ՄԻԵԴ-ը կառավարությունից պահանջել է Հովհաննես Հարությունյանի բժշկական բոլոր փաստաթղթերը

07/02/2017 schedule17:56

Մարդու իրավունքների եվրոպական դատարանը, քննության առնելով «Սասնա ծռեր» խմբի անդամ Հովհաննես Հարությունյանի գործով գանգատը, փետրվարի 3-ին Հայաստանի կառավարությունից պահանջել է մինչեւ ընթացիկ ամսվա 15-ը տրամադրել վերջինիս առողջական վիճակի վերաբերյալ բժշկական բոլոր փաստաթղթերը:

Ինչպես Armtimes.com-ին հայտնեց Հովհաննես Հարությունյանի փաստաբան Հայարփի Սարգսյանը, ինքն ավելի վաղ գանգատ է ներկայացրել դատարանի կանոնակարգի 39 կանոնի կարգով, որպեսզի Հարությունյանին անհապաղ տեղափոխեն քաղաքացիական հիվանդանոց:

«Այդ իսկ պատճառով ՄԻԵԴ-ը օրեր առաջ հարցում է կատարել ՀՀ կառավարությանը՝ տրամադրելու իմ պաշտպանյալի առողջական վիճակի վերաբերյալ բժշկական բոլոր փաստաթղթերը, ինչպես նաեւ Հովհաննես Հարությունյանի առողջական ներկայիս վիճակի վերաբերյալ տեղեկատվություն»,- նշեց փաստաբանը:

Հայարփի Սարգսյանից հետաքրքրվեցինք՝ ինչպիսի՞ զարգացումներ կարող են հաջորդել, եթե ՀՀ կառավարությունը մինչեւ փետրվարի 15-ը չներկայացնի պահանջված թղթաբանությունը: Ի պատասխան՝ պաշտպանը նկատեց՝ նման դեպքերում ՄԻԵԴ-ը որոշում է կայացնում այն փաստաթղթերի հիման վրա, որոնք ավելի վաղ իր կողմից ներկայացվել են:

«Գանգատին կից՝ ես ներկայացրել եմ նաեւ պաշտպանյալիս առողջական վիճակի վերաբերյալ բոլոր փաստաթղթերը, որոնք փաստաբանական հարցումների հիման վրա մինչ այժմ տրամադրվել են ինձ: Ես մի ամբողջ փաթեթ եմ ուղարկել եւ դեռ լրացուցիչ տեղեկատվություն եմ տրամադրում ՄԻԵԴ-ին»,- նշեց մեր զրուցակիցը:

Փաստաբանը տեղեկացրեց, որ Հովհաննես Հարությունյանի ոտքը խիստ այտուցված է, 18 բեկորը 6 ամսից ավելի է՝ չեն հեռացվել ստորին վերջույթից:

«Իմ պաշտպանյալն այս պահին շարունակում է գտնվել «Նուբարաշեն» քրեակատարողական հիմնարկի առաջին հարկի մենախցերից մեկում՝ խիստ անմարդկային պայմաններում: Սա այն դեպքում, երբ նշված խցերի փակվելու մասին վերջերս հայտարարություն էր տարածվել: Այնուամենայնիվ, Հովհաննեսին տեղափոխել են այդ խցերից մեկը՝ պատճառաբանելով, որ այդպես վարվել են նրա դիմումի համաձայն: ՔԿՀ-ն իր այս քայլը պատճառաբանում է նրանով, որ իմ պաշտպանյալը ցանկացել է մենակ մնալ: Այնուամենայնիվ, մինչ օրս նշված դիմումի պատճեն ինձ այդպես էլ չի տրամադրվել»,- ասաց Հայարփի Սարգսյանը:

Վերջում «Սասնա ծռեր» խմբի անդամի պաշտպանը տեղեկացրեց, որ կառավարության պատասխանից հետո իր գանգատի քննությունը ՄԻԵԴ-ում կշարունակվի։ Իսկ թե պատրաստվո՞ւմ է գործադիրը ներկայացնել պահանջված փաստաթղթերը, փաստաբանը տեղեկություն առայժմ չունի:

Հիշեցնենք՝ Հովհաննես Հարությունյանի փաստաբանը եւ հարազատները շարունակ դժգոհում էին «Դատապարտյալների հիվանդանոցից, պնդում, որ այնտեղ խոնավ է, Հովհաննեսի վիրավոր ոտքը շարունակ ցավում է, իսկ բժիշկները, փոխանակ բուժելու նրան, ինչ-որ հոգեմետ դեղեր են տալիս:

Հիշեցնենք նաեւ, որ Հովհաննես Հարությունյանը հրազենային վնասվածք է ստացել հուլիսի 26-ին: Նրա հարազատներն ավելի վաղ ահազանգում էին, որ Հովհաննեսի վիրավոր ոտքը սեւանում է:

Տպել
2013 դիտում

«Արարատ-Արմենիան» Չեմպիոնների լիգայում կխաղա ԱԻԿ-ի դեմ

Վահե Էնֆիաջյանը հանդիպել է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի հետ

Ինձ վրա մատ թափ չտաք. լարված իրավիճակ Քոչարյանի եւ մյուսների գործով նիստին

Վահե Գրիգորյանն ընտրվեց Սահմանադրական դատարանի դատավոր

Առողջական լուրջ խնդիրներ ունեցող կալանավորը ՄԻՊ-ի աջակցությամբ տեղափոխվել է Դատապարտյալների հիվանդանոց

Հավանության է արժանացել 239 սուբվենցիոն ծրագիր, ընդհանուր 11,504 մլրդ դրամ արժեքով

Երեկվա եւ այսօրվա միջեւ ես ընտրում եմ վաղը․ Արման Բաբաջանյանը պաշտպանում է Վահե Գրիգորյանի թեկնածությունը

Ռոբերտ Քոչարյանի եւ մյուսների գործով դատավորը կրկին ինքնաբացարկ չհայտնեց

Պատգամավորները Սահմանադրական դատարանի դատավոր են ընտրում (լուսանկարներ)

Մհեր Գրիգորյանը ՄԱԿ մշտական համակարգողի հետ քննարկել է ոլորտային ռազմավարությունների մշակման գործընթացը

ԱՆ քրեակատարողական ծառայությունում մի շարք գնման գործընթացներ իրականացվել են օրենքի խախտումներով. ՊՎԾ

Հայկ Սարգսյանի տվյալներով՝ Չեխիայի արդարադատության նախարարը եղբորը արտահանձնելու վերաբերյալ համաձայնություն չի տվել

Հրդեհ Արմավիր քաղաքում.այրվել է ավտոմեքենա

Ներդրումներ է տապալել. ԱԱԾ-ն բացահայտել է Սյունիքի նախկին մարզպետ Սուրիկ Խաչատրյանի ապօրինությունները

ՍԴ-միակ մարմինն է, որ ունի վերջնական իշխանություն՝ մեկնաբանելու այս պետության ամենաքաղաքական ակտը՝ Սահմանադրությունը

Բարձրագույն դատական խորհրդի անդամի թեկնածուն ընտրվելու դեպքում պատրաստ է առաջինը ենթարկվել վեթինգի

ՈՒԵՖԱ-ի նախկին նախագահ ֆրանսիացի Միշել Պլատինին ձերբակալվել է

Արցախում զինծառայողը ճանապարհատրանսպորտային պատահարի է ենթարկվել. նա մահացել է հիվանդանոցում

Կաջակցի՞ արդյոք ԿԽՄԿ ՀՀ-ում իրականացվող բարեփոխումներին. Մհեր Գրիգորյանն ընդունել է Քլեր Մեյթրոյին

Պարտադրանքը, որ եղել է նախկինում, պետք է փոխվի. Հայկակ Արշամյան