Վերջնական փուլում կհասկանանք՝ պետությո՞ւնն է բիզնես խլում, թե՞ մենք.Սեքյուրթի դրիմի տնօրեն

Երեկ Ոստիկանությունը հաղորդագրություն տարածեց՝ տեղեկացնելով, որ արագաչափերը եւ տեսախցիկները սպասարկող «Սեքյուրիթի դրիմ» ընկերության հետ նոր համաձայնագիր են կնքելու։

«Սեքյուրթի դրիմ» ընկերության սեփականատերերից Ալիկ Զաքարյանը մեզ հետ զրույցում ասաց, որ առայժմ միայն համաձայնագիր կազմելու շուրջ են համաձայնության եկել: Թե ինչպիսին են գործառույթները եւ ֆինանսական հոսքերի տնօրինումը պետությանը հանձնելու պայմանները, ըստ Զաքարյանի, դեռ պարզ չէ:

- Պարոն Զաքարյան, ձեր ընկերությունը համաձայնե՞լ է գործառույթները փոխանցել պետությանը:

- Այո:

- Ի՞նչ են առաջարկում ձեզ՝ գործառույթները պետությանը հանձնելու դիմաց:

- Այսօր դա հրապարակման ենթակա չի: Մանավանդ որ դեռ պարզ էլ չի երեւի: Եթե պայմանները հայտնի լինեին՝ համաձայնագիրը պատրաստ կլիներ:

- Կա՞ որեւէ պայման, որի հետ ձեր ընկերությունը համաձայն չէ:

- Գործարքը կավարտվի, Կառավարությունը, ոստիկանությունը, ինչքան կգտեն հարմար՝ կհայտարարեն:

- Հնարավո՞ր է խոսք է գնում բիզնես խլելու մասին:

- Դուք ուզում եք, որ ես ձեզ ասեմ, որ բիզնեսը խլո՞ւմ են: Ոչ ոք դեռ ոչինչ չի խլում, պայմանները դեռ վերջնական պարզ չեն, երբ որ վերջնական պարզ լինեն, այն ժամանակ կհասկանանք՝ մե՞նք ենք խլում, թե՞ իրենք են խլում: Դեռ ոչինչ պարզ չի: Երբ որ քննարկումն ավարտվի, գան փոխադարձ համաձայնության՝ ձեզ կտեղեկացնեն:

Զրուցեցինք նաեւ «Կարմիր գծերը» սպասարկող «Փարքինգ Սիթի» ընկերության տնօրեն Վազգեն Հարությունյանի հետ:

«Կա պրոցես, կան քննարկումներ, տարբեր հանդիպումներ...Պրոցեսը գնում է հետեւյալ ուղղությամբ, որ պետք է գնալ պետականացման, պետք է հիմնադրի փոփոխություն տեղի ունենա, հիմնադիր հանդիսանա Երեւանի քաղաքապետարանը, իսկ մյուս հարցերը վերջնական լուծված չեն»,- ասաց Հարությունյանը:

Մեր հարցին ի պատասխան «Փարքինգ Սիթի»-ի տնօրենն ընդգծեց, որ քննարկումները չեն գնում «չորով» բիզնես վերցնելու ուղղությամբ: «Արդյունքը չգիտեմ ինչ կլինի, բայց քննարկումներն այդպիսի ուղղվածություն կարծում եմ չունեն: Բայց քանի որ վերջնական արդյունքը չկա, չեմ կարող ասել»,- հավելեց նա:

Նշենք, որ այսօր ժամը 14:30-ին, Երևանի քաղաքապետարանում տեղի կունենա մամուլի ասուլիս, որի ընթացքում Երևանի քաղաքապետի տեղակալ Վահե Նիկոյանը կներկայացնի «Փարքինգ Սիթի Սերվիս» և «Լոկատոր» ընկերությունների հետ տարված բանակցությունների արդյունքներն ու այդ մասով Երևանի քաղաքապետարանի կողմից ձեռնարկվելիք քայլերի հաջորդականությունը:

Հիշեցնենք, որ նոյեմբերի 2-ին նախագահականում հրավիրված խորհրդակցության ժամանակ Սերժ Սարգսյանը Կառավարությանը, ոստիկանությանը եւ քաղաքապետարանին հանձնարարել էր՝ տասն օրվա ընթացքում ձեռնարկել համապատասխան միջոցներ վերը նշված ընկերությունները պետականացնելու, այդ թվում՝ ֆինանսական ողջ հոսքերը պետական կամ համայնքային համապատասխան մարմինների կառավարմանը հանձնելու հարցին լուծում գտնելու առումով:

Տպել
3969 դիտում

Շոկային սկիզբը, Յուրայի պոկերը ու ՀՀ ֆուտբոլի հավաքականի ջախջախիչ հաղթանակը

Ծեծկռտուք Արտաշատի զինկոմիսարիատում. ըստ քաղաքացու ահազանգի՝ կապիտանը կոտրել է իր քիթը

Պարզաբանումներ եմ պահանջելու Բելառուսի ու Ղազախստանի նախագահներից. Փաշինյանը՝ ՀԱՊԿ նիստի զարգացումների մասին

Ոստիկանությունը օպերատիվ տվյալներ է ստացել, որ Երեւանում հիպնոսի միջոցով փող են կորզում

Ջիբրալթար-Հայաստան ֆուտբոլային հանդիպման մեկնարկային կազմերը

Երկու օր առաջ Հայաստանում էր, հիմա՝ չգիտեմ. Շարմազանովը՝ Տարոն Մարգարյանի գտնվելու վայրի մասին

Աշխարհը չէի փոխի քո հետ. Սիրուշոն շնորհավորել է Լեւոն Քոչարյանի ծնունդը

Իրական ընդդիմություն կձեւավորվի ընտրություններից հետո

Արսեն Ջուլֆալակյանն ու լրագրողը պարզաբանել են թյուրիմացությունը

Նոր մանրամասներ հոկտեմբերի 27-ին նռնակով կառավարության շենք ներխուժման դեպքից. պարզվել է՝ ով է նա

Արցախի պետնախարար Մարտիրոսյանն ընդունել է Արցախի պետական համալսարանի ուսանողների

Այդ տարածքը իմն է, իմ սեփականությունն է. Լոռու մարզպետը՝ սեփական ատամնաբուժարան կառուցելու մասին

Մարկոս Պիզելին՝ Ղազախստանի առաջնության լավագույն ֆուտնոլիստ

Քաղաքապետն ընդունել է ՀՀ-ում ԵՄ դեսպան Պյոտր Սվիտալսկիին

Վաչագան Ղազարյանը ցուցմունք է տվել. քննարկվում է կրկին գրավի միջնորդությամբ հանդես գալու տարբերակը

Ավան վարչական շրջանի ղեկավարը հրաժարական է տվել

23-ամյա Վահագնի շնորհիվ մարդկանց կյանքեր կփրկվեն. արյան տարբեր խումբ ունեցողներ շարունակում են արյուն հանձնել

Վարչապետ Նիկոլ Փաշինյանի միջնորդությամբ Սիմոն Մարտիրոսյանն ու Գոռ Մինասյանը կպարգեւատրվեն

Հույս ունեմ կկարողանանք Աբաջյանի հերոսությանն արժանի ապրել՝ անկախ նրանից` ինչով ենք զբաղվում. Փաշինյան

Հայ մարզիչը ղազախական ակումբի մանկապատանեկան ֆուտբոլը ղեկավարելու ու Հենոյի գեղեցիկ քայլի մասին