Ինչո՞ւ է Սերժ Սարգսյանը հեռացել ասպարեզից

Հայաստանում կարծես թե արդեն գործում է խորհրդարանական կառավարման մոդելը: Տեւական ժամանակ է՝ մեր երկրի կառավարման, զարգացման ու այլ կարեւոր երեւույթների մասին խոսում է հիմնականում վարչապետ Կարեն Կարապետյանը:

Սերժ Սարգսյանը կարծես թե անհետացել է ասպարեզից, ու տպավորությունն այնպիսին է, որ նա արդեն իսկ մտել է խորհրդարանական կառավարման մոդելին հատուկ նախագահի լիազորությունների մեջ եւ ընդամենը արարողակարգային դերակատարում է ստանձնել:

Ապրիլյան խորհրդարանական ընտրություններին Հանրապետական կուսակցության քարոզարշավը վարում է հիմնականում Կարեն Կարապետյանը: Քարոզարշավից արդեն տասը օր է անցել, բայց Սերժ Սարգսյանն ընտրություններին չի անդրադարձել եւ ոչ էլ որեւէ ընտրատարածք ընտրողների հետ հանդիպման է գնացել այն դեպքում, երբ 2012 թվականի խորհրդարանական ընտրություններին նա ոչ միայն հանրապետական կուսակցության, այլեւ մեծամասնական ընտրակարգով առաջադրված թեկնածուների քարոզչությունն էր անձամբ իրականացնում: Փոխարենը նա այս օրերին Ֆրանսիա է գնում, հանդիպում ունենում այդ երկրի նախագահ Ֆրանսուա Օլանդի եւ հայ համայնքի ներկայացուցիչների հետ, այցելում նաեւ Լիոն: Վերադառնալուց հետո էլ Երեւանում հանդիպում է «Վալդայ» ակումբի մասնակիցների հետ: Այսօր էլ պաշտոնական այցով Մոսկվա է մեկնում: Եվ հայտնի չէ, թե մինչեւ ապրիլի 2-ը նա էլ ուր է մեկնելու կամ ում հետ է հանդիպելու, բայց արդեն ակնհայտ է, որ գոնե առերեւույթ մտադիր չէ խառնվել քարոզարշավին, թեեւ նախընտրական շտաբի ողջ գործունեությունն իրականում ինքն է համակարգում:

Դրան զուգահեռ՝ Կարեն Կարապետյանն է առաջին պլանում գտնվում թե՛ քարոզարշավի, թե՛ տնտեսության զարգացման հարցերի դեպքում՝ հայտնվելով կինոյի տղայի կարգավիճակում: Ավելին, նա անգամ 2018թ. եւ հետագա տարիների զարգացումներից է խոսում այն դեպքում, երբ հայտնի չէ, թե այդ ժամանակ ինքը կլինի՞ վարչապետ, թե ոչ: Եթե գործող Սահմանադրությունը թույլ է տալիս, որ Հայաստանում մշտական բնակություն չունեցող անձը վարչապետ նշանակվի, ապա 2018 թվականի մայիսից հետո դա անհնար կդառնա: Եթե, իհարկե, ոստիկանությունը փաստաթուղթ չկեղծի:

Ինչեւէ: Երեկ էլ վարչապետն Ավանում էր, հանդիպում էր ընտրողների հետ, որտեղ նրան էին ուղղվում այնպիսի պատրաստված հարցեր, որոնք նաեւ հաճոյախոսություններ էին պարունակում՝ ուղղված թե՛ իրեն, թե՛ քաղաքապետ Տարոն Մարգարյանին, եւ որոնց պատասխանները Կարեն Կարապետյանը մեծ հաճույքով ու բարձր տրամադրությամբ էր տալիս: Ի դեպ, երեկ նա պատասխանեց նաեւ մեր մի քանի հարցերին, որոնք կարծես թե մի փոքր կոտրեցին նրա տրամադրությունը: Նախ, հիշեցրինք անորակ դիզվառելիքի վերաբերյալ Ազգային ժողովում արած նրա աղմկահարույց հայտարարությունը, թե ապրիլյան օրերին դրա պատճառով մեր զինտեխնիկան խնդիրներ է ունեցել: Դրանից անմիջապես հետո  պաշտպանության նախկին նախարար Սեյրան Օհանյանն էր մեզ հետ զրույցում հերքել, թե այդ պատերազմի օրերին ղարաբաղաադրբեջանական սահմանին գտնվող զինտեխնիկան խնդիրներ էր ունեցել անորակ վառելիքի պատճառով:

Փորձեցինք այս անգամ էլ Կարեն Կարապետյանից պարզել, թե արդյո՞ք պատերազմական այդ օրերին անորակ դիզվառելիքի կամ ընդհանրապես վառելանյութի սակավության պատճառով մարտական գործողություններ են տուժել: Կարեն Կարապետյանը շրջանցեց հարցը: «Նախ՝ ես չեմ ասել, թե անորակ դիզվառելիքի պատճառով մարտական գործողություններ են տուժել: Ինչ որ ասել եմ՝ հիմա էլ եմ կրկնում, այո՛, ՀՀ մտնում էր անորակ նույնիսկ ոչ թե դիզվառելիք, այլ ուրիշ վառելիք, որը դիզվառելիքի հետ խառնվելու ժամանակ, հայտնում են, որ տեխնիկան չէր աշխատում։ Եվ այդ իսկ պատճառով վառելիքի այն հերթական պարտիան, որը մենք կանգնեցրել ենք, դիզվառելիք չէր, դա կոչվում է վառարանային վառելիք: 460 տոննա է ներմուծվել Հայաստան: Հայտարարում եմ, որ դա այդքան սպառում չունի, եւ մենք թույլ ենք տվել, որ այդ վառելիքը մտնի Հայաստան զուտ այն պատճառով, որ ունենք ոչ կատարյալ նորմատիվ:

Բայց մենք միանշանակ գիտենք, որ այդ վառելիքի պահանջարկը երկրում չկա: Հետեւաբար, շատ մեծ տրամաբանություն պետք չէ ունենալ՝ հասկանալու համար, որ այդ վառելիքը պետք է խառնվի, ուրիշ վառելիքի տակ վաճառվի, եթե դրա պահանջարկը չկա: Բայց չունենալով դա չթողնելու օրինական հիմք՝ մենք այս պահին շատ հստակ հետեւում ենք, թե այդ վառելիքը ուր է գնալու: Այդ իսկ պատճառով դրա մեջ ոչ մի արտառոց բան չկա, ինչ որ հայտարարել եմ՝ նորից եմ հայտարարում»,- ասաց նա՝ խուսափելով կոնկրետացնել, թե այդ անորակ վառելիքի արդյունքում ապրիլին սահմանին ինչ խնդիր ենք ունեցել:

«Ազատություն» ռադիոկայանի լրագրողը հարցրեց՝ հաշվի առնելով հանգամանքը, որ իշխող Հանրապետականի կարգախոսն է՝ «Անվտանգություն եւ առաջընթաց», վարչապետն ինչպե՞ս է գնահատում իրավիճակը, որ անցած շաբաթ հենց նախընտրական քարոզարշավի ընթացքում Արմավիրի մարզի Ջրառատ գյուղում ՀՀԿ-ի ներկայացուցիչը, որը փոխոստիկանապետ Լեւոն Երանոսյանի բարեկամն է, կրակ է արձակել ՕՐՕ դաշինքի համակրի ուղղությամբ: Կ. Կարապետյանը նախ հայտարարեց, որ տեղյակ չէ այդ մասին: «Վերաբերվում եմ շատ վատ. դա նախընտրական փուլում է, հետընտրական փուլում է կամ այլ փուլում է՝ շատ վատ եմ վերաբերվում: Ես շատ հպարտանում եմ եւ ուրախանում եմ, երբ լսում եմ, որ Երեւան քաղաքը մտել է ամենաանվտանգ քաղաքների մեջ, եւ դա բոլորիս նպատակն է»,- այնուհետեւ պատասխանեց նա:

Ճշտող հարցին, թե վարչապետի գնահատականն արդյոք նշանակո՞ւմ է, որ մեղավորները նկատողություններ կստանան, Կարապետյանն այսպես պատասխանեց. «Լսե՛ք, մենք ուզում ենք կառուցել օրենքի երկիր, ճի՞շտ է: Ոստիկանությունը, քննչական մարմինները կառավարությանն առընթեր են, բայց իրենք գործում են իրենց կանոններով: Հետեւաբար՝ ես, որպես վարչապետ, շահագրգռվա՞ծ եմ, որ կամայական հանցագործությունը բացվի՝ այո՛: Շահագրգռվա՞ծ եմ, որ այդ հանցագործը պատժվի՝ այո՛: Կապ ունի՞ պատժամիջոցը իր կուսակցական պատկանելությունից, մաշկի գույնից եւ այլն՝ ոչ»:

Տպել
7050 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում