինեն ուղղաթիռները. ռազմական փորձագետ

Հերմինե Նաղդալյանի ամուսինը անսահման անշարժ գույք ունի

Աստված մի արասցե՝ ընտրակաշառք բաժանելու փորձ արվի եւ ես իմանամ ոչ թե իրավապահներից, այլ՝ մամուլից. վարչապետ

Վայոց ձորի կադաստրի մարզային ստորաբաժանման աշխատակիցները դիմում են վարչապետ Փաշինյանին

Ապահովել որակ եւ արագացնել կառուցապատման տեմպերը. Արշակյանն այցելել է Թալին-Լանջիկ ճանապարհահատված

Կոռուպցիան՝ բուժհաստատություններում. պետությանն ավելի քան 500 մլն դրամի վնաս է հասցվել. հարուցվել է 41 քրեական գործ

Նախագահի նստավայրը Մաշտոցի 47 հասցեից տեղափոխվելու է Բաղրամյան 26. ԱԺ-ն քվեարկեց

Պլյուշչենկոն օրերս 3-րդ անգամ Երեւանում կներկայացնի Սառույցի արքաներ շոուն. կլինի պրեմիերա

ԱՀԿ-ում ներկայացվել է «ԵԱՏՄ-ում ՀՀ անդամակցության մասին» համաձայնագիրը

Ամերիկահայությունը մեր ամենակազմակերպված համայնքներից մեկն է. Բակո Սահակյան

Փաշինյանի որոշմամբ ստեղծվում է Գերիների, պատանդների եւ անհայտ կորած անձանց հարցերով զբաղվող միջգերատեսչական հանձնաժողով

Սահակաշվիլին իրեն ընչազուրկ է անվանել

Վաշինգտոնում ամերիկահայ գործարարները աջակցում են միմյանց բիզնեսներին

Մնացականյանը Եվրոպայում ներկայացրել է ՀՀ-ում բարեփոխումների ուղղությամբ շոշափելի ձեռքբերումները

Տնտեսական ակտիվությունը աճել է 3 տոկոսով, արդունաբերությունը՝ 8.1 տոկոսով

Վաղվանից Հայաստանի զգալի մասում սպասվում են տեղումներ, հիմնականում՝ ձյան տեսքով

Նիկոլ Փաշինյանն այսօր մեկնում է Արագածոտնի մարզ. հանդիպումներ կլինեն Աշտարակում եւ Ապարանում

Ինչ արժե նախընտրական գովազդի 1 րոպեն. 100 հազարից մինչև հազար դրամ՝ մարզերում ու Երեւանում

Ջիգարխանյանի նախկին կնոջը 250-ժամյա հարկադիր աշխատանք է տրվել. նա պատրաստ է ավլել փողոցները, բայց մեղավոր չի զգում

ԿԸՀ-ն հրապարակել է ընտրություններին մասնակցող ուժերի համապետական և տարածքային ցուցակները