Սարգիս Գեւորգյան

Ի պաշտպանություն 2-6 տարվա ազատազրկման դատապարտված Հայ ազգային կոնգրեսի երիտասարդ ակտիվիստների` ամեն շաբաթ ՀՀ գլխավոր դատախազության մոտ տեղի ունեցող ակցիան երեկ անցավ լարված մթնոլորտում: Ակցիայի մասնակիցները, ինչպես ամեն շաբաթ, երեկ եւս շարքով կանգնել էին դատախազության դիմացի մայթի երկայնքով: Նրանց դիմաց շարքով կանգնած ոստիկանները սկսեցին պահանջել, որ նրանք հետ գնան: Ակցիայի մասնակիցները հակադարձեցին, որ ոստիկանները նման բան պահանջելու իրավունք չունեն, իսկ եթե երթեւեկությանը չխանգարելու հետ կապված ինչ-որ խնդիր կա, հենց ոստիկանները պետք է իրենց շարքը հանեն այդտեղից, ոչ թե ակցիայի մասնակիցներին պահանջներ ներկայացնեն: Ոստիկաններից մեկն այնպես ոգեւորվեց, որ սկսեց ակցիայի մասնակիցների հետ «արա»-ով խոսել եւ սպառնալիքներ հնչեցնել:

ԵԽԽՎ նստաշրջանում «քաղբանտարկյալ» եզրույթի սահմանումից հետո ՀՀ իշխանությունները խնդիր ունեն «ցույց տալու», որ դա չի տարածվում 2-6 տարվա ազատազրկման դատապարտված Կոնգրեսի ակտիվիստների վրա: Երեկ Վերաքննիչ դատարանում երիտասարդների գործով նիստում դատախազ Հ. Մարտիրոսյանն ասել է, թե վարույթն իրականացնող մարմինն իր գործողությունները չի իրականացնում այն սկզբունքով, թե «ով որ խմբից է»: Սարգիս Գեւորգյանը, որը դատապարտվել է 2 տարվա ազատազրկման, հիշեցրել է, որ կարմիբերետավորների եւ իրենց միջեւ տեղի ունեցած դեպքի ժամանակ Երեւանի փոխոստիկանապետ, Բազազ մականունով հայտնի Ռոբերտ Մելքոնյանը, «Ա1+»-ին տված հարցազրույցում ասել էր, որ իր կարգախոսը «Առաջ Հայաստան»-ն է, եւ ինքն ամեն ինչ անելու է, որ իր կարգախոսը հաղթի «Պայքար, պայքար մինչեւ վերջ» կարգախոսին: «Էլ ի՞նչ կարելի էր սպասել նման հրամանատարական կազմից»,- հարցրել է Գեւորգյանը եւ պնդել, որ ինչպես բուն դեպքը, այնպես էլ արձակված դատավճիռը միանշանակ իրենց քաղաքական հայացքների պատճառով է:

տես նաեւ էջ 4

Երեկ սկսվեց եւ ավարտվեց ապացույցների հետազոտման փուլը: Հրապարակվեցին մի շարք փաստաթղթեր, այդ թվում` ոստիկանության Կենտրոնի բաժնի պրոֆիլակտիկ սենյակի տեղազննության եւ Տերյան փողոցում` միջադեպի ծագման վայրում կատարված տեղազննության արձանագրությունները: Այս փաստաթղթերի ներկայացման ժամանակ Տիգրան Առաքելյանը դատախազին խնդրեց ընթերցել նաեւ ընթերակաների անունները: «Մեկ էլ տեսար` Ֆրանգուլյանը եղած լինի»,- ասաց Տիգրանը, ակնարկելով ոստիկանական բազմաթիվ քրեական գործերում ոմն Աշոտ Ֆրանգուլյանի մշտական ներկայությունը կամ տուժողի, կամ վկայի, կամ ընթերակայի կարգավիճակում: Հրապարակվեց նաեւ շան զննման արձանագրությունը: Խոսքը այն շան մասին է, որից, ըստ ոստիկանության, սկսվել էր օգոստոսի 9-ի միջադեպը: Այս արձանագրությունը ներկաների ծիծաղը հարուցեց: Ըստ այդ արձանագրության, շունը «Պիտբուլ» ցեղատեսակի էր, մարտական, բաց շագանակագույն, 3 տարեկան, կրծքավանդակի մասը սպիտակ, ականջները` կտրված, երկարությունն էլ... 31 կիլոմետր:  Հենց սա էր ծիծաղի առիթը: Այս արձանագրությանն առնչվող հայտարարությամբ հանդես եկավ Տիգրան Առաքելյանը. «Բազմիցս եմ հայտարարել, որ դեպքի օրը, դեպքի ժամանակ շուն ընդհանրապես չի եղել: Դա նաեւ փաստացի ապացուցելի է: Դատարանում հարցաքննված Զաքար Զաքարյանը` շան տերը, ասել էր, որ ոստիկաններն իրեն մոտեցել են Կարապի լճի մայթին: Իսկ ոստիկանները իրենց զեկուցագրում նշել են, որ շան տիրոջը նկատողություն են արել գրադարանի մոտ»:

Նախատեսվում էր, որ երեկվա նիստի ժամանակ կշարունակվի մեղադրական կողմի ներկայացրած վկաների հարցաքննությունը, սակայն որեւէ վկա նիստին չներկայացավ: Վկաներից բացի, նիստին չներկայացավ նաեւ պաշտպան Ստեփան Ոսկանյանը, ինչի պատճառով էլ դատական նիստը հետաձգվեց, հաջորդը տեղի կունենա ապրիլի 27-ին, ժամը 12.00-ին:

Նիստի ավարտից հետո արդեն 8 ամիս անազատության մեջ գտնվող Տիգրան Առաքելյանն ընկերներից հետաքրքրվեց, թե ինչպես է ընթանում Հայ ազգային կոնգրեսի նախընտրական քարոզարշավը, կատակով ասաց նաեւ, որ  հաջորդ նիստին իրեն բերեն Կոնգրեսի թռուցիկներից` իր խցում դրանք փակցնելու համար:

Երեկ շարունակվեց կարմիրբերետավոր տուժող Շահեն Հարությունյանի հարցաքննությունը, որը սկսվել էր նախորդ նիստին: Նա դատարանին հայտնել էր, որ օգոստոսի 9-ին իր ծառայակցի հետ ծառայություն էր իրականացնում Կասկադի շրջակայքում, երբ հատուկ կապով իրենց օգնության են կանչել, եւ երբ ինքն ու ծառայակիցը հասել են Խնկո-Ապոր գրադարանի մոտ, քաշքշուկ է տեսել, բարձրացել է մի քարի վրա ու բջջայինով նկարահանել: Հարցին, թե ինչու է ծառայողական պարտականությունները կատարելու փոխարեն նկարահանում արել, կարմիրբերետավորն ասաց` հետաքրքիր էր, ապա հավելեց, որ նկարահանելուց հետո դեպքի վայրում կորցրել է բջջայինը: Գործով ամբաստանյալ, Կոնգրեսի ակտիվիստ Արտակ Կարապետյանը հետաքրքրվեց` հեռախոսի անհետացումից հետո դիմե՞լ է ոստիկանություն:

Պատճառը ոչ թե ոստիկանի ու փաստաբանի միջեւ ծագած խնդիրներն էին, այլ փաստաբանի խնդրանքը` իր վրա ցույց տալ, թե անցած տարվա օգոստոսի 9-ին Հայ ազգային կոնգրեսի ակտիվիստ Տիգրան Առաքելյանին ինչպես են բերման ենթարկել Կենտրոնի ոստիկանություն: Տիգրան Ավետիսյանը այն կարմիրբերետավորն է, որն օգոստոսի 9-ին Երեւանի Խնկո-Ապոր գրադարանի մոտ դաժան բռնություն էր գործադրել Տիգրան Առաքելյանի եւ Կոնգրեսի մեկ այլ ակտիվիստի` Վահագն Գեւորգյանի նկատմամբ, ծառայակցի հետ նրանց նստեցրել մեքենայի մեջ եւ մեքենայում փորձել խեղդել Տիգրանին. այդ պահին էլ Տիգրանը թափահարել էր գլուխը, ինչի հետեւանքով կոտրվել էր ոստիկանի քիթը: Ոստիկանի խոսքով, ինքը նաեւ ուղեղի ցնցում էր ստացել:

Երեկվա դատական նիստը մեկնարկեց ժամը 12.00-ին, ավարտվեց` 18.00-ին:

Օգոստոսի 9-ին Երեւանի կենտրոնում` Խնկո-Ապոր գրադարանի մոտ բռնության ենթարկվելուց հետո Կենտրոնի ոստիկանություն բերման էին ենթարկվել Հայ ազգային կոնգրեսի յոթ ակտիվիստներ: Ոստիկանության բաժնում եւս նրանց նկատմամբ բռնություն էր գործադրվել: Մի քանի օրվա ընթացքում երիտասարդներից վեցը ազատ էին արձակվել, իսկ Տիգրան Առաքելյանը մինչ այժմ կալանավորված է: Յոթ երիտասարդներից երեքի վերաբերյալ քրեական գործը առանձնացվել էր եւ դեռեւս գտնվում է ՀՔԾ-ում: Մյուսների գործն էր երեկ դատարանում քննվում:

Սեպտեմբերի 30-ին Ազատության հրապարակում կայանալիք հանրահավաքի մասին իրազեկման թերթոններ բաժանող Հայ ազգային կոնգրեսի երիտասարդ ակտիվիստներին խոչընդոտելու վերաբերյալ հարուցված քրգործով երեկ տեղաշարժ է եղել: Ակտիվիստներ Սարգիս Գեւորգյանը, Սահակ Մուրադյանը եւ«ՀԺ» լրագրող Անի Գեւորգյանը ճանաչվել են տուժողներ: Սեպտեմբերի 28-ին մարզահագուստներով 7-8 երիտասարդներ Տիգրան Մեծ պողոտայում մոտեցել էին հանրահավաքի մասին իրազեկող, թերթոններ բաժանող երիտասարդներին ու ակցիան լուսաբանող լրագրողներին, քաշքշուկ հրահրել, ծխախոտով այրել «ՀԺ» լրագրողի ձեռքը, հետապնդել նրանց մինչեւ Հանրապետության հրապարակ, հարձակվել եւ հարվածել նրանց, խլել թերթոններն ու դիմել փախուստի: Ըստ գործով քննիչ Գ. Բեգոյանի, հարձակում գործողները դեռ չեն հայտնաբերվել, նրանց հայտնաբերելու ուղղությամբ տարվում են համապատասխան աշխատանքներ: Հիշեցնենք, որ բոլոր հարձակվողների լուսանկարները տպագրվել են մեր թերթում:

Երեւանի կենտրոնում` Արամ Խաչատրյանի արձանի մոտ երեկ տեղի ունեցավ բողոքի ակցիա` քաղբանտարկյալ Տիգրան Առաքելյանի ազատության պահանջով: Ակցիայի մասնակիցները նախ մոտ կես ժամ լուռ կանգնեցին: Նրանք իրենց ձեռքներին ունեին «Տիգրան մենք քեզ հետ ենք», «Ալիկ Սարգսյան, խուլիգան-հանցագործ», «Առանց քաղբանտարկյալ Հայաստան», «Հաջորդը դու ես», «Իսկ դուք դեռ ազատության մե՞ջ եք», «Ալիկ Ազատիչ», «Քո անտարբերությունը ծնում է նոր ապօրինություն» գրություններով պաստառներ: Բացատրելով ակցիայի իմաստը, Հայ ազգային կոնգրեսի երիտասարդ ակտիվիստ Սարգիս Գեւորգյանն ասաց, որ այն ուղղված է հասարակությանը. «Մեր այս պաստառների նպատակը մարդկանց ուշադրությունը այն երեւույթի վրա հրավիրելն է, որ յուրաքանչյուրիս անտարբերությունը ծնելու է նոր ապօրինություն, ու քանի դեռ ապօրինությունները շարունակվելու են, մենք չենք դադարելու, եւ հաջորդ քաղբանտարկյալը կարող է լինել մեզանից յուրաքանչյուրը»,- ասաց Գեւորգյանը:

Օգոստոսի 9-ին «Խնկո Ապոր» գրադարանի մոտ, այնուհետեւ Կենտրոնի ոստիկանությունում տեղի ունեցած միջադեպերի վերաբերյալ ՀՔԾ-ում երեկ առերեսում է տեղի ունեցել ոստիկանների եւ Կոնգրեսի ակտիվիստ Սարգիս Գեւորգյանի միջեւ: Սարգիս Գեւորգյանը պնդել է իր ցուցմունքը եւ պատմել է ոստիկանների ապօրինությունների մասին:

Երեկ ՀՔԾ է հրավիրվել ու հարցաքննվել է Հայ ազգային կոնգրեսի ակտիվիստ Սարգիս Գեւորգյանը, որը որպես մեղադրյալ է անցնում օգոստոսի 9-ի միջադեպի գործով, երբ ակտիվիստների եւ կարմիրբերետավորների մասնակցությամբ միջադեպ էր տեղի ունեցել: Այսօր էլ նախատեսվում է ակտիվիստ Արտակ Կարապետյանի առերեսումը Կենտրոնի ոստիկանության օպերատիվ-հետախուզության բաժնի աշխատակից ոմն Կարենի հետ: Մեր ունեցած տեղեկություններով, ՀՔԾ-ն պատրաստվում է մեղադրանք առաջադրել օգոստոսի 9-ին ընդդիմադիր երիտասարդների նկատմամբ բռնություն գործադրած ոստիկաններից մի քանիսին, մասնավորապես` հենց Կարենին, որն այդ օրը ոստիկանության բաժնում` իր աշխատասենյակում Արտակին տապալել էր գետնին ու դաժան ծեծի ենթարկել: Օգոստոսի 9-ին բերման ենթարկված յոթ երիտասարդների գործը նախ քննվում էր ոստիկանության Քննչական գլխավոր վարչությունում, իսկ սեպտեմբերի 16-ին գործի վարույթը տեղափոխվեց ՀՔԾ: Բերման ենթարկված երիտասարդներից Տիգրան Առաքելյանը մինչ այժմ գտնվում է կալանքի մեջ: Նախաքննությունը վարում է քննչական խումբը` քննիչ Գեւորգ Գեւորգյանի գլխավորությամբ:

ՀՀ ոստիկանության Քննչական գլխավոր վարչության ՀԿԳՎ-ում քննվող գործով անցնող` Հայ ազգային կոնգրեսի ակտիվիստներ Սարգիս Գեւորգյանի, Տիգրան Առաքելյանի եւ Արտակ Կարապետյանի մասով գործը կրկին առանձնացվելու է: Փաստաբան Վարդուհի Էլբակյանի խոսքով, նախօրեին քննչական խմբի ղեկավարը իրեն տեղեկացրել է նման մտադրության մասին: Ինչ վերաբերվում է գործի նախաքննությանը, այն դեռեւս չի ավարտվել եւ շարունակվում է: Կոնգրեսի 7 ակտիվիստներ օգոստոսի 9-ին բերման էին ենթարկվել, նրանց մեղադրանք էր առաջադրվել խուլիգանություն կատարելու եւ իշխանության ներկայացուցչին դիմադրություն ցույց տալու համար: Նշված երեք երիտասարդների մասով գործն առանձնացվել էր օգոստոսի 30-ին, եւ դրանից հետո հայտարարվել էր նախաքննության ավարտի մասին: Հետո, սակայն, նախաքննությունը վերսկսվել էր, բոլոր 7 ակտիվիստների գործերը միացվել էին: Թե դեռ քանի անգամ է ոստիկանությունը պատրաստվում Կոնգրեսի երիտասարդների գործերը առանձնացնել- միացնել` հայտնի չէ: Յոթ ակտիվիստներից այս պահին կալանքի տակ է միայն Տիգրան Առաքելյանը:

Տեղեկացրել ենք, որ օգոստոսի 19-ին ՀՀ վերաքննիչ դատարանը ժամը 17.00-ին վերացրել էր օգոստոսի 9-ին ձերբակալված, ապա կալանավորված ակտիվիստ Սարգիս Գեւորգյանի կալանքը եւ նրան ազատ արձակելու որոշում կայացրել: Չնայած որոշումը ուժի մեջ էր մտել հրապարակման պահից, Գեւորգյանը ազատ արձակվեց 5 ժամ հետո, այն էլ` երբ նրա փաստաբանը կարողացավ «Նուբարաշեն» ՔԿՀ ներկայացնել պահանջվող փաստաթղթերը: ՀՀ ԱՆ Քրեակատարողական վարչության հասարակայնության հետ կապերի ու լրատվության բաժնի ղեկավարի ժամանակավոր պաշտոնակատար Գոռ Ղալեչյանի խոսքով, ՔԿՀ-ն Ս. Գեւորգյանին ազատ է արձակել անմիջապես այն բանից հետո, երբ փաստաբանը ներկայացրել է դատարանի որոշումը. «Մեզ համար կարեւոր է, որ կալանավորը ազատ արձակվի ինչքան հնարավոր է շուտ»: Հարցին, թե ով է պատասխանատու, որ դատարանի որոշումից հետո Ս. Գեւորգյանը 5 ժամ գտնվել է ապօրինի անազատության մեջ, Ղալեչյանը դժվարացավ պատասխանել. «ՔԿՀ-ն կալանավորին ազատ է արձակում անմիջապես, երբ ներկայացվում է համապատասխան փաստաթուղթը: Թե ինչու է Գեւորգյանի ազատ արձակումը ուշացել, պետք է ճշտել այն գերատեսչություններից, որոնք ուշացրել են փաստաթղթերի ձեւակերպումը»: ՀՀ Վերաքննիչ քրեական դատարանի դատավոր Աիդա Հովհաննիսյանի գործավարուհին, պատասխանելով հարցին, թե ինչու է դատավորի որոշումը ուշ տրամադրվել Գեւորգյանի փաստաբաններին, ամենայն լրջությամբ ասաց, որ որոշումը փաստաբանին տրվել է ժամը 17.30-ի սահմաններում, եւ տեղյակ չէ, թե ինչու է փաստաբանը այն ուշ ներկայացրել ՔԿՀ: Հարցրինք, որ եթե Գեւորգյանը փաստաբան չունենար, ազատ չէ՞ր արձակվելու: «Դատարանի որոշումը համապատասխան ՔԿՀ հասցնելու համար մենք համապատասխան միջոցներ ենք ձեռնարկում: Եթե փաստաբան չլիներ, ՔԿՀ-ին դատարանի որոշումը կփոխանցեր գործով քննիչը»,- ասաց գործավարուհին:

Չնայած սրան` Գեւորգյանը ազատ է արձակվել միայն հինգ ժամ հետո, այն էլ` երբ նրա փաստաբանը կարողացել է «Նուբարաշեն» ՔԿՀ ներկայացնել այստեղ պահանջվող փաստաթղթերը: Փաստորեն, եթե Գեւորգյանը փաստաբան չունենար, կարող էր անազատության մեջ մնալ անհայտ ժամկետով:
տես էջ 4

Իսկ ժամը 17.00-ին եւ 17.30-ին պետք է քննարկվեին Տիգրան Առաքելյանի եւ Արտակ Կարապետյանի փաստաբանների նմանատիպ բողոքները:

Ժամը 16.00-ից դատարանի մոտ հայտնվեցին մի քանի տասնյակ ոստիկաններ ու կարմիր բերետավորներ, որոնք մետաղյա արգելապատնեշներով փակեցին դատարան տանող մուտքերը: Որոշ ժամանակ անց դատարանի մոտ սկսեցին հավաքվել Հայ ազգային կոնգրեսի  ներկայացուցիչները, երիտասարդ ակտիվիստներ, համակիրներ, ինչպես նաեւ կալանավորվածների հարազատներն ու ընկերները: