Ինչու է ՀՀ վարչապետ Կարեն Կարապետյանն իր անձնական միջոցները ներդնում Գյումրիում

ՀՀ վարչապետ Կարեն Կարապետյանի շաբաթօրյա այցը Գյումրի, պետք է նկատել, հիշարժան է: Եվ ոչ այնքան այն պատճառով, որ վարչապետը խորհուրդ տվեց լրագրողներին «դիլխոր» չմնալ, կամ վերցրեց լրագրողի խոսափողը ու նրան հորդորեց պատասխանել իր տված հարցին:

Այդ այցի ժամանակ տեղի ունեցավ մի իրադարձություն, որը թերեւս աննախադեպ է Հայաստանի համար: Գործող վարչապետը հաստատեց, որ ինքը պատրաստվում է իր անձնական միջոցներից ներդրում կատարել բիզնեսի մեջ: Ներդրումը կատարվելու է պաշտոնապես, առանց դրածո անձանց մասնակցության, եւ այդ մասին հայտարարել է հենց վարչապետը: Սա չլսված բան է: Մինչ այժմ բարձրաստիճան պաշտոնյաները հրապարակավ չեն հայտարարել, առավել եւս չեն էլ գովազդել, որ այս կամ այն բիզնեսում ներդրում են կատարել: Սովորաբար լրագրողներն են տարբեր եղանակներով ու հազարավոր փաստաթղթեր քրքրելով գտնում պաշտոնյաների ներդրումները կամ բիզնեսները, իսկ պաշտոնյաներն էլ ամեն կերպ փորձում են դա հերքել: Կամ էլ պարզվում է, որ բարձրաստիճան պաշտոնյան մի որեւէ բիզնեսից, ասենք՝ լոլիկ աճեցնելուց միլիոնավոր դոլարների շահույթ կարող է ստանալ:

Կարեն Կարապետյանի այս քայլը, մեղմ ասած, ստանդարտից դուրս է: Եվ դա պատկերացնելու համար սկսենք նրանից, թե ինչ բիզնեսի մեջ եւ որքան գումար է ներդնելու Կարեն Կարապետյանը: Հայտարարվել է, որ նա ներդնելու է կես միլիոն դոլար: Կարապետյանի համար սա խնդիր չէ` նրա ունեցած դրամական միջոցները բավարարում են: Ըստ հայտարարագրի՝ Կարեն Կարապետյանն անձամբ ունի 3.7 միլիոն դոլար, 850 հազար եվրո, 120 միլիոն դրամ եւ 55 միլիոն ռուսական ռուբլի: Ընդհանուրը՝ ավելի քան 5.5 միլիոն դոլար: Դրա 10 տոկոսն է փաստորեն Կարապետյանը մտադիր ներդնել Գյումրիում:

Ամենաուշագրավն այն բիզնեսն է, որը գրավել է վարչապետի ուշադրությունը:  Գյումրիում մտադիր են իրականացնել մի ներդրումային ծրագիր: Նախատեսվում է «Կումայրի» պատմական արգելոց-թանգարանի տարածքում գտնվող երկու՝ Շիրազի եւ Ռուսթավելի փողոցների պատմական շինություններում ստեղծել մշակութային, ժամանցային, սննդի եւ ուսումնական կենտրոններ: Ընդհանուր ծրագիրը գնահատվում է 200 միլիոն դոլար: Թե կոնկրետ ինչ է ընտրել Կարեն Կարապետյանը, դեռ չի հստակեցվում: Ամենայն հավանականությամբ, իր անձնական գումարները նա կներդնի մի որեւէ կոլորիտային շենք հյուրանոցառեստորանային համալիրի վերակառուցելու մեջ:

Ասել, որ դա շատ արագ կծախսածածկվի եւ առաջիկայում մեծ շահույթներ կապահովի, թերեւս չենք կարող: Ընդհակառակը, կարող ենք պնդել, որ սա բավականին ռիսկային ծրագիր է Գյումրիի համար: Տեղի բնակչությունը շատ աղքատ է: Ըստ պաշտոնական տվյալների՝ Հայաստանի ամենաաղքատ մարզը հենց Շիրակն է, իսկ ամենաաղքատ քաղաքը Շիրակի մարզկենտրոնը` Գյումրին:  Բնակչությունն էլ բացի աղքատ լինելուց, նաեւ շատ քիչ է մնացել: Հարուստ գյումրեցիներ իհարկե կան` երեւի մի քանի տասնյակ ընտանիք: Բայց եթե բոլոր հարուստ գյումրեցիներն ամեն օր «մի կտոր հաց ուտեն» այդպիսի ռեստորանում, միեւնույն է, դա չի դառնա շահութաբեր բիզնես: 

Եթե հույսն այն է, որ Գյումրին կդառնա զբոսաշրջային կենտրոն, ապա սպասումները բավականին տեսական են: Քաղաքը հարուստ է պատմամշակութային օբյեկտներով, սակայն դրանք կորած են այնպիսի «տեսարժան վայրերով», որոնք ուղղակի կարող են վանել զբոսաշրջիկներին: Այսինքն՝ Գյումրին զբոսաշրջային կենտրոն դարձնելու համար քաղաքի ամբողջական հատվածներ պետք է վերակառուցվեն ու «մաքրվեն»: Դա 1-2 օրվա գործ չէ` դրա համար կպահանջվեն երկար տարիներ ու հսկայական ներդրումներ: Ու դեռ պարզ չէ՝ ակնկալվող 200 միլիոն դոլարի ներդրումները կլինե՞ն, թե ոչ:

Եվ ուրեմն, ինչու է վարչապետը որոշել իր անձնական միջոցներով մասնակցել մի ներդրումային ծրագրի, որը բավական ռիսկային է: Հաշվարկը, թերեւս հետեւյալն է: Ինչպես նշել էինք նախկինում, ներդրում անելով այս ծրագրում, վարչապետը ցանկանում է «շախի գցել» նաեւ այլ ներդրողների: Դա էր թերեւս պատճառը, որ նա իր հետ Գյումրի էր տարել 2 տասնյակ գործարարի:  Եթե բոլորը ոգեւորվեն այդ ծրագրով, ուրեմն մեծ է հավանականությունը, որ վարչապետի ներդրումը ֆինանսական տեսանկյունից կլինի արդարացված, թեկուզեւ երկար ժամանակահատվածում:  

Բացի այդ, ներդնելով բավականին խոշոր գումար, Կարեն Կարապետյանը «սեփականաշնորհում է» գրեթե մոռացության մատնված, ոչ մի կերպ  ոտքի չկանգնող, հուսահատության մեջ ապրող բնակիչներով քաղաքում իրականացվելիք խոշոր ներդրումային մի ծրագիր, որը թեկուզ դանդաղ, բայց այդուհանդերձ կարող է բարոյահոգեբանական վիճակ փոխել Գյումրիում: Այսինքն՝ Կարեն Կարապետյանը կարող է գրավել գյումրեցիների համակրանքն այնպես, ինչպես դա մինչ օրս չի հաջողվել այլ բարձրաստիճան պաշտոնյաների ու Գյումրիում նա կարող է դառնալ «թիվ մեկը»: Դրա արդյունքում նա բարձր վարկանիշ ձեռք կբերի նաեւ ամբողջ Հայաստանում: Ու այս տեսանկյունից ներդրումների համար ընտրված ծրագիրը շատ դիպուկ է: Ամեն դեպքում, անկախ նրանից, թե ինչ բացահայտ ու թաքուն նպատակներ է հետապնդում Կարեն Կարապետյանը, նրա նախաձեռնությունն, իհարկե ողջունելի է, եւ կարելի է ասել, որ սա նրա վեցամսյա գործունեության ընթացքում կատարած այն քայլերից է, որոնց նկատմամբ վերապահումներ ունենալը բավականին դժվար է:

Միեւնույն ժամանակ չի կարելի հաշվի չառնել, որ կան հնարավոր խութեր: Օրինակ, կառավարությունը կարող է ընդունել նորմատիվ ակտեր, որոնք չհիմնավորված բարենպաստ պայմաններ կստեղծեն այն բիզնեսի համար, որտեղ ներդրում է արել վարչապետը: Կամ էլ, օրինակ, Հայաստան այցելող պաշտոնական կամ ոչ պաշտոնական պատվիրակություններին կուղեկցեն ծախսեր անելու հատկապես վարչապետի օբյեկտում: Կամ տեղացի մեծահարուստներին «կհամոզեն» հարսանիքներն ու կնունքներն անցկացնել այդ օբյեկտում եւ այլն: Դեպքերի նման զարգացման հավանականությունը թերեւս այնքան էլ մեծ չէ, բայց բացառել, իհարկե, չի կարելի:

Տպել
7542 դիտում

Դատապարտելի են այսօր Գյումրիում Վազգեն Մանուկյանի կողմից քաղաքացիներին ուղղված վիրավորական ձևակերպումները. ՄԻՊ

Տուֆաշենցի անչափահասները դեռ ընտանիք չեն վերադարձել. մայրը հաբեցողությունից բուժվել չի ուզում, հորը դեռ չեն գտել

Հայաստանի հավաքականի ֆուտբոլիստները, որոնք կարող են ձմռանը փոխել ակումբային գրանցումը

Արեւածաղկի սերմ էր կճպում ու սիրում էր բանաստեղծի ուսին նստել․ գողացել են Գեւորգ Էմինի քանդակի իրական պերսոնաժ կատվին

Արցախի կարգավիճակը չի կարող մնալ ՀՀ-ի, ՌԴ-ի, Ադրբեջանի ու Թուրքիայի միջև քննարկվող հարց, Մինսկի խումբը ռեստարտ կապրի.ԼՀԿ

Իշխանությունը անդրկուլիսյան բանակցություններ է ունենում ԲՀԿ-ի ու ԼՀԿ-ի հետ․ ենթադրում է քաղաքագետը

Արցախի գործազուրկ քաղաքացիների ժամանակավոր զբաղվածության ծրագրերի դիմումներն արդեն ընդունվում են

Վահրամ Դումանյանը մասնակցել է ԵԽ սպորտի համար պատասխանատու նախարարների 16-րդ համաժողովի շրջանակում կայացած կլոր սեղանին

Ռուսաստանը հայտարարել է «Բաց երկնքի պայմանագրից» դուրս գալու մասին. ԱՄՆ-ից հետո կասկածներ ունեն

37-ամյա տղամարդը մեկ տասնյակից ավելի անձանց թմրամիջոց է իրացրել (տեսանյութ)

Սյունիքի բնակիչները նորոգում են պատերազմի ընթացքում վնասված անշարժ գույքը․ Կառավարությունը փոխհատուցում է տրամադրում

Դպրոցներում հիմնականում պահպանվում են Covid-անվտանգության և ջեռուցման նորմերը. ԱԱՏՄ

2020 թվականին ՀՀ պետական եկամուտների կոմիտեն հավաքագրել է 1 տրլն 385.2 մլրդ դրամի եկամուտ

Զոհված զինվորի ծնողներից խաբեությամբ գումար հափշտակած անձը ձերբակալվել է

Արցախի նախագահը խորհրդակցություն է հրավիրել՝ խմելու և ոռոգման ջրերի կառավարման խնդիրների ու բարեփոխման ծրագրերի շուրջ

«Բարգավաճ Հայաստան» խմբակցությունը հանդիպել է Գագիկ Ջհանգիրյանի հետ

Մհեր Գրիգորյանն ընդունել է ԱՄՆ դեսպան Լինն Թրեյսիին․ ընդգծվել է Ռազմավարական երկխոսության հարթակի կարևորությունը

Գյումրեցիներից հեռու մնացեք, մենք իրերը կարող ենք կոչել իրենց անուններով. Նազելի Բաղդասարյանը՝ Վազգեն Մանուկյանին

Սարավան-«Զանգեր» կոչվող հատվածում տեղ-տեղ առկա է մերկասառույց

Ամոթ քեզ. գյումրեցի պատգամավորը՝ ակցիայի մասնակիցներին ուղղված բոմժեր արտահայտության, Իմ քայլի կողմից գումար տալու մասին

Գլխավոր դատախազության պատասխանը Սեյրան Օհանյանի՝ ՀՀ գլխավոր դատախազին ուղղված հրապարակային գրառմանը

ՀՀ եւ ՌԴ զինված ուժերի միացյալ խմբավորումն ամփոփել է 2020թ. ուսումնական տարվա արդյունքները

Օգոստոսի 22-ի միջադեպի հետ կապված երեք ոստիկանի լիազորություն ժամանակավորապես դադարեցվել է. քրեական գործ է հարուցվել

ՀՀ և Ֆինլանդիայի ԱԳ նախարարները կարևորել են ԼՂ կարգավորման հարցերի հասցեագրումը ԵԱՀԿ ՄԽ համանախագահության շրջանակներում

Ցուցարարները փակել են Վազգեն Մանուկյանի մուտքը Գյումրի. M1 մայրուղու Ազատանի հատվածում ծեծկռտուք է եղել (տեսանյութ)

Ժաուտիկովյան օլիմպիադայում Հայաստանի 21 մասնակիցներից 10-ն արժանացել է ոսկե, 5-ը՝ արծաթե և 2-ը՝ բրոնզե մեդալների

Զորամասերից մեկում ամփոփվել են 2020 թ. ուսումնական տարվա ընթացքում իրականացված աշխատանքների արդյունքները

Պարտադիր ժամկետային ծառայությունն ավարտած զինծառայողները զորացրվել են (լուսանկարներ)

«Սբ․ Գրիգոր Լուսավորիչ» բուժկենտրոնը վերակենդանացման նոր բաժանմունք ունի

Լեդի Գագան ու Ջենիֆեր Լոպեսը ելույթ կունենան Բայդենի երդմնակալության ժամանակ. BBC

Թուրքական ապրանք ներմուծողները համարժեք այլընտրանք չեն գտել․ պատգամավորը պատրաստ է քննարկումներ կազմակերպել

2021 թվականին ևս մշակութային օջախները բաց կլինեն դպրոցականների համար

Տղամարդը զոհված զինծառայողի ծնողներից խաբեությամբ հափշտակել է 1,5 միլիոն դրամ․ Shamshyan.com

Վերսկսվել են Սանկտ Պետերբուրգ - Երևան - Սանկտ Պետերբուրգ երթուղով չվերթները

«Այբ» հիմնադրամի կողմից իրականացվող ծրագրի շրջանակում առերևույթ հափշտակություն կատարելու դեպքի առթիվ քրգործ է հարուցվել

Ադրբեջանը նաև քրեական գործեր է հարուցում մեր գերիների նկատմամբ, որի իրավունքը չունի. Արման Թաթոյան

2 շաբաթում հրդեհի 143 դեպք է գրանցվել․ Լոռու և Տավուշի մարզերում 221.5 հա տարածք է այրվել (տեսանյութ)

Ինքնակամ կառույցի օրինականացման համար դիմել մինչև 2021 թվականի հունվարի 31-ը․ Կադաստրի կոմիտե

2021 թվականը պետք է դառնա մեր տնտեսական ամբիցիաների վերականգնման տարի. վարչապետ

Սեյրան Օհանյանը կարո՞ղ է բացատրել՝ Վահագնի թաղամասում շքեղ առանձնատունը ինչ միջոցներով է կառուցել․ Քոչարյան