Քաղաքական գործիչների 95%-ը քաղաքականությունից դուրս գալուց հետո հացին կակա կասի. Ծառուկյան

«Ծառուկյան» դաշինքը Տավուշի մարզի Բերդ քաղաքից այսօր սկսեց նախընտրական քարոզարշավը: Շուրջ 2 ժամ շարունակ քաղաքի կենտրոնում հավաքված քաղաքացիները երաժշտության հնչյունների ներքո սպասում էին դաշինքի առաջնորդ Գագիկ Ծառուկյանի ժամանելուն:

Հանրահավաքի մեկնարկին Ծառուկյանը բացատրեց, թե ինչու են քարոզարշավը սկսում սահմանամերձ համայնքից.

«Մենք քարոզարշավը սկսել ենք սահմանամերձ գոտուց: Բոլորս էլ գիտենք, որ պետության հզորությունը, տնտեսության զարգացումը կախված է սահմանից: Դուք այսօր ոչ միայն բերք ու բարիք ստեղծող եք, այլեւ սահման պահող: Մենք այնտեղ հանգիստ ենք զգում, որովհետեւ գիտենք՝ սահմանի վրա մարդ կա, ծխնելույզից ծուխն է ծխում, դա մեզ ուժ է տալիս: Յուրահատուկ ուշադրություն է պետք հատկացնել սահմանամերձ գոտուն: Ես էսօր եկել եմ ոչ թե ճարտար խոսելու, դուք բոլորդ էլ գիտեք Ծառուկյանին: Ոչ մի բանի կարիք չունեմ, ժողովուրդ, ոչ պաշտոնի, ոչ գումարի, բայց չեմ կարող ձեռքերս ծալած նստել, ուզում եմ աջակից լինել: Այդ հարստությանն էլ պատահական չեմ հասել, եղել եմ բանվորի ընտանիքից, մարդու ղադրն էլ գիտեմ, պրոբլեմն ու խնդիրն էլ գիտեմ, դրա լուծման ձեւն էլ գիտեմ: Հարվարդ չեմ ավարտել, բայց այնպիսի ճանապարհ եմ անցել, գիտեմ աշխատող մարդուն ինչ է անհրաժեշտ: Այո, այսօր սահմանամերձ գոտին պետք է տարբերվի մյուսներից, այստեղ ապրողը պետք է արտոնություն ստանա»,- հայտարարեց Գագիկ Ծառուկյանը՝ հիշեցնելով իր առաջարկած 15 կետանոց ծրագրի մասին:

Ընդգծելով, որ Հայաստանում այսօր ընդամենը 1.5 միլիոն բնակչություն է մնացել՝ «Ծառուկյան» դաշինքի առաջնորդը նշեց, որ նրանց համար պետք է աշխատելու ու ապրելու հնարավորություն ստեղծվի, որ չհեռանան երկրից:

«Այսօր մարդիկ թողնում-գնում են՝ կարիքից ելնելով, վարկերի տակ, պարտքերի տակ, տոկոսի տակ: Մեկ տարի հետո այդ նույն մարդը, որ իր հայրենիքում չէր կարողանում ապրել, այնտեղից փող էլ է ուղարկում, տուն էլ առնում: Ուրեմն ի՞նչն է պատճառը. պատճառը մենք ենք, օրենքն է, որ պետք է կարողանանք իրենց ձեւեր առաջարկել, որ կարողանան մնալ-ապրել»,- հայտարարեց նա:

«Ծառուկյան» դաշինքի առաջնորդը խոսեց վարկերի բարձր տոկոսների մասին: Նա վստահեցրեց, որ 30 տոկոսով վարկ վերցնողը չի կարող շահույթ ստանալ:

«Ո՞ր գյուղացին ա 5 տոկոսով վարկ ստացել, բոլորը ստացել են 25-30 տոկոսով: Պետք է իրավունք լինի ստուգելու ու պատժելու, ո՞վ է 0 տոկոսով եկած գումարը հանձնել 30 տոկոսով»,- կոչ արեց նա եւ շարունակեց. «Ես այսօր չեմ եկել ասելու, խնդրելու, ժողովուրդ ջան, ձեր ձայնը տվեք, ես էս եմ փոխելու: Ես առաջարկում եմ՝ սիրելի ժողովուրդ, դուք նայեք: Մարդը կարող է էսօր գա, Ծառուկյանի կողքը կանգնի ու ասի՝ ես 200 կիլո կբարձրացնեմ, 250 կբարձրացնեմ, բայց ինքնըստինքյան ինքը 50 կիլո չի բարձրացնի: Դուք պետք է նայեք մարդու գործին, արածին: Էդ մարդը, որ ասում է, իրական կյանքում 10 հազար դոլար վաստակած կա՞ իր քրտինքով, այդ 10 հազար դոլարից փայաբաժին հանած կա՞ իր երկրին, ժողովրդին կամ իր բարեկամին: Պարզ է, ձեզ թյուրիմացության մեջ են գցում: Ես էլ եմ նայում քարոզարշավի ժապավենները, իհարկե, բոլորն էլ շատ գեղեցիկ խոսում են: Բայց իրական կյանքում այդ մարդիկ որեւէ մի լավ բան արած կա՞ն»:

Անդրադարձ եղավ նաեւ իշխանափոխության թեմային. «Մարդիկ կան՝ ասում են ընտրության չենք մասնակցում, մեզ պետք չի: Բա որ ձեզ պետք չի, ո՞ւմ է պետք: Բա պետք է գնաք, նայեք ով է ձեզ հարմար, ընտրեք: Թե չէ հետո վերջանում է՝ ասում եք իշխանափոխություն: Բա եթե արդար, խաղաղ ձեւով կարող եք գնալ ձայնը տալ ու պահանջել, էլ ի՞նչ հեղափոխության մասին է խոսքը: Ասում են Ծառուկյան Գագիկը էս անգամ մինչեւ վերջ կգնա՞, թե՞ չի գնա: Բայց Ծառուկյան Գագիկը ե՞րբ ա կանգնել, եթե իր ժողովրդին չի տարել արյունահեղության: Ես հարվածը իմ վրա եմ վերցրել...Այսօր քաղաքական գործիչների, կարող եմ ասել 95 տոկոսը, քաղաքականությունից դուրս գա ոչ մեկը չի բարեւելու, հացին կակա կասի: Ժողովրդին այսօր խաբելով իրենց գործն առաջ են տանում: Բայց Ծառուկյան Գագիկը քաղաքականությունից էլ ա դուրս եկել, էլի իր ժողովրդի կողքին, էլի իր ոլորտները զարգացնելով»,- 2014-ին քաղաքականությունից վերադառնալու պատմությանը անդրադարձավ «Ծառուկյան» դաշինքի առաջնորդը:

Այս ելույթից հետո նա զրույցի բռնվեց իր հանրահավաքին եկած քաղաքացիների հետ ու հեռացավ Բերդ քաղաքից:

Տպել
3680 դիտում

«Քաղաքացիական պայմանագրի» վարչության նոր կազմը հայտնի է. գլխավորում է Նիկոլ Փաշինյանը

Եթե ԱՄՆ-ն պատժամիջոցներ կիրառի մենք էլ պատասխան կտանք. Չավուշօղլու

Թթուջուր գյուղի անասնագոմերից մեկում հրդեհ է բռնկվել

Դավիթ Տոնոյանն այցելել է ԶՈւ մարտական հենակետերից մեկը

Պատահական հանդիպում մեր ստերջացրած շնիկների հետ. Հայկ Մարությանը տեսանյութ է հրապարակել

Հաշվարկ ենք անում. Ալեն Սիմոնյանը ՔՊ կուսակցության համագումարից լուսանկար է հրապարակել

Ծեծկռտուք Երևանի փաբերից մեկում. մեկ հոգի ձերբակալվել է, մեկն էլ հոսպիտալացվել (տեսանյութ)

«Քաղաքացիական պայմանագիր» կուսակցության անդամները սպասում են հաշվարկի ավարտին

ԵՄ-ն իրականացնելու է ՀՀ հյուսիսային 3 մարզերում զբոսաշրջության խթանման 13 մլն եվրո արժողությամբ ծրագիր

Հանդիպել են Նիկոլ Փաշինյանն ու Սամվել Կարապետյանը (տեսանյութ)

Շիրակի մարզի Փանիկ գյուղում ներգործության է ենթարկվել 1 կարկտավտանգ ամպ

Սևանա լճում հանգիստ նախընտրողները կարող են արդեն օգտվել Ալմաստ (Երևան)–Շորժա էլեկտրագնացքից

Առաջիկա 5 օրերին կեսօրից հետո ՀՀ տարածքում սպասվում է անձրեւ, ամպրոպ, տեղ-տեղ կարկուտ

Արդարադատության նոր նախարարի թեկնածուների վերաբերյալ վերջնական որոշում չկա. Ավինյան

Հալիձոր գյուղում սողանք է եղել, փակել Որոտան գետի հունը. «Սատանի կամուրջ» այցն արգելված է

Երեկոյան ՔՊԿ համաժողովը կներկայացնի նախագահի թեկնածուին. վարչության անդամների ընտրություններն ընթանում են

Քաղաքապետարանը տրասնպորտային նոր ցանցի նախագծի վերջնական փաթեթն ուղարկել է կառավարություն

Չեմ ողջունում Ռուսաստանի դեսպանի հանդիպումը Քոչարյանի հետ. Արարատ Միրզոյան

Անձնագրային բաժանմունքում աշխատակիցն իրավունք չունի քաղաքացուն ուղարկել այլ աշխատակցի մոտ. իրազեկում

Արտեմ Դալաքյանը երրորդ անգամ պաշտպանել է WBA վարկածով աշխարհի չեմպիոնի տիտղոսը (տեսանյութ)