Ապրիլյան պատերազմի հերոս Մերուժան Ստեփանյանի 24-ամյակը նշեցին «Հույս» մանկատանը. տեսանյութ

Այսօր՝ հունվարի 17-ին, ապրիլյան քառօրյա պատերազմի մասնակից, գյումրեցի ավագ լեյտենանտ Մերուժան Ստեփանյանը կդառնար 24 տարեկան:

«Ամեն տարի՝ գիշերը 12-ին, ես էի առաջինը զանգում եւ շնորհավորում ծննդյան օրը: Մաղթում էի, որ միշտ անփորձանք լինի: Այս տարի չկարողացա զանգել…նույն ժամին այցելեցի շիրիմին՝ շնորհավորեցի, ներողություն խնդրեցի, որ չեմ կարող զանգել: Երեքով՝ ես, հայրը եւ Մերուժանս, նշեցինք ծնունդը՝ շիրիմի մոտ: Նախորդ տարիներին 30 րոպեն մեկ զանգել եմ ու ասել եմ՝ ծնունդդ շնորհավոր, բալես: Ասում էր՝ մամ, արդեն զանգել ես, ասում էի՝ տղես մինչեւ գիշերը 12-ը զանգելու եմ: Հիմա էլ սպասում եմ, որ պիտի ժպիտը դեմքին ասի՝ մամ ջան, արդեն շնորհավորել ես…»,-արցունքն աչքերին, հերոս որդու մասին խոսելիս պատմում է մայրը՝ Նունե Ստեփանյանը:

Ավագ լեյտենատ Մերուժան Ստեփանյանը ծնունդով գյումրեցի էր, բնակվում էր Մուշ թաղամասում: Դպրոցն ավարտելուն պես նախընտրել է ուսումը շարունակել Վազգեն Սարգսյանի անվան ռազմական ինստիտուտում: Ցանկացել է ազատամարտիկ հոր՝ Արթուր Ստեփանյանի ուղին ընտրել: Ծառայում էր Թալիշում:

«Ինքն ազգի համար հերոս դարձավ, բայց էլի իմ ժպտերես, ուրախ Մերուժանս կմնա: Ես իրա մասին չեմ կարող խոսել անցյալով, ինքը կա, միշտ ինձ հետ է»,- ասում է մայրը:

Վերջին տարիներին Մերուժանի երազանքը եղել է ծննդյան օրը ընտանիքի եւ ապագա կնոջ հետ նշել հայրական տանը, բայց չի հաջողվել: Միշտ առաջնագծում է եղել: «Նեղվում էր այն բանից, որ չէր կարողանում ծնունդը մեզ հետ՝ տանը անցկացներ: Ասում էր՝ ոչինչ, կամուսնանամ, կտեղափոխվենք Մատաղիս, այնտեղ կանենք»,- հիշում է Նունե Ստեփանյանը:

Մոր խոսքով՝ հերոս տղան չի կարողացել նշել նաեւ 23-ամյակը:

«Իր ծննդյան օրերին նա միշտ պոստերում է եղել: Զանգում էի, ասում էր՝ մամ, տղեքը խորովածն անում են, տորթը կա…Անցած տարի, որ զանգեցի, ծնունդը չէր անում, զորամասում հյուրեր կային, ասել էր՝ հետո կանեն, բայց այդպես էլ չէին արել»:

Մերուժան Ստեփանյանի ծնողները որոշել էին՝ այս տարի տղայի ծնունդը նշել Թալիշի զորամասում, որտեղ ծառայել է ավագ լեյտենատը: Զորամասից ծնողներին թույլ չեն տվել՝ պատճառաբանելով, որ այս պահին այնտեղ գտնվելը վտանգավոր է:

Ավագ լեյտենանտ Մերուժան Ստեփանյանի 24-ամյակը ծնողները նշեցին Գյումրու «Հույս» մանկատանը. «Որդուս բաժինը տալիս եմ նրանց, ովքեր դրա կարիքն ունեն»,- ասաց մայրը:

Ավագ լեյտենանտ Ստեփանյանը զոհվել է 2016 թվականի ապրիլի 2-ին՝ Թալիշի պաշտպանական մարտերի ժամանակ: Հակառակորդի գնդակից ընկնելուց 20 րոպե առաջ խոսել է մոր՝ Նունե Ստեփանյանի հետ:

«Ապրիլի 2-ին՝ ժամը 5-ին 20 պակաս, իրա վերջին խոսքն եմ լսել: Մի տեսակ բարձր ձայնով ասաց՝ մամ, ինչի՞ ես զանգել, կախի, էլ չզանգես, քեզ էլ լավ կնայես…ու 20 րոպե հետո Մերուժս չի էղել: Երեւի տղես գիտեր, որ արդեն շրջափակման մեջ է, հույս չկա»,- պատմում է մայրը: 

Մայրը դրանից հետո անընդհատ զանգել է, բայց որդին չի պատասխանել, անհասանելի է եղել. «Հաղորդագրություններ գրեցի, որոնք մնացին անպատասխան: Մինչեւ հիմա պահում եմ»:

Նունե Ստեփանյանի պատմելով՝ որդու եւ նրա զինվորների փամփուշտները վերջացել են: Չեն կարողացել պայքարել թշնամու դեմ. «Տղաները պատմեցին, որ զոհվելուց առաջ Մերուժանիս մոտ վերջին փամփուշտներն են եղել: Զենք բերողին շրջափակման մեջ են առել, իսկ սպային գլխատել են: Գլուխը կապել են մեքենայից, իսկ զինվոր-վարորդին սպանել են: Ասում են՝ իմանային, որ Մերուժանը սպա է, իրան էլ մի ձեւի կխոշտանգեին: Նրան փրկել է իր ժիլետը»:

Այսօր հերոս Մերուժանի անունը կրում է նրա քրոջ որդին, ով բնակվում է Արցախում:

Տպել
16099 դիտում

«Նուբարաշեն» ՔԿՀ-ն փակվելու է, նորը կկառուցվի Աբովյան քաղաքում․ Քրմոյան

ՄԱԿ-ը պատրաստակամ է օգնել ՀՀ խորհրդարանին հզորացնելու կարողությունները․ հանդիպում ԱԺ-ում

Պետք է բացառվի կոռուպցիոն ցանկացած երևույթ․ ՍԱՊԾ-ն նյութեր է տրամադրում ԱԱԾ-ին

Դավոսի համաշխարհային տնտեսական ֆորումի կազմակերպիչներից հրավեր եմ ունեցել՝ ուղեկցել իմ ամուսնուն ֆորումի շրջանակներում

Արժեքավոր նվերները ես հետ եմ ուղարկում նվիրատուին՝ երկտողով, որ շատ շնորհակալ եմ, համարեք, որ ես դա ունեմ․ Աննա Հակոբյան

Լրագրողական իմ ողջ գործունեության ընթացքում մշտապես մեկ վախ եմ ունեցել, որ իմ գրածի վրա իշխանական կաբինետներում չծիծաղեն

Արարատի մարզում մի շարք ճանապարհներ կբարեկարգվեն

Ինձ ոչ մեկ չի կարող զանգել եւ նման տոնով հետս խոսել. Վանեցյան

Գագիկ Խաչատրյանը ԱԱԾ չի հրավիրվել. Վանեցյան

Արա Մինասյանն ու Լեւոն Սարգսյանն օրինական ճանապարհով հատել են ՀՀ սահմանը. Արթուր Վանեցյան

1 մլն դրամ չի մուտքագվրել պետբյուջե․ ոստիկանները բացահայտել են Մուսալեռ համայնքի ղեկավարի ապօրինությունները (տեսանյութ)

Լուրջ քննադատությանը շատ լուրջ եմ վերաբերվում եւ լուրջ հետեւություններ եմ անում․ Աննա Հակոբյան

Եկեղեցին պետք է լսի զոհերին․ համաժողով Վատիկանում՝ նվիրված հոգևորականների շրջանում սեռական բռնությունների խնդիրներին

Կիեւի եւ Երեւանի հարաբերությունները դինամիկ կզարգանան․ դեսպան

Ալեքսանդր Սարգսյանը պետությանը փոխանցել է 18,5 մլն դոլար, իսկ 11,5 մլն դոլար գանձվել է կոնկրետ ակտերով. ԱԱԾ տնօրեն

Պատրաստվում ենք «Իմ քայլը» հիմնադրամի համար մատչելի տարածք գտնել, որովհետեւ խնայում ենք մեզ վստահված ամեն լումա

Սպառնալիքները միշտ կան. Վանեցյանն իր եւ Փաշինյանի ընտանիքներին ուղղված սպառնալիքների մասին

Մեզ որեւէ բան չի կաշկանդում. ԱԱԾ տնօրենը` Տեր-Պետրոսյանի կառավարման տարիների հետ կապված ստուգումներ իրականացնելու մասին

Ես տեղեկություն չունեմ, որ տարբեր գերատեսչությունների պարգեւավճարների մի մասն ուղղվել է «Իմ քայլը» հիմնադրամին

Դատի տալը ցանկացած քաղաքացու սահմանադրական իրավունքն է. Վանեցյան