Լավատեսության բում. Նախընտրական ցուցանիշների վերադարձ

Մեր կառավարության անդամներից լավատեսությունը ուղղակի հորդում է: Երեկ կառավարության նիստից հետո ՀՀ տնտեսական զարգացման եւ ներդրումների նախարար Սուրեն Կարայանը եւ ՀՀ ֆինանսների նախարար Վարդան Արամյանը ցնցող կանխատեսումներ արեցին մեր տնտեսության ապագայի վերաբերյալ:

«Մեր կանխատեսումն այն է, որ այս տարվա վերջին արդյունաբերության 6-7 տոկոս աճ մենք ձեզ հետ միասին կարձանագրենք: Ես ուզում եմ խոսել այն թվերի մասին, որ մենք առնվազն կարձանագրենք: Միջինում առնվազն 20-30 տոկոս արտահանման աճ մենք կարձանագրենք: Ընդհանուր տնտեսական աճի կանխատեսումը դեռ վաղ է անելը, առնվազն այն 3.2 տոկոսը որ մենք դրել ենք պետական բյուջեի հիմքում, դա կապահովվի...»,- կառավարության նիստից հետո լրագրողների հետ զրույցում հայտարարեց Սուրեն Կարայանը:

Առնվազն նույն լավատեսությամբ խոսեց նաեւ Վարդան Արամյանը. «Մենք ասել ենք, որ առնվազն 3.2 տոկոս տնտեսական աճը մենք ապահովելու ենք: Առաջին ամսվա տվյալները փաստում է, որ մենք ունեցել ենք 6.5 տոկոս տնտեսական ակտիվության ցուցանիշի աճ, եւ ես կարծում եմ, որ այդ 3.2 տոկոսը հաղթահարելի է:  Մենք ավելի շատ հավատում ենք, որ 3.2 տոկոսից բարձր է լինելու: Եթե իհարկե արտաքին աշխարհում այլ ցնցումներ տեղի չունենան, մենք մի քիչ ավելի բարձր աճ կունենանք»,- կանխատեսեց ֆինանսների նախարարը:

Ինչի՞ հաշվին է այս լավատեսությունը: Նախ նշենք, որ անցած տարի էլ հունվարին գրեթե այսպիսի փայլուն ցուցանիշներ էր գրանցում ազգային վիճակագրական ծառայությունը: Տնտեսական ակտիվության ցուցանիշը 5.5 տոկոս էր, արդյունաբերության աճը`14.5 տոկոս, նույնիսկ շինարարությունն էր աճել 5 տոկոսով: Արտահանման ծավալը աճել էր 11 տոկոսով: Բայց տարվա վերջին ԱՎԾ-ն մի կերպ դզել-փչելով նկարեց 0.5 տնտեսական ակտիվության ցուցանիշի խղճուկ՝ 0.5 տոկոս աճ: Այնպես որ, հունվարի ցուցանիշները դեռ ոչինչ չեն նշանակում: Ուշագրավ է, որ երբ մեկ ամսվա կտրվածքով ԱՎԾ-ն վատ ցուցանիշներ է հրապարակում, պետական պաշտոնյաները լրագրողներին ասում են՝ կոռեկտ չէ մեկ ամսվա ցուցանիշների հիման վրա հոռետեսական վերլուծություններ անել: Հիմա հենց պետական պաշտոնյաներն են հակառակն անում` լավ  ցուցանիշների հիման վրա լավատեսական կանխատեսումներ են անում:

Ուրիշ է՞լ ինչն է լավատեսության հիմք տալիս կառավարության անդամներին: Երեկ կառավարությունը 8 ընկերությունների համար հարկային արտոնություններ սահմանեց: Այդ ընկերությունները որոշել են ներդրումներ անել, նյութեր եւ սարքավորումներ են ներկրելու, եւ կառավարությունը երեք տարով հետաձգեց այդ սարքավորումների համար սահմանին վճարվելիք ԱԱՀ մուծելու պարտականությունը:

Թե՛ ֆինանսների նախարարը, եւ թե՛ տնտեսական զարգացման եւ ներդրումների նախարարը այս փաստը բերեցին որպես հիմնավորում: «Դա ոչ այլ ինչ է, քան պետբյուջեի եկամուտների զիջում տնտեսվարողներին, որպեսզի տնտեսվարողները ավելի թեթեւացված լինեն իրենց կանխիկ հոսքերում եւ կարողանան իրենց ներդրումային ծրագրերը իրականացնեն»,- ասաց Վարդան Արամյանը: Սուրեն Կարայանն էլ ասաց, թե նախընտրական իրավիճակը խոչընդոտ չէ մեր ներդրողների համար: «Մենք ներդումային ակտիվություն ենք նկատում»,-ասաց Կարայանը: Իսկ լրագրողի հարցին, թե կարո՞ղ ենք ներդրումային բում ակնկալել, Կարայանը մի թեթեւ ժպիտը դեմքին հայտարարեց` «Արդեն սկսվել է»:

Այդ «ներդրումային բումը» ավետող վերը նշված 8 ծրագրերի ամբողջ ծավալը ընդամենը 7 միլիարդ դրամ է` 15 միլիոն դոլար: Մեր համախառն ներքին արդյունքը` մոտ 11 միլիարդ դոլար: Ինչպիսի ազդեցություն կունենա  11 միլիարդ դոլարանոց տնտեսության վրա 15 միլիոն դոլարի ներդրումը: Գրեթե զրոյական: Որպեսզի մեր տնտեսությունը «հագենա» ներդրումներով, ապա տարվա ընթացքում պետք է ստանա առնվազն 3.5-4 միլիարդ դոլարի ներդրում` ներքին եւ արտաքին աղբյուրներից: Արդյոք 15 միլիոն ներդրումը կարելի՞ է գնահատել որպես «ներդրումային բումի» նախակարապետ: Մեղմ ասած` ոչ:

Բայց կան որոշակի «ակնարկներ», որ մեր տնտեսությունը այս տարի կարձանագրի որոշակի «բարեհունչ» ցուցանիշներ: Օրինակ, պղնձի մեկ տոննայի համաշխարհային գինը հիմա մոտ 6 հազար դոլար է: Անցած տարի 4.5 հազարի կարգի էր: Եթե կառավարությունը 12 ամսով արձակուրդ գնա, միայն դրա հաշվին արդյունաբերության ոլորտում աճ կապահովվի, քանի որ մեր տնտեսության կարեւորագույն բաղադրիչներից մեկը հանքարդյունաբերությունն է: Արդյունաբերությունը կաճի ոչ միայն պղնձի թանկանալու շնորհիվ, այլ նաեւ պղնձի հանքաքարի արդյունահանման ծավալների աճի շնորհիվ: Ու երբ Սուրեն Կարայանը ասում է, թե արտահանումը կաճի առնվազն 20-30 տոկոսով, դա կարող է եւ տեղի ունենալ` հիմնականում գունավոր մետաղների հանքաքարերի արդյունահանման ծավալների աճի եւ գնի բարձրացման հաշվին:

Ի՞նչ է տալիս մեր տնտեսությանը հանքագործության ծավալների մեծացման շնորհիվ որոշ ցուցանիշների աճը՝ թերեւս չարժե քննարկել: Ընդամենը դա մի քիչ լրացուցիչ մուտքեր է ապահովում բյուջեին ու ըստ էության` վերջ: Որեւէ որակական զարգացում, ներդրումային միջավայրի բարելավում, տեխնոլոգիական առաջընթաց, մրցակցության խթանում դա չի բերում: Հակառակը` բերում է տնտեսության աղճատման,  ապադիվերսիֆիակցիայի, վատացնում էկոլոգիայի վիճակը եւ այլն:

Պակաս կարեւոր չէ նաեւ այն հանգամանքը, որ այս տարի տնտեսությունն «աճելու» է ցածր բազայի հաշվին: 2016 թվականին արձանագրվել է ընդամենը 0.5 տոկոս աճ: Այ, եթե անցած տարի արձանագրվեր, ասենք, 4 տոկոս աճ, ապա այս տարվա սպասվող աճը, նույնիսկ պղնձի թանկացման պարագայում, կլիներ զրոյականին մոտ: Այնպես որ, նման պլպլան ցուցանիշների արձանագրումը չի բերում մեր տնտեսության զարգացմանը խոսքի բովանդակային իմաստով: Գոնե առայժմ մեր տնտեսությունը զարգացման նշաններ ցույց չի տալիս:

Տպել
3844 դիտում

Թել Աբյադ քաղաքի հայ ընտանիքները երեկ Հալեպ են հասել, Ղամիշլիում իրավիճակը համեմատաբար հանդարտ է․ Զարեհ Սինանյան

Սպանդանոցները ունեն համապատասխան հզորություններ և պատրաստ են մատուցելու անհրաժեշտ ծառայությունները

«Երևան Մոլ»-ի ավտոկայանատեղիում կոտրել են Lexus-ի ապակին և հափշտակել մոտ 6 մլն դրամ

ՍԴ-ն խուսափում է կատարել իր վրա դրված Սահմանադրական առաքելությունը․ Վարդանյանը՝ ԱԺ դիմումը վարույթ չընդունելու մասին

Բալթյան պաշտպանական քոլեջի դեկանն այցելել է Պաշտպանական ազգային հետազոտական համալսարան

Հակատանկային ստորաբաժանումներում կազմակերպվել են գործնական պարապմունքներ

Հայ ականազերծողների և բժիշկների մարդասիրական առաքելության նոր խումբը մեկնել է Սիրիա

Բակո Սահակյանը խորհրդակցություն է անցկացրել ԱԳՆ-ի ղեկավար կազմի եւ արտերկրում մշտական ներկայացուցիչների հետ

Զոհեր և 100-ի հասնող ծանր վիրավորներ. ռազմական գործողությունները Սիրիայում շարունակվում են. օր 6-րդ

Ալավերդու ԲԿ տնօրենի պաշտոնի շուրջ աղմուկը կարող է հասնել դատարան. հավակնորդը մրցութային կարգի իր մեկնաբանությունն ունի

«Հրազդան» ՔԿՀ ծառայողները նկատել են հիմնարկ նետված դեղահաբերը

Բոլոր մարզերի կողմից կներկայացվեն մարզը զբոսաշրջիկների համար հետաքրքիր դարձնող ծրագրեր. Պապիկյան

Փլուզում Մեծարենցի փողոցում. փլուզվել է տան արտաքին պատերից մեկը, ճաքճքել են մյուսները

Եթե առանց էմոցիաների նայեք, կտեսնեք, որ 1-ին կեսում լավ կոմբինացիաներ էին ստացվում. Գյուլբուդաղյանցը Լիխտենշտեյնի մասին

Թուրքիայում ռազմական գործողությունների արդյունքում փախստականների թիվը հասել է 160 հազարի. ՄԱԿ

Ինձ թվում է՝ թիմի խաղն ստացվեց. Տիգրան Բարսեղյանը՝ Լիխտենշտեյնի դեմ հանդիպման մասին

Նախարար Պապիկյանը մարզպետների հետ խորհրդակցություն է անցկացրել

39-ամյա կինը որոնվում է որպես անհետ կորած (տեսանյութ)

Գյումրիում մեքենաները մաքսազերծվում են 20 րոպեում. Հյուսիսային մաքսատունն անցել է աշխատանքային ռեժիմի

Ուզում եմ շնորհակալություն հայտնել բոլոր մարդկանց, ում շնորհիվ հաղթահարեցինք աղբահանության ճգնաժամը. Հայկ Մարության