«Ծառուկյան» դաշինքի կողամնակիցնե՞րն են դանակահարել ԲՀԿ-ական պատգամավորի շտաբի պետին

Կիրակի օրը հերթական նախընտրական արյունալի միջադեպն էր գրանցվել ռեյտինգային թեկնածուների կողմնակիցների միջեւ:

Այս անգամ վիրավորվել է Արագածոտնի մարզում «Ծառուկյան» դաշինքի թեկնածու, պատգամավոր Լյովա Խաչատրյանի սանիկը՝ 32-ամյա Արամ Ասատրյանը: Վերջինիս վիճակը բավական ծանր է, նա արդեն իսկ երկու լուրջ վիրահատություն է տարել: Արամ Ասատրյանը Քուչակ գյուղում Լյովա Խաչատրյանի շտաբի պետն է: Դանակահարվել է Խաչատրյանի եւս մեկ կողմնակից՝ Մանուկ Հովսեփյանը: Նախապես շրջանառության մեջ դրվեց վարկածը, թե դանակահարողները Հանրապետական կուսակցության կողմնակիցներն են եղել: Իսկ երեկ արդեն Արագածոտնի մարզում ՀՀԿ-ի ռեյտինգային թեկնածու Արագած Ախոյանը հայտարարեց, որ միջադեպը տեղի է ունեցել հենց «Ծառուկյան» դաշինքի երկու ռեյտինգային թեկնածուների՝ Լյովա Խաչատրյանի եւ Գագիկ Ծառուկյանին պատկանող «Մուլտի գրուպ կոնցեռնի» տնօրեն Սեդրակ Առուստամյանի դստեր՝ Նորա Առուստամյանի կողմնակիցների միջեւ: Ըստ Արագած Ախոյանի, նրանց միջեւ արյունալի միջադեպ է եղել ինչ-որ հարց պարզաբանել չկարողանալու պատճառով:

Լյովա Խաչատրյանը երեկ մեզ հետ զրույցում հերքեց, որ միջադեպ է տեղի ունեցել իր եւ իր դաշնակցի կողմնակիցների միջեւ: Իսկ Արագած Ախոյանին նման մեկնաբանություններ տալու համար համարեց ապատեղեկատվություն տարածող եւ պատվեր կատարող: Վերջինս էլ իր հերթին հակադարձեց, որ իր ունեցած տեղեկություններով հենց այդպես էլ եղել է: «Լյովա Խաչատրյանը թող ինքն իրեն մեղադրի, ես ապատեղեկատվություն չեմ տարածում: Ես իմ ունեցած տեղեկատվությունն եմ ներկայացնում: Կան իրավապահ մարմիններ, կան մարդիկ, եւ եղել է նման միջադեպ: Թող գնան ապացուցեն կամ հերքեն իմ ասածը, ես չեմ խառնվում այդ  գործին: Բայց եթե Լյովա Խաչատրյանն ասում է, որ նման բան չի եղել, ուրեմն եկեք հավատանք, որ որեւէ բան չի եղել ու դրանով ավարտենք, թեեւ քիչ հավատալու բան ունեմ»,- հավելեց նա:

Հիշեցնենք, որ անցած շաբաթ միջադեպ էր գրանցվել «Ծառուկյան» դաշինքի եւս մեկ թեկնածուի՝ ԱԺ պատգամավոր եւ Երեւանի թիվ 2 ընտրատարածքում առաջադրված պատգամավորի թեկնածու Վահան Կարապետյանի հետ: Վերջինիս ծեծել էին ՀՀԿ-ի թեկնածու Արման Սահակյանի կողմնակիցները: Ոստիկանությունում Կարապետյանը զարմանալիորեն հերքել էր, որ իր հետ նման միջադեպ է տեղի ունեցել՝ ներկայացնելով, թե ինքն ընդամենը ընկել է: Այս դեպքերի վերաբերյալ զրուցեցինք Լյովա Խաչատրյանի հետ:

- Պարոն Խաչատրյան, փաստորեն, միջադեպը տեղի է ունեցել ձեր եւ ձեր դաշնակից Նորա Առուստամյանի կողմնակիցների միջեւ:

- Բացառվում է, մենք նորմալ հարաբերություններ ունենք, մենք համագործակցում ենք, միմյանց տեղեկություններ ենք փոխանցում, օգնում ենք: Դա հորինվածք է: Պետք է ներողություն խնդրեն նման հերյուրանքներ տարածողները: Ես չգիտեմ, թե այդպիսի լուրեր տարածելով՝ նման իրավիճակում ինչ շահեր են հետապնդում, կամ ինչ-որ մարդկանց պատվեր են կատարում: Ով ներկայացրել է, թե միջադեպը տեղի է ունեցել մեր կողմնակիցների միջեւ, թող փաստեր ներկայացնի, կամ էլ չփորձի պղտոր ջրում ձուկ որսալ: Պետք է պարզել, թե ով է եղել սադրանքի հեղինակը, պատվիրատուն: Առայժմ պարզ չէ, թե հեղինակն ով է:

- Նման տեղեկություն հայտնել է ձեր նախկին թիմակից Արագած Ախոյանը:

- Ուրեմն, հենց նրան էլ վերաբերում է ասածս: Դա պատվերով հերյուրանք է:

- Ո՞ւմ պատվերով է ասել, իշխանությունների՞: Արագած Ախոյանը հիմա ՀՀԿ-ի թեկնածուն է:

- Թե ում պատվերն է, իրեն էլ հարցրեք: Ես չեմ կարծում, թե իշխանությունների պատվերն է: Իշխանության ինչի՞ն է պետք: Իսկ առանձին մարդկա՞նց: Միգուցե:

- Ո՞ւմ նկատի ունեք:

- Դա իրեն պետք է հարցնեք, հակառակ դեպքում պետք է փաստեր ներկայացնի, իսկ եթե ոչ, ուրեմն, դա պատվերով արված հայտարարություն էր:

- Այդ դեպքում ձեր կողմնակիցներին ովքե՞ր են դանակահարել:

- Վեճի մասնակիցները, մարդիկ են, չգիտեմ ովքեր են, որոնց մասին կարող եք տեղեկություն ստանալ իրավապահ մարմիններից: Իսկ թե ով էր դանակահարողին սադրողը, դա էլ պետք է պարզվի: Ես չգիտեմ, թե ովքեր են եղել: Իշխանությա՞ն, թե մեկ այլ կուսակցության ռեյտինգային թեկնածուի սադրանքներ են եղել, որոնք, տեսնելով իմ վարկանիշը, որոնք դիմելով այդ քայլին՝ միգուցե փորձում են ջլատել մեր ուժերը՝ չհասկանալով որ նման արարքներով որեւէ արդյունքի չեն հասնի: Սա թե՛ իմ դեմ է ուղղված, թե մեր դաշինքի դեմ ընդհանրապես:

- Իսկ մինչ իրավապահ մարմինները կպարզեն, անձամբ ձեզ համար պա՞րզ է, թե ովքեր են սադրողները կամ պատվիրատուները:

- Ես էլ ինձ համար պարզելու անհրաժեշտություն ունեմ: Բայց կպարզվի, որովհետեւ փոքր գյուղ է, վաղը մյուս օրը հայտնի կդառնա, թե ով ում կողմնակիցն է, եւ ըստ այդմ հետեւությունը շատ արագ կարվի:

- Իսկ ինչպե՞ս եք մեկնաբանում Վահան Կարապետյանի հետ տեղի ունեցած միջադեպը:

- Այդ միջադեպերը դրված են Ընտրական օրենսգրքի հիմքում: Այս ԸՕ-ն հենց միայն նրա համար է, որ ժողովրդին պառակտի ու իրար դեմ հանի, որ իրար ծեծեն, սպանեն, կրակեն: Մենք արդեն հասանք նրան, որ հաց ենք սպանում: Սա առաջին անգամ եղավ: Մենք սպանեցինք հացին: Նկատի ունեմ «Հաց բերող» Արթուր Սարգսյանին: Դա չէր եղել մեր պատմության մեջ,  եղավ: 50+1 ստանալու դեպքում Սահմանադրությունը կփոխենք: Այո, կռվող երկիրը պետք է ունենա ուղղակի ժողովրդի կողմից ընտրված նախագահ՝ առաջնային մանդատով:

- Այդ դեպքում խորհրդարանական կառավարման համակարգ ներդնող սահմանադրական փոփոխությունների նախագծին ձեր խմբակցությունն ինչո՞ւ դեմ չեղավ:

- Ես դեմ եմ եղել, ես չեմ քվեարկել, եւ այդ նախագիծը պաշտպանելու որոշում չի ունեցել: Մենք խորհրդարանական համակարգի չենք անցել, մենք խուժանության ենք անցել: Այս ռեյտինգային ընտրակարգի 1600 խուժանները ժողովուրդ են խաբում:

Հ.Գ. Նշենք, որ ՀՀ քննչական կոմիտեն երեկ հաղորդագրություն էր տարածել, թե մարտի 19-ին Քուչակում տեղի ունեցած միջադեպի առիթով Արագածոտնի մարզային քննչական վարչությունում հարուցվել է քրեական գործ: «Իրականացվում են անհրաժեշտ քննչական գործողություններ՝ դեպքի բոլոր հանգամանքները, մասնակիցների ինքնությունը պարզելու, նրանցից յուրաքանչյուրի գործողություններն անհատականացնելու ուղղությամբ»,- ընդամենը նշված է հաղորդագրության մեջ։ Հավելենք, որ Քննչական կոմիտեի ղեկավարն է Աղվան Հովսեփյանը, որը գրեթե թշնամական հարաբերություններ ունի իր վաղեմի գործընկեր Լյովա Խաչատրյանի հետ:

Տպել
6770 դիտում

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը

Ինչ փոփոխություններ է արձանագրել տարադրամի շուկան մարտի 28-ին

Սերգեյ Նարիշկինը այց է կատարել Հյուսիսային Կորեա

Անցած մեկ օրում ՀՀ ավտոճանապարհներին վթարների հետևանքով 3 մարդ զոհվել է, 29-ը՝ վիրավորում ստացել

«Միր» քարտերն արգելելը հավասարակշռված որոշում է, չպետք է շրջանցենք սանկցիաները. Թունյան

Հայկ Մարությանը նոր կուսակցություն է հիմնում