Մենք միավորվել ենք հաղթելու համար. նախընտրական առաջին դաշինքն այլեւս իրականություն է

Երեկ ստորագրվեց ընդդիմադիր դաշտում 2017 թվականի ընտրություններին ընդառաջ նախընտրական առաջին դաշինքի ստեղծման վերաբերյալ հուշագիրը:

Շաբաթներ տեւած միջկուսակցական քննարկումներից հետո  «Հանրապետություն», «Քաղաքացիական պայմանագիր» եւ «Լուսավոր Հայաստան» կուսակցությունները ստորագրեցին ոչ միայն 2017-ի խորհրդարանական (որը տվյալ դեպքում իշխող ուժի եւ երկրի ղեկավարի ընտրությունն է), այլ նաեւ Երեւանի ավագանու ընտրություններին միասնաբար մասնակցելու վերաբերյալ փաստաթուղթ:

Հուշագրի համաձայն՝ կողմերը համատեղ գործունեության արդյունքում կսկսեն նաեւ միասնական կուսակցություն ստեղծելու վերաբերյալ բանակցություններ: Հիշեցնենք, որ «մեկ կուսակցություն» գաղափարը պատկանում է ՔՊ-ին, ինչը, փաստորեն, ընդունելի է դարձել նաեւ մյուս երկու ուժերի համար: Դաշինքը դեռ չունի անուն եւ դեռ չի հստակեցրել, թե ով է գլխավորելու նախընտրական ցուցակը կամ ով է լինելու վարչապետի իրենց թեկնածուն: Առայժմ հստակեցրել են այն խնդիրները, որոնց շուրջ համագործակցելու են:

Իսկ արդյոք ուժի մե՞ջ է մնում ամիսներ առաջ հանրահավաքի ժամանակ ՔՊ վարչության անդամ Նիկոլ Փաշինյանին ստվերային կառավարության վարչապետ հռչակելու վերաբերյալ որոշումը: Լրագրողի սույն հարցին Փաշինյանը պատասխանեց. «Ամեն ինչ պետք է դիտարկել այս հուշագրի շրջանակներում: Մենք մեր արտահերթ համաժողովին ասել ենք, որ նախկինում կայացրած որոշումներով կաշկանդված չենք, եւ հիմա բոլոր քննարկումները պետք է սկսվեն զրոյից: Կողմերից որեւէ մեկը չի եկել մյուսներին ինչ-որ լուծումներ պարտադրելու: Վստահ ենք, որ քննարկումների ընթացքում կգանք ընդհանուր հայտարարի»:

Փաստաթղթի ստորագրումից հետո կուսակցությունների ղեկավարները հանդես եկան հայտարարություններով: ՔՊ վարչության նախագահ Սասուն Միքայելյանն ասաց, որ այս համագործակցությամբ իրենք ցանկանում են ունենալ հանդուրժողականության եւ վստահության մթնոլորտ, որ կարողանան ժողովրդին դուրս բերել գործող իշխանության կողմից ստեղծված ջլատվող իրավիճակից ու տանել դեպի քաղաքակիրթ պետության:

«Հանրապետության» առաջնորդ Արամ Սարգսյանը հիշեցրեց, որ սա իրենց կուսակցության 15-ամյա գործունեության երրորդ դաշինքն է: Առաջինը, հիշեցնենք, «Արդարություն» դաշինքն էր, երկրորդը՝ ՀԱԿ-ը: Նրա խոսքերով՝ հոկտեմբերի 27-ից հետո հանրային պահանջով ու ցանկությամբ ձեւավորված «Արդարությունը» դատապարտված էր կրկնօրինակել Կարեն Դեմիրճյանի եւ Վազգեն Սարգսյանի «Միասնություն» դաշինքը: ՀԱԿ դաշինքում ունեցել են ինչպես աշխարհաքաղաքական, այդպես էլ ներքաղաքական գործունեության մարտավարական հարցերին վերաբերող տարաձայնություններ:

Եվ ՀԱԿ-ում գիտեին, որ ընտրություններից հետո «Հանրապետությունը» դուրս է գալու դաշինքից՝ հրաժարվելով իր բոլոր հնարավորություններից: «Այսօր հայտարարվող դաշինքը տարբերվում է նախորդներից՝ առաջին հերթին եռյակը ձեւավորվել է գաղափարական հենքի վրա՝ ի սկզբանե քննարկելով եւ ընդհանուր հայտարարի բերելով թե աշխարհաքաղաքական, թե մարտավարական, թե ռազմավարական ու ապագային միտված բոլոր հարցերը»,- ասաց «Հանրապետության» նախագահը:

«Այս միավորմամբ հնարավոր կլինի միս ու արյուն տալ մեր երազանքներին եւ տեսլականին: «Հանրապետության» եւ «Քաղաքացիական պայմանագրի» իմ գործընկերներին հավաստիացնում եմ, որ ի դեմս «Լուսավոր Հայաստան» կուսակցության՝ ձեռք եք բերել անքննելի, անառարկելի եւ անսակարկելի գործընկերոջ: Վստահ եւ հավատացած ենք, որ միասնաբար կարող ենք լինել ավելին եւ գործել ի շահ Հայաստանի Հանրապետության»,- իր հերթին հայտարարեց ԼՀԿ նախագահ Էդմոն Մարուքյանը:

Այնուհետեւ երեք կուսակցությունների ղեկավարները պատասխանեցին լրագրողների հարցերին, որոնք վերաբերում էին թե՛ առաջիկա քայլերին, եւ թե այդ ուժերի միջեւ նախկինում եղած որոշակի տարաձայնություններին: Տվյալ դեպքում խոսքը վերաբերում էր աշնանը ՏԻՄ ընտրությունների շրջանում Ն. Փաշինյանի մի քանի հայտարարություններին, թե ինքը Է. Մարուքյանին ընդդիմադիր չի համարում, քանի որ նա կողմ է քվեարկել այս իշխանությունների ներկայացրած բյուջեին:

Արդյոք նրանք պարզե՞լ են այդ խնդիրը: «Այն ամենը, ինչ տեղի է ունեցել, հիմքում եղել է համագործակցության հնարավորությունների փնտրտուքը: Մենք բարձրաձայնել ենք մեր պատկերացումները, արձանագրել ենք տարընթերցումները: Եվ այսօր, ի դեմս այս փաստաթղթի, մենք ունենք իրավիճակ, երբ այդ տարաձայնությունները գլոբալ առումով հաղթահարված են, եւ դրանք հաղթահարելու ավելի երկար ճանապարհ ենք բռնելու ու համագործակցության հիմքեր ենք դնելու»,- պատասխանեց Փաշինյանը:

«Ցանկացած տարաձայնություն ավելի ցածր արժեք է, քան թե այն ընդհանուր շահը, որը մեզ միավորում է ՀՀ-ի համար»,- իր հերթին հավելեց Է. Մարուքյանը:

Ինչ վերաբերում է եռյակի համագործակցության ընդլայնմանը, Ս. Միքայելյանը նշեց, որ իրենք բաց են այլ ուժեր ներգրավելու համար, եւ դա կարող է լինել միայն իրենց համատեղ համաձայնության դեպքում: Նա չնշեց, թե հիմա է՛լ որ ուժի հետ են բանակցում դաշինքն ընդլայնելու համար՝ հավելելով, որ «Ժառանգության» հետ համագործակցության հարցը փակված չէ:

Հնչեցին նաեւ արտաքին քաղաքական կողմնորոշվածությանը վերաբերող հարցեր: «Հանրապետությունը» եւ ԼՀ-ն հաճախ են հայտարարել, որ կարեւորում են եվրոպական արժեհամակարգը: Նաեւ հայտնի է, որ ՔՊ-ն «ոչ-ոչ»-ի կողմնակիցն է: «Մեր ուժերի մոտ կա համաձայնություն, որ մեր համագործակցությունը որեւէ մետության եւ հակայության դրսեւորում չի ունենալու: Մենք ինչ-որ աշխարհաքաղաքական կենտրոնին հակա կամ մետ չենք լինելու: Մեր ելակետը ՀՀ շահերի գերակայության սկզբունքն է, ինչպես նշված է հուշագրում»,- պարզաբանեց Նիկոլ Փաշինյանը:

Երեկվա միջոցառման ու ընդհանրապես հուշագրի ամենաինտրիգային հարցերից մեկը մեկ միասնական կուսակցության հավակնոտ գաղափարն էր, ինչը երեք ուժերն էլ ընդունել են: «Մենք միավորվել ենք՝ հաղթելու համար, մեր անցած ուղին մաքուր է, մեզ վրա չկան կոմպրոմատներ, բանտերով մեզ չեն վախեցնի: Մենք պայքարել ու պայքարելու ենք այս իշխանությունների դեմ: Մեր թիմը կատարյալ թիմ է, համոզված եմ, որ դուք մեր արդյունքները կտեսնեք: Ինչ վերաբերում է մեկ կուսակցություն դառնալուն՝ իսկ ի՞նչն է ինքնանպատակ: «Հանրապետություն» կուսակցությունը 15 տարի առաջ չենք ձեւավորել, որ ասենք՝ դառնանք 110 տարեկան: Մենք ձեւավորել ենք, որ լավ Հայաստան ունենանք»,- հայտարարեց Արամ Սարգսյանը:

«Երեք ուժերն էլ հավատում են այս համագործակցությանը, այս դաշինքին ու դրա հաջողությանը: Եվ այդ հաջողությունն ու արդյունքն է, որ կարող են լինել մեկ քաղաքական միավոր ստեղծելու կարեւոր եւ հզոր նախապայմանը»,- ասաց Էդմոն Մարուքյանը:

«Համախմբումն ու մեկ կուսակցություն դառնալը մի տեսակ խորթ է թվում բոլորին, բայց ժամանակի ընթացքում այն շատ լուրջ արդյունք կտա: Համախմբված՝ մենք շատ ավելի լավ կկարողանանք երկիրը դուրս բերել այս վիճակից եւ տանել դեպի ժողովրդավարություն»,- եզրափակեց Սասուն Միքայելյանը:

Հարց հնչեց, թե ով է լինելու այդ միասնական կուսակցության նախագահը: «Այստեղ կանգնածներից ոչ մեկի ուշքը չի գնում նախագահ դառնալու համար: Նախագահ կարող է դառնալ ոչ միայն այս երեք ուժերի ներկայացուցիչը, այլ մի այնպիսի անհատ, որը կարողանա առաջնորդել այս երեքին: Կարող է լինել նաեւ այլ կուսակցության ներկայացուցիչ, եթե հետագայում կմիանան մեզ»,- պատասխանեց Սասուն Միքայելյանը:

Այս համագործակցությամբ խորհրդարանական ընտրություններին ի՞նչ արդյունք եք ակնկալում՝ հարցին Սասուն Միքայելյանը պատասխանեց. «Ինչքան որ ժողովուրդը ձայն կտա»:

«Իսկ մենք հույս ունենք, որ գոնե 50+1, 2 կտա»,- հավելեց Նիկոլ Փաշինյանը:

Ինչ վերաբերում է դաշինքի գործունեության ֆինանսավորմանը, ապա դա առայժմ կազմակերպում են դրամահավաքով: «Դրանք սահմանափակ, սուղ միջոցներ են, բայց մենք 1 մլն դրամով կարող ենք 100 մլն դրամանոց էֆեկտ ստանալ, եւ ունենք այդ մեխանիզմն ու փորձը: Փորձելու ենք նաեւ ՀՀ գործարար հատվածին դարձնել այս շարժման մասնակից եւ նրանց շահերը ներկայացնել ապագա խորհրդարանում: Իհարկե, այդ շահերը պետք է համընկնեն մեր արժեքներին: Իսկ որո՞նք են այդ շահերը, ինչի՞ դեմ ենք մենք ընդհանրապես միշտ պայքարել. մենք պայքարել ենք մոնոպոլիաների դեմ, մենք պայքարել ենք հանուն հավասար հնարավորությունների, եւ ես վստահ եմ, որ Հայաստանում կան գործարարներ, կան մարդիկ, որոնք ցանկանում են ունենալ հավասար հնարավորություններով տնտեսություն»,- եզրափակեց Է. Մարուքյանը:

Տպել
3150 դիտում

ՀԱՊԿ-ը պահպանում է Հայաստանի հանդեպ բոլոր պարտավորությունները. գլխավոր քարտուղար

Նիկոլ Փաշինյանն ու մյուս բարձրաստիճան պաշտոնյաները հարգանքի տուրք են մատուցել 1,5 միլիոն հայերի հիշատակին (լուսանկարներ)

Քաղաքացին նախկին ճոպանուղու շենքի 2-րդ հարկից ընկել է զրոյական հարկ

Սուրբ Նահատակների լույս հիշատակի առջև մեր նվիրական պարտքն է՝ պաշտպանել ամբողջականությունը մեր հայրենի երկրի․ Վեհափառ

Գագիկ Սուրենյանը Ծիծեռնակաբերդից լուսանկար է հրապարակել

Վարչապետը տիկնոջ հետ ներկա է գտնվել Հայոց ցեղասպանության զոհերի հիշատակին նվիրված համերգին (լուսանկարներ)

Թող Հայաստանի Հանրապետությամբ մխիթարված ննջեն Մեծ եղեռնի և մեր բոլոր մյուս նահատակները․ վարչապետ

Նորատուսի գերեզմանատանը պայթյուն-փլուզում է տեղի ունեցել․ հայտնաբերվել է տղամարդու դի

Առաջին անգամ Հայաստանի և Ադրբեջանի կյանքում սպիտակի վրա գրվել է 2-ի անուններն՝ առանց մի կաթիլ արյուն թափվելու․ Խաչատրյան

Տեղի է ունեցել «Քաղաքացիական պայմանագիր» կուսակցության վարչության նիստ․ ինչ հարցեր են քննարկվել

Ճանապարհները որ փակում եք, դուք Հայաստանը գցում եք շրջափակման մե՞ջ, հակառակորդի դերը վերցրել եք ձեր վրա՞․ Քոչարյան

ՌԴ պաշտպանության փոխնախարարը ձերբակալվել է կաշառք ստանալու կասկածանքով

Ադրբեջանի ԶՈՒ-ն Հայաստանի ինքնիշխան տարածքում է, ամենայն հավանականությամբ այդտեղ կսկսենք բանակցային գործընթաց․ Քոչարյան

ՄԻՊ արագ արձագանքման խումբը մեկնել է Ոստիկանության Նոյեմբերյանի բաժին

ՄԻՊ-ը տեսակցել է Դավիթ Տոնոյանին․ վերջինս մտահոգություններ է ներկայացրել

Ինչպես է Մալաթիայի շուկայում կանխվել հրդեհի տարածումը․ մանրամասներ

Զովունիում մեքենաներ են բախվել

Առաջարկվում է շրջիկ առևտուր իրականացնել նաև համայնքներում․ տարածքները կսահմանի ավագանին

Բերման է ենթարկվել Սուրեն Պետրոսյանը

ԱԽ քարտուղարը Ռուսաստանի Դաշնություն չի մեկնի

Եթե իրավիճակը Տավուշում շիկանա, օրենքը թույլ Է տալիս ՀՀ տարածքի որոշակի մասում արտակարգ դրություն հայտարարել. Խալաթյան

Ուկրաինայի պաշտպանության փոխնախարարը պաշտոնանկ է արվել

Սահմանազատման գործընթացի մեկնարկի ամենակարևոր կետը սկզբունքի համաձայնեցումն է, որից Ադրբեջանը խուսափում էր․ Խանդանյան

Բռնցքամարտի ԵԱ․ Անուշ Գրիգորյանը կիսաեզրափակչում է

ԱՄՆ պետդեպարտամենտը զեկույցով արձանագրել է հայերի նկատմամբ Ադրբեջանի կողմից մարդու իրավունքների խախտումների դեպքերը

Հայաստան եկած ռուս խաղաղապահները վերադարձել են Լեռնային Ղարաբաղ․ «Ազատություն» (տեսանյութ)

Կարմրուկի համաճարակային իրավիճակը ուշադրության կենտրոնում է․ Անահիտ Ավանեսյանը խորհրդակցություն է անցկացրել

Պարույր Հովհաննիսյանը Արգենտինայի դեսպանին է ներկայացրել Հայաստանի և Ադրբեջանի միջև ընթացող խաղաղության գործընթացը

Նախագահը Քյուրքչյանին և FASTEX-ի տնօրենին մանրամասներ է հայտնել Հայաստանի և Ադրբեջանի միջև սահմանազատման գործընթացից

Վստահ եմ՝ բարձր կպահեք դատարանի հեղինակությունը․ նախագահի նստավայրում տեղի է ունեցել դատավորների երդման արարողություն

Իջևանի «Մայիսյան կամուրջ» ընկերության հանրային սննդի օբյեկտի գործունեությունն անհապաղ կասեցվել է (լուսանկարներ)

Վարչապետն ու Ժիլբեր-Լյուկ Դըվինազը մտքեր են փոխանակել «Խաղաղության խաչմերուկ»-ի շուրջ, անդրադարձել սահմանազատմանը

ՄԻՊ-ը մշտադիտարկում է Տավուշում հավաքի ժամանակ ավտոմեքենայի բազմության մեջ մխրճվելու և 1 անձի վնասվածք ստանալու լուրերը

ՁՊՎ-ում հայտնաբերվել է օրեր առաջ զոքանչին ծանր մարմնական վնասվածք պատճառելու համար ձերբակալված տղամարդու կախված մարմինը

Բրիտանական ԶԼՄ-ների ներկայացուցիչները Ջերմուկում են, քննարկվել է բնակչության հոգեբանական վիճակը․ Արսենյան (լուսանկարներ)

Վիճաբանության ժամանակ որդին մոր ներկայությամբ դանակով հարվածներ է հասցրել հորը, սպանել․ 38-ամյա տղամարդը կալանավորվել է

Կրթական ոլորտում կան շատ խնդիրներ, որոնք հետևողականորեն պետք է լուծվեն, կողմ եմ Ակադեմիական քաղաքի կառուցմանը. Դումանյան

Սա գրվող պատմություն է մի նոր․ Սիմոնյանի գրառումը Տավուշ-Ղազախ հատվածում տեղադրված առաջին սահմանային սյան վերաբերյալ

Պետք է այս մեծ, բարդ խաղում լուծել, թե ինչպես «2,5 գյուղ սահմանագծի դեմ» բանաձևում ստանանք այն, ինչ մերն է․ Սաֆարյան

Ինչու են ռուս խաղաղապահները ժամկետից շուտ լքում Լեռնային Ղարաբաղը․ Ալիևը մանրամասնել է