Էս ի՞նչ արեց ծուռ Հաց բերողը. համացանցում տարածվել է Եղիշե Պետրոսյանի երգի տեսահոլովակը

28/02/2017 schedule20:54

Համացանցում տարածվել է երգահան Եղիշե Պետրոսյանի «Հաց բերողը» երգը, որ նվիրված է ՊՊԾ գնդի օրերին Սասնա ծռեր խմբին հաց հասցրած Արթուր Սարգսյանին: Պետրոսյանը մեզ հետ զրույցում ասաց, որ «Հաց բերողը» գրվել է դեռ սեպտեմբերին, սակայն չի տարածվել, որպեսզի ինտերնետային ծրագրերի միջոցով վաճառվի եւ գումարը փոխանցվի քաղբանտարկյալների ընտանիքների աջակցությամբ զբաղվող «Ազատություն եւ հայրենիք» հիմնադրամին:

Պետրոսյանն ասաց, որ երգի երաժշտությունն ինքն է գրել, բառերը՝ Լեւոն Ղարիբյանը: Մեր հարցին, թե արդյո՞ք Արթուր Սարգսյանը գիտի իր մասին գրված երգի մասին՝ Պետրոսյանն ասաց, որ ազատության մեջ գտնվելու օրերին հանդիպել են նրա հետ: «Երբ որ նրան ազատ արձակեցին՝ մենք մի քանի անգամ հանդիպել ենք, բավականին մտերիմ ընկերներ դարձանք, շատ հարազատացել ենք: Նա լսեց երգը»,- ասաց Պետրոսյանը՝ հավելելով, որ Արթուր Սարգսյանի արձագանքի մասին չի կարող խոսել.

«Ուղղակի այդ մարդը, նրա տեսակը ինձ մոտ այն աստիճանի հարգանք է վայելում, որ ես որոշեցի երգ նվիրել նրան եւ լավ է, որ Լեւոն Ղարիբյանը ուներ մտքեր, որոնք հետո երգ դարձան»,- նկատեց երգահանը:

Մեր հարցին, թե իր կարծիքով արդյունք կտա՞ն Արթուր Սարգսյանի ազատության պահանջով բողոքի ակցիաները՝ Պետրոսյանը պատասխանեց. «Չեմ կարող ասել, որովհետեւ գործ չունենք ոչ օրենքի հետ, ոչ նորմալ, բանական մարդկանց խմբի հետ, դրա համար չեմ կարող ասել ինչ արդյունք կտա: Բայց որ ժողովուրդը պարտավոր է իր այդ լավագույն տեսակին տեր կանգնել, եւ ամեն բան անել ժամ առաջ նրան ազատելու, սա ես վստահ կարող եմ ասել»:

Ստորեւ ներկայացնում ենք երգի բառերը.

Էս ի՞նչ արեց մեզ հետ ծուռ Հաց բերողը,

Մեզ նախատեց, շանթահարեց Հաց բերողը,

Մեր մեջ մարդուն արժեւորեց,

Ծնկած մարդուն վեր բարձրացրեց

Ու հիմնովին հենց մեզ փոխեց Հաց բերողը,

Մեծ հայորդի Հաց բերողը: 

Էս ի՞նչ արեց ծռերիս՝ ծուռ Հաց բերողը,

Հա՞ց բերեց, թե՞ նշխար բերեց Հաց բերողը,

Մեզ մկրտեց, մյուռոն օծեց,

Քավոր կանգնեց, մարդ եղացրեց,

Մեզ ամենքիս պատիվ բերեց այդ Հաց բերողը,

Մեր խենթ ու ծուռ Հաց բերողը,

Էս ի՞նչ արեց ծռերիս ծուռ Հաց բերողը

Նոր հույս բերեց, հավատ բերեց Հաց բերողը

Մեզ հացընկեր ու բախտընկեր, մեր կաթնախպեր, արդար ախպեր,

Մեր հոր ու մոր հալալ որդի Հաց բերողը:

Մեծ հայորդի Հաց բերողը,

Մեր Սասնա ծուռ Հաց բերողը:

Արթուր Սարգսյանը 2016 թվականի հուլիսի 26‐ին սեփական մեքենայով մուտք էր գործել ՀՀ ոստիկանության Երեւան քաղաքի ՊՊԾ գունդ եւ սնունդ փոխանցել գնդում գնվող «Սասնա ծռեր» խմբավորման անդամներին: Վերջիններիս հետ նա հուլիսի 31‐ին դուրս եկավ ՊՊԾ գնդի տարածքից եւ հանձնվեց իրավապահներին: Արթուր Սարգսյանը ձերբակալվեց, ապա՝ կալանավորվեց: Նա մեղադրվում է ՀՀ քրեական օրենսգրքի 218 հոդվածի 3‐րդ մասի 1‐ ին կետով (պատանդ վերցնելը) և 235 հոդվածի 3‐րդ մասով (ապօրինի զենք զինամթերք ձեռք բերելը, իրացնելը, պահելը, փոխադրելը) նախատեսված արարքները կատարելու հատկանիշներով: 2016 թվականի հունվարի 31‐ին նշված քրեական գործի օրինականությունը վերահսկող դատախազի որոշմամբ՝ Արթուր Սարգսյանի կալանքը որպես խափանման միջոց փոխարինվեց ստորագրություն չբացակայելու մասին, սակայն 2017 թվականի փետրվարի 9‐ին կրկին կալանավորվեց, իսկ դատապարտյալների հիվանդանոց տեղափոխվելուց հետո անժամկետ հացադուլ սկսեց: Արթուր Սարգսյանը մասնագիտությամբ մանկավարժ է, սակայն 27 տարի է՝ զբաղվում է փորագրությամբ: Արթուրը տարբեր ոճի գործեր է փորագրում՝ զարդատուփեր, փայտե փորագրությամբ ժամացույցներ, արեւային ժամացույցներ, մրգամաններ, որոնք Վերնիսաժում վաճառվում են: Նա վատառողջ է եւ պատիժը կրելու հետ անհամատեղելի հիվանդություն ունի:

Տպել
58896 դիտում

Քոչարյանին կալանքի տակ պահելու ժամկետը երկարացնելու մասին դատարանի որոշումը դեռևս չի տրամադրվել պաշտպաններին

Թալանել են Երեւանում քաղաքապետարանի ճարտարապետի տունը. գողոնը կազմում է մի քանի միլիոն դրամ

Վերահսկողական ծառայության նախկին աշխատակիցը պատրաստ է միլիոնավոր դոլարների չարաշահումների փաստեր ներկայացնել վարչապետին

«Արմավիր» ՔԿՀ-ի դատապարտյալին հայտնաբերել են մահացած

Ինչ թույլատրելի չէր Սերժ Սարգսյանի համար, չի կարող թույլատրելի լինել Նիկոլ Փաշինյանի համար. Սամսոնյան

Վեց-յոթ ամսվա աշխատողները չէին կարող այդքան բարձր դրույքաչափերով պարգեւավճարներ ստանալ. ԼՀԿ

Ավազակային հարձակում Երեւանում. կրկին թալանել են Varks.am-ի գրասենյակը

Դատարանում քիչ առաջ մեկնարկեց Սեդրակ Քոչարյանի հայցն ընդդեմ ԱԱԾ տնօրեն Արթուր Վանեցյանի գործով նիստը

Ոստիկանությունն ու ԱԱԾ-ն չպետք է վերածվեն նախարարությունների. Լիլիթ Մակունց

Մարզպետները գործել են օրենքով սահմանված կարգով. Մակունցը՝ մարզպետների՝ իրենց պարգեւատրման մասին

Ինչո՞ւ պետք է ոստիկանությունը պահել կառավարության կազմում, ԱԱԾ-ն տալ վարչապետին. Պետրոսյան

Ի՞նչ կարծիք ունեն մարզպետները մարզպետարանների օպտիմալացման մասին

Մարզպետների աշխատանքի մեկ տարին չի լրացել, կասկածելի է պարգեւատրման հիմքը. պատգամավոր

Ինչպե՞ս է ՀՀ-ն կատարում ՄԻԵԴ-ի վճիռը. ՄԻՊ-ը ԵԽ նախարարների կոմիտե հատուկ դիրքորոշում է ներկայացրել

«Արսենալը» շնորհավորել է Մխիթարյանի ծննդյան օրը

«Նաիրի Ինշուրանս ապահովագրական»-ը պետությանը պատճառել է մոտ 200 մլն դրամի վնաս. ՊԵԿ-ի բացահայտումը

Իննա Խոջամիրյանն ու Հայկ Պետրոսյանը նշանադրվել են

Մետաղական հանքավայրեր շահագործող ընկերությունների հրապարակային հաշվետվությունները բացակայու՞մ են․ ՀԲՃ

Երևան-Թբիլիսի երթուղու մրցույթում շահած տնտեսվարողը այն չի սպասարկել. գործը ՏՄՊՊՀ վարույթում է

Գորիս-Սիսիան և Դիլիջան-Վանաձոր ավտոճանապարհներին տեղ-տեղ մերկասառույց է