Քառօրյա պատերազմը եւ ՊՊԾ գնդի գրավման դեպքը զգալի փոխել են ՀՀ համայնապատկերը. Ռիչարդ Միլս

Քառօրյա պատերազմը եւ ՊՊԾ գնդի գրավման դեպքերը զգալի փոխել են Հայաստանի քաղաքական եւ տնտեսական համայնապատկերը: Առհասարակ, ղարաբաղյան հակամարտության խաղաղ կարգավորման բացակայությունը չի թողել իրացնել Հայաստանի մեծ ներուժը: Հայ-ամերիկյան առեւտրային պալատի ծրագրերի ներկայացման ժամանակ այս մասին այսօր հայտարարեց Հայաստանում ԱՄՆ դեսպան Ռիչարդ Միլսը՝ հիշեցնելով, որ ԱՄՆ դիվանագիտական ներկայացուցչության գերակա խնդիրը ԼՂՀ խաղաղ կարգավորումն է:

Անդրադառնալով հայ-ամերիկյան առեւտրային պալատի գործունեությանը՝ դեսպանը փաստեց՝ հայ-ամերիկյան գործարար հարաբերությունների խորացումն այն ոլորտն է, որտեղ ամենամեծ զարգացումն է արձանագրվել:

«Վերջին 2 տարվա ընթացքում Հայաստանում գյուղատնտեսությունը դարձել է զարգացող պոտենցիալ ուղղություն, մեկնարկել է գյուղական համայնքների զարգացման 41 ծրագիր՝ 600-ից ավելի աշխատատեղերի ստեղծմամբ: Սա նշանակում է, որ գյուղական համայնքներից մարդկային արտահոսքը զգալի նվազել է: Տնտեսության գերակայություններից մեկն էլ հայ եւ ամերիկացի գործարարների միջեւ կապերի ամրապնդումն է: Նախատեսվում է, որ ՀՀ էներգետիկ եւ հանքաարդյունաբերական ոլորտներում ԱՄՆ ներդրումների արդյունքում զգալի թվով աշխատատեղեր կստեղծեն: Հայաստան-ԱՄՆ առեւտրային կապերի ամրապնդման նպատակով ստեղծված խորհուրդը հարթակ է ապահովում երկկողմ հարաբերությունների կայացման համար»,- նկատեց Ռիչարդ Միլսը՝ հիշեցնելով, որ որքան էլ Հայաստանը ԵԱՏՄ անդամ է, ՀՀ կառավարությունը պարտավորություններ ունի նաեւ Առեւտրի համաշխարհային կազմակերպության առջեւ:

Ամերիկացի դիվանագետի խոսքով, իրենց աշխատանքների երկրորդ գերակա ուղղությունը Հայաստանում կոռուպցիայի դեմ պայքարն է, ինչի մասին վկայում են մի շարք հակակոռուպցիոն ծրագրերի շրջանակներում ՀՀ իշխանությունների հետ իրականացված աշխատանքները:

«Կոռուպցիան հաղթահարելու համատեքստում խիստ կարեւոր է, որպեսզի հայաստանյան կառավարությունը հանդես բերի կամք եւ հստակ հայտարարի, որ անկախ քաղաքական դիրքից՝ բոլորն օրենքի առջեւ հավասար են: Անելիքներ այս առումով դեռ շատ կան: Պետական պաշտոնյաների կողմից ունեցվածքի ոչ ամբողջական հայտարարագրումը, օրինակ,  պետք է առիթ դառնա, որ տվյալ անձն այլեւս չկարողանա բարձր պաշտոններ զբաղեցնել: Մինչդեռ  հայկական լրատվամիջոցներում այս կամ այն պաշտոնյայի ունեցվածքի մասին հրապարակումները, ցավոք, կառավարության կողմից քննության չեն առնվում եւ այդպես էլ անարձագանք են մնում»,- ընդգծեց Ռիչարդ Միլսը:

Տպել
14982 դիտում

Ադրբեջանական սոցիալական ցանցերը նոր տեսանյութ են հրապարակել, որում երեւում են 19 հայերի մարմիններ. Արցախի ՄԻՊ

Շուշիում Ադրբեջանի հարվածների հետեւանքով քաղաքացիական բնակչության շրջանում կան վիրավորներ

ՀՀ եւ ԱՀ ՄԻՊ-երը միջազգային կառույցներին հրավիրել են Արցախ՝ ցույց տալու ադրբեջանի վայրագությունները

Թուրքիայում տեղի ունեցած երկրաշարժի հետեւանքով զոհերի թիվը հասել է 24-ի

Հայբիզնեսբանկի #հաղթելու_ենք նախաձեռնության առաջին ցուցանիշները՝ աջակցության եվ բարձր վստահության մասին

ՀՀ վարչապետ Նիկոլ Փաշինյանը նամակ է հղել ՌԴ նախագահ Վլադիմիր Պուտինին

Առավոտյան հրթիռակոծվել է Ստեփանակերտը. նյութական մեծ վնաս է հասցվել խաղաղ բնակչությանը (լուսանկարներ)

Հակառակորդը շարունակում է թիրախավորել խաղաղ բնակավայրերը․ կիրառում է արգելված եւ քիմիական զենքի տարրեր

Այսօր Վրաստանում խորհրդարանական ընտրություններ են․ կանցկացվեն հակահամաճարակային կանոնների խիստ պահպանմամբ

Ժնևում կողմերը պայմանավորվել են չհարվածել քաղաքացիական բնակչությանը, փոխանցել իրենց մոտ գտնվող ռազմագերիների ցուցակը

Ժնևում ավարտվել է ՀՀ և Ադրբեջանի արտգործնախարարների՝ ավելի քան 7 ժամ տեւած հանդիպումը

Ադրբեջանից վերադարձված գերին մանրամասներ է պատմում մյուս գերիների հանդեպ դաժան վերաբերմունքի մասին (տեսանյութ)

Ադրբեջանը օգտագործում է ֆոսֆոր պարունակող զենք, որը զանգվածային ոչնչացման բնույթ ունի. ՀՀ ՄԻՊ (տեսանյութ)

Էգեյան ծովի թուրք-հունական հատվածում երկրաշարժի հետեւանքով 14 զոհ, 542 տուժած կա 2 կողմում. ամփոփ

Պատերազմը սկսելուց հետո որեւէ պատգամավոր պարգևավճար չի ստացել ու չպիտի էլ ստանա. Վահագն Թեւոսյան

Եթե Ադրբեջանը կընկնի մեր իշխանությունների ոտքերը՝ թող գան, եթե ոչ, պիտի չհոգնենք կռվից, մինչեւ Քուր գնանք. Ռ.Պետրոսյան

ՀՀ և ԱՀ ՄԻՊ-երը Արցախ այցի համատեղ հրավեր են ուղարկել Հայաստանում հավատարմագրված դիվանագիտական ներկայացուցչություններին

Մեր զինված ուժերն ունեն որոշակի դիրքային առավելություններ. ՊՆ ներկայացուցիչ

Լեգիոներների սահմանափակում. ինչպես են թիմերը լուծում խնդիրը

Կապանի Դավիթ բեկ բնակավայրում այսօր մարտական գործողություններ են եղել. Արծրուն Հովհաննիսյան