«Ապե մի հատ հիշեք էլ ինչ ա պետք. հիշեցի՞ք». Մարգարիտ Եսայանի նոր «ցնցող» ելույթը

Հանրապետական Մարգարիտ Եսայանը այսօր Ազգային ժողովում հերթական «ցնցող» ելույթը ունեցավ՝ իր նախորդ ելույթին անդրադարձած պատգամավորների պորտը մի լավ տեղը դնելով:

Նախ նա նշեց, որ իր կարծիքով սահմանադրական փոփոխությունների ոչ միայն կարիքը կար, այլ անհրաժեշտություն էր դա: Ապա նկատեց, որ այդ փոփոխությունները տալու են քաղաքական դաշտի ապակայունացում:

«Դժգոհ եք, չէ՞, որ մեր կուսակցությունն է ղեկավարում արդեն երկար տարիներ եւ կարծում եք, որ եթե դուք կառավարեք՝ շատ ավելի լավ եք կառավարելու, անսխալ եք կառավարելու, ճիշտ եք կառավարելու: Այս փոփոխությունների նախագիծը այն մասին է, որ այլեւս որեւէ կուսակցություն չկարողանա միանձնյա ղեկավարել երկիրը: Մենք առաջարկում ենք ընդդիմության դերակատարման բարձրացում: Ըստ էության առաջարկում ենք իշխանության փոփոխություն սահմանադրական ճանապարհով. սիրելի ընդդիմադիրներ, սա դուք պետք է է անեիք, բայց այս մի գործն էլ մենք ձեր փոխարեն կանենք»,- հայտարարեց Եսայանը:

Այնուհետեւ նա անդրադարձավ իր նախորդ ելույթի արձագանքներին եւ հատկապես Նիկոլ Փաշինյանի ելույթին. «Մի անգամ, առաջին անգամ ՀՀԿ կուսակցության ներկայացուցիչը շատ օբյեկտիվ, անկողմնակալ կարծիք հայտնեց իր կուսակցության նախագահի մասին, սիրտներդ ինչո՞ւ է վառվում, չեմ հասկանում: Որոշել էի անուններ չտալ, բայց Նիկոլի անունը պարտադրված տալու եմ: Նիկոլ ջան պոկե՞ր ես սիրում, գնա խաղա, բայց քաղաքականություն մի խաղա, չի ստացվում: Բոլոր թեւերը երեւում են: Սիրո՞ւմ ես պատմություն: Նապոլեոնին ու Չերչիլի՞ն ես սիրում, սիրի, բայց գոնե սիրածդ պատմությունները մինչեւ վերջ կարդա: Բորոդինոյի ճակատամարտը, որ պրոյեկտում ես հայոց քաղաքական դաշտ, մեկ օր է տեւել եւ ավարտվել է ոչ ռուսների, ոչ էլ ֆրանսիացիների հաղթանակով...»:

Եսայանի ելույթն ամբողջությամբ՝ տեսանյութում:

16:30, 18/09/2015

Որոշել էի անուններ չտալ, բայց Նիկոլի անունը պարտադրված տալու եմ: Նիկոլ ջան պոկե՞ր ես սիրում, գնա խաղա, բայց քաղաքականություն մի խաղա, չի ստացվում:

720 դիտում