ՀՀԿ-ն կազատվի՞ խորհրդարանի հնաբնակներից. Գեղամյանը վստահեցնում է՝ իր պահանջարկը կա

2017 թվականի խորհրդարանական ընտրություններում ՀՀԿ-ն, ըստ լուրերի, փորձում է ազատվել հնաբնակներից՝ փոխարինելով վերջիններիս չհեղինակազրկված, նոր գործիչներով:

ՀՀԿ խմբակցության պատգամավոր, Ազգային միաբանություն կուսակցության նախագահ Արտաշես Գեղամյանն այն կարծիքին չէ, որ ՀՀԿ-ի երիտթեւի եւ տարեց պատգամավորների մեջ կռիվ է սկսվել: Պատգամավորն Armtimes.com-ի հետ զրույցում վստահեցրեց, որ երիտթեւը հարգանքով է լցված տարեց պատգամավորների հանդեպ.

«Մեծագույն հարգանք կա երիտասարդների կողմից  ավագ սերնդի ներկայացուցիչների հանդեպ: ՀՀԿ-ն պահպանողական կուսակցություն է, այնպես որ, եթե սերնդափոխության խնդիր դրվի, դասական ճանապարհով կլուծվի»,- ասաց նա:

Մեր հարցին՝ նոր խորհրդարանում լինելու ակնկալիքներ ունի՞, պատգամավորն ասաց.

«Ես մեծ ակնկալիքներ ունեմ իմ ապագայի հետ, որովհետեւ այն մտավոր ուժը, որը ես ունեմ, ինչու չէ նաեւ փորձառությունս, ՀՀ-ի համար պահանջված է, իսկ թե կոնկրետ որ ոլորտում, որ բնագավառում՝ զինվեք համբերությամբ»:

Մեր ճշտող հարցին՝ ինքն այն կարծիքին է, որ մեծ պահանջարկ ունի՞, Արտաշես Գեղամյանը հստակեցրեց. ոչ միայն ՀՀ-ն ունի իր պահանջարկը, այլ նաեւ՝ եվրոպական հանրությունը.

«Այդ կարծիքին են նաեւ ԵԱՀԿ խորհրդարանական վեհաժողովի ամենակարկառուն դեմքերը»:

Գեղամյանը չհերքեց, որ առաջիկա խորհրդարանական ընտրություններում ՀՀԿ-ն նոր դեմքերի կառաջադրի, նաեւ հստակեցրեց.

«Նրանք նոր դեմքեր չեն, ՀՀԿ-ի ընդերքում աճեցված դեմքեր են, որոնց համար ավելի նոր ու խոստումնալից ասպարեզ է բացվում»:

Գեղամյանն առաջին անգամ խորհրդարանում հայտնվել է մեծամասնական ընտրակարգով, վերջին անգամ՝ ՀՀԿ-ի համամասնական ցուցակով: Թվով 4 գումարման խորհրդարանի պատգամավոր է:

Խորհրդարանի հնաբնակներից է նաեւ ՀՀԿ խմբակցության պատգամավոր Համլետ Հարությունյանը: Նա Ազգային ժողովում է 1999 թվականից:

Պատգամավորը մեզ հետ զրույցում ասաց, որ կուսակցությունում դեռ նման քննարկումներ չեն եղել.

«Չկան տարեցներ ու ջահելներ, կան պատգամավորի արժանի եւ ոչ արժանի թեկնածուներ»,- ասաց նա:

Հետաքրքրվեցինք՝ իրեն համարո՞ւմ է արժանի պատգամավոր, վերջինս պատասխանեց.

«Ես չեմ որոշողը, այլ՝ կուսակցությունը, այնպես որ չեմ կարող իմ մասին ինչ-որ բան ասել, դա անհամեստություն կլինի»:

Ինչ վերաբերում է ՀՀԿ-ի կողմից նոր դեմքեր խորհրդարան բերելուն, պատգամավորը վրդովվեց.

«Բայց դուք ի՞նչ գիտեք էդ մասին, որ ՀՀԿ-ն նոր դեմքեր է բերում. ես նման լուրերը չեմ մեկնաբանում»:

Տպել
16939 դիտում

Երեւանի ավագանու ընտրության օրն արձանագրված ենթադրյալ 31 իրավախախտման դեպքով նյութեր են նախապատրաստրաստվում

Երեւան վերադառնալուն պես վարչապետը բանակցություններ կսկսի ԱԺ ուժերի հետ՝ այն ցրելու շուրջ. քաղաքագետ

«Ժառանգություն»-ը շնորհավորում է բոլոր երեւանցիներին՝ 23 տարում առաջին օրինական ընտրությունների առթիվ

Շարունակվում է սփյուռքի նախարարի աշխատանքային այցը Լիբանան

Վարչապետը հանդիպել է Նյու-Յորքի եւ ԱՄՆ-ի այլ հայաշատ համայնքների ներկայացուցիչներին

Երեւանում մեքենան բախվել է գազատար խողովակին և գլխիվայր շրջվելով ընկել ջրանցքը. վարորդը հոսպիտալացվել է

«Իմ քայլը» դաշինքը 81.06%-ով հաղթանակ տարավ Երևանի ավագանու արտահերթ ընտրություններում. վերջնական

Սիրում եմ բոլորիդ, հպարտանում եմ բոլորովդ. վարչապետ

192 ընտրատեղամասի վերջնական արդյունքներով՝ «Իմ քայլը» դաշինքն առաջատար է՝ ձայների 81.05 %-ով

Դավիթ Խաժակյանն ու Արտակ Զեյնալյանը «Իմ քայլը» դաշինքի շտաբում են, շնորհավորում են հաղթանակի առթիվ

4/36 ընտրատեղամասում հաղթել է «Իմ քայլը» դաշինքը, 8 քաղաքական ուժեր ձայներ չեն ստացել

6/05 ընտրատեղամասում 734 քաղաքացուց 560-ը քվեարկել է «Իմ քայլը» դաշինքի օգտին

էրեբունու 10/49 ընտրատեղամասում եւս բացարձակ հաղթանակ է տարել «Իմ քայլը» դաշինքը

Հայկ Մարությանը 547 քվե ստացավ 01/08 ընտրատեղամասում

էրեբունու 10/50 ընտրատեղամասում 789 ընտրողից 678-ը քվեարկել են «Իմ քայլը» դաշինքի օգտին

Ավանի 1/09 տեղամասում ձայների ճնշող մեծամասնությամբ հաղթեց «Իմ քայլը» դաշինքը՝ 569 ձայն, «Լույսը»՝ 95, ԲՀԿ-ն 68 ձայն

Որքան ձայն է ստացել յուրաքանչյուր քաղաքական ուժ. ԿԸՀ հաշվիչը միացել է. արդյունքները՝ ուղիղ

Մարմնով պաշտպանել ենք քվեատուփը, կռիվ ենք տվել, հայտնվել մահակների տակ՝ այս օրը մոտեցնելու համար

Երեւանի 8/28 ընտրատեղամասում մի քանի հարյուր ձայնով առաջատար է «Իմ քայլը» դաշինքը

Արաբկիրի 4/38 ընտրատեղամասում «Իմ քայլը» դաշինքը հավաքել է 516 ձայն. նախնական տվյալներ