Երանոսյանի եղբայրը գնացել է, որ հանդարտեցնի, իրեն ծեծել են. Արմավիրի մարզպետ

15/03/2017 schedule14:06

Արմավիրի ՀՀԿ-ական մարզպետը կարծում է, որ մարզի Ջրառատ գյուղում վերջին օրերին տեղի ունեցած բախումները հրահրել են «Օհանյան-Րաֆֆի-Օսկանյան» դաշինքի ներկայացուցիչները: Ինչ վերաբերում է տեսակետին, որ գյուղը վերածվել է Սիցիլիայի՝ ՀՀԿ-ի Արմավիրի տարածքային կազմակերպության խորհրդի նախագահը համաձայն չէ:

- Պարոն Ղահրամանյան, ՀՀԿ-ն մշտապես խոսում է ազատ, արդար ընտրություններ անցկացնելու ցանկության մասին, սակայն վերջին օրերին Արմավիրի մարզի Ջրառատ գյուղը վերածվել է Սիցիլիայի: Ի՞նչ միջոցներ եք ձեռնարկվում, որ այս ամենը դադարեցվի:

- Իրենք (նկատի ունի «Օհանյան-Րաֆֆի-Օսկանյան» դաշինքի ներկայացուցիչներին-խմբ.) սկսել են այդ վիճաբանությունը եւ դա վեր է ածվել ծեծկռտուքի: Դրա համար կան իրավապահ մարմիններ, որոնք աշխատում են, փորձում են պարզել՝ ովքեր են մեղավորները: Մեզ համար նշանակություն չունի՝ ովքեր են, եթե օրենք են խախտում՝ պարտադիր պետք է պատժվեն:

- Ինչպե՞ս եք վերաբերում այն տեսակետին, որ ձեր ղեկավարած մարզի գյուղերից մեկը Սիցիլիայի է վերածվել:

- Շատ սխալ գնահատական է, եւ ես այդ գնահատականի հետ համամիտ չեմ:

- Որեւէ քայլ ձեռնարկո՞ւմ եք, որպեսզի իրավիճակը հանդարտվի:

- Ամեն ինչին իրավապահները հետեւում են, իրավիճակին էլ տիրապետում են:

- Երանոսյանը իրավապահ մարմնի ներկայացուցիչ է, բայց դա չի խանգարել, որ նա  գյուղում ծեծկռտուքի մասնակցի:

- Եթե Երանոսյանը իրավապահ մարմնի ներկայացուցիչ է, գյուղապետի տեղակալն արդեն ձերբակալված է, ավելի ճիշտ, ով արարք է կատարել՝ ձերբակալված է: Երանոսյանի եղբայրը գնացել է, որ հանդարտեցնի, իրեն վերցրել ծեծել են, դրա համար էլ իրավապահ մարմին կա, որը պարտավոր է ամբողջությամբ թափանցիկ քննություն իրականացնել եւ մեղավորներին պատժել:

- Փաստն այն է, որ գյուղապետը ՀՀԿ-ից է, Ջրառատ է գնում «Օհանյան-Րաֆֆի-Օսկանյան» դաշինքը եւ ծեծկռտուք է տեղի ունենում:

- Ինչի՞ պիտի գնան, խուլիգանություն են կատարել, ես էլ բացատրում եմ, դրա համար օրենք գոյություն ունի, անկախ նրանից ՀՀԿ-ից է, թե այլ կուսակցությունից, արդար քննություն կիրականացվի եւ մեղավորները կպատժվեն:

- Կարողացե՞լ եք խոսել գյուղապետի հետ, լրագրողները չեն կարողանում նրան գտնել:

- Ձեզ չբացատրեցի՞ իրավիճակը: Արդար քննություն կիրականացվի, որեւէ խնդիր ես չեմ տեսնում:

- Գյուղապետի հետ խոսե՞լ եք: Ինչպե՞ս է նա բացատրում տեղի ունեցածը:

- Ես ձեր հարցին պատասխանում եմ: Դրա համար իրավապահ մարմին կա, իրավապահ մարմինները նրանից բացատրություն են վերցնում հիմա:

- Երանոսյանի պահվածքը ինչպե՞ս եք գնահատում:

- Հարցրեք Երանոսյանից: Ի՞նչ պահվածքի մասին է խոսքը, որտե՞ղ է երեւում Երանոսյանի պահվածքը...

- Տեսանյութ կա, որտեղ նրա գործողությունները, մասնակցությունը երեւում է:

- Դե ուրեմն հարցրեք իրեն, ես չգիտեմ ինչ տեսանյութի մասին է խոսքը:

Հիշեցնենք, որ մարտի 12-ին «Օհանյան-Րաֆֆի-Օսկանյան» դաշինքի քարոզարշավից հետո Ջրառատի գյուղապետ Սամվել Գալստյանի, ոստիկանության զորքերի 1001 զորամասի շտաբի օպերատիվ բաժնի պետի տեղակալ Լեռնիկ Երանոսյանի եւ ՕՐՕ-ի համակիրների միջեւ ծեծկռտուք էր տեղի ունեցել, որն ավարտվել էր կրակոցներով: Երանոսյանը գանգուղեղային վնասվածքով տեղափոխվել էր հիվանդանոց: Երեկ Ջրառատում իրավիճակն ավելի է լարվել. Երանոսյանի ազգականների եւ դաշինքի համակիրների միջեւ տեղի է ունեցել ծեծկռտուք, որն ավարտվել է կրակոցներով եւ դանակահարությամբ: 3 հոգի, որոնցից մեկը անչափահաս, մարմնական վնասվածքներով հիվանդանոց են տեղափոխվել:

Տպել
9894 դիտում

Հանդիպմանը հասկացա, որ վարչապետի ցանկությունը հարցն իրավական ճանապարհով լուծելն է․ Գարեգին Միսկարյան

Քրեական հեղինակություն Բոգոյի վերաբերյալ քրեական գործը կարճվել է. ամբաստանյալի աթոռին է նրա քենակալը

Մոսկվայում մահացել է հայտնի շինարար և բարերար Վարդգես Արծրունին

TotoSport` Նոր բազմաֆունկցիոնալ հավելված TotoGaming-ից

ՀՀ դեսպանը Ռումինիայի ԱԳ նախարարի հետ քննարկել է երկկողմ համագործակցության ընդլայնման հեռանկարները

Հայաստան է այցելել ՆԱՏՕ-ի խորհրդատվական խումբը

Ի՞նչ խնդիրներ ունեն մասնավոր հատվածի ներկայացուցիչները. հանդիպումներ նախարարի հետ

Արտո Թունջբոյաջյան, Վահան Արծրունի. վաղվանից կմեկնարկի «Ֆրեսկո» ամենամյա փառատոնը

«Ներկայիս իրավիճակն անթույլատրելի է». Բակո Սահակյանն այսօր խորհրդակցություն է անցկացրել

Վենետիկի հանձնաժողովը պատրաստ է խորհրդատվական կարծիք տրամադրել Քոչարյանի գործով. Թովմասյանը գրություն է ստացել

ԿԳՄՍ նախարարի հրամանով հաստատվել է, թե որքան է լինելու յուրաքանչյուր դասագրքի համար վճարի չափը

Կամ գտնվում են իրավական հիմնավորումներ, որոնցով հանքը փակվում է, կամ այդ հանքը շահագործվում է․ հանրաքվեն տարբերակ չէ

Շոգն աստիճանաբար կնվազի. եղանակը՝ Հայաստանում

Հրդեհներ Ամազոնի անտառներում. կրակը տարածվում է աննախադեպ արագությամբ

Պետական պարտքի դինամիկան թույլ է տալիս եզրակացնել, որ ռիսկերը կառավարելի են. Ջանջուղազյան

ՀՊՏՀ-ի ռեկտորի ժամանակավոր պաշտոնակատար է նշանակվել Դիանա Գալոյանը

Մեղավորության կանխավարկա՞ծ. Հերոյանը` քիլլե՞ր

Սյունիքի մարզում այրվում է մոտ 100 հա բուսածածկույթ (տեսանյութ)

Օդային աղետի պատճառների լաբիրինթոսում. անպատասխան հարցեր

Պետք է ապավինել մասնագետների փորձաքննության արդյունքներին եւ առաջնորդվել դրանցով. նախարար