Մարտունու դատարանը Բաղմանյանի օգտին վճիռ կայացրեց

14/11/2016 schedule18:05

Այսօր՝ նոյեմբերի 14-ին, Գեղարքունիքի մարզի Մարտունի քաղաքի առաջին ատյանի ընդհանուր իրավասության դատարանում դատավոր Յուրա Իսկոյանը որոշեց մերժել «Մարտունի պանրագործարան» ԲԲԸ-ի տնօրեն Թաթուլ Բաղդասարյանի բողոքն ընդդեմ Վարդենիսի դատախազ Էդիկ Հարությունյանի եւ ՔԿ ՀԿԳ քննիչ Մարատ Ավետիսյանի: Դռնբաց դատական նիստում մինչ վճիռ կայացնելը դատավորը պահանջեց հրապարակել քրեական գործով որոշ ցուցմունքներ, առերես հարցաքննություններ:

Հիշեցնենք, որ Թաթուլ Բաղդասարյանը դատարանում վիճարկել էր Մարտունի քաղաքի ավագանու որոշումը, որով իր ղեկավարած ընկերությանը պատկանող հողատարածքը համարել են համայնքային սեփականություն եւ օտարել: Գործը կարճվել էր, իսկ Թաթուլ Բաղդասարյանը բողոք է ներկայացրել դատախազի եւ քննիչի՝ գործը կարճելու որոշումների դեմ:

Նշենք, որ նիստն սկսելուն պես Յուրա Իսկոյանը փորձեց թույլ չտալ տեսանկարահանում իրականացնել, ասելով, թե տեսանկարահանման հարցն արդեն քննարկվել է եւ նկարահանում կատարելու իրավունք չունենք եւ կարող ենք միայն ձայնագրել եւ նշումներ կատարել, սակայն երբ դատավորին հիշեցրեցին քաղաքացիական դատավարությանն օրենսգրքի 141-րդ հոդվածի 3-րդ մասը, ըստ որի, դատական նիստի ժամանակ նման իրավունք ունենք, բայց դատավորը պարտավոր էր նիստի մեկնարկից առաջ դատավարությանը մասնակցող կողմերից ստանալ բանավոր թույլտվություն կամ մերժում, որից հետո նոր որոշում պետք է կայացներ տեսանկարահանման վերաբերյալ: Դատավորը հարցրեց դատավարության կողմերին՝ համաձայն են արդյո՞ք տեսանկարահանմանը: Կողմ արտահայտվեց միայն բողոքաբեր Թաթուլ Բաղդասարյանը, իսկ քննիչն ու դատախազը բացասական պատասխան տվեցին: Դատարանը թույլ չտվեց տեսանկարահանում իրականացնել:

Նիստի ժամանակ գործով քննիչը ներկայացրեց ԿԱ կադաստրի պետական կոմիտեի տարածքայի կառույցի ղեկավարի ցուցմունքը, ապա նրա եւ Թաթուլ Բաղդասարյանի առերես հարցաքննության որոշ հատվածներ: Թաթուլ Բաղդասարյանը հայտարարեց, որ քննիչի կողմից ուշադրություն չի հրավիրվել այն հանգամանքի վրա, որ «Մարտունու պանրագործարան» ԲԲԸ-ի հետ կնքված պայամանագրի համաձայն, ընկերությունը 10 տարի իրավունք չուներ փոխել գործունեության պրոֆիլը, նույնիսկ աշխատակիցներին չէր կարող կրճատել: Թաթուլ Բաղդասարյանի խոսքով՝ քննիչն այս հանգամանքն ուշադրության չի արժանացրել, սակայն տեղյակ է եղել:

Քննիչն էլ նշեց, որ համաձայն առերես հարցաքննության, Թաթուլ Բաղդասարյանը եւ ԿԱ կադաստրի պետն ընկերներ են եղել, ինչը հերքվեց Բաղդասարյանի կողմից, նշելով, որ կադաստրի կոմիտեին տարածքային կառույցի ղեկավարին ճանաչել է 2007 թվականից, իսկ գազալցակայան կառուցելու նպատակ ունեցել է 2007 թվականի կեսից, քանի որ նախկինում իրավունք չուներ նման բան անել՝ համաձայն վերը նշված պայմանագրի:

Դատախազ Էդիկ Հարությունյանն էլ նշեց, որ Մարտունու քաղաքապետի ցուցմունքից երեւում է, որ սեփականաշնորհման ժամանակ սեփականաշնորհվել են շենքերն ու շինությունները, զբաղեցրած հողամասերը եղել են դեռեւս համայնքային սեփականություն: Այսինքն՝ տվյալ դեպքում ընկերությունը պետք  վարձակալության պայմանագիր կնքեր համայնքի հետ նշված հողակտորներն օգտագործելու համար: Քաղաքապետարանի դեպքում պայմանագիր է կնքվել 2.3 հա հողի հետ կապված, որը ստացել է պետական գրանցում:

Թաթուլ Բաղդասարյանն առարկություն հայտնեց դատախազի պնդմանը՝ նշելով, որ այդ տրամաբանությամբ իր ղեկավարած ընկերությունն, ընդհանրապես հողակտոր չէր կարող ունենալ, մինչդեռ մինչ օրս գործարանն ու հարակից հողատարածքներն իրեն են պատկանում՝ բացառությամբ ԶՈՒ գլխավոր շտաբի պետի տեղակալ Հայկազ Բաղմանյանի կողմից խլված գազալցակայանի: «Մարտունի պանրագործարան» ԲԲԸ-ի տնօրենը դատարանին ներկայացրեց նաեւ քարտեզներ, հատակագծեր՝ որոնց համաձայն գազալցակայանի տարածքն իր ընկերությանն է պատկանում, սակայն դրանք գործով քննիչն ու դատախազը հաշվի չեն առել:

Դատավոր Յուրա Իսկոյանը գործին կցեց քարտեզները եւ դատաքննությունն ավարտված համարեց, որից հետո գնաց խորհրդակցական սենյակ: Մոտ 40 րոպե հետո դուրս եկավ եւ հայտարարեց, որ որոշում է կայացրել մերժել Թաթուլ Բաղդասարյանի բողոքն ընդդեմ դատախազի եւ քննիչի՝ քրգործը կարճելու որոշման դեմ:

Տպել
4367 դիտում

Ադրբեջանցիները շփման գծի չեզոք գոտուց դուրս են բերել իրենց 5 զինծառայողների դիակները

Փետրվարի 25-ի ադրբեջանական դիվերսիայի գործողությունները | տեսանյութ

Դպրոցներում կլինեն ուսուցչի օգնականի հաստիքներ. ի՞նչ է դա տալու

Մեկնարկել է Սերժ Սարգսյանի աշխատանքային այցը Բելգիայի Թագավորություն

Մեր մարզում ուրիշ մարզադաշտ չկա, ստիպված ենք խաղալ Երեւանում. «Գանձասարի» գլխավոր մենեջեր

Ցանկացած ընտրությունից մեր պետությունը պետք է ավելի ուժեղացած դուրս գա. Շարմազանով

Այս տարվա ձմեռը զգալի վնասներ է հասցրել քաղաքային տնտեսությանը․ Տարոն Մարգարյան

Ադրբեջանը փորձում է ինֆորմացիոն աղմուկի մեջ ներքաշել հնարավորինս շատ կողմերի. քաղաքագետ

Հայաստանի վարչապետի հետ աբխազական երկաթուղու վերագործարկման մասին խոսք չի եղել․ Քալաձե

Հայաստանի ԱԳՆ-ն Ադրբեջանի հակահայ քայլերը չպետք է որակի «զավեշտ» եզրույթով. Արա Պապյան

«Վերջին 100 տարում նման բան չէր եղել». Սուրենյանը՝ մառախուղի եւ սպասվող ցիկլոնի մասին

Լապշինն Ադրբեջանի համար տրոյական ձի է լինելու. Արա Զոհրաբյան

Հայկական կողմը Թալիշի ուղղությամբ հարձակում չի ձեռնարկել․ Արցախի ՊՆ-ն հերքում է

26 պատգամավոր միացել է Հաց բերողի համար կազմակերպված ստորագրահավաքին (տեսանյութ)

Բռնցքամարտիկ Հովհաննես Բաչկովը՝ «Ստրանջա 2017»-ի ոսկե մեդալի մասին

ԵԽ պատգամավորների նկատմամբ քրեական գործ հարուցելով ՝ Ադրբեջանն անցնում է կարմիր գիծը

Թալիշները զանգվածաբար փախչում են Իրան․ Բաքուն թալիշների նկատմամբ նոր հետապնդում է սկսել

Հանրապետությունում կան փակ եւ դժվարանցանելի ճանապարհներ

Արտահանողները մարտի 1-ից հնարավորություն կունենան ստանալ ուղեկցող փաստաթղթերը նույն օրը

Իրանի ԱԳՆ-ն արցախյան հակամարտության կողմերին զսպվածության կոչ է արել