Միհրան Մանասյանը՝ իր պոկերի մասին. խաղընկերներիս շնորհիվ գոլեր խփեցի

24/11/2016 schedule18:02

Հայաստանի Բարձրագույն խմբի առաջնության 15-րդ տուրի «Ալաշկերտ»-«Արարատ» (4:1) հանդիպման ընթացքում արդյունավետ խաղով աչքի ընկավ տանտերերի հարձակվող Միհրան Մանասյանը: Նա 4 գնդակ ուղարկեց մրցակցի դարպասը: Armtimes.com-ի հետ զրույցում Հայաստանի գործող չեմպիոնների ֆուտբոլիստը նշեց, որ իր հաջողությունը մեծապես պայմանավորված էր ընկերների լավ խաղով:

«Կասեմ, որ երեկ խաղս երեւի ստացվեց, իսկ գոլերն էլ տղաների աշխատանքի շնորհիվ խփեցի: Բոլորն էլ ձգտում էին ինձ օգնել, որպեսզի ինչքան կարող եմ, շատ խփեմ: Բոլորից էլ շնորհակալ եմ»,- ասաց ֆուտբոլիստը:

Նախորդ մրցաշրջանում Միհրան Մանասյանը, ինչպես իր թիմակից բրազիլացի Էբերը, 16 գոլով դարձավ առաջնության լավագույն ռմբարկուներից մեկը: Այս մրցաշրջանում մինչեւ երեկ՝ առաջնության 14 խաղից հետո Մանասյանն իր հաշվին ընդամենը 3 գոլ ուներ: Պոկերի շնորհիվ նա 7 գոլով միանձնյա գլխավորեց ռմբարկուների ցուցակը:

«Ես ճիշտ է՝ գոլերի առումով այս առաջնությունում պասիվ էի, բայց 5 գոլային փոխանցում էի կատարել: Ինչ վերաբերում է ռմբարկուների ցուցակին, միշտ ձգտելու եմ առաջինը լինել եւ իմ խփած գոլերով օգնել թիմիս հաղթանակներ տանել»,- ասաց նա:

Առաջնության 15 տուրից հետո «Ալաշկերտը» 26 միավորով 2-րդն է: «Փյունիկը» նույնպես 26 միավոր ունի, սակայն լրացուցիչ ցուցանիշներով «Ալաշկերտին» զիջելու պատճառով 3-րդն է: Առաջատարը շարունակում է մնալ Գյումրիի «Շիրակը» (28 միավոր): Մանասյանը վստահ է, որ իրենք կարող են շրջանցել գյումրեցիներին եւ պահպանել չեմպիոնական տիտղոսը:

«Ինչու՞ ոչ: Չեմ տեսնում որեւէ բան, որը կարող է խանգարել մեզ կրկնել մեր հաջողությունը: Մնում է, որ ամեն անգամ խաղադաշտ դուրս գանք 3 միավորի համար, ինչը միշտ անում ենք»,- ասաց նա:

Միհրան Մանասյանին ռմբարկուների ցուցակում 6 գոլով հետեւում է «Գանձասար-Կապանի» հարձակվող Գեղամ Հարությունյանը: «Շիրակի» հարձակվող Վիուլեն Այվազյանը 5 գոլով 3-րդն է:

Տպել
1068 դիտում

ԱՄՆ-ից հանգանակած 51.000 դոլարի մթերքների մի մասը եւս հայտնվել է Մ. Գրիգորյանի առանձնատանը

Սակագների չնչին նվազեցումները չպետք է շեղեն կառավարության ուշադրությունը

Կարեւորվել են պաշտպանական բնագավառում հայ-ճապոնական շփումների հեռանկարները

Կասկածներ կան «Գեներալ Մանվել Գրիգորյան» հիմնադրամի դրամական մուտքեր ու ելքերի մասին. ՀՔԾ

Ֆրանսիացի գործարարները ցանկանում են ՀՀ-ում ներդրուրմներ կատարել. հանդիպում գործադիրում

Կինոլոգիական միության նախագահ Վիոլետա Գաբրիելյանի բաց նամակը ՀՀ վարչապետ Նիկոլ Փաշինյանին

«Բելաջիո»-ի կառուցած կոյուղահորը կարող է վարակիչ հիվանդությունների պատճառ հանդիսանալ

Արցախի ժողովուրդն է որոշելու իր ապագան եւ Թուրքիան անելիք չունի. Շարմազանով

Խուզարկություն Վստրեչի Ապերի տանը. նրա նկատմամբ միջազգային հետախուզում է հայտարարվել

Համայնքապետերը պետությանը 74 մլն դրամ վնաս են պատճառել. հարուցվել է 71 քրգործ

Անհրաժեշտ է գիտակցել ինքնորոշման իրավունքի իրացման կարեւորությունը. Էդուարդ Շարմազանով

Ուժեղ կարկուտ է տեղացել Արմավիրի մարզում. վնասվել են նաեւ տանիքները

ԱԺ խմբակցությունները պատրաստակամ են քննարկել Ընտրական օրենսգրքի փոփոխությունները

Մայորն անփութություն է դրսեւորել, ինչը հանգեցրել է զինծառայողի մահվան

Պատկերացնո՞ւմ եք. հեղափոխության մեխանիկա

Ընտրական բարեփոխումները պետք է իրականացվեն քաղաքական համաձայնությամբ. Արմեն Աշոտյան

Խուզարկություններ՝ Զապի, Կանեւսկոյի, Օշականցի Գեւորիկը, Նորատուսցի Արայի եւ մյուսների տանը

Ինչպե՞ս են զորացրվածները վերաբերվում զինվորական ծառայությանը. հանդիպում ՊՆ-ում

Ի՞նչ անել. փակուղի ընդդիմության համար

Մանրամասներ. «Արմավիայի» միակ բաժնետերը