Չիվա գյուղի դպրոցում օդի ջերմաստիճանը +9 +11 աստիճան է

Մեր հանրապետության մի հատվածին ձմեռային այս եղանակը բարի աչքով է նայում, մյուսներին առել է խստաշունչ ցրտի ճիրանների մեջ, ուստի հանրակրթական այն հաստատություններում, որոնք գործում են ցուրտ բնակավայրերում եւ չունեն ջեռուցման կենտրոնացված համակարգ, դասասենյակներում գրանցվում է օդի բավական ցածր ջերմաստիճան:

Մասնավորապես, Վայոց ձորի մարզի Չիվա գյուղի միջնակարգ դպրոցի վերաբերյալ ահազանգ էինք ստացել, ըստ որի` դպրոցում սառնամանիք է: «Այդ որտե՞ղ է տաք, որ մեզ մոտ սառնամանիք է: Լուրերով էլ հաղորդում են, որ ցուրտ հոսանքների պատճառով այդպիսի վիճակ է»,- երեկ մեր զրույցում արձագանքեց ուսումնական հաստատության տնօրեն Արսեն Ասատրյանը: Նրա խոսքով, այդ պահի դրությամբ դասապրոցեսն ընթանում է բնականոն հունով: Դասերը սկսվում են առավոտյան ժամը 10-ին եւ տեւում 30-ական րոպե: Հիշեցնենք, որ կրթության նախարարությունը թույլատրել էր դասերն ուշ սկսել, եթե առաջանում են ջերմաստիճանի ապահովման հետ կապված խնդիրներ: Չիվան գազիֆիկացված չէ, եւ դպրոցը ջեռուցվում է էլեկտրական տաքացուցիչների միջոցով: «Դասարաններում ջերմաստիճանը մոտավորապես +9, +10, +11 աստիճան է, նայած` որտեղ»,- տեղեկացրեց հաստատության տնօրենը:

Ջերմային այս պատկերն, ըստ նրա, բացառապես պայմանավորված է եղանակով ու ոչ, ասենք, պատուհանների ջերմամեկուսացման հնարավոր խնդրով կամ դպրոցը թերի ջեռուցելով: «Ընդհանուր առմամբ, մեր նախալեռնային շրջաններն ամբողջությամբ պատված են մառախուղով, դրա համար է ցուրտը: Սրանից նորմալ տաքացնել չեմ էլ պատկերացնում: Եթե էլեկտրական մեկ սալիկը չի բավարարում, երկրորդն ենք տեղադրում»,- ասաց Արսեն Ասատրյանը: Այդ դեպքում պատահում է, որ հոսանքալարերն այրվում են, ինչը տեղի էր ունեցել նաեւ նախորդ օրերին: Երեխաները տեղափոխվել են ինֆորմատիկայի կամ ռազմագիտության դասասենյակներ:

Բայց որքան էլ Չիվայի դպրոցում դասերն անցնում են մոտավորապես +10 աստիճանի պայմաններում, տնօրենը կարծում է, որ ձմեռային արձակուրդը չերկարաձգելը կամ այժմ դասապրոցեսը չդադարեցնելը ճիշտ որոշում է, հակառակ դեպքում կտուժեր կրթության որակը: «Կրթության որակն ապահովելու համար դասապրոցեսը դադարեցնել պետք չէ, որովհետեւ երեխաներն այդքան երկար տանը մնալով՝ հետ են ընկնում: Երեխաների կրթության որակի ապահովման համար անհրաժեշտ է նաեւ արձակուրդների տեւողությունը պահպանել»,- ասաց Արսեն Ասատրյանը:

Հավաստիացրեց, որ ցուրտ լինելու պատճառով ոչ մի աշակերտ այս ընթացքում չի հիվանդացել: Չիվայի միջնակարգ դպրոցում սովորում է 60 երեխա: Տնօրենի խոսքով` օրական բացակայում է նրանցից 7-8ը` տարբեր պատճառներով, այդ թվում` ցրտի: 

Վայոց ձորի մարզպետարանի աշխատակազմի կրթության, մշակույթի եւ սպորտի վարչության պետ Արփիար Ղազարյանը մեր զրույցում ասաց, թե եղանակը փոխվում է ու դպրոցներում ջեռուցման լուրջ խնդիր չկա. «Մեր մարզում եղանակը արդեն տաքացել է, երեկվա եւ այսօրվա դրությամբ լուրջ փոփոխություն ունենք, մշուշը դուրս է եկել, եւ ջերմաստիճանի հետ կապված խնդիրը արդեն կարգավորված է»:

Վայոց ձորում գործում է մարզպետարանի ենթակայությամբ 47 դպրոց: Դրանցից 19-ում առկա է լոկալ ջեռուցման համակարգ: «Գազով ջեռուցվող այդ 19 դպրոցներում մենք ջերմաստիճանի խնդիր չենք ունենում ընդհանրապես: Վերանորոգված, լուսամուտները փոխված դպրոցներ են: Խաչիկի դպրոցում նույնպես, որ ամեն տարի ունենում էինք, այս տարի չունենք, որովհետեւ ջեռուցում ենք ե՛ւ փայտով, ե՛ւ քարածուխով: Այնտեղ զորամաս կա, եւ պաշտպանության նախարարությունը նաեւ դպրոցին է օգնում: Մնացած դպրոցները տաքացվում են էլեկտրական սալիկներով: Այդ դեպքերում ամբողջ դպրոցում ջերմաստիճանը հնարավոր չէր +10 +12-ից բարձրացնել, բայց դասասենյակներում, որտեղ դասապրոցես էր, նվազագույնը լինում էր +16 աստիճան, իսկ օրվա երկրորդ կեսին ապահովվում էր մինչեւ +18: Նախարարի հրամանից, հետո երբ որ դասերը սկսվում են ժամը 10-ին, ջերմային ռեժիմը լրիվ կարգավորվեց»,- ասաց Արփիար Ղազարյանը:

Մեջբերեցինք Չիվայի դպրոցի օրինակը, որի տնօրենն ինքն է ասում, որ դասասենյակներում օդի ջերմաստիճանը +10-ի սահմաններում է: «Ես պատրաստվում էի ասել, որ Չիվայի դպրոցում էլեկտրական վթար էր եղել: Ես էլ եմ ստացել այդ ահազանգը, բայց խնդիրն արդեն կարգավորել ենք: Եթե միացնում ենք մեկից ավելի ջեռուցիչներ, առաջանում է խափանում, էլեկտրական հոսանքի լարերը վնասվում են: Դա տեւել է մեկ-երկու օր: Այսօր արդեն ես ինֆորմացիա ունեմ, որ խնդիրը կարգավորվել է»,- արձագանքեց մարզպետարանի պաշտոնյան:

Ինչ վերաբերում է գազով ջեռուցվող 19 դպրոցներին, դրանք, ըստ նրա, քաղաքային համայնքներում գտնվող բոլոր դպրոցներն են, որոշներն էլ գյուղական համայնքներում են: Դրանք հետեւյալ գյուղերն են` Արփի, Գլաձոր, Լեռնաշեն, Ագարակաձոր, Մալիշկա, Ազատեկ, Զառիթափ, Հերհեր եւ Գնդեվազ: 

Արփիար Ղազարյանը հավաստիացրեց, որ մարզում գործող հանրակրթական ուսումնական հաստատություններում բացակայությունների թիվը մեծ չէ, ի տարբերություն նախորդ կիսամյակի: «Երկրորդ կիսամյակում բառացիորեն նվազել են բացակայությունները: Եթե առաջին կիսամյակում` մինչեւ արձակուրդ գնալը, կար որոշակի սուր շնչառական վարակների տարածվածություն, այժմ այդպես չէ»,- ասաց նա: Հավելեց, որ երկրորդ կիսամյակում դասերից բացակայած աշակերտների առավելագույն թիվը կազմել է 320: Մարզի դպրոցներ հաճախում է ընդհանուր առմամբ 6 հազար 322 երեխա:

Տպել
2358 դիտում

Փաստորեն գիտակցելով էին ձախողում

Արփի լճում բավական ձկնային պաշար կար, ջրթողի հետ ձկնային պաշարներն էլ գնացին. «Արփի լիճ» ազգային պարկի նախկին տնօրեն

Մարվել է «Կեռ Թալա» կոչվող հանդամասում բռնկված հրդեհը. ԱԻՆ

Արմեն Ջիգարխանյանը հիվանդանոցում է

ԱՍՀՆ-ն դիմել է դատախազություն. «ադեկվադ»-ները գիշերօթիկ հաստատություններից մեկում խաբեությամբ նկարահանում են իրականացրել

Մխիթարյանի բացակայությամբ ՀՀ ֆուտբոլի հավաքականի ավագը կլինի Հովհաննես Համբարձումյանը

ՀՀ ֆուտբոլի հավաքականը երանելի վիճակում չէ. գլխավոր մարզիչ

Գործարար Ալիկ Պետրոսյանն ազատ է արձակվել

Հրդեհ է բռնկվել «Դիլիջան ազգային պարկ» ՊՈԱԿ-ի տարածքում. ԱԻՆ

«Ռազմարդյունաբերության ոլորտի զարգացումը շատ կարևոր է մեզ համար». կայացել է ՀՀ ռազմարդյունաբերական հանձնաժողովի նիստը

Հուսով եմ Ներկայացուցիչների պալատի կատարած սխալը ԱՄՆ Սենատը չի կրկնի. Էրդողանը՝ Թրամփի հետ հանդիպմանը

Գորիսի պարեկայինները 27 խմ փայտանյութով բարձված խոշոր բեռնատար են հայտնաբերել. ոստիկանություն

77-ամյա Լաուրա Հայրապետյանը որոնվում է որպես անհետ կորած

Ո՞վ կփոխարինի Վազգեն Մանուկյանին. խորհրդի 2 նոր անդամի նշանակվելուց հետո վարչապետը ՀԽ նախագահի թեկնածու կառաջադրի

Փոխվարչապետ Տիգրան Ավինյանի գլխավորությամբ տեղի է ունեցել Էլեկտրոնային արդարադատության միջգերատեսչական հանձնաժողովի նիստ

ԱԻՆ - «JICA» համագործակցությունը շարունակվում է. ԱԻՆ

Ավանում ավտոտնակների տեղում եւ ինքնակամ զբաղեցրած տարածքներում խաղահրապարակ է կառուցվել (լուսանկարներ)

ՌԴ իրավապահ մամինները զբաղվում են Գ. Նժդեհի հուշատախտակի նկատմամբ կատարված միջադեպով. Մարիա Զախարովա

Վանաձոր-Դիլիջան ավտոճանապարհին՝ «Եղշատի մատեր» կոչվող հանդամասում, խոտածածկույթ է այրվել. ԱԻՆ

Հայաստանի Մ-21 ընտրանին 0։1 հաշվով պարտվեց Իռլանդիայի Մ-21 թիմին