Սամվել Ալեքսանյանն ու Իշխան Զաքարյանը դուրս մնացին ԵԿՄ նոր վարչության կազմից

«Սերժ Սարգսյանին սատարելու մասին ԵԿՄ հայտարարությունը նորություն չէր: Ուրիշ ձեւ չէր էլ կարող լինել: Եթե այդ կառույցում ուրիշ ձեւ հնարավոր լիներ՝ մենք անպայման այնտեղ կլինեինք: Մենք գիտենք, որ հնարավոր չի այդ կառույցում այլ կարծիք ունենալ: Մենք բոլորս էլ գիտենք, որ Երկրապահը միշտ էլ իշխանության կողքին է, դրա համար այսօր այն մարդիկ, որ դեմ են ՀՀԿ-ի քաղաքականությանը՝ Երկրապահում չեն»,- անդրադառնալով շաբաթ օրը Մարզահամերգային համագումարում տեղի ունեցած ԵԿՄ 11-րդ համագումարին՝ մեզ հետ զրույցում այդ մասին հայտարարեց ԵԿՄ վարչության նախկին անդամ, ազատամարտիկ Ռազմիկ Պետրոսյանը:

ԵԿՄ-ն շաբաթ օրը տեղի ունեցած համագումարում ընդունված հայտարարությունում մասնավորապես ասվում էր. «Երկրապահը չի կարող անտարբեր մնալ պետության, ազգի ճակատագրի նկատմամբ, ուստի եւ մեր շարքերին կոչ ենք անում ցուցաբերել ակտիվ քաղաքացիական դիրքորոշում, ակտիվորեն մասնակցել բոլոր համապետական եւ տեղական ինքնակառավարման մարմինների ընտրություններին, սատարել երկրապահ թեկնածուներին:

ԵԿՄ-ն, ի բարօրություն հայ ազգի, ի փառս Հայաստանի Հանրապետության եւ հայկական Արցախ պետության, շարունակելու է աջակցություն ցուցաբերել ՀՀ նախագահ, զինված ուժերի գերագույն գլխավոր հրամանատար, երկրապահ Սերժ Սարգսյանի բոլոր նախաձեռնություններին»: Ի դեպ, այդ համագումարի ընթացքում վարչության նախագահի պաշտոնում միաձայն վերընտրվել է Մանվել Գրիգորյանը, որն այդ պաշտոնին է 1999 թվականից: Նրա ընտրությունը ԵԿՄ վարչության անդամ Սեյրան Սարոյանի առաջարկությամբ իրականացվել է բաց քվեարկությամբ:

Ընտրվել է նաեւ նոր վարչություն: Գործող վարչության 121 հոգու փոխարեն նոր վարչության կազմում ընդգրկվել է 165 ԵԿՄ-ական: ԵԿՄ մամուլի խոսնակ Վարդան Վարդանյանից հետաքրքրվեցինք, թե ինչով է պայմանավորված վարչության մեծացումը: Վարդանյանն ասաց, որ նոր վարչությունում ընդգրկվել են նաեւ այն գերատեսչությունների ներկայացուցիչները, որոնց հետ ԵԿՄ-ն համագործակցության հուշագրեր է կնքել:

Չնայած ԵԿՄ վարչության ընդլայնմանը՝ նոր վարչության կազմից դուրս են մնացել Վերահսկիչ պալատի նախկին նախագահ, «Ծառուկյան դաշինքի» նախընտրական շտաբի պետ Իշխան Զաքարյանը, ԼՂՀ փոխվարչապետ Արթուր Աղաբեկյանը, ԵԿՄ Մալաթիա-Սեբաստիա տարածքային բաժանմունքի ղեկավար, Մալաթիա-Սեբաստիայի նախկին թաղապետ Աղվան Գրիգորյանը, «Պատանի երկրապահի» նախագահ, լեյտենանտ Վարդուհի Մարոնյանը, «Երիտասարդ երկրապահ»-ի նախագահ Էդգար Բարսեղյանը, ԱԺ պատգամավոր, գործարար Սամվել Ալեքսանյանը:

Վերջիններս նաեւ չեն մասնակցել համագումարին: Վարդան Վարդանյանն ասաց, որ նրանց բոլորին էլ համագումարին մասնակցության մանդատ ուղարկվել էր. «Եթե մարդը պատվիրակ է ու չի գալիս, ինչպե՞ս առաջադրվի ու ընտրվի»,- նկատեց նա: Նշենք, որ եթե Իշխան Զաքարյանի դեպքում ԵԿՄ համագումարին չմասնակցելու պատճառը թերեւս «Ծառուկյան դաշինքում» նրա ներգրավվածությունն է, ապա Սամվել Ալեքսանյանի դեպքում խնդիրն ավելի շատ անձնական է:

Գրիգորյանի ու Ալեքսանյանի միջեւ սեւ կատու էր անցել ԵԿՄ տասներորդ համագումարից հետո։ Մամուլի հրապարակումների համաձայն Սամվել Ալեքսանյանը նեղվել էր գեներալի խոսքերից: Երբ ԵԿՄ համագումարին վարչության կազմը համալրվել էր Սամվել Ալեքսանյանով՝ շատերի զարմանքին ի պատասխան Մանվել Գրիգորյանը անհաջող կերպով փորձել էր պաշտպանել Ալեքսանյանին. «Հա, Ալեքսանյանն օլիգարխ ա, իրա մասին սաղ էլ կարան ինչ ուզեն՝ ասեն, բայց դե, վերջիվերջո, ինքն էլ ա մարդ, մեր պետության անդամն ա: Դա չի նշանակում, որ ինքը օլիգարխ ա, ուրեմն չպետք է ասենք, որ ինքը երկրապահի անդամ չի եղել»,- ասել էր Գրիգորյանը՝ հավելելով, որ եթե Ալեքսանյանը խելոք չպահի իրեն, հրաժարական կտա:

ԵԿՄ 11-րդ համագումարին չէր մասնակցում նաեւ Պաշտպանության նախկին նախարար, ԵԿՄ անդամ Սեյրան Օհանյանը: Չնայած մամուլի հրապարակումներին՝ նրան ԵԿՄ-ից հեռացնելու հարց չի քննարկվել:  

Նշենք, որ ԵԿՄ վարչության նոր կազմում են, օրինակ, ՀՀ ԿԱ Պետական գույքի կառավարման վարչության պետ Արման Սահակյանը, Երեւանի քաղաքապետ Տարոն Մարգարյանը, Էջմիածնի քաղաքապետ Կարեն Գրիգորյանը, նրա եղբայր Արման Գրիգորյանը, Սյունիքի նախկին մարզպետ Սուրիկ Խաչատրյանը, ԱԺ պատգամավոր Ռոբերտ Սարգսյանը (Տարոն Մարգարյանի աներձագը) եւ ուրիշներ:
ԵԿՄ 11-րդ համագումարին մասնակցել են Սերժ Սարգսյանը, ԱԺ նախագահ Գալուստ Սահակյանը, մարզպետներ, քաղաքապետներ, Հանրապետական խմբակցության պատգամավորներ եւ Լեռնային Ղարաբաղի պաշտպանության նախարար Լեւոն Մնացականյանը:

Տպել
10691 դիտում

Ոստիկանությունը մասնագիտական ստուգումներ է նշանակել Լոռու մարզում ծառահատման 2 դեպքով

Փոխվարչապետ Մհեր Գրիգորյանի նախագահությամբ կայացել է միջգերատեսչական հանձնաժողովի հերթական նիստը

Լոռու Գարգառ գյուղում անասնագոմ է հրդեհվել՝ այրելով մոտ 700 հակ անասնակեր

Ոստիկանները վկայել են, որ իրականում տեղեկություն չեն ունեցել զենքի ու զինամթերքի մասին. Վահե Գրիգորյան

Ում էր պետք Մաշադյանի որդու շուրջ աղմուկը

Գեմաֆին Գասպարյանը նշանակվել է աշխատանքի եւ սոցիալական հարցերի նախարարի առաջին տեղակալ

Առաջիկա շաբաթներին ԵՄ-ի կողմից Ռուսաստանի դեմ նոր պատժամիջոցներ կսահմանվեն. Մոգերինի

Մայրապետյանի հետ առերեսվել եմ, եւ նա ընդունել է, որ գումար եմ փոխանցել. Սիլվա Համբարձումյան

ՀԿ-ի նախագահը կասկածվում է տարբեր անձանցից 29,5 մլն դրամի հափշտակության մեջ

«Իմ քայլը հանուն Լոռու մարզի» բիզնես ֆորումի նախապատրաստական աշխատանքներն ավարտված են. մարզպետ

30 խոշոր հարկատուներից 25-ը նախորդ տարվա համեմատ ավելացրել են հարկերը, 5-ը՝ պակասեցրել. Բաբկեն Թունյան

Ալեքսանյանի ընկերության վճարած հարկերը ոչ թե նվազել, այլ ավելացել են. «Գազպրոմը» չի նվազեցրել հարկերը

Մարիխուաննա ծխող մարդիկ միշտ ժպտում են ու շատ բարի են. Արման Մարգարյան

ԱԱԾ-ն արձագանքել է Սեդրակ Քոչարյանին մեղադրանք առաջադրելու մասին տեղեկություններին

Վարչապետի՝ սպորտի հետ կապված ծրագրերը հեղափոխական չէին. Դավիթ Խիթարյան

Շվեյցարիայի բարձրագույն դատարանը մերժել է Հայոց ցեղասպանությանը նվիրված հուշարձանի տեղադրման դեմ բողոքը

Ավտովթար Լոռիում. կան վիրավորներ

Գյումրեցի կնոջ մահվան մեջ մեղադրվող ռուս զինվորականը ցուցմունք չի տվել, նմուշ չի հանձնել

«Նուբարաշեն» ՔԿՀ-ի դատապարտյալը «Արմենիա» ԲԿ-ից փախուստի է դիմել

Ուսման վարձի փոխհատուցում կստանան ապրիլյան պատերազմին մասնակցած նաեւ հեռակա սովորող ուսանողները