Առողջապահության նախարարությունում արտառոց ավանդույթ է ձեւավորվում. աշխատում են` չնշանակված

ՀՀ առողջապահության նախարարությունում տարօրինակ ավանդույթներ են ձեւավորվում: Պաշտոնյաներն այստեղ աշխատանքի են անցնում մինչեւ տվյալ պաշտոնում նշանակվելը: Այսինքն` նրանք ստանում են, օրինակ, աշխատակազմի ղեկավարի կամ փոխնախարարի կարգավիճակ` առանց համապատասխան որոշման ու հրամանի:

Արդեն մի քանի օր է` առողջապահության գերատեսչությունում փաստացի տեղի է ունեցել աշխատակազմի ղեկավարի փոփոխություն: Նախարար Լեւոն Ալթունյանի նշանակվելուց հետո այդ պաշտոնը զբաղեցնում էր Արայիկ Բաղրյանը` որպես ժամանակավոր պաշտոնակատար: Այս ամիսների ընթացքում թափուր պաշտոնի մրցույթ չհայտարարվեց: Այժմ էլ ահա նոր պաշտոնակատար կա` Նելսոն Զուլոյանը, որն աշխատանքի է ներկայանում որպես աշխատակազմի ղեկավար: Նա մինչ այս ղեկավարում էր առողջապահության նախարարության ծրագրերի իրագործման գրասենյակը (ԾԻԳ):  

ՀՀ առողջապահության նախարարության լրատվական ծառայությունից հաստատեցին, որ Նելսոն Զուլոյանն ազատվել է ԾԻԳ-ի տնօրենի պաշտոնից, իսկ աշխատակազմի ղեկավարի պաշտոնակատար նա դեռ չի նշանակվել: Բաղրյանն, ըստ այդմ, դեռեւս չի ազատվել զբաղեցրած պաշտոնից:  

Հիշեցնենք, որ առողջապահության նախարարի տեղակալ Սամվել Մարգարյանը նույնպես նախարարություն էր այցելում, աշխատում էր, այստեղ նրան ընդունում էին որպես նախարարի տեղակալի, քննարկում էին, որ նոր փոխնախարարը հրաժարվել է քարտուղարուհուց ու հարմարավետ աշխատասենյակից, որ գործի է գալիս հեծանիվով, այնինչ այդ պաշտոնում Սամվել Մարգարյանի նշանակման մասին վարչապետի որոշումը եղավ բավական ժամանակ անց միայն:  

Հավելենք, որ աշխատակազմի ղեկավարի փոփոխությունն առողջապահության նախարարության կառուցվածքում տեղի ունեցած միակ փոփոխությունը չէ: Պետական առողջապահական գործակալության (ՊԱԳ) պետի պաշտոնակատար Հովհաննես Գեւորգյանը նույնպես աշխատանքից ազատման դիմում է գրել, չնայած որ նախարար Ալթունյանի կադրերից էր:

ԱՆ լրատվական ծառայությունից պատասխանեցին, որ ՊԱԳ պետի պաշտոնակատարի դիմումը դեռ քննարկվում է` դրդապատճառների մասին ոչինչ չնշելով: Հովհաննես Գեւորգյանն, ի դեպ, նշանակվել էր Սարո Ծատուրյանի փոխարեն, որը լայն հանրությանը հայտնի դարձավ առողջարանային կեղծված ուղեգրերի առիթով, երբ իրավապահ մարմինները հայտարարեցին տեղի ունեցած կեղծիքների եւ պետությանը հասցված լուրջ վնասի մասին, քրեական գործ հարուցվեց, ապա նաեւ կարճվեց:

Առողջապահության նախարարության իրավաբանական վարչության պետ Իզաբել Աբգարյանը նույնպես օրեր առաջ ազատվել է զբաղեցրած պաշտոնից:

Տպել
9577 դիտում

Տիգրան Բադալյանի շրթունքները կարված են եղել. ՄԻՊ ներկայացուցիչները չհայտարարված այց են իրականացրել «Արմավիր» ՔԿՀ

ԱԺ նախկին պատգամավոր Արթուր Գեւորգյանը ԱՄՆ-ում ձերբակալվել է. ՀՀ դատախազությունը դիմում կուղարկի ԱՄՆ

ԿԳՄՍՆ փոխնախարար Գրիշա Թամրազյանն ազատման դիմում է գրել. ոլորտում ամենաաղմկոտ իրադարձությունները նրա հետ են կապվում

ՔՊ-ում ընդլայնված նիստ է հրավիրվել. ներկա կլինի նաեւ վարչապետը

«Էությունն էլ եմ հասկանում, տողատակերն էլ». Սեդրակ Առուստամյանն իրեն մեղավոր չճանաչեց

Վլադիմիր Պուտինին առաջադրել են խաղաղության Նոբելյան մրցանակի

Սեդրակ Առուստամյանի պաշտպանը միջնորդեց դատակոչել Երեւանի քաղաքապետի խորհրդական Կամո Արեյանին

Ծեծի մեղադրանքով հետախուզվող կինը հայտնաբերվել է Գյումրիում

Բնակավայրը պետք է ինքնին չնշանակի որոշակի ապրելակերպ, իսկ շատ գյուղերում շատ փողոցներ ուղղակի հողային վիճակում են

11 կամավորներ և 2 ՀԿ-ներ կազմակերպել են աղտոտված արագիլների մաքրումն ու խնամքը (լուսանկարներ)

Մարմաշեն գյուղի մոտակայքում մեքենա է կողաշրջվել. վարորդին գտել են մեքենայից դուրս, հոսպիտալացրել

Սեդրակ Առուստամյանը բերվեց դատարան. սկսվեց նրա գործով առաջին դատական նիստը

ՍԴ-ում ժամը 11-ից մինչ այս պահը քննարկվել է նիստը դռնբաց անցկացնելու հարցը. Էդգար Շաթիրյան

Հասան Ռոհանին Անկախության օրվա առիթով շնորհավորել է ՀՀ վարչապետին և նախագահին

30 մլն եվրո աջակցություն կտրամադրվի Հայաստանին դատական ոլորտի բարեփոխումների համար

«Այսօր դադարեց իմ պատգամավորական գործունեությունը». Արմեն Փամբուխչյանը հրաժեշտի լուսանկար է հրապարակել

Ներկայում քննարկում է վճարովի համակարգում սովորող ուսանողներին ֆինանսական աջակցություն ցուցաբերելու հարցը. նախարար

Ծայրահեղ քայլի դիմած կալանավորի ոտքի մեխերը հանվել են. նա տեղափոխվել է քաղաքացիական հիվանդանոց

Լուսինե Թորոյանին շնորհավորում են թանգարանի տնօրեն դառնալու առթիվ, բայց պաշտոնական նշանակում դեռ չկա

ՀՊՏՀ ռեկտորի նոր մրցույթ հնարավոր չէ կազմակերպել, արդյունքների հաստատումն ուշացնելու դեպքում՝ կդիմեն այլ գործիքակազմի