Ո՞վ է առաջարկել Դավիթ Տոնոյանի թեկնածությունը եւ դեռ որքա՞ն կդիմանան վարչապետի նյարդերը

Վարչապետ Կարեն Կարապետյանը երեկ արտակարգ իրավիճակների նախարարության աշխատակազմին ներկայացրեց նորանշանակ նախարար Դավիթ Տոնոյանին: Վերջինս ԱԻՆ տեղափոխվեց պաշտպանության նախարարի առաջին տեղակալի պաշտոնից: Սույն նշանակումից հետո պարզվեց, որ պաշտպանության նախարարությունում ամենաբարձր պաշտոններից մեկում տարիներ շարունակ աշխատել է պրոֆեսիոնալ եւ մարդկային լավագույն որակներով օժտված անձնավորություն: Սա արձանագրվեց բանակի խնդիրներով զբաղվող տարբեր իրավապաշտպանների մեկնաբանություններում, որոնցով նրանք մտահոգություն էին հայտնում, թե արդյո՞ք ճիշտ էր պաշտպանական գերատեսչությունը զրկել Դավիթ Տոնոյանի նման կադրից:

Նույն կերպ, ԱԻ նախարար Արմեն Երիցյանի վախճանից հետո պարզվեց, որ Հայաստանում երկար տարիներ պաշտոնավարել է լավ մարդ-նախարար, որի մասին հատկապես ջերմ էին արտահայտվում լրագրողները: Եւ այս իմաստով Տոնոյանի նշանակումը շատերը նաեւ արդարացված են համարում, որովհետեւ լավ մարդուն եւ պրոֆեսիոնալին եկավ փոխարինելու նույն որակներով մեկը:

Սույն բանավեճը, ինչպես նաեւ ավելի խորքային վերլուծությունները, թե Տոնոյանի նշանակումն ինչպիսի շրջադարձեր կբերի ՀՀ-ՆԱՏՕ հարաբերություններում, թողնում ենք մասնագետներին: Մեզ ավելի պարզ հարց է հետաքրքրում, օրինակ` ո՞վ է Տոնոյանին ԱԻ նախարար նշանակելու գաղափարի հեղինակը: Եթե վարչապետ Կարեն Կարապետյանն ամբողջությամբ կատարում է իր գործառույթներն, ապա պետք է որ Տոնոյանի թեկնածությունը նա առաջարկած լինի, քանի որ սահմանադրությամբ նախարար նշանակում է նախագահը՝ վարչապետի առաջարկությամբ: Թվում է, սակայն, որ Կարեն Կարապետյանի կապը սույն նշանակման հետ սկսվում եւ ավարտվում է նախարարության աշխատակազմին ներկայացնելու արարողությամբ:

Եթե Կարեն Կարապետյանին ԱԻ նախարար առաջարկելու հնարավորություն տրվեր, դժվար թե նրա մտահորիզոնում Դավիթ Տոնոյանը հայտնվեր: Ավելի հավանական է, որ նրա ընտրությունը կկանգներ տեխնոկրատների իր շրջապատից եւս մեկի վրա, կամ գուցե իր հետ ՀՀԿ-ին անդամագրված 7000 հոգու մեջ գտնվեր որեւէ արժանավոր:

Կարապետյանն անցյալ տարեվերջին ասուլիսներից մեկում խոսում էր Սերժ Սարգսյանի հետ իրենց աշխատանքի կառուցման եւ իր ունեցած ազատության որոշակի աստիճանի մասին: Որքան ժամանակն անցնում է, այնքան վարչապետի ազատություններն ավելի ու ավելի են սահմանափակվում եւ որոշումներ կայացնելու նրա շրջանակը գնալով սեղմվում է:

Ճիշտ է ժամանակ առ ժամանակ Կարեն Կարապետյանը ընդդիմանում է այս իրավիճակին, փորձում է բնավորություն ցույց տալ, բայց առայժմ նա մեծ հաջողություններ այս առումով չի գրանցել: Նման մի փորձ էր հունվարի 28-ի աշխատանքային խորհրդակցության ժամանակ Պետական գույքի կառավարման վարչության պետ Արման Սահակյանին ուղղված հայտնի հանձնարարականը՝ անբարեխիղճ պետական կառավարիչների ողնաշարը ջարդելու մասին:

Վարչապետի սույն հանձնարարականն, իհարկե խրոխտ էր, եւ տպավորել էր հանրությանը: Բայց դրանից հետո առաջին իսկ աշխատանքային օրը հայտնի դարձավ, որ Կարեն Կարապետյանն իր ձեռքով ստորագրել է Արման Սահակյանին մինչեւ ապրիլի 3-ն արձակուրդ տրամադրելու որոշումը: Մամուլում գրվեց, որ Սահակյանն արձակուրդ է գնում ընտրությունների նախապատրաստական աշխատանքների նպատակով: Սա տարօրինակ էր, որովհետեւ որեւէ այլ ՀՀԿ-ական պաշտոնյա առայժմ արձակուրդ չի մեկնել եւ թերեւս մինչեւ քարոզարշավի սկիզբ չմեկնի էլ: Էլ չենք խոսում, որ ՀՀԿ-ական պաշտոնյաները, որպես կանոն, հաջողությամբ համատեղում են քարոզարշավն իրենց պաշտոնեական պարտականությունների հետ, որովհետեւ միեւնույնն է ընտրությունների շրջանում իրենց պաշտոններն ու վարչական բոլոր լծակներն օգտագործվում են միմիայն սեփական կուսակցության քարոզչության նպատակներով:

Այնպես որ, Արման Սահակյանի արձակուրդը որեւէ այլ նպատակ չուներ, քան Կարեն Կարապետյանին ծիծաղելի վիճակի մեջ դնելը եւ, դատելով այդ թեմայով մամուլի հրապարակումների վերնագրերից, այն լիովին ծառայեց իր նպատակին:

Ստացվում է, Սերժ Սարգսյանի հետ աշխատանքի կազմակերպման արդյունքում Կարեն Կարապետյանը չի կարող նախարար առաջարկել, չի կարող նույնիսկ վարչության պետին ուզած հանձնարարականը տալ: Չի կարող նաեւ տնտեսական մոնոպոլիաների դեմ պայքարել: Այդ դեպքում` ինչ է կարող նա, ինչ ֆունկցիա է դրվել նրա վրա:

Կարեն Կարապետյանի վերջին գործողություններին հետեւելով կարելի է վստահաբար պնդել, որ նա կարող է ներդրումներ բերել Հայաստան: Այստեղ վարչապետին անսահմանափակ ազատություն է տրված. նա կարող է ներդրումների խոստումներ ստանալ ՌԴ կառավարությունից, ռուսաստանաբնակ հայ գործարարներից, կարող է կոռուպցիայի դեմ պայքարի շրջանակներում աջակցություններ ստանալ ԵՄ-ից, ԱՄՆ ՄԶԳ-ից, կարող է իր ընտանեկան միջոցներից ներդրումներ անել: Մի խոսքով, վարչապետից ակնկալիքը մեկն է` ներդրումային բում, իսկ մնացած բոլոր հարցերը Սերժ Սարգսյանն անձամբ կկարգավորի:

Ամբողջ խնդիրը, սակայն այն է, որ Կարեն Կարապետյանը բավական ցավագին է տանում, երբ իրեն զրկում են որոշումներ կայացնելու իր օրինական իրավունքից: Հայտնի է, որ Երեւանի քաղաքապետի պաշտոնից նա հեռացավ, քանի որ չուներ գործելու եւ որոշումներ կայացնելու ազատություն: Ասում են, վարչապետի պաշտոնը ստանձնելուց առաջ հատուկ հավաստիացել է, որ այս անգամ որոշակի ազատություններ է ունենալու, այսինքն՝ քաղաքապետ եղած ժամանակվա պատմությունը չի կրկնվելու:

Հիմա  այդպես էլ կա, նա որոշակի ազատություններ ունի, պարզապես որոշակին լայն հասկացություն է եւ, ըստ իրավիճակի եւ անհրաժեշտության կարող է ավելանալ կամ պակասել: Չի բացառվում, որ 2017-ի ընտրություններից հետո այդ շրջանակն այնքան սեղմվի, որ Կարեն Կարապետյանի ինքնասիրությունը թույլ չտա նրան շարունակել մնալ վարչապետի պաշտոնում: Կարծում ենք հիմա արդեն այս առումով վարչապետը սահմանային վիճակում է գտնվում:

Ինչ վերաբերում է ներդրումային բումին, ապա եթե մինչեւ այդ դա իրականություն դառնա,  շատ լավ, դրանից օգուտ քաղողները շատ կլինեն: Եթե ոչինչ չստացվի եւ վարչապետը տապալվի, ապա հոգ չէ, ամեն ինչ կընթանա իր սովորական հունով, եւ առավելագույն կորուստը, որ կունենանք՝ Կարեն Կարապետյանի բարձր ռեյտինգը կլինի:

Տպել
9605 դիտում

Ես ունեմ կյանքի ու նախագահական երդում, որը չեմ կարող դրժել. Արայիկ Հարությունյան

Մոսկվայում այսուհետ ռեստորաններ կայցելեն միայն պատվաստված կամ ՊՇՌ թեստ ունեցող մարդիկ. ռեստորանային բիզնեսը վտանգվա՞ծ է

Ամենայն պատասխանատվությամբ հայտարարում եմ, միայն ՔՊ գրասենյակում չէ, որ եղել եմ, այլ հանդիպումներ էլ կային. ԱՀ նախագահ

Ֆրանսիան վերահաստատում է աջակցությունը ՀՀ սուվերենությանը և տարածքային ամբողջականությանը. ԱԳՆ

Օձունի համայնքապետը հաղորդում է տվել իր նկատմամբ կատարված հանցագործության վերաբերյալ

Վեդի-Արարատ ճանապարհին «KIA» մակնիշի ավտոմեքենան կողաշրջվել է․ 16-ամյա վարորդը տեղում մահացել է

Համեմատվել են ԱԺ անցած 3 ուժերի ձայները բոլոր հոսանքազրկված ընտրատեղամասերում․ Իոանիսյան

Բաց պահել ԲՀԿ գրասենյակները, լինել ժողովրդի կողքին. Ծառուկյանը հանդիպել է համակիրների հետ

5165 շարժումը մերժել է Նիկոլ Փաշինյանի հետ հանդիպման առաջարկը․ ընդդիմադիր որոշ ուժերի ՍԴ դիմելու առաջարկը ևս մերժվել է

«Բանալի բառը՝ բոլորի վարչապետ». Նիկոլ Փաշինյանի մեկնած «համախմբման ձեռքը» օդում չմնաց

Բուսաբանական այգում լինելու է Արցախյան պատերազմներում զոհվածների հիշատակը հավերժացնող մեծ անտառ-պուրակ

«Շոկային սելֆիներ արջի հետ»․ միջազգային հանրությունը մերժում է այս երևույթը (տեսանյութ, լուսանկարներ)

Մեկնարկել է «Քայլ դեպի տուն» 2021 ուսումնաճանաչողական ծրագիրը․ շուրջ 400 սփյուռքահայեր կհյուրընկալվեն հայրենիքում

Երբ Այվազյանը հեռացավ, գերիների հարցը լուծվեց, նա ստել էր ականապատման քարտեզների մասին. Արմեն Գրիգորյան. «Ազատություն»

Իսպանիայի իշխանությունները ներում են շնորհել կատալոնցի ձերբակալված քաղաքական գործիչներին

70-ից ավելի ընտրական տեղամասերի վերահաշվարկի աշխատանք կիրականացվի. ԿԸՀ

Ես փախչող տեսակ չեմ, պատրաստ եմ բոլորի հետ երկխոսության. Արցախի նախագահը իր հրաժարականը պահանջողներին

Նորք-Մարաշ վարչական շրջանում այրվել է մոտ 5 հա խոտածածկույթ․ հայտարարվել է հրդեհի բարդության «1 ԲԻՍ» կանչ

Զախարովան նշել է Ռուսաստանի բարեկամ լինելու պայմանը

ԱՄՆ-ն պատրաստակամ է աջակցել ՀՀ-ին՝ բարձր տեխնոլոգիական ոլորտի ձեռնարկությունների էկոհամակարգերի ստեղծման հարցում. Թրեյսի

Առերևույթ ընտրական հանցագործությունների մասին ստացված 727 հաղորդում, հարուցված 32 քրեական գործ. ամփոփում

Էրդողանը արգելում է երաժշտությունը կեսգիշերից հետո՝ առաջացնելով թուրքական սոցիալական մեդիայի զայրույթը

Այդ կենտրոնն էլի թողնելու ենք այդպես՝ ոչինչ չանելո՞վ. Երեւանի ավագանին քննարկում է Թոխատյանին հատկացված «Կանազի» հարցը

Անընդունելի են արցախյան հասարակությունը պառակտելու, հակադիր բևեռների բաժանելու բոլոր փորձերը, անկախ հեղինակներից. ԱՀ ՄԻՊ

Ազգային-Ժողովրդավարական Բևեռը մերժել է Նիկոլ Փաշինյանի հանդիպման առաջարկը

Հայաստանը մեծ հույսեր է կապում ձեզ հետ․ Նիկոլ Փաշինյանը հանդիպում է ունեցել Սամվել Բաբայանի հետ (տեսանյութ)

«Հայաստան» դաշինքը դատի է տվել ԿԸՀ-ին՝ պահանջելով նախազգուշացում կիրառել ՔՊ-ի նկատմամբ

Արմեն Սարգսյանը հեռախոսազրույց է ունեցել Ռոբերտ Քոչարյանի հետ

Որևէ պարտադրանք և հարկադրանք չի եղել. Չարչյանը՝ աղմկահարույց ձայնագրության մասին

ԿԸՀ-ն բավարարել է ևս մեկ պատգամավորության թեկնածուի ազատությունից զրկելու վերաբերյալ դատախազության միջնորդությունները

«Մեր օրակարգը պարտվել է այս ընտրություններում. չնայած դա ոչինչ չի նշանակում». Էդմոն Մարուքյանը՝ Նիկոլ Փաշինյանին

Բարձր ջերմաստիճանային պայմաններում աշխատանքի կազմակերպման խորհուրդներ

Ալիկ Առաքելյանը պայմանագիր կնքեց «Արարատի» հետ, Ջեյսոն Մարտինեսը տեղափոխվեց իսպանական «Ալբասետե»

Ոչ մի շանս մարդասպան գողապետերին․ Նիկոլ Փաշինյանը եւ Արման Բաբաջանյանը հանդիպել են

Հայաստանի հավաքականի առաջիկա մրցակցի մարզիչը կփոխվի

Նիկոլ Փաշինյանը հանդիպել է «Քաղաքացու որոշում» կուսակցության ներկայացուցչի հետ

Համալիրում սիմֆոնիկ նվագախումբը կկատարի հայկական սիրված կինոֆիլմերի համար գրված մեղեդիները

Մեղադրանք է առաջադրվել Մեծամոր քաղաքի դպրոցի նախկին տնօրենին և ամուսնուն․ ՔԿ

Թրամփի անհեթեթ առաջարկների շարքից

Վրաստանը թուլացնում է համավարակային խստացումները