Ադրբեջանի սադրանքների մասին տեղեկացվում են միջազգային կառույցները

Հայկական կողմն այս գիշեր ադրբեջանական կողմի նախահարձակ գործողություններն ապացուցող տեսանյութեր հրապարակելուց բացի, իրավիճակի մասին շարունակում է տեղեկացնել նաեւ միջազգային հանրությանը։

Այսօր ՀՀ պաշտպանության նախարարության պաշտպանական քաղաքականության վարչության պետ Լեւոն Այվազյանն ընդունելով ՀՀ-ում հավատարմագրված օտարերկրյա պետությունների ռազմական կցորդներին, տեղեկացրել է փետրվարի 24-ի լույս 25-ի գիշերը արցախա-ադրբեջանական հակամարտ զորքերի շփման գծում հակառակորդի ձեռնարկած դիվերսիոն ներթափանցման փորձերի, դրանց կասեցման ու հակառակորդի կրած կարուստների, ինչպես նաեւ առաջնագծում տիրող իրավիճակի մասին:

Ըստ ՊՆ տարածած հաղորդագրության՝ Այվազյանը հույս է հայտնել, որ Ադրբեջանը զերծ կմնա իրավիճակի հետագա լարումից: Նշվել է նաեւ, որ կձեռնարկվեն անհրաժեշտ բոլոր միջոցառումները՝ հակառակորդի հնարավոր նոր արկածախնդրությունները զսպելու համար:

ԱԳՆ մամուլի քարտուղար Տիգրան Բալայանն էլ Թվիթերում գրառում է կատարել այն մասին, որ Ադրբեջանի հարձակման փորձի մասին տեղյակ են պահվել ԵԱՀԿ Մինսկի խմբի համանախագահ երկրները։

Սակայն քաղաքագետ Ալեքսանդր Մարկարովի կարծիքով, չնայած հայկական կողմի հորդորներին, Ադրբեջանն առաջիկայում էլ դեռեւս կշարունակի լարված պահել իրավիճակն առաջնագծում։

«Ադրբեջանական վարքագծի վերջին երեք տարիների ընդհանուր ուղղվածությունն է պահպանել տարբեր աստիճանի լարվածություն։ Ու թեեւ Ադրբեջանը պարբերաբար ստանում է այն պատասխանը, որը հարկավոր է հակառակորդին զսպելու համար, սակայն չի լռում։ Լարվածությունն այս օրերին դեռեւս կարող է շարունակվել, քանի որ ադրբեջանական կողմը վատ հիշողություններ ունի այս օրերի հետ կապված, ինչն իրենց ավելի ագրեսիվացնում է»,-armtimes.com-ին ասում է փորձագետը՝ հավելելով, որ այս օրերի լարվածությունը հետեւանք է նաեւ Ադրբեջանի առաջին տիկնոջ՝ Մեհրիբան Ալիեւայի փոխնախագահի նշանակումը, ինչն Ադրբեջանում այդքան էլ միանշանակ չի ընդունվում։

Միեւնույն ժամանակ, Ադրբեջանը շարունակում է ապատեղեկատվություններ տարածել։ Ըստ Արցախի հանրապետության Պաշտպանության բանակի՝ Ադրբեջանի պաշտպանության նախարարության կողմից այսօր տարածվել է  տեղեկատվություն ու դրան կից տեսանյութ առ այն, թե Թալիշի հատվածում շարքից հանվել է արցախյան ուժերին պատկանող անօդաչու թռչող սարք եւ երկարաժամկետ կրակակետ (ДОТ), ինչը սակայն իրականությանը չի համապատասխանում:

«Այն ընդունեք որպես ադրբեջանական քարոզչամեքենայի հերթական չհաջողված քարոզչական հնարք՝ կից  բեմադրությամբ»,-նշված է ՊԲ հաղորդագրությունում:

Տպել
7805 դիտում

Կաթնաշոռի անվան տակ մանկատներին և տուն-ինտերնատներին մատակարարվել է այլ արտադրանք. պատժամիջոցներ է կիրառվել

Իջեւանում բախումների հետեւանքով 13 անձ է ձերբակալվել. հարուցվել է քրեական գործ

Ապօրինի ծառահատումները կասեցվելու են ամենայն վճռականությամբ. վարչապետն ու ոստիկանապետը Տավուշում են

Մեկնարկել է Զարեհ Սինանյանի աշխատանքային այցը Մոսկվա

Իջեւանում այս պահին մեծածավալ ոստիկանական ուժեր են կենտրոնացվում (տեսանյութ)

Միաբանվենք. Քոչարյանն ու Սարգսյանը նույն մարդն են 

Մայր Աթոռում տեղի են ունեցել լսումներ Ստամբուլյան կոնվենցիայի շուրջ

Հարցի իրավական կողմը. զինվորական չզբաղվել պոլիտիկա

Առայժմ՝ դիմումների վիճակագրություն. որտե՞ղ է ամենամեծ մրցույթը

Երեկ Իջեւանում տեղի ունեցած բախումների դեպքով հարուցվել է քրգործ, կան բերման ենթարկվածներ

Արցախի ՊԲ հրամանատարն այցելել է հյուսիսային հատվածի մի շարք զորամասեր և առաջնագիծ

Իջեւանում բախումներից տուժածներն այժմ անցում են անհրաժեշտ ծավալով հետազոտություններ․ ԱՆ խոսնակ

24 ժամ ջուր չի լինելու Երևանի Մալաթիա-Սեբաստիա վարչական շրջանում

Էրբիլում զինված հարձակում է եղել թուրք դիվանագետների վրա, մեկը սպանվել է

Եղվարդ քաղաքում այրվել է մոտ 45 հա խոտածածկ տարածք

Իջևանում տեղի ունեցած բախումներից հետո ահազանգեր են ներկայացվել ՄԻՊ աշխատակազմի թեժ գծին

Թբիլիսիում բողոքի ցույցերը շարունակվում են. պահանջը նույնն է՝ ՆԳ նախարարի հրաժարականը

M4 միջպետական ճանապարհի Իջեւանի հատվածը բացվել է առանց որեւէ անօրինական պահանջի կատարման. Տավուշի մարզպետ

Պոտենցիալ «վեթինգվածների» երկակի ստանդարտները

Հարգանքի տուրք է մատուցվել ՀՀ ոստիկանության պարեկապահակետային ծառայության գնդում (տեսանյութ)