«Հաց բերողին սպանել են». ի հիշատակ Արթուր Սարգսյանի երթ տեղի ունեցավ Երեւանում (տեսանյութ)

16/03/2017 schedule19:24

Ազատության հրապարակում այսօր փոքրիկ միջոցառում էր կազմակերպվել՝ ի հիշատակ Հաց բերող Արթուր Սարգսյանի: «Մեզ համար Արթուրը երբեք չի մահացել, չհավատաք, որ Արթուրը մահացել է: Ինչքան որ հաց ուտեք, կհիշեք Արթուրին»,- իր խոսքում ասաց հրապարակում գտնվող մի կին:

Կարճ ելույթներից հետո սկսվեց բողոքի երթ՝ դեպի Արդարադատության նախարարություն: Մինչ այդ միջադեպ տեղի ունեցավ ՀՅԴ ներկայացուցիչների եւ հրապարակում հավաքվածների միջեւ: Բանն այն է, որ ՀՅԴ ներկայացուցիչները Ազատության հրապարակում անձրեւանոցներ էին բաժանում, ինչը դուր չեկավ հավաքի մասնակիցներին:

Միջադեպը հարթելուց հետո երթը սկսվեց. երթի մասնակիցները քայլում էին անձրեւի տակ եւ վանկարկում «Արթուր, Արթուր»:

Մաշտոցի պողոտայում՝ Օպերայի շենքի մոտ, եւս մեկ միջադեպ տեղի ունեցավ՝ այս անգամ երթի մասնակիցների եւ ոստիկանների միջեւ: Պատճառն այն էր, որ երթի մասնակիցները փակել էին պողոտան՝ խոչընդոտ ստեղծելով երթեւեկության համար: Վարորդները սկսեցին ազդանշաններ տալ՝ խնդրելով բացել փողոցը: Երթի մասնակիցները չլսեցին նրանց: Ոստիկանների եւ երթի մասնակիցների միջեւ սկսված հրմշտոցի ընթացքում վնասվածք ստացավ ակտիվիստ Վաղինակ Շուշանյանը: 

Ոստիկանների միջամտությունից հետո ճանապարհը բացվեց, երթը շարունակեցին մայթով՝ «Հաց բերող», «Արթուր», «Սերժիկ, ս...», «Սերժիկ, մարդասպան», «Հաց բերողին սպանել են» վանկարկումներով: Ոստիկանները ուղեկցում էին երթի մասնակցիներին:

Վազգեն Սարգսյան փողոցի կողմից հասնելով Արդարադատության նախարարության շենքի մոտ՝ երթի մասնակիցները փորձեցին սեւ ժապավենով կապած հաց դնել Արդարադատության նախարարության շենքի դիմաց: Ոստիկանությունը թույլ չտվեց դա անել: Երեւանի փոխոստիկանապետ Վալերի Օսիպյանն առաջարկում էր խումբ կազմել՝ Արդարադատության նախարարություն գնալու համար, սակայն երթի մասնակիցները պնդում էին, որ իրենք մի խմբի անդամ են, չեն կարող կիսվել:

Երթի մասնակիցները շարունակեցին քայել՝ փորձելով Խորենացի փողոցի կողմից մոտենալ նախարարության շենքին: Ոստիկանությունը կրկին խոչընդոտեց: Օսիպյանը զգուշացնում էր, որ երթի մասնակցիների գործողություններն անօրինական են, իրենք հանդուրժում են միայն ստեղծված իրավիճակից ելնելով:

Քննարկելով ստեղծված իրավիճակը՝ երթի մասնակցիները որոշեցին հետ վերադառնալ Ազատության հրապարակ, այնտեղ նստացույց սկսել՝ Արդարադատության եւ առողջապահության նախարարների հրաժարականի պահանջով: Ակտիվիստ Շահեն Հարությունյանն ասաց, որ այդ ընթացքում բոլորին կիրազեկեն, որ վաղը ժամը 18:00-ին Ազատության հրապարակում կրկին հավաք է նախատեսվում:

«Մենք Արթուր Սարգսյանի հետ նախատեսել էինք այսօր Ազատության հրապարակում հայտարարություն անել եւ ստորագրահավաք սկսել՝ ուղղված Ռուսաստանի դաշնության դեսպանատանը: Դեսպանատնից պետք է պահանջեինք ապրիլի 2-ին իջեցնել դրոշները, քանի որ ապրիլին մեր զինվորները ռուսական զենքից են սպանվել»,- հայտարարեց Շահեն Հարությունյանը:  

Հասնելով ազատության հրապարակ նույն Շահեն Հարությունյանը առաջարկեց գնալ տուն, բողոքի տեւական ակցիաներ սկսել Հաց բերողի հոգեհանգստից ու հուղարկավորությունից հետո: Նա նշեց, որ եթե նստացույց սկսեն՝ չեն կարողանալու մասնակցել այդ արարողություններին: «Գնանք, պատրաստվենք պայքարի, լուրջ ու երկարատեւ պայքարի: Արթուրի վրեժը պիտի լուծենք»,- ասաց Շահենը եւ վերջում հավաքվածներին փոխանցեց իր հետ զրույցում Արթուր Սարգսյանի փոխանցած վերջին պատգամը՝ ապրիլի 2-ին լինել Եռաբլուրում: Վաղը ժամը 18:00-ին Ազատության հրապարակում կրկին հավաք է նախատեսվում:

Տպել
6926 դիտում

23-ամյա աղջիկը վիճաբանության ժամանակ իր մոտ եղած դանակով հարվածել է ընկերոջը

Զոհրաբ Մնացականյանը հանդիպել է Կարմիր խաչի միջազգային կոմիտեի նախագահ Պետեր Մաուրերի հետ

Նիկոլ Փաշինյանն ընտանիքի հետ հանգստացել է Լաստիվերում. վարչապետը զիփլայն է նստել

Մինսկ-2019. բադմինտոնի խաղում միակ ներկայացուցիչ Լիլիթ Պողոսյանը մեկնարկեց պարտությամբ

Ռուսթավելիի պողոտայում ՆԳ նախարար Գախարիայի կիսանդրին են տեղադրել՝ աչքին վիրակապով

«Հրազդան» ՀԷԿ-ի թիվ 3 ջրանցքում հայտնաբերվել է ջուրն ընկած 9-ամյա երեխայի դին (տեսանյութ)

Նորքի 9-րդ զանգվածի մոտակա ձորակում տնակներ են հրդեհվել

Թուրքիան շարունակում է բացահայտ արհամարել միջազգային կարծիքը և պատմական իրականությունը

Թբիլիսիի իրադարձությունների ժամանակ ձերբակալված ՀՀ քաղաքացի Մինաս Մինասյանն ազատ է արձակվել. ՄԻՊ

Վերին Լարսում գտնվող ՀՀ քաղաքացիները նշում են ուղևորներից մեկի ծնունդը (տեսանյութ)

Նախկիններն իրականում շատ կեղտոտ ծուղակ հյուսեցին Սահմանադրության մեջ, հանգուցալուծումն ԱԺ տիրույթում է․ Ս․ Սաֆարյան

Դատական դեպարտամենտի ղեկավարն ինքն է ներկայացրել հաղորդում հանցագործության մասին. ԲԴԽ

Չեմ բացառում, որ կոալիցիոն կառավարություն ստեղծվի. Վրաստանի վարչապետ

Վենետիկի հանձնաժողովն անդրադարձել է ՀՀ Սահմանադրական դատարանի հետ կապված զարգացումներին

Բռնցքամարտիկ Բարեղամ Հարությունյանը դուրս եկավ ԵԽ 1/4 եզրափակիչ՝ հաղթելով բելառուսցի մրցակցին

Մինսկ-2019․ Գ. Հովհաննիսյանը հաղթեց թուրք բռնցքամարտիկին և դուրս եկավ 1/4 եզրափակիչ (լուսանկարներ)

Թուրքիայի ղեկավարությունը շարունակում է բացահայտորեն արհամարհել միջազգային հանրային կարծիքը. Մնացականյանը՝ ՄԱԿ-ում

Հայ զինվորի ու հրամանատարի ծառայությունն ու պայքարը իրենց զավակների, հայրենիքի ապահով և խաղաղ կյանքն է. կաթողիկոս

Երևանում հայ-վրացական միջկառավարական հանձնաժողովի նիստ կանցկացվի

Քննարկվել են Հայաստանի ու Վիետնամի միջեւ համագործակցության հեռանկարները