«Քաղաքացիական պայմանագիրը» բացառում է առնվազն 2 ուժի հետ համագործակցությունը

«Քաղաքացիական պայմանագիր» կուսակցության վարչության անդամ Լենա Նազարյանը պատասխանել է մեր հարցերին:

- Տիկին Նազարյան, «Քաղաքացիական պայմանագիր» կուսակցության արտահերթ համաժողովի ժամանակ ՔՊ վարչության ներկայացուցիչները չբացառեցին 2017 թվականի խորհրդարանական ընտրություններին դաշինքով մասնակցության հնարավորությունը: Վերջին շրջանում խոսակցություններ կան, որ «Քաղաքացիական պայմանագիրը» բանակցում է «Լուսավոր Հայաստան», «Ժառանգություն» եւ «Հանրապետություն» կուսակցությունների հետ՝ դաշինք կազմելու շուրջ: Ավելի ուշ հայտնի դարձավ, որ այս 3 ուժերը որոշակի համաձայնության են եկել եւ հանդես են գալու հայտարարությամբ: Ո՞ր փուլում են բանակցությունները նշված ուժերի հետ:

- «Լուսավոր Հայաստան», «Հանրապետություն», «Քաղաքացիական պայմանագիր» կուսակցությունների ներկայացուցիչները մի քանի շաբաթ տևած հանդիպումների ընթացքում ձեռք են բերել համագործակցության վերաբերյալ հստակ պայմանավորվածություններ: «Ժառանգություն» կուսակցությունը նույնպես մասնակցել է այդ հանդիպումներին, բայց նրանց ներկայացուցիչների հետ որևէ պայմանավորվածություն չկա: Անցած շաբաթ տարածվեց հայտարարություն, որում ասվում էր նաև, որ ավելի մանրամասն տեղեկություններ կհաղորդվեն դեկտեմբերի 12-ին՝ կուսակցությունների ներկայացուցիչների համատեղ ասուլիսի կամ հայտարարության տեսքով: Ուզում եմ ձեր ուշադրությունը հրավիրել այն բանի վրա, որ կուսակցությունների տարածած հայտարարության մեջ օգտագործվել է համագործակցություն բառը, որի իմաստը տվյալ համատեքստում բացահայտման և հավելյալ մեկնաբանության կարիք ունի: Դրա մասին ավելի մանրամասն կխոսվի դեկտեմբերի 12-ին, բայց մինչ այդ կարող եմ ասել միայն, որ «Քաղաքացիական պայմանագրում» ոչ ոք հետաքրքրված չէ կարճաժամկետ, ոչ հեռանկարային և անարդյունք համագործակցությամբ և դաշինքներով, որոնք բազմաթիվ են եղել Հայաստանի խորհրդարանական ընտրությունների պատմության ժամանակ:

- Ձեր կողմից կա՞ որեւէ նախապայման, որը կարող է խոչընդոտ հանդիսանալ որեւէ ուժի հետ համագործակցության կայացման համար:

- Եթե քաղաքական ուժերի անցած ճանապարհը և գաղափարները չեն հակասում մեր սկզբունքներին, մեզ համար ընդունելի են, ապա նրանց հետ համագործակցության նախապայմանների կարիք չկա, որովհետև այդ դեպքում կա համախոհության որոշակի մակարդակ և նպատակներին հասնելու տրամադրվածություն, ինչը թույլ է տալիս ամեն հարց ազատ քննարկել, այլ ոչ թե սահմանափակվել նախապես որոշված նախապայմանների շրջանակում և չունենալ գործելու բավարար ճկունություն և ազատություն: Իսկ եթե որևէ քաղաքական ուժի անցած ճանապարհը կամ քաղաքական գաղափարները մեզ համար անընդունելի են ի սկզբանե, ապա ոչ մի նախապայման չի կարող ստեղծել նախադրյալներ արդյունավետ համագործակցության համար: Հետևապես, մեր կողմից չկան նախապայմաններ, կա միայն հեռահար համագործակցության ցանկություն:

ԲՀԿ-ի, ՕԵԿ-ի հետ համագործակցություն հնարավո՞ր է: Կա՞ն առաջարկներ նրանց կողմից:

- ԲՀԿ-ն և ՕԵԿ-ը (կամ Հայկական Վերածնունդ) այն ուժերն են, որոնց հետ մեր համագործակցությունը բացառվում է հենց միայն Մարտի 1-ին, ինչպես նաև դրանից հետո նրանց քաղաքական առաջին դեմքերի դավաճանական հայտարարությունների և գործողությունների պատճառով:

- Ինչպես հայտնի է՝ դաշինքների դեպքում ամենադժվարը լինում է ցուցակների հարցը: Արդեն սկսվե՞լ է ցուցակների վերաբերյալ քննարկումը, եւ եթե այո, ապա ի՞նչ համամասնությամբ եւ ինչ սկզբունքով են բաշխված լինելու տեղերը կուսակցությունների միջեւ: Նախապայմաններ կա՞ն:

- Որևէ մեկնաբանություն այս առումով չեմ կարող տալ, որովհետև միայն դեկտեմբերի 12-ին պարզ կլինեն նախատեսվող համագործակցության հետ կապված հետագա որոշումները:

- «Քաղաքացիական պայմանագիրը» խոսում էր 1 ընդդիմություն դառնալու մասին: Հնարավո՞ր է նախընտրական դաշինքի անդամ ուժերի հետ ընտրություններից հետո միաձուլում տեղի ունենա: Քննարկվո՞ւմ է՝ ի՞նչ անուն կընտրվի:

- Առայժմ նախընտրական դաշինքի վերաբերյալ հայտարարություն չի եղել, եղել է միայն համագործակցության մասին պայմանավորվածություններ ձեռք բերելու մասին, ինչի վերաբերյալ ավելի մանրամասն առաջիկա ասուլիսում կներկայացվի: Ինչ վերաբերում է միաձուլման հնարավորությանը, ապա մենք միշտ կողմ ենք եղել հնարավորինս սերտ և երկարաժամկետ համագործակցությանը, որը իրական և կուռ հակակշիռ կդառնա գործող համակարգին։ Սակայն սա ենթադրում է փոխգործակցության որոշակի ճանապարհ, որը, արդյունավետության դեպքում, այո, կարող է հետագայում բերել նաև միավորման։ Անհնար ոչինչ չկա, եթե կողմերի միջև կա լիակատար հասկացվածություն, թափանցիկ և գործընկերային հարաբերություններ: Մենք վաղուց ասել ենք և մնում ենք այն կարծիքին, որ խորհրդարանում ուժերի հարաբերակցությունը խախտելու համար, պետք է լինի մեկ ուժեղ ընդդիմադիր բևեռ, որը կկարողանա իր կողմ գրավել ընտրողների ձայների մեծամասնությունը և նաև պահել դրանք Հայաստանի բոլոր ընտրատեղամասերում: Քանի դեռ չկա ընտրողների համար միանշանակ ընդունված այդ մեկ ուժը, որին նրանք կտան իրենց ձայնը ու կաջակցեն, չի կարող տեղի ունենալ ուժերի վերադասավորում: Ընտրողները պետք է հաշվի առնեն, որ 2015 թվականի դեկտեմբերին տեղի ունեցած Սահմանադրական փոփոխություններից հետո, Հայաստանում պետական կառավարման համակարգը փոխվել է. Հայաստանը դարձել է խորհրդարանական հանրապետություն: Այս փոփոխության արդյունքում զգալիորեն կրճատվել են նախագահի լիազորությունները և պետության համար ամենակարևոր որոշումները կայացնելու լծակները կենտրոնացել են վարչապետի ձեռքում, ում նշանակելու է ԱԺ-ում մեծամասնություն ունեցող ուժը: Այս իմաստով չափազանց կարևոր է, թե ո՞ր ուժն է ստանալու մեծամասնություն ԱԺ-ում և ո՞ւմ վարչապետն է իրականացնելու երկրի կառավարումը:

Խորհրդարանական ընտրություններից ինչպիսի՞ սպասելիքներ կան:

- Սպասելիքների մասին կարելի է խոսել արդեն ընտրությունների նախօրեին, երբ հնարավոր կլինի գնահատել արված աշխատանքի ծավալը:

Տպել
5200 դիտում

Թիվ 3/5 տեղամասի քվեարկության արդյունքները վերահաշվարկվել են, որևէ ցուցանիշի փոփոխություն չի արձանագրվել. ԿԸՀ

Դատախազության հանձնարարությամբ առերևույթ ընտրախախտումների 42 դեպքերով նախապատրաստվում են նյութեր

Միջազգային սիմպոզիում՝ նվիրված անցումային արդարադատությանը. ներկա կլինի նաեւ Նիկոլ Փաշինյանը

«Dasaran.am» կրթական հարթակը նոր ծրագրի միջոցով կաջակցի զորակոչի կազմակերպմանը

Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն

ԿԳՆ-ում անցկացվել է Տարվա լավագույն ուսուցիչ, տնօրեն եւ դաստիարակ մրցույթների վերջին փուլը

Դավիթ Տոնոյանն ընդունել է «Դիտակետ» ծրագրի պատասխանատուներին

Մեկնարկել է Զոհրաբ Մնացականյանի հանդիպումը ԵԱՀԿ Մինսկի խմբի համանախագահների հետ

Փոխվարչապետ Մհեր Գրիգորյանն ընդունել է ՎԶԵԲ Տարածաշրջանային տնօրենների պատվիրակությանը

Գտնվել է առաջ քաշված խնդրի փոխզիջումային տարբերակ. տրանսպորտի փոխնախարար Ա. Փամբուխչյան

Հայ-շվեյցարական համագործակցության շրջանակը բավականին լայն է. Բաբլոյանը՝ Շվեյցարիայի Համադաշնության փոխնախագահին

ՀՀ սփյուռքի նախարարը հանդիպել է Եգիպտոսի վարչապետի հետ

Կանցկացվի ՀՀ և ՌԴ ԶՈՒ զորքերի միացյալ խմբավորման ստորաբաժանումների մարտավարական զորավարժություն

Ամերիկայի Հայ Ավետարանչական Ընկերակցությունն ու ՊՆ-ն կհամագործակցեն Սիրիայի հումանիտար օգնության հարցում

Իշխել հնարավոր է, եթե դու իշխանության մասնիկ ես. ԵԿՄ-ում թեժ զարգացումներ են

Թող ոչ մի երեխա չտեսնի եւ չիմանա պատերազմի սարսափը. մանուկներին նվիրված միջոցառում (լուսանկարներ)

Համապատասխան արձագանք ստանալուն պես կկազմակերպվի 16-ամյա Ումութ Ալի Օզմենի վերադարձը Թուրքիա. ԱԳՆ

Բնակիչների մեծ մասը չսատարեց այդ մոտեցմանը. ՀՀԿ-ն շնորհավորել է Երևանի նորընտիր քաղաքապետին

Մրցույթն ավարտվեց. Գյումրու ծննդատան նոր տնօրենը Էդգար Սուքիասյանն է

Բռնցքամարտի մարզիչներին ստիպում են Արթուր Գեւորգյանի դեմ դուրս գալ. նա պարզաբանում է