Որտեղ մտնում եմ՝ Ծառուկյան ջան, փրկի. Ծառուկյանը Սիսիանում խոսեց իր սպիտակ կյանքի մասին

«Ծառուկյան» դաշինքի առաջնորդ Գագիկ Ծառուկյանն այսօր շարունակեց Սյունիքի մարզում իր հանդիպումները: Սիսիանի հրապարակում սիսիանցիների հետ հանդիպումից հետո նա մասնակցեց իր միջոցներով կառուցված մարզադպրոցի բացմանը:

Սիսիանի հրապարակում հանրահավաքը մեկնարկեց նախատեսվածից ուշացումով. Թաթա Սիմոնյանի երգերի ուղեկցությամբ սիսիանցիները համբերատար սպասեցին նրան՝ մանավանդ որ շատ նամակներ ունեին նրան փոխանցելու:

«Ամեն անգամ ժողովրդի միջով անցնելուց ժողովրդի դեմքը, աչքերը, թախիծը, արցունքը, խնդրանքը. նորից եմ ուզում ասել, ամեն անգամ շատ դժվար է բեմ բարձրանալ ու մարդուն ասել»,- հավաքվածներին դիմեց Ծառուկյանը՝ տեղեկացնելով, որ բոլոր խնդիրներից տեղյակ է, որովհետեւ բոլոր տեղերում այդ խնդիրները գրեթե նույնն են՝ պարտքեր, վարկեր, երեխային պահելու, ուսման տալու հարց, թոշակը բարձրացնելու պահանջ, գազի, ջրի վարձ:

Ծառուկյանը վստահեցրեց, որ իրենք հաշվարկել են՝ ոնց կարելի է ճիշտ կազմակերպել, որ փոփոխություններ լինեն դեպի լավը եւ ժողովուրդը կարողանա դա իր ապրելակերպի վրա զգալ:

«Դա մենք արել ենք, եկել են արտասահմանից՝ Եվրոպայի խորհրդարանից մեր գործընկերները, ծանոթացել են մեր ծրագրերի հետ, ողջունել են, որ փրկությունը միայն այդ ծրագրերի իրականացման մեջ է, անկախ նրանից ով կհաղթի, ոնց կլինի, պարտադիր այդ 15 կետերը օդ ու ջրի պես պետք են ժողովրդին»,- հարթակից հայտարարեց դաշինքի առաջնորդը:

Մասնավորապես, անդրադառնալով խնդիրների լուծման տարբերակներից մեկին՝ Ծառուկյանն ասաց, որ այն մարդիկ, որ գնել են գործարանները ու չեն աշխատացնում՝ պետք է տան նրան, ով դա կարող է անել կամ պիտի պետությունը գնի:

Նրա համոզմամբ՝ պետք է հնարավորություն տրվի, որ իրենք կարողանան օրենք փոխել, համակարգ փոխել, մարդ փոխել: «Ով մտածում է ժողովրդի մասին՝ նա պետք է աշխատի: Ոչ թե հորդուբորդով, վախեցնելով, թե էս թուղթը չեմ տա եւ այլն եւ այլն: Ես որտեղ մտնում եմ՝ Ծառուկյան ջան, փրկի: Ծառուկյանը իր սպիտակ կյանքը թողած՝ մտել է ծանրության տակ: Չեմ եկել գումարի, պաշտոնի համար, ամբողջ աշխարհով ճանաչում էլ ունեմ, որտեղ էլ որ մտնեմ՝ գիտեք ոնց են վերաբերում Ծառուկյանի հետ: Դա կլինի միջազգային մակարդակի ինչ-որ հանդիպում, միշտ բարձր եմ պահել հայ ազգի պատիվը»,- հիշեցրեց ԲՀԿ առաջնորդը:

Վերջինս անդրադարձավ նաեւ այլ քաղաքական ուժերի կողմից ներկայացվող ծրագրերին, նշեց, որ պետք է քվեարկության գնալ ոչ թե ծանոթ-բարեկամի խնդրանքը կատարելու, այլ ռեալ մտածելով.

«Բոլորին նայում եմ, մեկի աչքին փայլ չկա, բոլորը տխուր, մտքերով, սպասելով՝ Աստված տեսնես մի բան կլինի՞: Բոլորն էլ շատ գեղեցիկ խոսում են, ես էլ ծրագրերը նայում եմ, բոլորինն էլ շատ հրաշալի ծրագիր է, որ նայում ես՝ քեզ թվում է ընտրությունից հետո կարող է Շվեյցարիայում ապրես: Բայց դուք պետք է իմանաք՝ տվյալ մարդը ի՞նչ է արել ամբողջ կյանքում բացի մեծ-մեծ խոսելուց...Ընտրությունն անցնում է, մեկ էլ ասում եք իշխանափոխություն: Այ ձեր ցավը տանեմ, հնարավորություն տված ա, օրինական կարգով ամեն ինչ կարա փոխվի, օրենք էլ կփոխենք, մեղավորն էլ կպատժվի»,- իր ելույթը եզրափակեց Ծառուկյանը՝ տեղեկացնելով, որ գնում է իր միջոցներով Սիսիանում կառուցված մարզադպրոցը բացելու, որպեսզի երեխաները զբաղմունք ունենան, փողոցից կտրվեն, գնան կարգին պինդ, հզոր տղերք դառնան, մեր պատիվը բարձր պահեն:

Տպել
3025 դիտում

Արագած լեռան վրա արջի հարձակումից տուժած Լեհաստանի քաղաքացին մահացել է

Վարչապետն ընտանիքի հետ ներկա է գտնվել Սեւանի թերակղզում կազմակերպված ձկան փառատոնի բացմանը (լուսանկարներ)

Փաշինյանն ընդդեմ նախկինների. հաշիվն այսօր 10:3 է՝ հօգուտ Փաշինյանի․ Կարեն Անդրեասյան

ԱԺ նախագահն ընդունել է Ֆրանսիա-Հայաստան բարեկամական խմբի փոխնախագահի գլխավորած պատվիրակությանը

Երեւանում Ջերմուկի բնակիչների հետ համատեղ քայլերթ է իրականացվելու՝ ընդդեմ Ամուլսարի հանքի շահագործման

Թրամփը հայտնել է, որ ամերիկացի ուժայինները ոչնչացրել են «Ալ-Քաիդայի» հիմնադիր Բեն Լադենի որդուն

Սփյուռքի գլխավոր հանձնակատարը հանդիպել է «Էրմիտաժ» թանգարանի տնօրենի հետ

«Սեքյուրիթի դրիմ» ընկերության հիմնադիրը գրավի դիմաց ազատ է արձակվել

Արագած լեռան վրա Լեհաստանի Հանրապետության երկու քաղաքացի ենթարկվել է արջի հարձակման

ՀՀ ԱԳ նախարար Զոհրաբ Մնացականյանն ընդունել է Ֆրանսիայի Ազգային Ժողովի պատգամավորներին

Հենրիկ Նավասարդյանն ազատվել է Երեւանի քաղաքապետարանի տրանսպորտի վարչության պետի պաշտոնից

Մեր ժառանգությունը չի ճանաչում ժամանակային սահմաններ. ՀՀ ԱԳ նախարար

Նախարարությունը մշակել է ծայրահեղ աղքատ ընտանիքներին աջակցող որոշման նախագիծ

Բելգիայի փոխվարչապետ, արտաքին գործերի նախարար Դիդյե Ռեյնդերսը կասկածվում է կոռուպցիայի համար

Սեւանի զարգացման հետաքրքիր եւ լուրջ նախագծեր կան. Նիկոլ Փաշինյանը մասնակցում է Eco fish fest-ին՝ ձկան փառատոնին

Իջեւանում նախարար Սուրեն Պապիկյանը ներկայացրել է համայնքի ղեկավարի պաշտոնակատարին

Շուշիում «Օպել»-ի վարորդը վրաերթի է ենթարկել 6-ամյա երեխայի

Ի՞նչ պետք է իմանա ֆիզիկական անձը ԵԱՏՄ անդամ չհանդիսացող երկրից ավտոմեքենա ներկրելիս (տեսանյութ)

Անցնող շաբաթ ադրբեջանական կողմը հայ դիրքապահների ուղղությամբ արձակել է շուրջ 650 կրակոց

Շենքի 6-րդ հարկից ընկած 2.5 տարեկան տղայի մոտ դրական տեղաշարժ կա․ բժիշկները վիճակը գնահատում են միջին ծանրության