«Ապօրինություն է». Մ. Ասլանյանը 15 հոգով Վանաձորի ավագանու նիստ է անում (տեսանյութ)

Վանաձորի ավագանին այս պահին ավագանու արտահերթ նիստ է անցկացնում, չնայած նրան, որ նիստին մասնակցում է ավագանու 33 անդամներից ընդամենը 15-ը եւ քվորում ապահովված չէ: Նիստի ընթացքում Վանաձորի քաղաքապետ Մամիկոն Ասլանյանը մի քանի անգամ խոսքն ուղղելով լրագրողներին ընդգծեց, որ իրենք ամեն ինչ անում են օրենքի տառին համապատասխան: Բացի այդ, նա հայտարարեց, որ նիստերից բացակայող ավագանու անդամները կարող են պատժվել:

Չնայած սրան, մեզ հետ զրույցում ավագանու նիստերը բոյկոտող  «Լուսավոր Հայաստան» խմբակցության ղեկավար Քրիստ Մարուքյանը հայտնեց, որ այն, ինչ այս պահին տեղի է ունենում քաղաքապետարանում՝ ապօրինի գործընթաց է:

«Դա չունի իրավական հիմք եւ ապօրինի նիստ է: Իրենք հղում են անում օրենքի այն կետին, որ կարող են 9 հոգով էլ նիստ անել, բայց սխալվում են, որովհետեւ նրանք կարող են նիստ հրավիրել միայն 17 հոգու մասնակցության պարագայում: Հետո կարող են այդ 17 հոգուց 9 հոգու քվեարկության պարագայում որոշում կայացնել, բայց 9 հոգով նիստ չեն կարող սկսել: Այնպես որ սա բացարձակ ապօրինի նիստ է, մենք այսօր քարոզարշավով ենք զբաղված, ընտրություններից հետո անպայման կանդրադառնանք այդ հարցին»,- մեզ հետ զրույցում ասաց Մարուքյանը:

Նշենք, որ ավագանու նիստի օրակարգում ընդգրկված են Վանաձորի համայնքապետարանի աշխատակազմի կանոնադրությունը հաստատելու, Վանաձոր համայնքի ղեկավարի վարձատրության չափը, համայնքապետարանի աշխատակազմի կառուցվածքը, աշխատողների թվաքանակը, հաստիքացուցակը եւ պաշտոնային դրույքաչափերը հաստատելու մասին հարցերը: Այսօրվա նիստում նախատեսվում է հաստատել նաեւ Վանաձոր համայնքի 2017-2021թթ. հնգամյա զարգացման ծրագիրը, Վանաձոր համայնքի 2017 թվականի բյուջեն, Վանաձորի համայնքի 2016 թվականի տարեկան բյուջեի կատարման հաշվետվությունը:

Հիշեցնենք, որ Վանաձորի ավագանու նիստերը մի քանի անգամ տապալվել էին՝ քվորում չլինելու պատճառով: Հոկտեմբերի 2-ին տեղի ունեցած քաղաքապետի ընտրություններից հետո ավագանու միակ կայացած նիստը հոկտեմբերի 10-ի նիստն է եղել, որի ընթացքում փակ քվեարկությամբ 19 ձայնով քաղաքապետ է ընտրվել Մամիկոն Ասլանյանը:

ՏԻՄ ընտրություններին մասնակցած «Լուսավոր Հայաստան»-ը, «Բարգավաճ Հայաստան»-ը եւ «Հայկական վերածնունդ»-ը հուշագիր էին ստորագրել՝ պարտավորվելով քաղաքապետի ընտրության ժամանակ պաշտպանել Քրիստ Մարուքյանի թեկնածությունը։ Ու թեեւ ենթադրվում էր, որ Վանաձորի ավագանու 33 անդամներից 18-ը քվեարկելու են Մարուքյանի օգտին, վերջինս ստացավ ընդամենը 14 ձայն:

Դրանից հետո ավագանու ընդդիմադիր ուժերը հայտարարեցին, որ բոյկոտելու են նիստերը՝ պարզելու, թե ովքեր են ավագանու այն չորս ընդդիմադիր անդամները, ովքեր փակ քվեարկության ժամանակ իրենց ձայնը տվել էին իշխանության թեկնածուին:

Տպել
9814 դիտում

Վերադարձող փախստականները, պահպանվող դիրքերն ու հանձնված բնակավայրերը. միջազգային անդրադարձը՝ Ղարաբաղի ներկային

Կորոնավիրուսի ծանր դեպքերի վարման համար Միացյալ Թագավորության շտապ բուժօգնության թիմի չորս անդամ գործուղվել է Հայաստան

Գերության մեջ հայտնված անձանց համար զանգահարեք 010 297415 հեռախոսահամարով.ԿԽՄԿ

Հռոմի Ս․Նիկողայոս եկեղեցում մատուցվել է պատարագ` նվիրված արցախյան պատերազմում նահատակված հերոսների հիշատակին

Երևան-Արտաշատ ավտոճանապարհին մեքենա է շրջվել. կան տուժածներ

Չեմպիոնը հաղթեց գավաթակրին. «Արարատ-Արմենիան» բարձրացավ 5-րդ հորիզոնական

Ֆրանսիան ներդնում է Լեռնային Ղարաբաղի հակամարտությունից տուժած հայ բնակչության աջակցության կառուցվածքային համակարգ

Երեւանում ծառերի էտումից առաջացած փայտանյութը անվճար կարող է տրամադրվել անապահով ընտանիքներին․ նախագիծ

Մեր հասարակությունը պետք է վերանայի կրթության նկատմամբ իր վերաբերմունքը. ԿԳՄՍՆ փորձագետ

Լավրովը Հորդանանի ԱԳ նախարարին է ներկայացրել ԼՂՀ-ում հրադադարի հաստատմանն ուղղված Ռուսաստանի միջնորդական ջանքերը

ԱԺ «Իմ քայլը» խմբակցության պատգամավորները հանդիպել են Հելեն Ֆեյզիի եւ Ժոնաթան Լաքոտի հետ

Covid-անվտանգության կանոնները վերանայվել են գեղեցկության սրահների և վարսավիրանոցների համար. ԱԱՏՄ

Տավուշի մարզի սահմանապահ գյուղերում կառուցվել է 4 ռմբապաստարան

Արցախում ճշգրտվում են սահմանները. ՊԲ հրամանատարությունը հորդորում է լինել համբերատար

ՀՀ վարչապետ Նիկոլ Փաշինյանը հանդիպում է անհետ կորածների հարազատների հետ

Արցախում ականի պայթյունից վիրավորված փրկարարների ու ՊԲ զինծառայողի կյանքին վտանգ չի սպառնում

Մեկնարկել է ՀՀ նախագահ Արմեն Սարգսյանի աշխատանքային այցը Հորդանանի Հաշիմյան Թագավորություն (տեսանյութ, լուսանկարներ)

Վարչապետն այցելել է ռազմարդյունաբերական ընկերություններ և հանձնարարել շարունակել արտադրական հզորությունների զարգացումը

Վարչապետ Փաշինյանը շնորհավորել է Արարատ Միրզոյանին ծննդյան տարեդարձի կապակցությամբ

Ականի պայթյունի հետևանքով Արցախում ռուս սպա է վիրավորվել. ria.ru