Դեսպանի սպանությունը չի դառնա ռուս-թուրքական հարաբերությունների սառեցման պատճառ. քաղաքագետ

Թուրքիայում ՌԴ դեսպանի Անդրեյ Կարլովի սպանությունը ռուս-թուրքական հարաբերությունների սառեցում չի ենթադրում, ինչպես դա տեղի ունեցավ Սիրիայում թուրքական ռազմաօդային ուժերի կողմից ռուսական ինքնաթիռը խոցելուց հետո:

Մեզ հետ զրույցում այդ մասին հայտարարեց Միջազգային եւ անվտանգության հարցերի հայկական ինստիտուտի ղեկավար Ստյոպա Սաֆարյանը՝ ընդգծելով. «Ռուսական եւ թուրքական կողմերը արդեն պաշտոնապես հայտարարել են, որ սա վատ զարգացում չի ունենա: Դեռեւս պարզ չէ պատճառը, բայց տարբեր վարկածներ են շրջանառվում՝ սկսած նրանից, որ սա պատասխան է Սիրայում Ասադի կառավարական ուժերին սատարելու եւ հաղթանակի հասնելու»:

Ըստ Սաֆարյանի՝ որոշ շրջանակներ հակված են կարծելու, որ կային օբյեկտիվ հիմքեր նման թշնամական ակտի եւ ահաբեկչության իրականացման համար. «Այդպիսի կարծիք ունեցողները նկատի ունեն, որ Թուրքիան Սիրիայում սատարել է բացարձակ այլ, հակառակ ճամբարի, ինչ Ռուսաստանը: Եվ գաղտնիք չէ, որ նույն այդ սիրիական ճգնաժամում գրոհայիններ մատակարարելու առումով թուրքական ոստիկանությունը եթե չասեմ ներգրավված է եղել, ապա աչք է փակել դրա վրա: Հետեւաբար, նախկին թուրք ոստիկանի կողմից նման արարքը կարծեք թե օբյեկտիվ բացատրություն է ստանում»,- հավելեց քաղաքագետը:

Խոսելով արդեն տարածված այլ կարծիքների մասին՝ Սաֆարյանը առանձնացրեց այն շրջանակներին, որոնք կարծում են, թե սա ուղղված էր ռուս-թուրքական գործընկերությանը՝ ակնարկելով այդ գործընկերության հակառակորդներին՝ ի դեմս Արեւմուտքի: Այս ամենը, ըստ Սաֆարյանի, կարող է պարզվել առաջիկա օրերին, ինչից էլ թերեւս կախված կլինի ռուս-թուրքական հարաբերությունների զարգացումը:

Հիշեցնենք, Թուրքիայում Ռուսաստանի դեսպան Անդրեյ Կարլովը սպանվել է Անկարայում տեղի ունեցած ֆոտոցուցադրման ժամանակ: Դեսպան Կարլովը ելույթ էր ունենում Ժամանակակից արվեստի կենտրոնում, որտեղ ցուցադրվում էին Ռուսաստանը պատկերող թուրք լուսանկարիչների գործերը։ Զինված անձը, որ նախնական տվյալներով ծայրահեղական իսլամիստ է, կրակել է դիվանագետին մեջքին: Այնուհետեւ տեղի է ունեցել փոխհրաձգություն, որի ժամանակ թուրք իրավապահները սպանել են զինված տղամարդուն: Թուրքական T24 կայքի փոխանցմամբ՝ ՌԴ դեսպան Անդրեյ Կառլովին սպանած անձը Անկարայի ոստիկանության ծառայող, 1994 թվականի ծնված Մեւլութ Մերթն է:

Տպել
1670 դիտում

Պաշտպանության նախարարը հանդիպել է «Դիտակետ» ծրագրի աշխատանքներում ներգրավված անձնակազմին

Դասադուլ՝ Աշտարակում. ծնողների վճռականությունը դպրոց էր բերել պաշտոնյաներին ու մարզպետին

Երեկ Երեւանում տեղի ունեցած միջադեպի գործով երեք անձ է բերման ենթարկվել

Երրորդմասցի Լյովիկի եւ նրա երկու ընկերների սպանության գործով ընթերական անհետացել է

ՀՀ զինուժը զորավարժություններ է անցկացրել «Սմերչ» համակարգերի մարտական կրակով

Արցախի նախագահ Բակո Սահակյանը ներկայացրել է գերատեսչությունների նորանշանակ ղեկավարներին

Թույլ գնաճային ազդեցություններ. ԿԲ-ն վերաֆինանսավորման տոկոսադրույքը թողել է անփոփոխ՝ 6%

Լոնդոնի մետրոյում տեղի է ունեցել փոքր հզորության պայթյուն

Կիպրոսում վստահեցնում են՝ հայերենը Կիպրոսի պատմության եւ մշակույթի անբաժանելի մասն է

Էրդողանը սպառնում է քրդերին. «Մենք կարող ենք գալ հանկարծակի՝ գիշերը»

Բանակից խուսափած եւ արտերկիր մեկնածները կարող են վճարել 1.8 մլն դրամ եւ վերցնել զինգրքույկ

Արտաշատում ՀՀԿ-ի թեկնածուն կլինի Կարեն Բենիամինյանը

«Կամրջելով պատմությունները». հայ եւ թուրք երիտասարդ լուսանկարիչների նոր համատեղ աշխատանքը

«Հայաստան- Իրաք հարաբերությունների դաշտը խիստ փոխշահավետ է». Դավիթ Լոքյան

«Մի գնա»-ից հետո շքեղ առանձնատուն ու ամենագնաց նվեր չեմ ստացել.համաշխարհային հիթի հեղինակ

Թագը վերադարձրել են Միսս Արմենիայի կազմակերպիչները.«Արտյոմսը» հակարդաձում է հասարակությանը

1.62 միլիարդ դրամով վերակառուցված Մեղրու բժշկական կենտրոնի ինֆեկցիոն բաժինը փակվե՞լ է

Փայլանն աջակցություն է հայտնել «Ջումհուրիյեթ»-ի դատավարությունով անցնող թուրք լրագրողներին

Մենք շահագրգռված ենք ներմուծել հայկական մրցունակ ապրանքներ. Իրանի գյուղնախարար

Շարմազանովը Սերգեեւի հետ քննարկել է ԱՊՀ տարածաշրջանում ինտեգրացիոն գործընթացները