Վարդավանք գյուղում համայնքապետի միակ թեկնածուն պարտվել է 13 կողմ, 35 դեմ ձայներով

Կիրակի՝ փետրվարի 12-ին, Հայաստանի 5 մարզում տեղի է ունեցել համայնքի ղեկավարի ընտրություն, որի արդյունքներն արդեն հայտնի են:

Armtimes.com-ը կենտրոնական ընտրական հանձնաժողովից  տեղեկանում է, որ Արագածոտնի մարզի Վերին Բազմաբերդ գյուղում համայնքի ղեկավար, ՀՅԴ-ական Արտաշես Սաֆարյանը ստանալով 145 ձայն վերընտրվել է գյուղապետի պաշտոնում, իսկ նրա մրցակիցը՝ անկուսակցական Գրիշա Գրիգորյանը ստացել է 127 ձայն:

Արարատի մարզի Նորակերտ համայնքում ինքնաառաջադրված ՀՀԿ-ական Հովհաննես Հարությունյանը ստանալով 691 ձայն վերընտրվել է համայնքի ղեկավարի պաշտոնում, իսկ մրցակիցը՝ անկուսակցական Էդվարդ Սարգսյանը ստացել է 52 քվե:

Արմավիրի մարզի Վարդանաշեն գյուղում առանց մրցապայքարի գյուղապետի պաշտոնում վերընտրվել է ՀՀԿ-ական Արթուր Մանուկյանը՝ ստանալով 304 ձայն:

Կոտայքի մարզի Նուռնուս համայնքում նույնպես համայնքի գործող ղեկավարն է վերընտրվել: Անկուսակցական Մնացական Գեւորգյանն ստացել է 206 ձայն, իսկ մյուս թեկնածուն՝ Աստղիկ Մկրտչյանը ստացել է 97 ձայն:

Շիրակի մարզի Ախուրիկ գյուղում մյուս համայնքների հետ համեմատած մրցակցային է եղել ընտրությունը: Գործող համայնքապետ, ՀՀԿ-ական Վարդիթեր Գասպարյանը ստանալով 262 ձայն պարտվել է անկուսակցական Հովհաննես Պողոսյանին, որն ստացել է 277 ձայն: Նույն մարզի Արեւիկ համայնքում առաջադրված երեք թեկնածուից ամենաշատ ձայն ստացել է համայնքի ղեկավարի տեղակալ, ՀՀԿ-ական Վարդկես Մելքոնյանը՝ 526 ձայն: Վերջինս ընտրվել է Արեւիկ համայնքի ղեկավար:

Սյունիքի մարզի Վարդավանք գյուղում միակ թեկնածուն՝ գյուղի միջնակարգ դպրոցի տնօրեն Համլետ Թորոսյանն առանց մրցապայքարի, ստանալով 13 ձայն, չի ընտրվել է գյուղապետ, քանի որ նրան դեմ է քվեարկել 35 ընտրող: Հավանաբար այս համայնքում արտահերթ ընտրություն կնշանակվի:

Նշենք, որ երեկ կայացած ՏԻՄ ընտրությունների ժամանակ Նուռնուս համայնքում ընտրությունը կազմակերպվել է առաջին անգամ ներդրված էլեկտրոնային սարքերով: «Թրանսփարենսի ինտերնեշնլ»(ԹԻ) հակակոռուպցիոն կենտրոնը դիտորդական առաքելություն է իրականացրել Նուռնուս համայնքում: ԹԻ-ի դիտորդն արձանագրել է, որ ժամը 11:00-ին տարածքային հանձնաժողովի նախագահ Վովա Սահակյանը դիտորդին արգելել է նստել քվեատուփի մոտ՝ կես մետր հեռավորության վրա՝ նրան հեռացնելով քվեատուփի մոտից: «Տեղամասային հանձնաժողովի անդամ Խաչիկ Մարտիրոսյանը (ՀԱԿ) «համոզել» է տարածքային հանձնաժողովի նախագահին, որ դիտորդներն իրենց չեն խանգարում, և արդեն թույլ են տվել դիտորդներին գտնվել և նստել քվեատուփի մոտ»,- ասված է դիտորդի հաղորդման մեջ, որը տեղադրվել է «Թրանսփարենսի ինտերնեշնլ» հակակոռուպցիոն կենտրոնի կայքում:

Արմավիրի մարզի Վարդանաշեն համայնքում էլ ժամը 11:00-ի դրությամբ համայնքի ղեկավարի միակ թեկնածու Արթուր Մանուկյանը գտնվել է տեղամասի մուտքի մոտ եւ ուղղորդել է ընտրողներին: Դիտորդի կողմից տեղեկացվելուց հետո հանձնաժողովի նախագահը խնդրել է թեկնածուին լքել ընտրատեղամասը: Վերջինս հեռացել է: Նույն ընտատեղամասում ժամը 16:10-ի սահմաններում դիտորդը պարզել է, որ ընտրացուցակում 540 հերթական համարի ընտրողի փոխարեն լրացված են 545-րդ համարի ընտրողի տվյալները և առկա է 545-ի ստորագրությունը: 540 հերթական համարի ընտրողը, հանձնաժողովի առաջարկությամբ, ստորագրել է 545 հերթական համարի ընտրողի տողում: Դիտորդի պնդմամբ, գրանցամատյանում կատարվել է համապատասխան նշում:

Տպել
3083 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները