Վանաձորի հրդեհված տնակային ավանի բնակիչներն ընդդիմությունից չեն դժգոհում

13/12/2016 schedule14:55

Վանաձորի քաղաքապետ Մամիկոն Ասլանյանը չի պատրաստվում հրաժարականի դիմում ներկայացնել: Այս մասին Armtimes.com-ի հետ զրույցում ասաց Ասլանյանը:

Հիշեցնենք, որ Վանաձորի ավագանու այսօրվա արտահերթ նիստը եւս չկայացավ:

Մեր դիտարկմանը, որ արդեն 3 ամիս է` ավագանին չի կարողանում ապահովել քվորում, Ասլանյանն ասաց.

«Այսօր չի ստացվում, վաղը կստացվի, մենք չենք անհանգստանում, դուք անհոգ եղեք»,- ասաց նա:

Ասլանյանի պնդմամբ՝ մինչ մայիսի 14-ն ավագանին ժամկետ ունի: Ինչ վերաբերում է Էդմոն Մարուքյանի այն հայտարարությանը, որ ըստ ՏԻՄ 69-րդ հոդվածի, եթե ավագանին 3 ամիս չի կարողանում քվորում ապահովել, ապա պետք է հրաժարականի դիմում ներկայացնի, Ասլանյանն ասաց.

«Էդմոն Մարուքյանն ասել է, ոնց որ թե իր բոլոր ասածները ճիշտ են...»:

Ինչ վերաբերում է ավագանու նիստի օրակարգում ընդգրկված միակ հարցին՝ Ուկրշին թաղամասի այրված տնակային ավանի 4 ընտանիքի խնդրին, քաղաքապետն ասաց, որ այդ տուժած քաղաքացիներին օգնելու նպատակով հանգանակություն է կազմակերպել.

«Շատ հայտնի մարդիկ են միացել այդ նախաձեռնությանը, եւ քաղաքացիներին կօգնենք այդ միջոցներով: Այդ հարցն ավագանու նիստում ընդգրկելն ավագանու ինստիտուտի կարեւորության մասին էր ասում, որ ավագանու մեր հարգարժան անդամները չեն կարեւորում»,- ասաց Ասլանյանը՝ չմանրամասնելով, թե ովքեր են ներգրավվել այդ նախաձեռնության կազմում:

«Լուսավոր Հայաստան» խմբակցության ղեկավար Քրիստ Մարուքյանը մեզ հետ զրույցում ասաց, որ չնայած այդ հարցով եւս նիստը բոյկոտել են, սակայն տուժած քաղաքացիների հետ «անընդհատ կապի մեջ են ու ամեն կերպ փորձելու են օգտակար լինել»: Մեր հարցին, թե օգնությունն ինչպիսի՞ն է լինելու, Քրիստ Մարուքյանը պատասխանեց. «Ինչի կարիք կունենան, դրանով կօգնենք, քանի որ այս պահին մարդիկ կան, ովքեր տարբեր խոստումներ են տվել, կամ արդեն օգնել են այլ կերպ»,-ասաց Քրիստ Մարուքյանը:

Մեր ճշտող հարցին՝ մտավախություն չունե՞ք, որ տուժած քաղաքացիները կմեղադրեն վանաձորյան ընդդիմությանը, Մարուքյանը բացասական պատասխան տվեց. «Մենք խոսել ենք իրենց հետ, ներկայացրել մեր դիրքորոշումը, բայց երբ տուժած ընտանիքների մոտ նշեցինք, որ քաղաքի բյուջեից քաղաքապետը պատրաստվում է տրամադրել 1.5 մլն դրամ, շատ զարմացան, որ նման գումարի մասին է խոսքը, եւ տարակուսեցին, որ դրանով որեւէ էական խնդիր չի լուծվելու»:

Ուկրշին թաղամասի տուժած բնակիչներից Սվետլանա Թամազյանը մեզնից տեղեկացավ, որ ավագանու նիստ չի կայացել: Մեր զրուցակցի խոսքով՝ նախօրեին իրենց են այցելել ԲՀԿ խմբակցությունից եւ յուրաքանչյուր ընտանիքի փոխանցել 400.000-ական դրամ՝ 300.000-ը տուն վարձելու եւ 100.000-ը Նոր տարին նշելու համար:

Սվետլանա Թամազյանի խոսքով՝ «Լուսավոր Հայաստանից» էլ երեխաների համար հագուստ են փոխանցել:

Մեր հարցին՝ չե՞ք նեղսրտել, որ ավագանու նիստին ընդդիմությունը չի գնացել, մեր զրուցակիցն ասաց.

«Քաղաքականությունից բան չեմ հասկանում, դա իրենց գործն է, ես չէի կարող իրենց ասել` գնացեք կամ մի գնացեք: Ես բոլորից էլ շատ շնորհակալ եմ՝ ե՛ւ քաղաքապետարանից, ե՛ւ ԲՀԿ-ից, ե՛ւ ԼՀ-ից, որովհետեւ բոլորը մեր կողքին կանգնած են եղել»:

Հիշեցնենք, որ հրդեհը տեղի էր ունեցել դեկտեմբերի 5-ին, Վանաձորի Ուկրշին թաղամասի բնակչուհի Մ.Ս.-ն, որը հոգեկան խնդիրներ ունի, ըստ մեր տեղեկությունների՝ կրակի հետ անզգույշ վարվելու հետեւանքով հրդեհել է թաղամասը՝ գույքային վնաս պատճառելով 4 ընտանիքի: Մ.Ս-ն այժմ Լոռու մարզի հոգենյարդաբանական դիսպանսերում է: Դեպքի առթիվ ՀՀ Քննչական կոմիտեն հարուցել է քրեական գործ՝ ՀՀ քրեական օրենսգրքի 186-րդ հոդվածի 2-րդ մասի հատկանիշներով:

Վանաձորյան ընդդիմությունը՝ ԼՀԿ-ն, ԲՀԿ-ն եւ ՀՎԿ-ն նախապես հայտարարել էին, որ այս նիստին էլ չեն գնալու, բոյկոտելու են այն: Վանաձորի քաղաքապետ Մամիկոն Ասլանյանը քաղաքապետ է ընտրվել հոկտեմբերի 10-ին, սակայն մինչ այսօր Վանաձորի ավագանին նիստ չի գումարել՝ քվորում չլինելու պատճառով:

Տպել
1350 դիտում

Ucom-ի բաժանորդները կշարունակեն օգտվել ռոմինգի 15Դ/ՄԲ մատչելի սակագնից Վրաստանում եւ եւ ս 41 երկրում

ԱԺ արտահերթ ընտրությունների մտասեւեռումով ռումբ է դրվելու Հայաստանի ներքին կայունության տակ․ Աշոտյան

ՀՀԿ-ն որեւէ պայման չի դնում, այն՝ ինչ կառաջարկվի, կբանակցենք. Բաղդասարյանն ու Աշոտյանը հակասում են միմյանց

Վճռաբեկ դատարանը վարույթ է ընդունել Ռոբերտ Քոչարյանի շահերի պաշտպանների բողոքները

ՔՈԱՖ հոգաբարձուների խորհրդի նախագահ է նշանակվել «Էներջայզ Գլոբալ Սերվիսիզ»-ի գլխավոր տնօրենը

ՎՏԲ-Հայաստան Բանկը չի օգտվում երրորդ անձանց միջնորդական ծառայություններից

Պլաստմասե իրերի ու պարարտանյութերի արտադրություն ՀՀ-ում․ Լիբանանից նոր ներդրումներ են սպասվում

Անահիտ Ֆարմանյանը ՇՊՀ չի վերադառնա. դատարանը հրապարակել է վճիռը

Ես հաճույքով կպատժեի վայրահաչողներին. Ալիկ Սարգսյանը՝ իշխանությանը պաշտպանող ֆեյքերի մասին

Կասեցվել է քաղցրավենիքի, պանրի եւ ջրի արտադրամասերի գործունեությունը. պաշտոնական

Փաշինյան-Թրամփ հանդիպումը տեղի չունեցավ ԱՄՆ ու ՀՀ ղեկավարների օրակարգերի սղության պատճառով. ԱԳՆ

Արցախի ՄԻՊ Ռուբեն Մելիքյանը հրաժարական է ներկայացրել

Վլադիմիր Պուտինը Հայաստան կժամանի պաշտոնական այցով. Բալայան

Չինաստանի կառավարությունը ՀՀ կառավարությանը շտապ օգնության 200 մեքենա է նվիրաբերել

Ինչո՞ւ են Հենրիխ Մխիթարյանին զրկել դիվանագիտական անձնագրից. հարց-ամոթանք՝ Ֆարմանյանից, պարզաբանում՝ ԱԳՆ-ից

Արցախի կարգավիճակը եւ անվտանգությունը լինելու է ՀՀ բացարձակ առաջնահերթությունը. Փաշինյանի ելույթն ամբողջությամբ

Միջպետական կանոնավոր ուղեւորափոխադրումների մրցույթների կարգը կարող է փոխվել. քննարկում նախարարությունում

Լեւոն Երանոսյանը, չունենալով հատուկ որակավորում, ցույցերի ժամանակ գործադրել է լուսաձայնային նռնակ. ՀՔԾ

Հայկական թիմերը 2-րդ անընդմեջ հաղթանակն են տարել շախմատի օլիմպիադայում

Կառավարման ավտոմատացված համակարգերի համակարգիչների 40%-ից ավելին գրոհի է ենթարկվել. Կասպերսկի