Երևան
26 °C
Շուտով կլրանա մեկ տարին, ինչ ապրիլյան պատերազմում վիրավորված զինծառայող Ռոլանդ Սահակյանը գտնվում է պաշտպանության նախարարության կենտրոնական զինվորական հոսպիտալում: Նա, ի դեպ, այդ պատերազմի միակ վիրավորն է, որ դեռեւս հոսպիտալում է:
Նշված հաստատության պետի տեղակալ Արտաշես Խաչատրյանից տեղեկացանք, որ երիտասարդը ստանում է վերականգնողական բուժում:
«Ռոլանդը դեռեւս մեզ մոտ է, շարունակում է վերականգնողական բուժումը: Վիճակը նորմալ է: Իր մնացած դեֆիցիտներն են, որ չի կարողանում քայլել` ողնաշարի վնասման հետեւանքով: Մասնագետները դրսից` վերականգնողական կենտրոններից են գալիս, աշխատում են իր հետ: Վերականգնողական բուժման արդյունքում նրա վիճակում կա դրական դինամիկա: Արդեն կարողանում է նստել»,- ասաց Արտաշես Խաչատրյանը: Իսկ թե երբ Ռոլանդ Սահակյանը դուրս կգրվի, նա դժվարացավ ասել:
Ժամկետային զինծառայող Ռոլանդ Սահակյանը ստացել էր ողնաշարի եւ ողնուղեղի վիրավորում` Թալիշում: Երիտասարդի մի շարք ներքին օրգաններ նույնպես վնասվել էին, ինչի կապակցությամբ նա ենթարկվել է տասնյակ վիրահատությունների:
Հոսպիտալի պետի տեղակալը մեր զրույցում նաեւ ասաց, որ ապրիլյան պատերազմում վիրավորված մեկ այլ ժամկետային զինծառայող՝ Ավետիս Զարգարյանը, որը նույնպես մոտավորապես մեկ տարի անցկացրեց հոսպիտալում, գրեթե մեկ ամիս առաջ տեղափոխվել է Ռուսաստան` վերականգնողական բուժում ստանալու:
ՀՀ պաշտպանության նախարարի խոսնակ Արծրուն Հովհաննիսյանը, պատասխանելով մեր հարցին, տեղեկացրեց, որ Ավետիսը տեղափոխվել է Մոսկվա` բարերարների աջակցությամբ: Հարցին, թե ինչու ոչ պետական բյուջեի միջոցներով, նա արձագանքեց. «Որովհետեւ, ինչքանով ես հասկացա, բժիշկները կարծում են, որ այստեղ եւս հնարավոր է բուժումը կազմակերպել, իրենք չեն համաձայնել: Եվ գտնվել է ինչ-որ բարերար, որը ստանձնել է Ավետիս Զարգարյանին Մոսկվա տեղափոխելու ծախսերը»:
Ավետիսը նույնպես Թալիշում է վիրավորվել ու դարձյալ ողնաշարի հատվածում: Դեռ ամիսներ առաջ հոսպիտալի մասնագետներն ասում էին, որ ճիշտ կլինի նրա հետագա բուժումը կազմակերպել արտերկրում, որովհետեւ երիտասարդի համար ավելին անելու հնարավորություն իրենք արդեն չունեն:
Արծրուն Հովհաննիսյանը նաեւ տեղեկացրեց, որ համապատասխան հանձնաժողովը նախատեսում է առաջիկա չորեքշաբթի քննարկել Ռոլանդ Սահակյանին արտասահմանում բուժման ուղարկելու հարցը:
Հիշեցնենք, որ ապրիլյան պատերազմից հետո` նույն ապրիլին, ՀՀ կառավարությունը որոշում էր ընդունել, որով հաստատել էր զինծառայողների բուժումը պետական բյուջեի միջոցներով արտերկրում կազմակերպելու կարգը, իհարկե միայն այն դեպքերում, եթե Հայաստանում բացակայում է տվյալ բուժման կամ հետազոտության հնարավորությունը: Ապրիլյան պատերազմում վիրավորված զինծառայողներից ոչ մեկի նկատմամբ, սակայն, այդ որոշումը դեռեւս չի կիրառվել, որովհետեւ բոլոր դեպքերում հանձնաժողովը եզրակացրել է, որ Հայաստանում բուժման տարբերակները սպառված չեն: Հետեւաբար, բոլոր այն զինծառայողները, որոնք տեղափոխվել են արտասահման, դա կազմակերպվել է ոչ պետական բյուջեի միջոցներով:
Այդուհանդերձ, հանձնաժողովը դրական եզրակացություն էր տվել ավելի վաղ վիրավորված երկու զինծառայողի վերաբերյալ: Խոսքը վերաբերում էր 2013 թվականին վիրավորված Մհեր Պետրոսյանին եւ 2014 թվականին վիրավորված Աշոտ Գրիգորյանին: Մհերը մարտական հենակետում ստացել էր գլխուղեղի աջ ճակատ-գագաթային շրջանի հրազենային գնդակային միջանցիկ թափանցող վիրավորում: Նախատեսվում էր նրան տեղափոխել Գերմանիա, որտեղ պատրաստակամություն էին հայտնել 3D տպիչով ամբողջությամբ վերականգնել երիտասարդի կիսատված գլխի ձեւը:
Աշոտի ստացած վիրավորումը աջ ձեռքի շրջանում էր, եւ այժմ կա արմնկային հոդի պրոթեզավորման անհրաժեշտություն: Դրա հնարավորությունն առկա է Ռուսաստանի Դաշնությունում:
Պաշտպանության նախարարի խոսնակը դժվարացավ ասել, թե արդյոք Մհեր Պետրոսյանը տեղափոխվել է Գերմանիա: Նշեց, սակայն, որ անհրաժեշտ գումարը պետական բյուջեից տրամադրվել է: «Մհեր Պետրոսյանին հատկացվել է 26 միլիոն դրամ: Փոխանցումը կատարվել է, բայց նա մեկնել է Գերմանիա, թե չէ, չեմ կարող ասել: Դա թողնվել է իրենց հայեցողությանը»,- ասաց Հովհաննիսյանը:
Նաեւ պատասխանեց, որ ե՛ւ հնարավոր է գումարը փոխանցել վիրավոր զինծառայողին, ե՛ւ նրա բուժման հարցը կազմակերպի պետությունը` առանց նրանց գումար տրամադրելու: «Դա սպեցիֆիկ է, նայած դեպք, նայած, թե որ պետություն են տեղափոխվում»,- ասաց նա: Ինչ վերաբերում է Աշոտ Գրիգորյանին, նախարարի խոսնակը նշեց, որ ավելի վաղ հանձնաժողովը նրան դրական եզրակացություն է տրամադրել Ռուսաստանում հետազոտություն անցնելու համար: «Պետական հատկացում եղել է հետազոտման համար` ավելի քան 500 հազար դրամ: Հետազոտումն ավարտվել է, եւ դրա արդյունքների հիման վրա նոր հայտ է ներկայացված բուժման համար, որը պետք է քննարկվի»,- տեղեկացրեց Արծրուն Հովհաննիսյանը:
Չհանդիպելու պլաններ չունենք․ Փաշինյանը՝ ՌԴ նախագահի հետ հանդիպման հավանականության մասին
Հասանովը խորհրդակցություն է հրավիրել և հանձնարարել Հայաստանի ու Ադրբեջանի միջև սահմանազատումն արդյունավետ իրականացնել
Տեղի է ունեցել «Քաղաքացիական պայմանագիր» կուսակցության Լոռու մարզի նախաձեռնող խմբի նիստ․ վարչապետը ելույթ է ունեցել
ԱՄՆ դեսպանատան հարևանությամբ «BMW» է այրվել
Վարչապետը երկրորդ անգամ այցելել է Վանաձորի N 27 և N 23 հիմնական դպրոցների մարզադահլիճներ (տեսանյութ)
37-ամյա կինը շենքում գտնվող տղային իր փոխանցելիս ընկել է հորը
Օդի ջերմաստիճանը չի փոխվի․ կարճատև անձրևներ կլինեն, տեղ-տեղ նաև կարկուտ կտեղա
Պատրաստվում ենք դե յուրե արձանագրել Արծվաշեն էքսկլավի, իրենց տեսակետից անկլավի՝ ՀՀ-ի մաս լինելը․ վարչապետ
Որպես անհետ կորած որոնվող 56-ամյա տղամարդը հայտնաբերվել է Ջրվեժի ձորում. մարմինը եղել է կենդանիների կողմից հոշոտված
Սահմանը հանձնվելու է սահմանապահներին, ինչ վերաբերում է պաշտպանության ապահովմանը, դա արդեն ուրիշ խնդիր է․ Փաշինյան
Ոսկեպարում ըստ էության արձանագրվել է այն, ինչ մենք պայմանավորվել ենք ոսկեպարցիների հետ․ Նիկոլ Փաշինյան
Որոշումը նվազեցնելու է անվտանգային ռիսկը, որը կա Բաղանիս-Կիրանց-Ոսկեպար հատվածում և ՀՀ սահմանի ողջ երկայնքով․ վարչապետ
Խնդիրները և թերությունները շտկված են․ վարչապետը երկրորդ անգամ է այցելել Մեդովկայի նորակառույց դպրոց (տեսանյութ)
3 նոր ժայթքում՝ անցած 24 ժամում․ Ինդոնեզիայում Ռուանգ հրաբուխը կրկին անհանգիստ է (տեսանյութ)
Տյումենում ջրհեղեղի գոտուց երկու հազարից ավելի մարդ է տարհանվել
Հիմա կտեսնենք, թե ովքեր են դեմ սահմանազատմանը, այսպիսով՝ ովքեր են փորձում պատերազմի մեջ ներքաշել Հայաստանը․ Հակոբյան
Գետափնյա գյուղի մոտակա կամրջով երթևեկությունը դեռևս փակ է
Շատ կարևոր է արձանագրել, որ առաջին անգամ Հայաստանի Հանրապետությունն ու Ադրբեջանը հարց են լուծել սեղանի շուրջ․ վարչապետ
Երևանում քամին տանիքի թիթեղներ է պոկել, ծառ տապալել
Արտակարգ դեպք Երևանում․ հիմնական դպրոցներից մեկում 14-ամյա երեխան ատրճանակով կրակել է 15 տարեկան աշակերտների վրա
ՀՀ-ի համար սա խաղաղ և լեգիտիմ ճանապարհով տարածքային ամբողջականության վերականգնման գործընթացի սկիզբ է․ Խաչատրյան
2017-ին «Սևան ազգային պարկ»-ում առանձնապես խոշոր չափով հափշտակությունների, փողերի լվացման բազմադրվագ դեպքը բացահայտվել է
Վիճաբանության ժամանակ 38-ամյա տղան դանակի մի քանի հարված է հասցրել հորը․ վերջինս հիվանդանոցում մահացել է
Արարատի մարզում ապօրինի ընդերքօգտագործման հետևանքով պատճառված 13 մլն 736 հազար դրամի վնասն ամբողջությամբ վերականգնվել է
Դոլարն ու եվրոն կրկին էժանացել են․ ինչ փոփոխություններ է արձանագրել տարադրամի շուկան ապրիլի 20-ին
ՄԱԿ գլխավոր քարտուղարն ուշադիր հետևում է Հայաստանի ու Ադրբեջանի ձեռք բերած սահմանազատման համաձայնությանը և ողջունում
Նյու Յորքի դատարանի դիմաց երիտասարդն ինքնահրկիզվել է (տեսանյութ)
Հայաստանի գյուղերից, տարածքներից զիջելու մասին ցանկացած խոսակցություն լկտի սուտ է․ Հակոբ Արշակյան
Ողջունում ենք Հայաստանի և Ադրբեջանի՝ Ալմա Աթայի հռչակագիրը սահմանազատման հիմք ընդունելու հայտարարությունը․ Բլինքեն
Այդ 4 գյուղը կեղծ օրակարգ է, կեղծ նարատիվ, որը, ցավոք, նաև ՀՀ սահմաններից դուրս է օգտագործվում․ Արայիկ Հարությունյան
Ոսկեպարի ճանապարհի դելիմիտացիայի հարցն առայժմ օրակարգում չէ․ վարչապետն ականջալուր է եղել ոսկեպարցիների մտահոգությանը
Հայաստան-Ադրբեջան սահմանին ԶՈՒ-ն երբ իր տեղը կզիջի սահմանապահներին․ Հարությունյանն ասաց՝ ինչ քննարկումներ են լինելու
ՀՀ իշխանությունները մեզ տեղյակ են պահել, որ համաձայնությունը ձեռք է բերվել միջազգային սահմանի հիման վրա․ Իրանի դեսպան
Ինչու հայ-ադրբեջանական սահմանազատման գործընթացը մեկնարկեց Տավուշից․ Արայիկ Հարությունյանը մանրամասնել է
Գոյություն չունի «Տավուշից տարածքներ հանձնելու» թեմա, համատեղ հայտարարության մեջ նշվում են գյուղերի անունները․ Գրիգորյան
Ռուսաստանը, ՀԱՊԿ-ը չեն ճանաչում Հայաստանի տարածքային ամբողջականությունը. Լավրովի «ինքնախոստովանությունը»
Այս բարդ գործընթացում պետք է լինենք առավել քան զգոն, տուրք չտանք մանիպուլյացիաներին ու կեղծ տեղեկատվությանը․ Մինասյան
Հուսադրող լուրեր կան Հայաստանի և Ադրբեջանի սահմանազատման գործընթացի մեկնարկի վերաբերյալ․ Կլաար
Ովքեր դեմ են փոխհամաձայնեցված սահմանազատմանը, փորձում են պատերազմի մեջ ներքաշել Հայաստանը, վերածել ծայրագավառի․ Չախոյան
Վարչապետը Զառի միջնակարգ դպրոցի աշակերտների հրավերով ներկա է գտնվել «Պապ թագավոր» ներկայացմանը
© 2024 Հայկական ժամանակ