«Սասնա ծուռ» Արթուր Սողոմոնյանի դեմքին, գլխին թարախային բշտիկներ են գոյացել. վիճակը ծանր է

21/02/2017 schedule22:08

«Սասնա ծռեր» խմբի անդամ Արթուր Սողոմոնյանի առողջական վիճակն արդեն քանի օր է, ծանր է, նա նախօրեին կտրուկ վատացել է:

Սողոմոնյանը հիշեցնենք, մեղադրվում է ՀՀ ՔՕ 218 հոդվածի 3-րդ մասի 1-ին կետով (պատանդ վերցնելը) եւ 235 հոդվածի 3-րդ մասով (ապօրինի զենք զինամթերք ձեռք բերել, իրացնել, պահել, փոխադրել): 

Մեր զրույցում նրա պաշտպան Մուշեղ Շուշանյանն ասաց, որ Սողոմոնյանը տառապում է ֆուրոնկուլյոզ հիվանդությամբ. «Դա մաշկային հիվանդություն է, նրա դեմքի, գլխի եւ մարմնի տարբեր հատվածներում թարախային բշտիկներ են գոյացել, որը թե՛ ցավեր է իրեն պատճառում եւ թե՛ ընդհանուր տհաճություն»,- մանրամասնեց պաշտպանը:

Նրա խոսքով՝ այս հիվանդությունը Արթուր Սողոմոնյանի մոտ ի հայտ է եկել «Նուբարաշեն» քրեկատարողական հիմնարկ տեղափոխվելուց մի քանի օր հետո՝ 2016թ.-ի օգոստոսի 12-ին: Սողոմոնյանը բազմիցս դիմել է «Նուբարաշեն» ՔԿՀ ղեկավարությանը՝ մասնավորապես բժիշկներին, բայց ըստ պաշտպանի՝ տեւաբար բուժօգնություն չի ցուցաբերվել:

«Արթուր Սողոմոնյանը ինձ այդ մասին հայտնել է նոյեմբերի 26-ին, ես մինչ այդ պահը տեղյակ չեմ եղել, նոր եմ ուշադրություն դարձրել եւ տեսել, որ իր դեմքի վրա շատ լավ երեւում են թարախային վերքերը: Գրավոր դիմել եմ «Նուբարաշեն» ՔԿՀ պետին, հասցեագրել եմ Արդարադատության նախարարության քրեակատարողական ծառայությանը, խնդրել եմ հայտնել, թե ի՞նչ միջոցներ են ձեռնարկվել Արթուր Սողոմոնյանին պատշաճ բուժօգնություն  ցուցաբերելու ուղղությամբ, խնդրել եմ տրամադրել նրա բժշկական քարտի պատճենը: Ինձ տրամադրվել է բժշկական քարտի պատճենը, որից հետեւում է, որ օգոստոսի 12-ին բժշկական քարտին գրառում է կատարվել, որ իմ պաշտպանյալի մոտ ախտորոշվել է ֆուրոնկուլյոզ հիվանդությունը, բժշկական քարտում նշված է նաեւ, որ Սողոմոնյանը ստացել է դեղորայքային բուժում եւ հաջորդ գրառումը կատարվել է նոյեմբերի 30-ին, այսինքն՝ իմ կողմից դիմումը ներկայացնելուց հետո, ըստ որի Արթուր Սողոմոնյանն իբրեւ հայտնել է, որ ստացած բուժումը արդյունք չի տվել, պետք է նշանակվի նոր բուժում:

Այն, որ ինքը բուժում է ստացել, իրականությանը չի համապատասխանում, որեւէ բուժում չի ստացել: Ընդամենը երկու անգամ իրեն այցելել է «Նուբարաշեն» ՔԿՀ-ի բժիշկը, քրեակատարողական ծառայությունից ժամանած մաշկաբանը: Ես ասեմ, որ «Նուբարաշեն» ՔԿՀ-ում մաշկաբան չկա, նման հաստիք չի նախատեսվում»,- իր պաշտպանյալի հիվանդության ու «բուժման» մասին մանրամասնեց Շուշանյանը:

Նա ասաց, որ մինչ իր դիմումը ներկայացնելը Արթուր Սողոմոնյանի մատից երկու անգամ արյուն են վերցրել՝ անալիզի նպատակով, բայց դրանից հետո ո՛չ անալիզի արդյունքներն են իրեն հայտնել, ո՛չ էլ բուժում են նշանակել: Մաշկաբանը Սողոմոնյանին ասել է, որ պետք է հակաբիոտիկներ նշանակեն, ինչից նա  հրաժարվել է ՝ հայտնելով որ ինքը չի վստահում ո՛չ «Նուբարաշեն» ՔԿՀ բուժանձնակազմին, ո՛չ էլ նրա նշանակած բուժմանը: Այնուհետեւ Սողոմոնյանը խնդրել է հայտնել՝ ինչ հակաբիոտիկ են պատրաստվում իրեն ներարկել, որպեսզի հայտնի փաստաբանին, ճշտելու՝ արդյոք դա ճիշտ բուժում է, թե՝ ոչ:

«Նա ինձ հայտնել է երկու հակաբիոտիկների անունները, որոնք պետք է ներարկվեին: Ես գտել եմ բժիշկ-մաշկաբան, խորհրդակցել եմ նրա հետ, որն ինձ ասել է, որ կամայական հակաբիոտիկը չի կարող արդյունավետ բուժում ապահովել, որովհետեւ նախքան բուժում նշանակելը պետք է բակտերիոլոգիական հետազոտություն կատարվեր, բայց նախքան դա խորհուրդ էր տալիս դրանից մեկը ներարկել իմ պաշտպանյալին: Ես Արթուրին ասել եմ, որ ինքը սկսի բուժումը ընդունել: Դիմել եմ նորից «Նուբարաշեն» ՔԿՀ-ին՝ հետազոտություն անցկացնելու համար եւ պահանջել եմ ապահովել այդ հետազոտության իրականացումը: Արթուրը հայտնել է, որ պատրաստ է ներարկումն ընդունել, այդ ժամանակ իրեն ասել են, որ դեղորայքը պետք է հարզատները բերեն:

2016 թ.-ի դեկտեմբերի 27-ից մինչեւ հունվարի 1-ը օրական երկու անգամ ներարկումներ են կատարել, բայց դա ոչ մի օգուտ չի տվել բացարձակապես որեւէ ազդեցություն չի ունեցել այդ բուժումը: Դրանից հետո բուժանձնակազմը որեւէ կերպ չի արձագանքում Սողոմոնյանի գանգատներին, ընդհանրապես հրաժարվում են իրեն բուժելու ուղղությամբ որեւէ քայլ կատարել»,- մեր զրույցում պատմեց պաշտպանը: Վերջինիս տեղեկացմամբ՝ Սողոմոնյանի առողջական վիճակը վերջին շրջանում ավելի է վատացել, ուժեղ գլխացավեր ունի:

Վերջին շրջանում ավելի վատացել է, ինքն ունի ուժեղ գլխացավեր, իր մոտ առկա է նաեւ մազաթափություն եւ երեւում են թարախային բշտիկները: Նախօրեին իր ծնոտի տակ թարախային բշտիկը ուռել, մեծացել է եւ այդպես մնալուց հետո պայթել է՝ թարախի եւ արյան արտադրություն է դուրս եկել, իսկ մենք գիտենք, որ դա շատ ծանր բարդացումների եւ հետեւաքների կարող է հանգեցնել՝ արյան վարակման: Սա բավական վտանգավոր հիվանդություն է: Ժամանակին այդ հիվանդությունը չբուժելը կարող է շատ ծանր հետեւանքերի հանգեցնել»,- ասաց Շուշանյանը:

Բացի դա պաշտպանը նկատեց, որ Արթուր Սողոմոնյանը պահվում է ընդհանուր խցում, նրան մյուս կալանավորներից մեկուսացնելու փորձ չի կատարվել: «Ես հայտարարում եմ, որ պետությունը հրաժարվում է որեւէ բուժօգնություն ցուցաբերել ու տպավորությունն այնպիսին է, որ իրենց առհասարակ դրա հնարավոր ծանր հետեւանքները չեն էլ հետաքրքրում: Հիմա ես փորձում եմ դիմում պատրաստել ՄԻԵԴ ուղարկելու համար, այն ակնկալիքով, որ Եվրոպական դատարանը Կառավարությունից կպահանջի անհապաղ տեղեկություններ հայտնել Սողոմոնյանի առողջական վիճակի վերաբերյալ: Ի վերջո պետությունը պետք է անհապաղ եւ գործուն միջոցներ ձեռնարկի՝ Սողոմոնյանին բուժօգնություն տրամադրելու հարցում»,- եզրափակեց Մուշեղ Շուշանյանը:

Այսօր ՀՀ ԱՆ ՔԿՎ հանրային կապերի բաժնի պետ Գոռ Ղլեչյանը մեր հարցին ի պատասխան ասաց, թե Սողոմոնյանի առողջական վիճակը գնահատվում է բավարար, գտնվում է բժիշկների հսկողության ներքո: Մեր դիտարկմանը, որ Սողոմոնյանին պատշաճ բուժօգնություն չի տրամադրվում, Ղլեչյանը հայտարարեց, որ դա իրականությանը չի համապատասխանում: Ավելին, նա պնդեց, որ «Սասնա ծուռ» Արթուր Սողոմոնյանն է հրաժարվել բուժօգնությունից:

Տպել
14932 դիտում

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում

ՀԱՊԿ-ը խնդիր ունի մատնանշել Հայաստանի սահմանը, քանի դա չի արվել, ապա ՀՀ-ից որևէ քայլ ակնկալել պետք չէ․ Կարապետյան

Ահաբեկիչները հոգեմետ նյութերի ազդեցության տա՞կ են եղել. նոր մանրամասներ «Crocus»-ի ահաբեկչության գործից

Կինը հայտնել է, որ ամուսինը հաճախակի ծեծել է իր անչափահաս դստերը, փորձել նրա հետ սեռական հարաբերություն ունենալ

Հարվածել է, այնուհետ լվացել հատակի և անգիտակից հարևանի դեմքի արյան հետքերը. սպանության նախաքննությունն ավարտվել է

Գևորգ Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունը

Հայաստանն աշխարհի առաջ վերածվում է Արևմուտքի վտանգավոր ծրագրերի իրականացման գործիքի. Զախարովա

Միկոյան-Գալշոյան փողոցների խաչմերուկում երթևեկության կազմակերպման փոփոխություն կլինի

Պապա ջան, ես քեզ միշտ կկարոտեմ, կհանդիպենք մյուս կյանքում․ Արթուր Աբրահամը լուսանկարներ է հրապարակել

Ինդոնեզական բանակը համալրվել է թուրքական տանկերով

Ուկրաինային տրամադրված F-16-ները չեն կարող փոխել իրավիճակը մարտադաշտում, դրանք օրինական թիրախ կդառնան. Պուտին