Թալիշում զոհված Գոռին հուղարկավորեցին Ջաբրայիլում զոհված Մառոզ Ալիկի կողքին. տեսանյութ

Այսօր Շիրակի մարզի Շիրակ գյուղում վերջին հրաժեշտը տվեցին ժամկետային, փետրվարի 6-ին Թալիշում զոհված զինծառայող Գոռ Գարեգինյանին: 19-ամյա Գոռը շարքային էր, պարտադիր զինվորական ծառայությունն անցկացնում էր Արցախի պաշտպանության բանակի` Թալիշում տեղակայված զորամասում:

Շիրակցիները armtimes.com-ի հետ զրույցում փոխանցեցին, որ Գոռը Գարեգինյանների ավագ որդին է, ունի երկու անչափահաս եղբայր: «Գոռիս ծնողները յոթ տարի երեխա չէին ունենում, առաջինը Գոռը ծնվեց, հետո` մյուս տղաները: Շատ էին ուրախացել, որ յոթ տարվա դադարից հետո Գոռը ծնվեց»,- armtimes.com-ի հետ զրույցում պատմեց հուղարկավորությանը ներկա հարազատներից մեկը:

Գոռին հրաժեշտ տալու էին եկել ամբողջ գյուղի բնակիչները: Արցունքն աչքերին ասում էին՝ համեստ տղա է, մեր զինվորն է: Հուղարկավորությանը ներկա էին նաեւ Գոռ Գարեգինյանի վաշտի հրամանատարի` կապիտան Գագիկ Սիմոնյանի ծնողները:

«Տղես զանգեց, առաջինն ինձ ասեց Գոռի մահվան մասին: Թալիշում էին ծառայում՝ առաջին գծում»,- ասաց վաշտի հրամանատարի մայրը՝ Սրբուհի Սիմոնյանը:

Գագիկ Սիմոնյանի հայրն էլ armtimes.com-ին տեղեկացրեց, որ Գոռը տղայի վաշտի առաջին զոհն էր: Նրանք քառօրյա պատերազմի ժամանակ կորուստներ չէին ունեցել:

Գոռ Գարեգինյանը ծառայել էր 13 ամիս: 2017թ. փետրվարի 6-ին, ժամը 11:00-ի սահմաններում Գոռ Գարեգինյանը զոհվել է հակառակորդի կողմից արձակած կրակոցի հետևանքով. նա մահացու հրազենային վիրավորում էր ստացել գլխի շրջանում:

Գարեգինյանների ընտանիքում շատերն են երկրապահ կամավորականներ: Գոռի հորեղբայները, քեռին եւ նրանց որդիները եւս մարտերի մասնակից են եղել:

Գոռի ընտանիքը ապրում է սոցիալապես ծանր պայմաններում: Նրանք անօթեւանի կարգավիճակ ունեն, բնակարանը կորցրել են 88-ի երկրաշարժի հետեւանքով. Գոռը ծնվել եւ մեծացել է տնակում: Ընտանիքն արտագնա աշխատանքի նպատակով մեկնել էր Ռուսաստանի Դաշնություն: Հայրը շինարար է, մայրն աշխատել է խմորեղենի արտադրամասում:

Գոռ Գարեգինյանին հուղարկավորեցին Շիրակ պանթեոնում՝ Մառոզ Ալիկի՝ ապրիլյան քառօրյա պատերազմի ժամանակ Ջաբրայիլում զոհված փոխգնդապետ Ալեքսան Առաքելյանի կողքին: Համագյուղացիները Գոռին Շիրակ պանթեոն տարան ձեռքերի վրա:

Լեռնային Ղարաբաղի Հանրապետության պետական սահմանը պաշտպանելիս ցուցաբերած արիության համար Գոռ Գարեգինյանը հետմահու՝ Բակո Սահակյան հրամանագրով պարգեւատրվել է «Մարտական ծառայություն» մեդալով։

 

Նարեկ Կիրակոսյան

Տպել
21811 դիտում

Կառավարությունը բնակարան կնվիրաբերի զոհված զինծառայող Հրանտ Մանգասարյանի ընտանիքին

Դիլիջանում ազատամարտիկների հուշարձանի վրայից ջնջել են բարերարի անունը, ջարդել ցայտաղբյուրները

Հացաշեն համայնքի ղեկավարը հաղորդում է տվել, որ նախկին կինը փորձել է առևանգել իր 9-ամյա որդուն

Հրդեհ՝ Մասիս քաղաքում․ բնակելի տուն է այրվել

Արմեն Սարգսյանը շնորհավորել է Ամենայն Հայոց Կաթողիկոսին՝ ծննդյան տարեդարձի առթիվ

Ամուսինը հրացանը մաքրելիս անզգուշաբար կրակել է կնոջ վրա. վերջինս տեղափոխվել է հիվանդանոց

Սարդարապատ և Նոր Արմավիր համայնքները կապող ճանապարհահատվածում մեկնարկել են ասֆալտապատման աշխատանքներ

ՀՀ բռնցքամարտի հավաքականը չի մասնակցի Երիտասարդների ԵԱ-ին՝ ԿԳՄՍՆ-ի անգործության կամ կոնկրետ հրահանգի պատճառով. Գեւորգյան

ՀՊՏՀ ռեկտորի ժամանակավոր պաշտոնակատար Ռուբեն Հայրապետյանը կթողնի զբաղեցրած պաշտոնը. նախարար

Դավադրությունների մասին խոսակցություններն անհիմն են. Քանանյան

Գերանդիով մարմնական վնասվածքներ է պատճառել 35-ամյա համագյուղացին. վեջինս մահացել է

Հեղափոխությունից հետո ՀՀ-ԵՄ հարաբերությունները նշանակալի օրակարգ ունեն. Նիկոլ Փաշինյան

Փաշինյան Նիկոլ, գալի՞ս ես անարդարությունը վերացնելու, եթե ոչ, ուրեմն շարունակում ես Սերժի մեղադրանքը․ Արմեն Բիլյան

Վանաձորի մի շարք թաղամասեր առավոտից հոսանքազրկված են. էլցանցից կոնկրետ պատճառ չեն նշում

Ucom-ի առաջին կորպորատիվ պարտատոմսերը թույլատրվել են առևտրի AMX ֆոնդային բորսայում

Երգչուհի Գայա Արզումանյանը գրանցված աշխատող է եւ հարկեր է վճարում. պրոդյուսեր

Սամվել Կարապետյանի եղբորորդու հետ կոնֆլիկտ ունեցած գործարարը դատի է տվել մի շարք լրատվամիջոցների

Oպերայի նախկին տնօրեն Կոնստանտին Օրբելյանի ներկայացրած հաղորդման հիման վրա քրեական գործի հարուցումը մերժվել է

Դավիթ Սանասարյանի գործով նախաքննության ավարտ է հայտարարվել. մեղադրանքի ձեւակերպումների մեջ փոփոխություններ են եղել

ՀՀ քաղաքացին դիմել է Դավիթ Անանյանին եւ իր մասնաբաժինը խնդրել զբոսաշրջիկների ծախսած գումարից. Փաշինյան