ՀՀԿ-ում տեղյակ չեն, որ Գալուստ Սահակյանի հարսն ընտրողների հավաքագրմամբ է զբաղված

Հանրապետական կուսակցությունը չի տիրապետում որեւէ տեղեկատվության, որ ՀՀԿ ռեյտինգային ցուցակով թիվ 2 ընտրատարածքում առաջադրված, կառավարությանն առընթեր պետական գույքի կառավարման վարչության պետ Արման Սահակյանի կինը՝ Երեւան քաղաքի թիվ 38 մանկապարտեզի տնօրեն Սեդա Հակոբյանը, ընտրողների հավաքագրմամբ է զբաղված: armtimes.com-ի թղթակցի հետ զրույցում այս մասին ասաց ՀՀԿ կազմակերպչական հանձնաժողովի նախագահ Ռուբեն Թադեւոսյանը:

«Ձեր ինֆորմացիան հարկավոր է ճշտել: Այնպես չէ, որ մամուլում ասված ամեն ինչ իրականությունն է: Շատ հաճախ օրենքով սահմանված գործողությունը, որ կարելի է անել, վերագրում են մեկ այլ բանի: Կոնկրետ դեպքի համար կծանոթանանք եւ կմեկնաբանենք: Ես տեղյակ չեմ այդ հարցին, բայց եթե օրենքի շրջանակներում կատարվող գործողություն է, ի՞նչ խնդիր կա»,- ասաց նա՝ հորդորելով առերես պատասխան ստանալու համար գնալ ՀՀԿ գրասենյակ:

Դիտարկմանը, որ խոսքն օրինական գործընթացի մասին չէ, այլ ընտրողների հստակ հավաքագրման, Ռուբեն Թադեւոսյանը նշեց՝ եթե Սեդա Հակոբյանի արարքի վերաբերյալ ահազանգ է եղել, ահազանգ ստացողներն էլ թող դիմեն իրավապահ մարմիններին:

«Երբ մենք կծանոթանանք իրավիճակին եւ կարիք կլինի, ինքներս կդիմենք իրավապահ մարմիններին, որ զբաղվեն այդ հարցով: Երկակի մեկնաբանություն չի կարող լինել: Ես օրենքի կողմնակից եմ, եւ օրենքը պետք է պահպանվի բոլորի կողմից»,- ամփոփեց ՀՀԿ կազմակերպչական հանձնաժողովի նախագահը:

Հիշեցնենք՝ Armtimes.com-ն այսօր ահազանգ էր ստացել, որ Երեւան քաղաքի թիվ 38 մանկապարտեզի տնօրեն Սեդա Հակոբյանը հրահանգում է իր ենթակայությամբ աշխատող մարդկանց, որպեսզի վերջիններս մարզերում բնակվող իրենց հարազատներին վերագրանցեն թիվ 2 ընտրատարածքում: Բանն այն է, որ Սեդա Հակոբյանը կառավարությանն առընթեր պետական գույքի կառավարման վարչության պետ Արման Սահակյանի կինն է, իսկ Արման Սահակյանը պատգամավորության թեկնածու է եւ ՀՀԿ ռեյտինգային ցուցակով առաջադրվել է թիվ 2 ընտրատարածքում:

Տպել
6463 դիտում

Հրապարակվել է «Լավ երկրների» վարկանշային աղյուսակը. Հայաստանը բարելավել է դիրքերը, հայտնվել 45-րդ տեղում

Քոչարյանի իշխանավարման տարիներին սպառողների համար գազի գինն աճել է մոտ 2.5 անգամ. Հայկ Գեւորգյան

Վարչապետը շարունակում է հանդիպումները Դավոսի տնտեսական համաժողովի շրջանակում (լուսանկարներ)

ՊԵԿ-ը հերքում է. նման պարգևատրումներ գոյություն չունեն

Ինքնախրախուսվել է նաեւ Շիրակի մարզպետը. փոխմարզպետները եւս դրամական պարգեւներ են ստացել

Էլեկտրահարման եղանակով Արփա գետից որսացել են ձկներ, պահել գետի ափին ու բռնվել

Արայիկ Հարությունյանն ԱՄՆ է գնացել հրավիրող կողմի հաշվին

Բակո Սահակյանը ողջունել է Արցախում ՀՅԴ Ընդհանուր ժողովի անցկացումը

Սերժ Սարգսյանն այսօր պարգեւատրել է չեմպիոնների

Վանաձորցիները սպասում են ԱԺ պատգամավորի թեկնածուների «բարի կամքի դրսեւորմանը»

Արտաշատում հատուկ նշանակայինների մասնակցությամբ միջոցառումներ են տեղի ունեցել (տեսանյութ)

Շուկայում փոփոխություններ են տեղի ունեցել, ներմուծող տնտեսվարողների քանակն է ավելացել. Շաբոյանը բենզինի գնի անկման մասին

Չեխիան ստացել է Նարեկ Սարգսյանի արտահանձնման մասին Հայաստանի հայցը

Հայտարարություն մրցույթի մասին

ՀՀԿ-ական քաղաքապետերը նույնպես շարժվել են իրենք իրենց պարգեւատրելու իներցիայով

Ամփոփիչ խորհրդակցություն ոստիկանության Երևան քաղաքի վարչությունում (տեսանյութ)

Սերժ Սարգսյանը այսօր պարգեւատրել է չեմպիոնների

Դարձել եք ազատ, արդար ընտրությունների արդյունքում ձեւավորված խորհրդարանի ղեկավար. Սվիտալսկին՝ Միրզոյանին

Շտապ օգնության կանչերը շուտով կսպասարկվեն նաեւ թեթեւ մարդատար ավտոմեքենաներով

Աշոցքի ավտոճանապարհներին թույլ ձյուն է տեղում