Մեր զինվորների աչքերի մեջ անգամ վախի նշույլ չկա. Արշակ Զաքարյան

Արցախյան առաջնագծում լարվածությունը այսօր եւս շարունակվել է, եւ ինչպես տեղեկացրել ենք, Ադրբեջանի արկակոծության հետեւանքով զոհվել է պայմանագրային զինծառայող:

«Այո ևս մեկ հայ է զոհվել, և ցավոք սրտի Նա վերջինը չի... Պատերազմ է և զոհերն անխուսափելի են: Մարտական գործողությունների մասշտաբների և լարվածության աճի հետ աճում է նաև զոհերի թիվը»,- այս կապակցությամբ իր ֆեյսբուքյան էջում գրել է «Շանթ» հեռուստաընկերությամբ հեռարձակվող «Դիրքերում» հաղորդաշարի հեղինակ Արշակ Զաքարյանը:

Ըստ նրա՝ անտեղի ողբալու փոխարեն պետք է պատրաստ լինել համեմատաբար կարճ ժամանակում և համեմատաբար ավելի շատ զոհերի, որ «էս կռիվը մեր թոռներին ու ծոռներին չթողնենք»:

Փորձեցինք զրուցել նրա հետ եւ պարզվեց, որ Ղարաբաղում է:

- Պարոն Զաքարյան, ինչպիսի՞ն է իրավիճակը սահմանին:

- Տղաները իրենց գործն են անում, մենք էլ ինչով կարողանում ենք՝ օգնում ենք: Մնացած տեղեկությունները ՊՆ-ն հաղորդում է:

- Ի՞նչ նկատի ունեք, երբ խոսում եք պատերազմի եւ զոհերի անխուսափելի լինելու մասին: Պարզ է, որ գնալով մեծանում է հակառակորդի կողմից կիրառվող զենքերի տրամաչափը, բայց հայտարարված պատերազմ չկա: Դուք այլ տեղեկությո՞ւն ունեք:

- 25 տարի է, որ պատերազմն ընթանում է, այն չի ավարտվել: Եթե մեկը մեզ կասի, որ զինադադար կա, ես կընդունեմ, որ պատերազմն ավարտվել է, իսկ քանի որ զինադադար չկա՝ պատերազմը չի ավարտվել: Մենք պետք է դրան պատրաստ լինենք: Ողբալը ոչնչով չի օգնում: Չկա մեկը, որ չի ցավում զոհերի համար, բայց ողբալ-մազեր պոկելը մեզ սազական չեն: Զոհերի մասին լուրերը շահարկելը ինձ բարկացնում է, որովհետեւ էստեղ տղերքը կանգնած են մեր կողքին եւ գիտակցաբար են կանգնած, գիտեն, որ  ամեն վայրկյան կարող են զոհվել, եւ աչք են փակում այդ ամենի վրա: Ցավոք նրանք ոչինչ անել չեն կարող պատերազմը կանխելու համար: Այս պատերազմը պետք է կանխեն դիվանագետները եւ քաղաքական գործիչները:

- Իսկ ի՞նչ կարող են անել նրանք:

- Զինվորները կռվելու համար են, նրանք պատերազմ չեն կանխում: Քաղաքական գործիչների եւ դիվանագետների գործն է՝ թույլ չտալ, որ կռիվ լինի:  

- Ակնհայտորեն քարոզչական պատերազմ է հիմա. դա ըստ ձեզ ազդո՞ւմ է զինվորների վրա:

- Շատ մեծ տեղեկատվական պատերազմ է, հզոր քարոզչական պատերազմ: Դրա համար ասում եմ՝ պետք չի ողբալ, պետք չի ավելորդ խուճապի մատնել ժողովրդին, չի կարելի ընդհանրապես վախենալ, դա հենց թշնամու նպատակն է: Իրենք այստեղ կոտորվում են տասնյակներով ու այնպես են ներկայացնում, որ իրենց ժողովուրդը ոչ միայն չի ողբում, այլ մտածում է, որ իրոք հաղթանակներ են տանում: Իսկ մենք մեր իրական հաղթանակները չենք կարողանում ճիշտ ներկայացնել:

- Իսկ զինվորների մոտ խուճապ կա՞:

- Խուճապը քաղաքացիների մոտ է: Ես էսօր խանութ եմ իջել, մեկը պատմում է, թե իրեն Երեւանից զանգել-ասել են, որ երեխաներին վերցնի, գնա այնտեղ: Ասացի չի կարելի նման բաներ անել: Ինչ վերաբերում է զինվորներին՝ ես նրանց նկարում եմ, ցույց եմ տալիս հաղորդման ժամանակ: Եթե մեկին կտեսնեք, որ վախի նշույլ կա նրա աչքերի մեջ, այդ հարցին կպատասխանեմ:

Տպել
27457 դիտում

Հարություն Մաշադյանը ծառայել է ՀՀ ԶՈՒ-ում. դատախազությունը հավելյալ պարզաբանում է տարածել

Դ. Տոնոյանը հանդիպել է Հունաստանի գործընկերոջ հետ, այցելել IDEX-2019 ռազմարդյունաբերական ցուցահանդես

Ստեփանծմինդա- Լարս ավտոճանապարհը փակ է տրանսպորտային բոլոր միջոցների համար

Հայաստանի արտգործնախարարը հանդիպել է ԱՄՆ Ազգային անվտանգության խորհրդի ավագ տնօրենին

Հայ-սերբական հարաբերություններն ունեն զարգացման ներուժ. Ա. Սարգսյանը հանդիպել է Սերբիայի նախագահին

17:00-ի դրությամբ ընտրություններն ամենաակտիվը Օհանավան եւ Ակնաղբյուր համայնքներում են անցնում

Հանրապետության որոշ ավտոճանապարհներին գետնաբուք է

Թմրանյութ պահելու և օգտագործելու կասկածանքով բերման է ենթարկվել Հանրայինի հաղորդավարը

Զոհրաբ Մնացականյանը հանդիպել է Արաբական պետությունների լիգայի գլխավոր քարտուղարին

Հարություն Մաշադյանը ոչ թե կայազորի դատախազ է, այլ՝ կայազորի դատախազության դատախազ. դատախազության պարզաբանումը

Հայաստանի եւ Կիպրոսի ԱԳ նախարարները քննարկել են հայ-կիպրական համագործակցությանն առնչվող հարցերը

14:00-ի դրությամբ ՏԻՄ ընտրություններին մասնակցել է 21 հազար 130 մարդ կամ ընտրողների 33.16%-ը

Նոր Գեղի համայնքի ընտրատեղամասում լարված իրավիճակ է եղել. ԼՀԿ ներկայացուցիչը պարզաբանում է

Լևոն Աղասյանը հռչակվել է Բալկանյան երկրների չեմպիոն՝ հաղթելով ադրբեջանցուն ու թուրքին (տեսանյութ)

Երեւանում բացելով դուռը, ննջասենյակում հայտնաբերել են 53–ամյա տղամարդու կիսաքայքայված դի

Ձյան շերտում մի շարք ավտոմեքենաներ էին արգելափակվել. փրկարարները 15 ուղեւորի են տեղափոխել

11:00-ի դրությամբ ՏԻՄ ընտրություններին մասնակցել է 3276 մարդ՝ քվեարկության իրավունք ունեցողների 9,85%-ը

Զոհրաբ Մնացականյանը հանդիպեց Մալթայի արտաքին գործերի նախարար Կարմելո Աբելային

ՄԻՊ-ը վաղ առավոտից իրականացնում է ՀՀ համայնքներում տեղի ունեցող ընտրությունների դիտարկում

Վրաստանի քաղաքացին Լոռու մարզում վրաերթի է ենթարկել 23-ամյա աղջկա