ԵԱՀԿ-ն տեղի է տվել Ադրբեջանի ճնշումներին և կասեցրել է Ղարաբաղում ականազերծման ծրագիրը

«Խնդրում ենք նկատի ունենալ, որ ԵԱՀԿ-ում բոլոր որոշումներն ընդունվում են կոնսենսուսի հիման վրա»,- այսպիսի պատասխան են մեզ տվել ԵԱՀԿ գրասենյակից մեր հարցմանն ի պատասխան, թե ԵԱՀԿ-ն քայլեր ձեռնարկո՞ւմ է կամ ի՞նչ քայլեր է ձեռնարկում, որ հաջորդ տարի Երեւանյան գրասենյակի աշխատանքների շարունակությունն ապահովելու համար խնդիրներ չառաջանան:

Հիշեցնենք, որ մոտ մեկ ամիս առաջ պարզ դարձավ, որ ԵԱՀԿ երեւանյան գրասենյակի աշխատանքի շարունակականությունը վտանգված է, քանի որ Ադրբեջանն այդ կառույցում վետո է դրել ԵԱՀԿ մի շարք դաշտային առաքելությունների մանդատների երկարաձգման վրա, ինչը պարզապես մարդասիրական ականազերծման ծրագիր էր: Դեռեւս հունվարի 12-ին ԵԱՀԿ երեւանյան գրասենյակից մեզ մեկնաբանություն էին տվել, թե «ԵԱՀԿ նախագահությունը շարունակում է բանակցություններ վարել այս հարցի շուրջ՝ վաղ համաձայնություն ձեռք բերելու նպատակով»: Ի վերջո ինչ համաձայնություն է ձեռք բերվել, արդյոք ԵԱՀԿ-ին հաջողվե՞ց համաձայնություն ձեռք բերել, որ խոչընդոտ ներկայացնող Ադրբեջանը հրաժարվի իր այդ քայլից:

«Գուկովոյի եւ Դոնեցկի ռուսական անցակետերում ԵԱՀԿ Դիտորդական առաքելության, Բիշքեքում ԵԱՀԿ կենտրոնի եւ Ուզբեկստանում Ծրագրի համակարգողի մանդատների երկարաձգման ԵԱՀԿ Մշտական խորհրդի հունվարի 27-ի որոշումներին հաջորդած հայտարարության մեջ, ԵԱՀԿ ավստրիական նախագահությունն ընդգծել է բաց մնացած, մասնավորապես՝ ԵԱՀԿ երեւանյան գրասենյակի եւ Տաջիկստանում ԵԱՀԿ գրասենյակի մանդատների շուրջ կոնսենսուսի հասնելու կարեւորությունը՝ դաշտային առաքելությունների միջոցով ԵԱՀԿ արդյունավետ գործունեությունն ապահովելու հարցում: ԵԱՀԿ նախագահությունը շարունակում է ակտիվ ներգրավված մնալ՝ վաղ համաձայնության հասնելու նպատակով: Մինչեւ մասնակից պետությունների կողմից մանդատների երկարաձգումը, դաշտային առաքելությունները կմնան բաց, եւ կշարունակեն ադմինիստրատիվ եւ մանդատի հետ կապ չունեցող աշխատանքները»,- պատասխանել էին ԵԱՀԿ-ից:

Սա նշանակում է, որ ԵԱՀԿ-ն տեղի է տվել Ադրբեջանի ճնշումներին եւ Երեւանի գրասենյակի աշխատանքները մեկ տարով երկարաձգելու համար առայժմ կասեցրել է դաշտային առաքելությունը: Այսինքն՝ խնդիրը մասամբ է լուծվել, եւ դա չի նշանակում, որ հաջորդ տարի, երբ կրկին գրասենյակի աշխատանքների շարունակականությունը երկարաձգելու ժամանակը գա, Ադրբեջանը նորից խոչընդոտներ չի առաջացնի: Այնպես որ միջազգային այդ հսկա կառույցի գործունեության շարունակականությունը մեր երկրում կախված է Ադրբերջանի քմահաճույքից:

Մեր տեղեկություններով, ՀՀ արտաքին գերատեսչության պատասխանատուներն այդ կառույցին հորդորել են տուրք չտալ Ադրբեջանի քմահաճույքներին եւ լուծել այդ հարցը, հակառակ պարագայում իրենք կարող են նմանատիպ խնդիրներ հարուցել ԵԱՀԿ-ի համար: Օրերս էլ հայտնի դարձավ, որ ԵԱՀԿ-ում ամերիկյան առաքելությունը մտահոգություն է հայտնել Երեւանում ԵԱՀԿ գրասենյակի շուրջ ստեղծված այդ իրավիճակի կապակցությամբ եւ սպառնացել, որ գրասենյակի փակումը վատ կանդրադառնա Ադրբեջանի վրա:

«Մենք խիստ մտահոգված ենք Երեւանում ԵԱՀԿ գրասենյակի շուրջ ստեղծված իրադրությամբ: Այս գրասենյակը, ինչպես ԵԱՀԿ-ի բոլոր դաշտային առաքելությունները եւ կառույցները, ԵԱՀԿ-ի անդամ երկրների հանդեպ ստանձնված պարտավորությունների իրականացման ուղղությամբ կատարվող կազմակերպչական աշխատանքի կարեւոր բաղադրիչն են», - ասված է ԵԱՀԿ-ում ամերիկյան առաքելության տարածած հաղորդագրությունում:

Հիշեցնենք, որ Ադրբեջանը 2015թ.-ին փակեց Բաքվում ԵԱՀԿ գրասենյակը, եւ հիմա խոչընդոտելով Երեւանի գրասենյակի մանդատի երկարաձգմանը՝ պնդում է, թե գրասենյակի մարդասիրական ականազերծման ծրագիրը չի համապատասխանում առաքելության մանդատին: Նշենք նաեւ, որ տարածաշրջանում ԵԱՀԿ-ն գրասենյակ ունի միայն Երեւանում: ԵԱՀԿ-ն գրասենյակ չունի նաեւ Ռուսաստանում:

Տպել
2679 դիտում

Մարտական հերթափոխի նախապատրաստում զորամասերից մեկում

«Ձյունիկ սառնարան» ՍՊԸ-ի պահեստներից ծուխ է նկատվել (տեսանյութ)

Ոստիկանները ակցիայի մասնակիցներին բերման ենթարկելիս կիրառել են օրենքը խախտող անհամաչափ ֆիզիկական ուժ. ՄԻՊ

Վարչապետի աշխատակազմը ներկայացրել է այսօր կառավարությունում Ամուլսարի հանքի վերաբերյալ խորհրդակցության սղագրությունը

Ամուլսարի հանքի շահագործումը ոչ Սեւանին, ոչ Ջերմուկի ջրերին ոչ մի վնաս չի հասցնելու. վարչապետ

Ո՞ւմ է պետք Սերժ Սարգսյանի ձերբակալությունը. ՀՀԿ-ի՞ն, թե՞ ինշխանությանը

Ստեփանավանի անտառներում 3 տարում ապօրինի հատվել է 1462 ծառ. մեղադրանք է առաջադրվել 16 անձի

Նովոսիբիրսկ քաղաքում վթարի հետեւանքով ՀՀ քաղաքացի է զոհվել, 9 մարդ՝ վնասվածքներ ստացել

Քրեակատարողական հիմնարկներում նշեցին Սուրբ Աստվածածնի Վերափոխման տոնը

«Լիդիանը» կառավարություն է ներկայացրել ոչ հավաստի, ոչ լիարժեք տվյալներ. ՀԲՃ-ն հաղորդում է տվել հանցագործության մասին

Ավարտվեց «Իմ քայլը» խմբակցության հանդիպումը վարչապետի հետ Ամուլսարի հարցով. Նազարյանը մանրամասներ է հայտնում

Վարչապետի որոշմամբ էկոնոմիկայի նախարարի նոր տեղակալ է նշանակվել

Կարմիր Խաչի միջազգային կոմիտեի ներկայացուցիչները այցելել են Ադրբեջանում հայտնված հայ զինծառայողին

«Արարատ-Արմենիա» - «Դյուդելանժ» խաղի տոմսերի վաճառքն արդեն սկսված է

Արոնյանը սեւերով ոչ-ոքի խաղաց Անիշ Գիրիի հետ

Թիվ 17 հատուկ դպրոցի նախկին տնօրենը յուրացրել է սնունդ և մոտ 10 մլն դրամ գումար

Դավիթ Տոնոյանը մասնակցել է «Միջազգային բանակային խաղեր-2019» մրցաշարի փակման արարողությանը

ԶՈՒ գլխավոր շտաբի պետն այցելել է հյուսիսարևելյան սահմանագոտի, ստուգել պահեստավորված զինամթերքը

Վաչե Տերտերյանն ընդունել է ՅՈՒՆԻՍԵՖ-ի ներկայացուցչին

Արցախի պետնախարարի մոտ քննարկվել է զորամասերում սննդի կազմակերպման նոր ծրագիրը