Դատախազությունը կստուգի ընտրակաշառք բաժանելու վերաբերյալ Ալեն Սիմոնյանի հայտարարությունը

ՀՀ գլխավոր դատախազությունը ստուգելու է «Ելք» դաշինքի անդամ, «Քաղաքացիական պայմանագիր» կուսակցության վարչության անդամ Ալեն Սիմոնյանի՝ մամուլում հրապարակած այն տեղեկությունը, համաձայն որի Կապի եւ տրանսպորտի նախկին նախարար Գագիկ Բեգլարյանի եղբոր՝ Հակոբ Բեգլարյանի օգտին քարոզչության հետ մեկտեղ՝ ընտրողներին 20.000 դրամի չափով ընտրակաշառքի խոստում է տրվում։ Այս մասին armtimes.com-ին հայտնեցին ՀՀ գլխավոր դատախազության հանրային կապերի բաժնից:

Թե հատկապես որ մարմնի հետ է դատախազությունը փաստի շրջանակներում համագործակցություն ծավալելու, չհայտնեցին՝ նշելով, որ մանրամասները պաշտոնապես կհողորդվեն ավելի ուշ:

Թեմայի շուրջ զրուցեցինք նաև իր՝ Ալեն Սիմոնյանի հետ, ով հայտնեց՝ առանձնակի հավատ չի տածում, որ իրավապահ մարմինները կարող են ընթացք տալ իր կողմից բարձրաձայնված հանցագործության բացահայտմանը:

«Սա ընդամենը խեղկատակություն է: Հիշո՞ւմ եք՝ Հրազդանի ընտրատարածքներից մեկում դեպք էր եղել: Երկաթով հարվածել էին, հեռախոսս շպրտել, մեզ սպառնացել ու ընտրատեղամասից դուրս վռնդել: Ես այդ ամենը տեսագրել եւ տեղադրել էի համացանցում, մինչդեռ Հատուկ քննչական ծառայությունը հայտարարեց, որ այդտեղ հանցակազմ չկա: Հիմա ին՞չ. հետամուտ են լինելու Facebook-ում իմ գրառմա՞նը, փնտրելու եւ գտնելո՞ւ են մեղավորներին: Հրազդանի այդ դեպքից հետո ես լուրջ չեմ վերաբերվում հանցագործության մասին հաղորդում ընդունելու դեպքերին: Ձեզ թվում է՝ իրավապահ մարմիններն ինձ վստահությո՞ւն են ներշնչում, եւ ես համագործակցելո՞ւ եմ նրանց հետ: Հրազդանի դեպքերից հետո՝ ամիսներ շարունակ, ես գնացել եմ հարցաքննությունների, առերեսումների, էջերով ցուցմունքներ եմ գրել»,- նշեց Ալեն Սիմոնյանը՝ միաժամանակ նկատելով, որ ամեն ինչից անկախ՝ ինքը շարունակելու է բարձրաձայնել ընտրակաշառք բաժանելու դեպքերի վերաբերյալ, քանի որ իր համար առավել կարեւոր է հասարակության գնահատականը:

Վերջում մեր զրուցակիցը հարց հնչեցրեց՝ քանի՞ դեպք կարելի է հիշել, երբ ոստիկանը սեփական սխալների պատճառով պատժվել է. զրո դեպք: «Քանի՞ դեպք գիտեք, որ ընտրակաշառք բաժանելու համար մարդիկ պատժված լինեն: Ավելին՝ դատարանի դահլիճից ազատ են արձակվում: Այնպես որ, իրավապահ մարմինները հրաման կատարող մարմիններ են, որոնց ես լուրջ չեմ վերաբերում»,- ամփոփեց Ալեն Սիմոնյանը:

Տպել
3660 դիտում

28-ամյա վարորդը Mercedes-ով տապալել է ծառն ու բախվել բնակելի շենքի պատին

Նիկոլ Փաշինյանը շնորհավորական ուղերձ է հղել Վրաստանի վարչապետին՝ երկրի ազգային տոնի առթիվ

Վերին Լարսի անցակետը բեռնատար տրանսպորտային միջոցների համար փակ կլինի մինչև 19.00-ն

«Para TV» կայքի աշխատակիցը հավաքի ժամանակ չի դանակահարվել, այլ կենցաղային վեճի արդյունքում. Ջանոյան

Առաջիկա օրերին սպասվում է անձրև եւ ամպրոպ

850 հազար դոլարի ներդրում Կոտայքի մարզում (տեսանյութ)

Դատական համակարգի փոփոխությունը հանրային պահանջ է, հետեւաբար հակառակը լինել չի կարող․ Արթուր Ավագյան

Հրդեհ է բռնկվել Շիրակի մարզի Անուշավան գյուղի տներից մեկում. ամբողջությամբ այրվել է տան տանիքը

Հայաստանի ֆուտբոլի ֆեդերացիայի գործկոմը որոշումներ է ընդունել

Ոստիկանները Վանաձորում չարաշահումներ են բացահայտել․ համայնքին պատճառվել է մոտ 16․9 մլն դրամի վնաս

Հադրութի վարչակազմի ղեկավարն ազատվել է պաշտոնից. Բակո Սահակյանը ներկայացրել է նոր ղեկավարին

ՀՀ գլխավոր շտաբի պետն ընդունել է Կարմիր խաչի միջազգային կոմիտեի պատվիրակությանը

Փամբակ գյուղի բնակիչն ապօրինաբար ծառեր է հատել, օգտագործել տան ջեռուցման համար

Տաշիր համայնքում երեխաները հնարավորություն կունենան բացահայտել իրենց տաղանդները․ Սուրեն Պապիկյան

Վ․ Օսիպյանը խորհրդակցություն է անցկացրել ԿՀԴՊ եւ ՔՀ գլխավոր վարչությունների անձնակազմի հետ. տրվել են հանձնարարականներ

Սա Հայաստանի ժողովրդավարացման ժամանակն է. Լենա Նազարյանի հոդվածը՝ անցումային արդարադատության մասին

Անցնող շաբաթ արցախա-ադրբեջանական սահմանին հակառակորդը հրադադարի ռեժիմը խախտել է շուրջ 120 անգամ

Երեւանի «Տաշիր Պիցցա» արագ սննդի կենտրոններից մեկում հրդեհ է բռնկվել

Ռոբերտ Քոչարյանն այսօր «Իզմիրլյան» բժշկական կենտրոնում է եղել

Շաբաթ օրը ստացված կարելի է համարել, քանի որ fake news-ի ֆաբրիկայի «հեղինակները» գերազանցեցին իրենց․ Աննա Նաղդալյան