Ոստիկանության ֆաբրիկայի աշխատակիցները չվճարված աշխատավարձերի հարցով դիմում են վարչապետին

Նախկինում ոստիկանությանը պատկանող «Կոնտինենտտեքս» ընկերության մի խումբ նախկին աշխատակիցներ մեր կայքի միջոցով դիմում են ՀՀ վարչապետ Կարեն Կարապետյանին՝ հայտնելով, որ 3 տարի է՝ լուծարվել է իրենց ընկերությունը, սակայն մինչ այժմ 7 ամսվա աշխատավարձ եւ վերջնահաշվարկ չեն ստացել:

Նրանք այս 3 տարվա ընթացքում տարբեր գերատեսչությունների դուռ են ծեծել, ապարդյուն փորձեր են արել հանդիպելու ոստիկանապետ Վլադիմիր Գասպարյանի հետ, որին մեղադրում են ընկերությունը փակելու մեջ, տարբեր վարչապետերի են դիմել, սակայն իրենց նամակները միշտ վերահասցեագրվել են պետական գույքի կառավարման վարչությանը, որն էլ դրանք անարձագանք է թողել՝ պնդելով, որ ընկերության գույքը պետք է վաճառվի, որ գումարները տան:

Իսկ ընկերության գույքը, ինչպես պնդում են նախկին աշխատակիցները, այժմ արդեն անպիտան է, ժանգոտած եւ վաճառքի ենթակա չէ:

Ինչպե՞ս է դեռեւս 90-ական թվականներից իրավապահ համակարգի վերահսկողության տակ գտնվող եւ ոստիկանության, ներքին զորքերի բոլոր ստորաբաժանումների համար համազգեստ կարող ընկերությունը հասել այս վիճակին.

«Մենք ինքնաֆինանսավորվող հիմնարկ ենք եղել, բայց կատարել ենք ոստիկանության պատվերները, կարել ենք համազգեստներ ներքին զորքերի, սպայական կազմի, ոստիկանության ամբողջ շարքային համակարգի համար համազգեստներ: Շատ լավ աշխատել ենք, լավ արդյունքներ են եղել: Բայց երբ Վլադիմիր Գասպարյանը նստեց գահին, այդ օրվանից մեր գործերը վատացան: Չգիտեմ ինչի, երբ ինքը եկավ-դարձավ ոստիկանապետ, իր հետ բերեց ոստիկանության նոր տնտեսական վարչության պետ (Խանզրադյան), որն էլ մեր ընկերության տնօրեն նշանակեց Սամվել Բեկչյանին: Էս Բեկչյանին թվում էր, թե այս ամբողջն իրենն է, պետք է կուլ տա: Պատվերներ ունեցանք, չկարեց: Պարտքեր կուտակեց: Վերջը հասցրեց նրան, որ ընկերությունը տանի լուծարման:

2012 թվականի ապրիլից մինչեւ հոկտեմբեր մենք ոստիկանության պատվերները չարեցինք: Կարում էինք Բեկչյանի կնոջ անունով գրանցված «Սամլ ֆրութ» ընկերության համար: Դրանից հետո 2013 թվականի հոկտեմբերի 31-ին մեր ընկերությունը փակվեց, գնաց լուծարման, պետական գույքի կառավարման վարչությունից սկսեցին ընդունում-հանձնում անել: Ընկերությունը տարան սնանկացման: Բանվորությանը մի կերպ, զոռով-շառով, կիսատ-պռատ աշխատավարձ տվեցին, մեր փողերը մնացին օդի մեջ: Աշխատանքային գրքույկները հետ վերադարձրին, աշխատավարձ չտվին: Լաբորատորիայի աշխատողներ, հաշվապահներ, պահեստապետ, արտադրության պետեր. ոչ ոք 7 ամսվա աշխատավարձը չի ստացել, դրան գումարած՝ վերջնահաշվարկ»,- մեզ հետ զրույցում խնդիրը ներկայացրեց աշխատակիցներից Գոհար Թամամյանը, որի հաշվարկներով ընկերությունը միայն իրեն 1 միլիոն դրամի պարտք ունի:

Նշենք, որ «Կոնտինենտտեքս» ընկերության տեղում ներկայումս բարձրահարկ շենք են կառուցում: Ընկերության նախկին աշխատակիցները կարծում են, որ «Կոնտինենտտեքս»-ը հատուկ է սնանկացման տարվել, որպեսզի ոստիկանության համազգեստները կարվեն «Քանաքեռի կարի ֆաբրիկայում», որը նրանց տեղեկություններով Վլադիմիր Գասպարյանի բարեկամներից մեկին է պատկանում:

«Միտումնավոր հիմնարկը քանդեցին, պատճառաբանելով՝ իբր պարտքեր ունի, չեն կարողանում վճարել, որ լրիվ իրեն լինի: Էլի լրիվ իրեն լինի, գոնե մեր փողերը տվեք»,- նշեց աշխատակիցներից Սիրանույշ Խալաթյանը:

Նշենք, որ «Կոնտինենտտեքս» ՓԲԸ-ի տնօրեն Սամվել Բեկչյանը ՀՀ ԿԱ ՊԵԿ քննչական վարչությունում քննվող քրեական գործով ներգրավվել է որպես մեղադրյալ` ՀՀ քրեական օրեսգրքի 193-րդ եւ 205-րդ հոդվածի 1-ին մասի հատկանիշներով: Մեղադրյալի նկատմամբ խափանման միջոց է ընտրվել ստորագրություն չհեռանալու մասին, նրա նկատմամբ հայտարարվել է հետախուզում: 
Ընկերության նախկին աշխատակիցները պնդում են, որ Բեկչյանը Մոսկվայում ազատորեն շրջում է:

«Մի երեխա հեռախոս գողացած լիներ՝ հիմա բռնել նստացրել էին: Բա 38 միլիոնից ավելի պարտք ունի աշխատակիցներին, 140 հոգու մի գրչի հարվածով հանել դուրս է շպրտել, ինչո՞ւ չեն դատում»,- մեր զրույցը Կառավարությանն ուղղված այս հարցադրումով եզրափակեց ընկերության նախկին աշխատակիցներից Գոհար Թամամյանը:

ՀՀ ոստիկանությունից այս կապակցությամբ մեզ հայտնեցին, որ լուծարված «Կոնտինենտտեքս» ընկերության աշխատակիցներին բազմիցս պարզաբանվել է ստեղծված իրավիճակը:

Հիշեցնենք, որ ոստիկանությունը «Կոնտինենտտեքս» ՓԲԸ-ն լուծարելու որոշումը բացատրել էր հետեւյալ կերպ. «... որոշման նպատակը կարի արտադրության շուկայում հեռանկար չունեցող, վնասով աշխատող առեւտրային կազմակերպության հետագա գործունեության դադարեցումն էր: 2009-2013 թվականների ընթացքում ընկերության հասույթը 428,4 միլիոն դրամից նվազել էր մինչեւ 19,9 միլիոն դրամի»:

Տպել
5184 դիտում

Հայաստանը ներկայացնող ֆիլմը չի ընդգրկվել «Օսկար»-ի հավակնորդների ցանկում

ՌԴ-ի եւ Բելառուսն ընդունել են Դաշնային պետության 2018 թ-ի բյուջեն

Սերժ Սարգսյանը ստորագրել է ռուսական զենքի գնման համար արտահանման վարկ ստանալու օրենքը

Երուսաղեմը կորցնելու դեպքում մահմեդականները կկորցնեն Մեքքան ու Մեդինան. Էրդողան

Գերմանիան եւ Ֆրանսիան պայմանավորվել են փոխել Եվրամիությունը

Անկարան պատրաստ չէ կարգավորել հայ-թուրքական հարաբերությունները. ԱԳՆ-ի հայտարարությունը

«Գրին քարտ»-ով ԱՄՆ են ժամանում իրենց հասարակություններում «վատագույնները». Թրամփ

Նյու Յորքի նախկին քրիստոնեական եկեղեցում ծաղկում է Իսլամը

Վրաստանում վարորդական իրավունքի գործնական քննությունը տեղափոխվում է փողոց

Սահակաշվիլին հայտարարել է, որ պատրաստ է պայմանավորվել Պորոշենկոյի հետ

Արեւմուտքն օգնում է բռնապետերին թալանել իրենց երկրները. քննարկում ԱՄՆ-ի Սենատում

Թրամփի վարչակազմը կարող է խափանել Boeing ու Airbus օդանավերի վաճառքն Իրանին. WSJ

Հրազդան գետի հունը պատվել է սառույցով.լուսանկարներ

Միջպետական ճանապարհի մերկասառույցը մեկ շաբաթ է չի մաքրվում. լուսանկարներ

Վերջին 10 տարում ԱՄՆ քաղաքացի է դարձել 27.000 հայ

Սպանվել է 4 պաղեստինցի. իսրայելա-պաղեստինյան ամենաթեժ բախումները գրանցվել են այսօր. ֆոտո

Վարդենյաց լեռնանցքում, Հրազդան քաղաքում, Սոթք-Քարվաճառ ավտոճանապարհին մերկասառույց է

Հայաստանը ստանձնեց Սևծովյան տնտեսական համագործակցության կազմակերպության նախագահությունը

Արքայազն Հարրին ու դերասանուհի Մարքլը կամուսնանան մայիսի 19-ին` հարսնացուի կնքվելուց հետո

ԿԺԴՀ-ն մտադիր է դառնալ աշխարհի ամենահզոր ու մեծ ռազմական կապիտալով տերությունը