Կիսահրապարակային, կիսագաղտնի. Վիգեն Սարգսյանի խորհրդավոր այցը

Սույն թվականի դեկտեմբերի 21-22-ին ՀՀ պաշտպանության նախարար Վիգեն Սարգսյանը պաշտոնական այցով Վրաստանում էր:

Այցի առաջին օրը ՀՀ պաշտպանության նախարարը հանդիպել է իր վրաց գործընկերոջը՝ Լեւան Իզորիային: Նախարարները ստորագրել են պաշտպանության ոլորտում երկկողմ համագործակցության 2017 թվականի ծրագիրը՝ հետագա համագործակցության հիմնական ուղղությունների որոշ մանրամասների ներկայացմամբ: Պաշտպանության ռազմավարական ծրագրավորումը, ռազմական կրթությունը, առողջապահությունը եւ ռազմական ոստիկանության հարցերով փորձի փոխանակումը երկրների միջեւ գալիք տարվա ընթացքում համագործակցության հիմնական ոլորտներն են լինելու:

Վիգեն Սարգսյանը Վրաստանի պաշտպանության նախարարի տեղակալ Նուկրի Գելաշվիլիի եւ զինված ուժերի գլխավոր շտաբի նորանշանակ պետ Վլադիմիր Չաչիբայայի ուղեկցությամբ ծաղկեպսակ է դրել Վրաստանի տարածքային ամբողջականության համար զոհված հերոսների հուշարձանին: Մինչ Վրաստան այցելելը, ՀՀ պաշտպանության նախարարը հարցազրույց է տվել ռուսական «Lenta.ru»-ին, որտեղ հայտարարել է, որ Հայաստանի եւ ՆԱՏՕ-ի համագործակցությունը չի կարող խոչընդոտ հանդիսանալ հայ-ռուսական հարաբերություններին:

Վիգեն Սարգսյանը հանդիպել է նաեւ Վրաստանի վարչապետ Գեորգի Կվիրիկաշվիլիին: Հանդիպման ընթացքում կարեւորվել է տարածաշրջանում խաղաղության անհրաժեշտության ապահովման հարցը: Խոսվել է նաեւ երկու երկրների բարեկամական հարաբերությունների մասին: Կվիրիկաշվիլին ողջունել է համագործակցության զարգացումը: Հանդիպման մասին այս տեղեկությունը ստանում ենք լրատվամիջոցներից, մինչդեռ Վրաստանի կառավարության պաշտոնական կայքում հանդիպման մասին որեւէ տեղեկատվություն չկա: Ավելի ճիշտ՝ տեղեկատվություն եղել է, սակայն ժամեր անց անհետացել է կայքից:

Նույն օրը կայացել է նաեւ ՀՀ պաշտպանության գերատեսչության ղեկավարի եւ Վրաստանի կաթողիկոս, պատրիարք Իլյա երկրորդի հանդիպումը, որի ընթացքում քննարկվել են հայ-վրացական հարաբերությունները: Պաշտոնական տեղեկատվության համաձայն՝ խոսվել է նաեւ երկու ժողովուրդների զորացման եւ ամրապնդման, համամարդկային արժեքների վրա հիմնված համագործակցությունը զարգացնելու հնարավորությունների մասին: Վիգեն Սարգսյանը շնորհակալություն է հայտնել պատրիարքին ջերմ ընդունելության համար:

Սարգսյանը հանդիպել է նաեւ Վրաստանի արտգործնախարար Միխեիլ Ջանելիձեի եւ քաղաքացիական հասարակության ներկայացուցիչների հետ:

Այցի երկրորդ օրը Հայաստանի պաշտպանության նախարարը հանդիպեց վիրահայոց թեմի հոգեւոր դասի ներկայացուցիչների եւ Թբիլիսիի հայ համայնքի ներկայացուցիչների հետ: Նախարարը բարձր է գնահատել եկեղեցու դերը հայ ժողովրդի կյանքում՝ ինչպես Հայաստանում եւ ՀՀ զինված ուժերում, այնպես էլ սփյուռքում:

Վիգեն Սարգսյանը զրուցեց համայնքի ներկայացուցիչների հետ: Հանդիպումը ընթանում էր հարց ու պատասխանի ձեւաչափով:

Հանդիպման վերջում նախարարը ղարաբաղյան պատերազմի ազատամարտիկներ Ստանիսլավ Մանուկյանին, Արթուր Բեգլյանին եւ «Հայարտուն» կենտրոնի տնօրեն Լեւոն Չիդիլյանին պարգեւատրեց Գարեգին Նժդեհ մեդալով:

Նախարարը իր ղեկավարած պատվիրակության հետ միասին ծաղկեպսակ դրեց Թբիլիսիի Սուրբ Գեւորգ եկեղեցու բակում գտնվող հայ գեներալների՝ Միխաիլ Լորիս-Մելիքովի, Իվան Լազարեւի, Բորիս Շելկովնիկովի եւ Արզաս Տեր-Ղուկասովի շիրիմներին:

Ի դեպ, մինչ ՀՀ պաշտպանության նախարարի այցը Վրաստան՝ Գեորգի Կվիրիկաշվիլին այցելել էր Վրաստանի ռազմավարական գործընկերը հանդիսացող Թուրքիա: Այնտեղ վարչապետը հանդիպել է Թուրքիայի նախագահ Ռեջեփ Թայիփ Էրդողանին, իր հերթին պաշտպանության նախարար Լեւան Իզորիան հանդիպում է ունեցել Վրաստանում Թուրքիայի դեսպան Զաքի Լեւենթ Գումրուչքուի հետ: Պաշտոնական տեղեկատվության համաձայն՝ հանդիպմանը խոսվել է պաշտպանական ոլորտում առկա համագործակցության եւ ապագա ծրագրերի մասին:

Լեւան Իզորիան ընդգծել է տարածաշրջանում Թուրքիայի հետ երկկողմ եւ Վրաստան-Թուրքիա-Ադրբեջան եռակողմ համագործակցության կարեւորությունը: Ավելի ուշ թուրք դիվանագետն ու վրաց նախարարը միասին մեկնել են Ադրբեջան: Իզորիան Բաքվում հանդիպել է նախագահ Իլհամ Ալիեւին: Հանդիպման ժամանակ կողմերը եւս մեկ անգամ ընդգծել են Վրաստանի եւ Ադրբեջանի միջեւ առկա ռազմավարական եւ բարեկամական հարաբերությունների կարեւորությունը:

«Մեր ժողովուրդների միջեւ բազմադարյա բարեկամությունը, բարիդրացիական հարաբերություններն ու ռազմավարական համագործակցությունը տարածաշրջանում կայունության երաշխիք են»,- հայտարարել է Լեւան Իզորիան:

Այնուհետեւ Իզորիան հանդիպել է Ադրբեջանի պաշտպանության նախարար, գեներալ-գնդապետ Զաքիր Հասանովին: Հանդիպումից հետո նախարարները պաշտպանության ոլորտում երկկողմ համագործակցության 2017 թվականի ծրագիր են ստորագրել: Լեւան Իզորիան ջերմ ընդունելության եւ Վրաստանի տարածքային ամբողջականությունն ու ինքնիշխանությունը ճանաչելու համար շնորհակալություն է հայտնել Զաքիր Հասանովին եւ նշել, որ Վրաստանը, ի դեմս Ադրբեջանի, հուսալի գործընկեր ունի, ինչը տարածաշրջանում կայունության երաշխիք է: Նախարարները նաեւ խոսել են կիբեր անվտանգության, ռազմատեխնիկական եւ կրթության գիտելիքների փոխանակման, ինչպես նաեւ համատեղ զորավարժությունների կարեւորության մասին:

Հարկ է նշել, որ Վրաստանում Վիգեն Սարգսյանի հանդիպումները փակ էին լրագրողների համար, իսկ ասուլիսներին ներկա են եղել ընդամենը մի քանի լրագրող:

Նորայր Գասպարյան
Թբիլիսի

Տպել
8399 դիտում

Եւս մեկ անգամ հռչակում եմ տնտեսական հեղափոխության կարգախոսը․ հերիք է ինչքան նստեցինք տեղներս, վե՛ր կենանք ու քայլենք

Վարդենյաց լեռնանցքը կցորդիչով բեռնատարների համար փակ է, մարդատար ավտոմեքենաների համար՝ դժվարանցանելի

Տնտեսական հեղափոխության մեր մեթոդը չի տարբերվում քաղաքական հեղափոխության մեր մեթոդաբանությունից․ Նիկոլ Փաշինյան

Չարենցավան-Հրազդան ավտոճանապարհին տեղի է ունեցել ճանապարհատրանսպորտային պատահար․ կան տուժածներ

Վանաձորում մեկնարկել է «Իմ քայլը հանուն Լոռու մարզի» ներդրումային-բիզնես ֆորումը․ ներկա է լինելու վարչապետը

Ստեփանավանում 81-ամյա կինը ինքնասպան է եղել տանիքում

Դեսպան Սամվել Մկրտչյանը հանդիպել է Լեհաստանի ԱԳՆ պետական քարտուղարի հետ

«Զինված խմբի» գործով ամբաստանյալ Արթուր Վարդանյանին հիվանդանոց են տեղափոխել

Արմեն Սարգսյանը հյուրընկալել է Գարեգին Բ եւ Արամ Ա կաթողիկոսներին

«Բժիշկներ առանց սահմանների» միության հայաստանյան առաքելությունը ԱԻՆ-ին ռադիոմետրեր է նվիրել

Արգենտինայում կյանքից հեռացել է Ցեղասպանությունը վերապրած 106-ամյա հայուհին

4 նախկին նախարար ստորագրել են Ամուլսարում հանքի թույլտվությունը. ՀԲՃ-ն անուններ է հրապարակում (լուսանկարներ)

Ուսուցչին որպես բեռնաձի օգտագործելով՝ կրթության որակ չի ապահովվի. մանկավարժները սպառնում են գործադուլով

ԱԱԾ-ն բացահայտել է ՍԱՊԾ մի խումբ աշխատակիցների կողմից կաշառք պահանջելու եւ ստանալու դեպքեր

Վերջին մեկ շաբաթվա ընթացքում 117 ապօրինի հատված ծառ է հայտնաբերվել

Ղազախստանի թղթադրամների եւ մետաղադրամների վրա այսուհետ չեն լինի ռուսերեն գրառումներ

Պետական մակարդակով կազմակերպած երթը ոճրագործության բացահայտման քայլերից մեկն է. Մարտի 1-ի զոհերի հարազատներ

Հուլիսի 1-ից կարգելվի պոլիէթիլենային տոպրակների անվճար տրամադրումը, 3 տարի անց՝ վաճառքը

Ջավախքի Հեշտիա գյուղում ԱրՄաթ ինժեներական լաբորատորիա է բացվել

Մուշուրբան, պարկապզուկը, կոխն ու որդան կարմիրը՝ մշակութային ժառանգության նոր արժեքներ