Մնջախաղի թատրոնի շենքային հարցը լուծվել է. գեղարվեստական ղեկավարը ցնծում է

19/12/2016 schedule21:12

Թեեւ ՀՀ մշակույթի նախարար Արմեն Ամիրյանն այսօր հայտարարել է, որ Մնջախաղի պետական թատրոնի շենքային հարցը լուծված է, սակայն թատրոնի գեղարվեստական ղեկավար Ժիրայր Դադասյանն առայժմ չգիտի՝ որտեղ է շենքը, ինչ պայմաններ են ապահովված եւ քանի հանդիսատեսի համար է դահլիճը նախատեսված: Այս ամենն անհայտ է նրան, սակայն Ժիրայր Դադասյանը հակված է կարծելու, որ Արմեն Ամիրյանի անակնկալը ամանորյա հրաշալի նվեր կլինի իրեն:

Ինչպես Armtimes.com-ի թղթակցի հետ զրույցում ասաց ինքը՝ Ժիրայր Դադասյանը, Արմեն Ամիրյանը վստահեցրել է, որ վերջնական արդյունքն իրեն շատ կգոհացնի՝ հրաշալի թատրոն՝ հրաշալի տարածքով:

«Չգիտեմ նույնիսկ, թե երբ կարող ենք տեսնել թատրոնի շենքը, ուղղակի մշակույթի նախարարից խնդրեցի հնարավորության սահմաններում ամենամոտ ժամկետներում գնալ եւ տեսնել թատրոնի նոր շենքը: Նա խոստացավ, որ շուտով այդպես էլ կլինի»,- ասաց նա:

Մեր զրուցակիցն ընդգծեց, որ Մնջախաղի թատրոնի շենքի հարցը ժամանանակից հայ մշակույթի ամենացցուն խնդիրներից էր, եւ Արմեն Ամիրյանը խնդիրը լուծել է ոչ թե որպես ընկեր, այլ թատրոնի ապագայով մտահոգ մարդ:

Հարցին՝ ենթադրվում է, որ Պատանի հանդիսատեսի թատրոնի վարձակալությունից տնտեսված գումարների (Մնջախաղի թատրոնի ներկայացումները կայնում են այնտեղ՝ խմբ.) կծախսվեն նոր ներկայացումների բեմադրման, թատերախումբը նոր դերասաններով համալրելու ուղղությամբ, Ժիրայր Դադասյանը պատասխանեց՝ միանշանակ:

«Աշխատանքների նոր սպեկտր է բացվում: Մինչեւ հիմա մենք ունենք թատրոնին կից խուլերի ստուդիա, սակայն հնարավորություն չկար սաներին տարածք տրամադրել, նրանց հետ պարապել: Հիմա մեր հնարավորությունները կմեծանան: Բացի այդ՝ մենք նմանօրինակ ստուդիա հիմնել ենք նաեւ Արցախում: Մտադիր ենք այնտեղից սաներին բերել Երեւան՝ նրանց հետ աշխատանքներ տանելու, որպեսզի վերջիններս հաջորդ տարի կարողանան լիարժեք մասնակցել մեր փառատոնին»,- ասաց Մնջախաղի պետական թատրոնի ղեկավարը:

Ժիրայր Դադասյանից հետաքրքրվեցինք՝ որքան է կազմում թատրոնի տարեկան բյուջեն, ինչին ի պատասխան մեր զրուցակիցը նշեց՝ 1 միլիոն 700 հազար դրամ: Այս գումարը՝ ամսական մոտ 140 հազար դրամ, հիմնականում ծախսվում է Պատանի հանդիսատեսի թատրոնի դահլիճի, աշխատասենյակի, փորձասենյակի վարձակալության եւ շաբաթական մեկ անգամ ներկայացում ունենալու վրա:

Վերջում Մնջախաղի պետական թատրոնի գեղարվեստական ղեկավարն ընդգծեց, որ շոյված է իրենց հանդեպ Մշակույթի նախարարության վերաբերմունքից, քանի որ բացի ամենից՝ գերատեսչությունը գումար է տրամադրել փետրվարին Ռուսաստանում կայանալիք մնջախաղի փառատոնին ընդառաջ մատչելի գներով ավիատոմսեր ձեռք բերելու համար:

Տպել
1319 դիտում

ԱՄՆ-ն մտադիր է կայունացնել իրավիճակը Լիբանանում եւ ուժեղացնել Սաուդյան Արաբիայի ՀՀՊ-ն

«Շանթ» հ/ը հաղորդումներն առանց թույտվության ցուցադրելու փաստով առաջադրվել է մեղադրանք

Շփման գծում հարաբերական հանգիստ օպերատիվ իրադրությունը մնացել է անփոփոխ. ՊԲ

ՀՀ երկու քաղաքացիներ փորձել են ապօրինի մեծ քանակությամբ ծխախոտ տեղափոխել Վրաստան

ԱՄՆ-Թուրքիա՝ վտանգավոր փակուղի. Էրդողանը մեղադրել է Վաշինգտոնին Դաեշ-ին աջակցելու մեջ

ՀՀ-ն, սփյուռքն ու Արցախը պետք է միասնական կարողանան կյանքի կոչել դարավոր իղձերը. պնախարար

Կոտայքի քոլեջի տնօրենը երկրից ու դասերից 3 տարի բացակայող ազգականին տրամադրել է դիպլոմ

25 տարվա ընթացքում առաջին անգամ Նիդերլանդների սենատի նախագահը Հայաստանում է

Լոնդոնը մեղադրել է Փարիզին եւ Բեռլինին Brexit-ի բանակցություններն արգելակելու մեջ

Դի-Կապրիոն,Թոմ Հենքսը, Քլոե Քարդաշյանը եւ այլք`«Հայաստանի մանուկներ»-ի այս տարվա աջակիցներ

Լավրովի այցից առաջ. ռուս փորձագետները խոսում են ԼՂ հակամարտության անլուծելի լինելու մասին

«Ժամանակ». 1000 դրամները չեն հասնում շահառուներին. հիմնադրամի շուրջ աղմուկ է հասունանում

«Ժողովուրդ». Տարոն Մարգարյանն իրեն ու իր տեղակալներին պարգեւատրել է

Մոսկվան հակամարտությունների միջոցով փորձում է վերահսկել հետխորհրդային երկրները. Ջեյմս Քոյլ

«Ժամանակ». Պարույր Հայրիկյանը մտադիր է երկուշաբթի օրը հացադուլ սկսել

Վաղվանից Հայաստանի ողջ տարածքում սպասվում են տեղումներ

Անգլիայի երկնքում բախվել են ուղղաթիռն ու ինքնաթիռը. կան զոհեր. տեսանյութ

ԵՄ-ՀՀ համաձայնագրին ընդառաջ` դիմում ՀՀ իշխանություններին` ազատել բոլոր քաղբանտարկյալներին

Կիսաֆաբրիկատների արտադրությամբ զբաղվողները չեն պահպանել հիգիենայի, տեխնոլոգիայի նորմերը

Անցած 1 օրում Հայաստանում գրանցվել է 7 ՃՏՊ, արդյունքում` 2 զոհ, 7 վիրավոր